ദേവസ്വം പട്ടയവുമായി ബന്ധപ്പെട്ട്  പാലക്കാട് ഡെപ്യൂട്ടികളക്ടറുടെ (എല്‍. ആര്‍ ആന്‍ഡ് എല്‍. ടി) കാര്യാലയത്തില്‍ ജൂലൈ ഏഴ്,എട്ട്, ഒന്‍പത്,പത്ത് എന്നീ തിയതികളില്‍ വിചാരണക്ക് വച്ചിരിക്കുന്ന കേസുകള്‍ യഥാക്രമം ഒക്ടോബര്‍  8,15,22,29 എന്നീ തിയതികളിലേക്ക് മാറ്റി വെച്ചതായി ഡെപ്യൂട്ടി കളക്ടര്‍ (എല്‍. ആര്‍ ആന്‍ഡ് എല്‍. ടി) അറിയിച്ചു.

കേരള സര്‍ക്കാര്‍ ഫിഷറീസ് വകുപ്പും തദ്ദേശ സ്വയംഭരണ സ്ഥാപനങ്ങളും ചേര്‍ന്ന് നടപ്പാക്കുന്ന ജനകീയ മത്സ്യക്കൃഷി പദ്ധതിയുടെ രണ്ടാം ഘട്ടത്തിന് കൊടുവായൂര്‍ ഗ്രാമപഞ്ചായത്തില്‍ തുടക്കമായി. പദ്ധതിയുടെ ഭാഗമായി ഗ്രാമപഞ്ചായത്തിലെ മൂന്ന് പൊതു കുളങ്ങളിലായി 734 സെന്റ് വിസ്തൃതിയില്‍  22020 മത്സ്യക്കുഞ്ഞുങ്ങളെ നിക്ഷേപിച്ചു.കോട്ടേക്കുളത്തില്‍ മത്സ്യക്കുഞ്ഞുങ്ങളെ നിക്ഷേപിച്ച് ഗ്രാമപഞ്ചായത്ത് വൈസ് പ്രസിഡന്റ് എം. ആറുമുഖന്‍ പദ്ധതി ഉദ്ഘാടനം ചെയ്തു.

ഡാറ്റ എന്‍ട്രി ഓപ്പറേറ്റര്‍ നിയമനം

കാഞ്ഞങ്ങാട് ജില്ലാ ആശുപത്രിയില്‍ ആര്‍.എസ്.ബി.വൈ മുഖേന ഡാറ്റ എന്‍ട്രി ഓപ്പറേറ്റര്‍മാരെ കാരാര്‍നിയമിക്കുന്നു. അംഗീകൃത യൂണിവേഴ്‌സിറ്റിയില്‍ നിന്ന് ബിരുദം,കമ്പ്യൂട്ടര്‍ അപ്പ്‌ളിക്കെഷനില്‍ ഡിപ്ലോമ, ഇംഗ്ലീഷിലും മലയാളത്തിലും ടൈപ്പിംഗ് പരിജ്ഞാനം എന്നിവയാണ് യോഗ്യത.മുന്‍പരിചയം അഭികാമ്യം. താല്‍്പര്യമുള്ളവര്‍ക്ക് ജൂലൈ 17 രാവിലെ പത്തരയ്ക്ക് കാഞ്ഞങ്ങാട് ചെമ്മട്ടം വയല്‍ ജില്ലാ ആശുപത്രിയില്‍ നടക്കുന്ന കൂടിക്കാഴ്ചയില്‍ പങ്കെടുക്കാം.

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ കട്ടയാട്, നടാഞ്ചേരി, വെള്ളമുണ്ട, പത്താംമൈൽ   ഭാഗങ്ങളിൽ ഇന്ന് (ജൂലൈ 7) രാവിലെ 8.30 മുതൽ വൈകിട്ട് അഞ്ച് വരെ  വൈദ്യുതി വിതരണം ഭാഗികമായി മുടങ്ങും.

വിദ്യാർത്ഥികളിലെ സർഗാത്മകമായ കഴിവുകൾ പരിപോഷിപ്പിക്കാൻ തരിയോട് ഗവ എൽ.പി സ്കൂളിൽ വിദ്യാരംഗം കലാ സാഹിത്യവേദിക്ക് തുടക്കമായി. കഥകളിലൂടെയും കവിതകളിലൂടെയും വായനയുടെ പ്രാധാന്യം വരച്ചുകാട്ടി വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം അധ്യാപികയും എഴുത്തുകാരിയുമായ പി കെ ഷാഹിന ടീച്ചർ നിർവഹിച്ചു. വിവിധ മത്സരങ്ങളിൽ വിജയികളായ വിദ്യാർഥികളെ യോഗത്തിൽ അനുമോദിച്ചു.പി.ടി.എ പ്രസിഡന്റ് ഷമീം പാറക്കണ്ടി അധ്യക്ഷനായ പരിപാടിയിൽ പ്രധാനധ്യാപകൻ ജോൺസൺ ഡിസിൽവ, ബാലൻ മാസ്റ്റർ, എം.പി.ടി.എ പ്രസിഡന്റ് രാധിക ശ്രീരാഗ്, സീനിയർ അസിസ്റ്റൻ്റ് എം.പി ഗിരീഷ് കുമാർ എന്നിവർ പങ്കെടുത്തു