നിയമസഭാ പൊതുതിരഞ്ഞെടുപ്പിനോടനുബന്ധിച്ച് ജില്ലയിലെ വിവിധ കേന്ദ്രങ്ങളിൽ നടന്ന ഇവിഎം കമ്മീഷനിം​ഗ് പൂർത്തിയായി.

വിവിധ മണ്ഡലങ്ങളിലെ ഇവിഎം കമ്മീഷനിംഗ് നടന്ന കേന്ദ്രങ്ങൾ

തിരുവനന്തപുരം- കാർത്തിക തിരുനാൾ ഗവ.വി.എച്ച്.എസ്.എസ്, മണക്കാട്

വാമനപുരം- മോഹൻദാസ് എഞ്ചിനീയറിംഗ് കോളേജ്, ആനാട്

ചിറയിൻകീഴ് ഗവ. കോളേജ്, ആറ്റിങ്ങൽ

കഴക്കൂട്ടം-നാലാഞ്ചിറ സര്‍വോദയ വിദ്യാലയ ഐസിഎസ്ഇ സ്‌കൂള്‍

വര്‍ക്കല-വര്‍ക്കല എസ്.എന്‍ കോളേജ്

പാറശ്ശാല-പാറശ്ശാല ഗവ.ജി.എച്ച്.എസ്.എസ്

ആറ്റിങ്ങല്‍- ഗവ.ബോയ്‌സ് എച്ച്.എസ്.എസ് ആറ്റിങ്ങല്‍

വട്ടിയൂര്‍ക്കാവ്- കേന്ദ്രീയ വിദ്യാലയ, പട്ടം

വോട്ടേഴ്‌സ് ബോധവത്കരണത്തിന്റെ ഭാഗമായി ചീഫ് ഇലക്ഷൻ കമ്മിഷൻ കേരളയുടെ ആഭിമുഖ്യത്തിൽ കോവളം കടൽത്തീരത്ത് മണൽ ശില്പം ഒരുക്കി.

സ്വീപ്‌ നോഡൽ ഓഫീസറും അസിസ്റ്റന്റ് കളക്ടറുമായ ഡോ ശിവശക്തിവേൽ സി ഉദ്ഘാടനം ചെയ്തു. ദീപക് മൗത്താട്ടിൽ ആണ് മണൽ ശില്പം തയ്യാറാക്കിയത്.
 
ഡി.എൽ.എസ്.എ അവതരിപ്പിച്ച നാടകവും  റോഷിൻ ദാസും നോയലും അവതരിപ്പിച്ച സംഗീത നിശയും അരങ്ങേറി.

നിയമസഭാ പൊതുതിരഞ്ഞെടുപ്പുമായി ബന്ധപ്പെട്ട് തിരുവനന്തപുരം ജില്ലയിലെ 14 നിയോജകമണ്ഡലങ്ങളിലേയും  സ്ഥാനാര്‍ത്ഥികളുടെ വരവ് ചെലവ് കണക്കുകളുടെ മൂന്നാം ഘട്ട പരിശോധന ഏപ്രില്‍ 6,7 തീയതികളില്‍ തൈക്കാട് പി.ഡബ്ലു.ഡി റസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും.

ഏപ്രില്‍ 6ന് രാവിലെ 11ന് കഴക്കൂട്ടം, വട്ടിയൂര്‍ക്കാവ്, തിരുവനന്തപുരം, നേമം, നെടുമങ്ങാട്, വാമനപുരം, അരുവിക്കര, വര്‍ക്കല മണ്ഡലങ്ങളിലേയും 2 മണിക്ക് പാറശ്ശാല, കാട്ടാക്കട, കോവളം, നെയ്യാറ്റിന്‍കര മണ്ഡലങ്ങളിലേയും സ്ഥാനാര്‍ത്ഥികളുടെ വരവ് ചെലവ് കണക്കുകളുടെ പരിശോധന നടക്കും.

#നിർമലാഭവൻ ഹയർ സെക്കൻഡറി സ്കൂളിൽ ഹരിത ബൂത്ത്#

നിയമസഭാ പൊതുതിരഞ്ഞെടുപ്പുമായി ബന്ധപ്പെട്ട് വട്ടിയൂർക്കാവ് മണ്ഡലത്തിലെ ഇവിഎം കമ്മീഷനിം​ഗ് നടന്ന പട്ടം കേന്ദ്രീയ വിദ്യാലയവും നേമം മണ്ഡലത്തിലെ ഇവിഎം കമ്മീഷനിം​ഗ് നടന്ന കോട്ടൺഹിൽ സ്കൂളും ജില്ലാ കളക്ടർ അനു കുമാരി സന്ദർശിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് തിരുവനന്തപുരത്തുള്ള റസിഡന്‍സ് അസോസിയേഷന്‍ പ്രതിനിധികളുടെ യോഗം ഇന്ന് (ഏപ്രില്‍ 4)ന് രാവിലെ 11ന് കളക്ടറേറ്റില്‍ ചേരുമെന്ന് ജില്ലാ തിരഞ്ഞെടുപ്പ് ഓഫീസര്‍ അറിയിച്ചു

നിയമസഭ തിരഞ്ഞെടുപ്പിനായി വിതരണം ചെയ്യുന്ന ഇ.വി.എം-വി വി പാറ്റ് വോട്ടിങ് യന്ത്രങ്ങളുടെ കമീഷനിങ് ജില്ലയിലെ വിവിധ കേന്ദ്രങ്ങളില്‍ നടന്നു. ഓരോ നിയമസഭാ മണ്ഡലത്തിലെയും പ്രത്യേക കേന്ദ്രങ്ങളില്‍ റിട്ടേണിങ് ഓഫീസര്‍മാര്‍, സ്ഥാനാര്‍ഥികള്‍, ഏജന്റുമാര്‍ തുടങ്ങിയവരുടെ സാന്നിധ്യത്തിലായിരുന്നു കമീഷനിങ്. 

ജില്ലയില്‍ കഴിഞ്ഞ തിരഞ്ഞെടുപ്പുകളില്‍ വോട്ടര്‍ പങ്കാളിത്തം കുറവുള്ള പോളിങ് ബൂത്തുകളിലെ വോട്ടര്‍മാരെ നേരില്‍ കാണാന്‍ 'വോട്ട് നോക്ക്' ഡോര്‍ ടു ഡോര്‍ ഗൃഹസന്ദര്‍ശന പരിപാടിയുമായി ഇലക്ടറല്‍ ലിറ്ററസി ക്ലബുകള്‍. ജില്ലാ ഭരണകൂടത്തിന്റെ നേതൃത്വത്തില്‍ സ്വീപ് പ്രചാരണ പരിപാടികളുടെ ഭാഗമായാണ് ഗൃഹസന്ദര്‍ശനം നടത്തുക. 

 കൊല്ലം ആശ്രാമം ശ്രീകൃഷ്ണസ്വാമി ക്ഷേത്രത്തിലെ പൂരത്തോടനുബന്ധിച്ച് ഏപ്രില്‍ 16ന് ഉച്ചക്ക് രണ്ട് മുതല്‍ കോര്‍പറേഷന്‍ പരിധിയില്‍ ജില്ലാ കലക്ടര്‍ എന്‍. ദേവിദാസ് പ്രാദേശിക അവധി പ്രഖ്യാപിച്ചു. നേരത്തെ നിശ്ചയിച്ച പൊതുപരീക്ഷകള്‍ക്കും സര്‍ക്കാര്‍ പരിപാടികള്‍ക്കും അവധി ബാധകമല്ല.
 

നിയമസഭാ തിരഞ്ഞെടുപ്പ് ഡ്യൂട്ടിക്കായി നിയോഗിക്കപ്പെട്ട ഉദ്യോഗസ്ഥര്‍ക്ക് വോട്ട് രേഖപ്പെടുത്തുന്നതിനായി ജില്ലയില്‍ വിപുലമായ ക്രമീകരണങ്ങള്‍ ഏര്‍പ്പെടുത്തിയതായി ജില്ലാ കലക്ടര്‍ അറിയിച്ചു. പോളിംഗ് ഉദ്യോഗസ്ഥര്‍ക്കായി വോട്ടേഴ്സ് ഫെസിലിറ്റേഷന്‍ സെന്ററുകളും (വി എഫ് സി) അവശ്യ സര്‍വീസ് വിഭാഗത്തില്‍പ്പെട്ടവര്‍ക്കായി പോസ്റ്റല്‍ വോട്ടിംഗ് സെന്ററുകളും (പി വി സി) സജ്ജമാക്കിയിട്ടുണ്ട്. പോളിംഗ് ഇതര ഡ്യൂട്ടിക്ക് നിയോഗിക്കപ്പെട്ടവര്‍ക്കായി ഒരു ഡെസിഗ്നേറ്റഡ് വോട്ടര്‍ ഫെസിലിറ്റേഷന്‍ സെന്ററും ജില്ലയില്‍ പ്രവര്‍ത്തിക്കും.