പശ്ചിമഘട്ട മലയോര മേഖലകളിലെ കുത്തനെയുള്ള ചരിവുകളില്‍ സുരക്ഷിതമായ കെട്ടിട നിര്‍മ്മാണം ഉറപ്പാക്കുന്നതിനായി മൈനിങ് ആന്‍ഡ് ജിയോളജി വകുപ്പ് താത്പര്യപത്രം ക്ഷണിച്ചു. അശാസ്ത്രീയമായ മണ്ണ് ഖനനവും ഭൂപ്രകൃതിയിലെ മാറ്റങ്ങളും മണ്ണിടിച്ചില്‍ സാധ്യത വര്‍ധിപ്പിക്കുന്ന സാഹചര്യത്തിലാണ് ഈ നടപടി. കെട്ടിട സമുച്ചയങ്ങളുടെ സ്ലോപ്പ് സ്റ്റെബിലിറ്റി പഠനങ്ങള്‍, പ്രതികൂല സാഹചര്യങ്ങളെ പ്രതിരോധിക്കാന്‍ ശേഷിയുള്ള കെട്ടിട രൂപകല്‍പ്പന, എഞ്ചിനീയറിങ് സേവനങ്ങള്‍ എന്നിവ നല്‍കാന്‍ യോഗ്യരായ വിദ്യാഭ്യാസ/ഗവേഷണ സ്ഥാപനങ്ങള്‍ക്ക് അപേക്ഷിക്കാം. എ.ഐ.സി.ടി.ഇ., യു.ജി.സി., സി.എസ്.ഐ.ആര്‍.

ബഡ്‌സ് സ്‌കൂള്‍ സംസ്ഥാനതല പ്രവേശനോത്സവം തദ്ദേശ സ്വയംഭരണ വകുപ്പ് മന്ത്രി കെ.എം.ഷാജി ഉദ്ഘാടനം ചെയ്തു

അസംഘടിത തൊഴിലാളി സാമൂഹ്യ സുരക്ഷാ പദ്ധതിയില്‍ അംഗങ്ങളായവരുടെ മക്കളില്‍ 2026-27 അധ്യയന വര്‍ഷം എല്‍.കെ.ജി, ഒന്നാം ക്ലാസ് എന്നിവയില്‍ പുതുതായി അഡ്മിഷന്‍ നേടിയ കുട്ടികള്‍ക്ക് പഠനോപകരണങ്ങള്‍ വാങ്ങുന്നതിന് ധനസഹായം അനുവദിക്കുന്നതിനുള്ള അപേക്ഷ തിയതി ജൂണ്‍ 20 വരെ ദീര്‍ഘിപ്പിച്ചു. അഡ്മിഷന്‍ നേടുന്ന സ്‌കൂളുകളില്‍ നിന്നും ലഭ്യമാക്കിയ സാക്ഷ്യപത്രവും അനുബന്ധ രേഖകള്‍ സഹിതം https://services.unorganisedwssb.org/index.php/home എന്ന ലിങ്ക് വഴി ഓണ്‍ലൈന്‍ മുഖേന ജൂണ്‍ 20 നകം  നല്‍കണം.

എസ്.ആര്‍.സി. കമ്മ്യൂണിറ്റി കോളെജ് ജൂലൈ സെഷനില്‍ നടത്തുന്ന മാനേജ്‌മെന്റ് ഓഫ് സ്‌പെസിഫിക് ലേണിംഗ് സിസോഡേഴ്‌സ് പ്രോഗ്രാമിന് ഓണ്‍ലൈനായി അപേക്ഷ ക്ഷണിച്ചു. ആറു മാസം ദൈര്‍ഘ്യമുള്ള കോഴ്‌സ് വിദൂര വിദ്യാഭ്യാസ രീതിയിലാണ് നടത്തുന്നത്. പന്ത്രണ്ടാം ക്ലാസ് വിദ്യാഭ്യാസ യോഗ്യതയുള്ളവര്‍ക്ക് അപേക്ഷിക്കാം.  പ്രായപരിധി ഇല്ല. സ്‌കൂള്‍ അധ്യാപകര്‍, സ്‌പെഷ്യല്‍ എഡ്യൂക്കേറ്റര്‍മാര്‍, സൈക്കോളജിസ്റ്റ്, എജുക്കേഷണല്‍ തെറാപ്പിസ്റ്റ് എന്നിവര്‍ക്ക്  മുന്‍ഗണനയുണ്ട്. ജൂണ്‍ 30നകം അപേക്ഷിക്കണം. ജില്ലയിലെ പഠന കേന്ദ്രം- ക്യാംപ് ഗൈഡന്‍സ് ആന്‍ഡ് കൗണ്‍സിലിങ് സെന്റര്‍, അപ് ഹില്‍, മഹിളാ സമാജം ബില്‍ഡിങ്, മലപ്പുറം- 676505.

അരീക്കോട് ഗവ. ഐ.ടി.യില്‍ ഐ.എം.സി.യുടെ ആഭിമുഖ്യത്തില്‍ നടക്കുന്ന ഡിപ്ലോമ ഇന്‍ ഓയില്‍ ആന്‍ഡ് ഗ്യാസ് ടെക്‌നോളജി കോഴ്‌സിലേക്ക് അപേക്ഷ ക്ഷണിച്ചു. എസ്.എസ്.എല്‍.സി /പ്ലസ്ടു/ഡിഗ്രി/ഡിപ്ലോമ എന്നീ യോഗ്യതയുള്ളവര്‍ക്ക് അപേക്ഷിക്കാം. ഫോണ്‍ :9526415698, 8086415698.

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ച്, എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ ജൂണ്‍ ഒന്‍പതിന് രാവിലെ 10 മുതല്‍ 1.30 വരെ തൊഴില്‍ മേള സംഘടിപ്പിക്കും. മുന്‍കാലങ്ങളില്‍ രജിസ്റ്റര്‍ ചെയ്ത എല്ലാ ഉദ്യോഗാര്‍ഥികള്‍ക്കും പ്രവേശനം സൗജന്യമാണ്. സ്‌പോട്ട് രജിസ്‌ട്രേഷന്‍ സൗകര്യവുമുണ്ട്. പങ്കെടുക്കാന്‍ താത്പര്യമുള്ളവര്‍ ഫോട്ടോ, ആധാര്‍ കാര്‍ഡിന്റെ പകര്‍പ്പ്, യോഗ്യത സര്‍ട്ടിഫിക്കറ്റുകളുടെ പകര്‍പ്പ്, ബയോഡാറ്റ (ആറു കോപ്പി) എന്നിവ സഹിതം ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ നേരിട്ടെത്തണം. ഫോണ്‍- 0483- 2734737, 8078428570.

വ്യവസായ വാണിജ്യ വകുപ്പിന്റെ കീഴില്‍ പ്രവര്‍ത്തിക്കുന്ന മഞ്ചേരി പയ്യനാട് കോമണ്‍ ഫെസിലിറ്റി സര്‍വ്വീസ് സെന്ററില്‍ ജൂണ്‍ 15 മുതല്‍ 19 വരെ സംരംഭകര്‍ക്കായി ലാറ്റക്‌സ്, ഡ്രൈ റബ്ബര്‍ ഉത്പന്നങ്ങളുടെ നിര്‍മ്മാണ പരിശീലനം സംഘടിപ്പിക്കും. 1 എക്‌സ് ഷീറ്റ്, പശ, റബ്ബര്‍ മാറ്റ്, റബ്ബര്‍ ബാന്‍ഡ്, ബലൂണ്‍, ഗ്ലൗസ് തുടങ്ങിയ ഉത്പന്നങ്ങളുടെ നിര്‍മ്മാണ പരിശീലനമാണ് സംഘടിപ്പിക്കുന്നത്. പങ്കെടുക്കുവാന്‍ താല്‍പര്യമുള്ളവര്‍ക്ക് ഓഫീസില്‍ നേരിട്ടോ, ഇ-മെയില്‍ വഴിയോ ബന്ധപ്പെടാം. പരിശീലന ഫീസ്- 1000/രൂപ. ഫോണ്‍- 0483- 2768507, 8590177226, 9846141688.

കുഴിമണ്ണ കുടുംബാരോഗ്യ കേന്ദ്രത്തില്‍ ലാബ് റീഏജന്റുകള്‍ വിതരണം ചെയ്യുന്നതിന് സപ്ലയര്‍മാരില്‍ നിന്നും മത്സരാടിസ്ഥാനത്തില്‍ ടെന്‍ഡര്‍ ക്ഷണിച്ചു. ജൂണ്‍ ഒന്‍പത് രാവിലെ 11 നകം കുഴിമണ്ണ കുടുംബാരോഗ്യ കേന്ദ്രത്തില്‍ ടെന്‍ഡര്‍ ലഭിക്കണം. ഫോണ്‍- 0483- 2755220.

സംസ്ഥാന സര്‍ക്കാര്‍ സ്ഥാപനമായ ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ് ഡെവലപ്‌മെന്റ് (ഐ.എച്ച്.ആര്‍.ഡി.) മലപ്പുറം ഗവ. കേളേജ് ക്യാംപസില്‍ പ്രവര്‍ത്തിക്കുന്ന സെന്റര്‍ ഫോര്‍ അഡ്വാന്‍സ്ഡ് ടെക്‌നോളജി ആന്‍ഡ് സ്‌കില്‍സില്‍ ജൂണില്‍ ആരംഭിക്കുന്ന വിവിധ കോാഴ്‌സുകളിലേക്ക് അപേക്ഷ ക്ഷണിച്ചു.

1.  പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍സ് (പി.ജി.ഡി.സി.എ) യോഗ്യത-ബിരുദം

2. ഡിപ്ലോമ ഇന്‍ ഡാറ്റ എന്‍ട്രി ടെക്‌നിക്‌സ്&ഓഫീസ് ഓട്ടോമേഷന്‍ (ഡി.ഡി.ടി.ഓ.എ.) യോഗ്യത-എസ്.എസ്.എല്‍.സി/തത്തുല്യം

ബഡ്‌സ് സ്‌കൂള്‍, ബഡ്‌സ് റിഹാബിലിറ്റേഷന്‍ സെന്റര്‍ പ്രവേശനോത്സവത്തിന്റെ സംസ്ഥാനതല ഉദ്ഘാടനം മലപ്പുറം ജില്ലയില്‍ അബ്ദുറഹ്‌മാന്‍ നഗറിലെ ബ്ലിസ് ബഡ്‌സ് സ്‌കൂളില്‍ നാളെ (ശനി) രാവിലെ 10 ന് തദ്ദേശ സ്വയംഭരണ വകുപ്പ് മന്ത്രി കെ.എം.ഷാജി നിര്‍വഹിക്കും. മലപ്പുറം ജില്ലാ പഞ്ചായത്ത് പ്രസിഡന്റ് പി.എ.ജബ്ബാര്‍ ഹാജി ചടങ്ങില്‍ അധ്യക്ഷത വഹിക്കും. സല്‍മാന്‍ കുറ്റിക്കോട് മുഖ്യാതിഥിയായി പങ്കെടുക്കും. കുടുംബശ്രീ എക്‌സിക്യൂട്ടീവ് ഡയറക്ടര്‍ എച്ച.ദിനേശന്‍, ജനപ്രതിനിധികള്‍, വിവിധ വകുപ്പുകളിലെ ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.