നിലമ്പൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ ഇംഗ്ലീഷ് വിഭാഗത്തില്‍ അതിഥി അധ്യാപക ഒഴിവുണ്ട്. കോഴിക്കോട് ഡെപ്യൂട്ടി ഡയറക്ടര്‍ ഓഫ് കൊളീജിയേറ്റ് എജുക്കേഷനില്‍ രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ അസ്സല്‍ രേഖകള്‍ സഹിതം ജൂലൈ 14ന് രാവിലെ 10ന് കോളേജില്‍  അഭിമുഖത്തിന് ഹാജരാകണമെന്ന് പ്രിന്‍സിപ്പല്‍ അറിയിച്ചു.

2025 -26 സാമ്പത്തിക വർഷത്തിൽ മലപ്പുറം റൂറൽ ഐ.സി.ഡി.എസ് പ്രോജക്ടിന് കീഴിലെ കോട്ടയ്ക്കൽ മുനിസിപ്പാലിറ്റിയിലെയും, പൊന്മള, കോഡൂർ, ഒതുക്കുങ്ങൽ  പഞ്ചായത്തുകളിലെയും പ്രീ സ്കൂൾ കുട്ടികൾക്ക് പാൽ, കോഴിമുട്ട എന്നിവ വിതരണം ചെയ്യുന്നതിന് താല്പര്യമുള്ള ഏജൻസികൾ /വ്യക്തികൾ/ സ്ഥാപനങ്ങൾ എന്നിവരിൽ നിന്ന് മത്സര സ്വഭാവമുള്ള ടെൻഡറുകൾ  ക്ഷണിച്ചു. ടെൻഡർ സ്വീകരിക്കുന്ന അവസാന  തീയതി   ജൂലൈ 21. ഫോൺ: 7025127584

സുരക്ഷിത നാടന്‍ പച്ചക്കറികള്‍ ഉത്പാദിപ്പിക്കുന്ന മുഖ്യമന്ത്രിയുടെ പ്രത്യേക പദ്ധതിയായ സമഗ്ര പച്ചക്കറി ഉത്പാദന യജ്ഞത്തിന് ജില്ലയില്‍ തുടക്കമായി.  ജില്ലയുടെ വാര്‍ഷിക നാടന്‍ പച്ചക്കറി ഉത്പാദന വിടവ് 2.5 ലക്ഷം മെട്രിക് ടണ്‍ ആണ്. ഈ വിടവ് നികത്തുന്നതിന്റെ ഭാഗമായി 2285 ഹെക്ടര്‍ സ്ഥലത്ത് അധികമായി പച്ചക്കറി കൃഷി ആരംഭിക്കുന്നതിന് 1341 ലക്ഷം രൂപയാണ് പദ്ധതിക്കായി  വകയിരുത്തിയിട്ടുളളത്.  പദ്ധതിയുടെ ഭരണപരവും സാങ്കേതികവുമായ നിര്‍വ്വഹണം, ഏകോപനം എന്നിവ ഉറപ്പ് വരുത്തുന്നതിന് ജില്ലാ കലക്ടര്‍ വി.ആര്‍.

കാവശ്ശേരി ഗ്രാമപഞ്ചായത്തിലെ വിവിധ റോഡുകളുടെയും, ആധുനിക സൗകര്യങ്ങളോടുകൂടിയ സ്മാര്‍ട്ട് അങ്കണവാടികളുടെയും നിര്‍മാണോദ്ഘാടനം ഇന്ന് (ജൂലൈ ആറ്) നടക്കും. വൈകിട്ട് നാലു മണിക്ക് ചുണ്ടക്കാട് തീപ്പെട്ടിക്കമ്പനി അങ്കണത്തില്‍ നടക്കുന്ന ചടങ്ങില്‍ പി. പി. സുമോദ് എം.എല്‍.എ. ഉദ്ഘാടനം നിര്‍വഹിക്കും.

പാലക്കാട് സര്‍ക്കാര്‍ പോളിടെക്നിക് കോളേജില്‍ ട്രേഡ് ഇന്‍സ്ട്രക്ടര്‍, ട്രേഡ്സ്മാന്‍ തസ്തികകളില്‍ താല്‍കാലിക നിയമനം നടത്തുന്നു. ട്രേഡ് ഇന്‍സ്ട്രക്ടര്‍ തസ്തികയിലേക്ക് ഐ.ടി.ഐ സര്‍വേ(എന്‍.സി.വി.ടി) തത്തുല്യമാണ് യോഗ്യത. ട്രേഡ്സ്മാന്‍ തസ്തികയിലേക്ക് ബന്ധപ്പെട്ട ട്രേഡില്‍ ടി.എച്ച്.എസ്.എല്‍.സി, എന്‍.ടിസി, കെ.ജി.സി.ഇ, വി.എച്ച്.എസ്.സി, ഐ.ടി.ഐ തത്തുല്യമാണ് യോഗ്യത. അഭിമുഖം ജൂലൈ പത്തിന്  രാവിലെ 10ന് നടക്കും. ഫോണ്‍: 0491 2572640

കേരള ഓട്ടോമൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധി പദ്ധതിയിലെ സജീവ അംഗങ്ങളായ തൊഴിലാളികള്‍ക്ക് മുടങ്ങിയ അംശാദായം ഒറ്റത്തവണയായി അടച്ചു തീര്‍ക്കുന്നതിന് ജൂലൈ 31 വരെ സമയം നീട്ടിനല്‍കിയതായി ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്കായി ജില്ലാ ഓഫീസുമായി ബന്ധപ്പെടാം. ഫോണ്‍: 0491-2547437.