സംസ്ഥാന തൊഴിൽ വകുപ്പിന് കീഴിൽ ചവറയിൽ പ്രവർത്തിക്കുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫ്രാസ്ട്രക്ചർ ആൻഡ് കൺസ്ട്രക്ഷനിൽ ബി.ടെക് അവസാന വർഷ വിദ്യാർത്ഥികൾക്കായി 'ഡ്യൂവൽ സർട്ടിഫിക്കേഷൻ' പദ്ധതി പ്രഖ്യാപിച്ചു. ആറാം സെമസ്റ്റർ വരെ ബാക്ക്‌ലോഗ് ഇല്ലാത്ത എട്ടാം സെമസ്റ്റർ സിവിൽ, മെക്കാനിക്കൽ, ഇലക്ട്രിക്കൽ വിദ്യാർത്ഥികൾക്കാണ് അവസരം. കോഴ്സ് വിജയകരമായി പൂർത്തിയാക്കുന്നവർക്ക് അഡ്വാൻസ്ഡ് ഡിപ്ലോമ സർട്ടിഫിക്കറ്റും മുൻനിര കമ്പനികളിൽ നേരിട്ടുള്ള തൊഴിൽ നിയമനവും ലഭിക്കും. ആറുമാസം ദൈർഘ്യമുള്ള പരിശീലനത്തിൽ നാലുമാസം ഇൻസ്റ്റിറ്റ്യൂട്ടിലും രണ്ടുമാസം പ്രമുഖ കമ്പനികളിലുമാണ് പ്രായോഗിക പരിശീലനം നൽകുന്നത്.

മുഖ്യമന്ത്രിയുടെ ‘കണക്ട് ടു വർക്ക്’ പദ്ധതിയുടെ ഭാഗമായി നൈപുണ്യ പരിശീലനത്തിൽ ഏർപ്പെട്ടിരിക്കുന്നവർക്കും മത്സര പരീക്ഷകൾക്ക് തയ്യാറെടുക്കുന്നവർക്കും പ്രതിമാസം 1000 രൂപ ധനസഹായം നൽകുന്നു. 18-നും 30-നും ഇടയിൽ പ്രായമുള്ള യുവതി യുവാക്കൾക്കാണ് ഈ ആനുകൂല്യം ലഭിക്കുക. എംപ്ലോയ്മെന്റ് എക്സ്ചേഞ്ച് മുഖാന്തിരം നടപ്പിലാക്കുന്ന പദ്ധതിയിലേക്ക് അർഹരായവർക്ക് eemployment.kerala.gov.in എന്ന പോർട്ടൽ വഴി ഓൺലൈനായി അപേക്ഷ സമർപ്പിക്കാവുന്നതാണ്

  പ്രസിഡന്റ്‌സ്  ട്രോഫി ജലോത്സവത്തോടനുബന്ധിച്ച് സ്വാഗത സംഘം ഓഫീസ്  ഉദ്ഘാടനം  ജനുവരി എട്ട് വൈകിട്ട് മൂന്നിന്  ജില്ലാ കലക്ടര്‍  എന്‍. ദേവിദാസ്   നിര്‍വഹിക്കും.  
 
 

അഷ്ടമുടി കായലില്‍ ജനുവരി 10ന് നടക്കുന്ന പ്രസിഡന്റ്‌സ് ട്രോഫി ജലോത്സവത്തിന്റെ മികച്ച കവറേജിന് മാധ്യമപ്രവര്‍ത്തകര്‍ക്ക് പുരസ്‌കാരം നല്‍കും. മികച്ച കവറേജിന് പത്ര-ദൃശ്യ മാധ്യമ പ്രവര്‍ത്തകര്‍ക്കും ഏറ്റവും മികച്ച ഫോട്ടോഗ്രാഫര്‍ക്കും വീഡിയോഗ്രാഫര്‍ക്കുമാണ് അവാര്‍ഡ്. ജനുവരി 11 വരെ പ്രസിദ്ധീകരിക്കുന്ന റിപ്പോര്‍ട്ട്/ വാര്‍ത്തകളാണ് പരിഗണിക്കുക. റിപ്പോര്‍ട്ട് പ്രസിദ്ധീകരിച്ച പത്രത്തിന്റെ ഒരു കോപ്പി ബന്ധപ്പെട്ട പത്രത്തിന്റെ ന്യൂസ് എഡിറ്ററുടെയോ ബ്യൂറോ ചീഫിന്റെയോ സാക്ഷ്യപത്രം സഹിതം നല്‍കണം.

ദേശിംഗനാടിന്റെ ജലകേളീരവത്തിന് നാടൊരുങ്ങി. അഷ്ടമുടിയുടെ ഓളപരപ്പിലേക്ക് ആവേശത്തിന്റെ തുഴപ്പാടുകള്‍ പതിയാന്‍ ഇനി രണ്ടുനാള്‍. പുതുവര്‍ഷത്തിലെ പത്താംനാളിലാണ് ഇത്തവണത്തെ പ്രസിഡന്റ്‌സ് ട്രോഫി വള്ളംകളി. ചാമ്പ്യന്‍സ് ബോട്ട് ലീഗിന്റെ കലാശപോരാട്ടവും ഇതോടൊപ്പമുണ്ട്.

സ്മാർട്ട് സിറ്റി തിരുവനന്തപുരം ലിമിറ്റഡിന്റെ ഓഫീസ് വിലാസം തമ്പാനൂർ റെയിൽവേ സ്റ്റേഷനു എതിർവശത്തുള്ള മൾട്ടിലെവൽ കാർപാർക്കിങ് കെട്ടിടത്തിലെ നാലാം നിലയിലേക്ക് മാറി. പുതിയ ഫോൺ നമ്പർ: 0471-2330374.

        കേരള ശാസ്ത്ര സാങ്കേതിക മ്യൂസിയത്തിലും അനുബന്ധ സ്ഥാപനങ്ങളിലും ഒഴിവുള്ള അസി.എക്സിക്യൂട്ടീവ് എൻജിനിയർ (സിവിൽ), സബ് എൻജിനിയർ (സിവിൽ), സയന്റിഫിക് ഓഫീസർ, ഇലക്ട്രോണിക് മെക്കാനിക്ക്, സബ് സ്റ്റേഷൻ അസിസ്റ്റന്റ്, ജനറൽ ഇലക്ട്രിഷ്യൻ, ലോവർ ഡിവിഷൻ ക്ലർക്ക്, റിസപ്ഷനിസ്റ്റ്, ടിക്കറ്റ് കൗണ്ടർ അസിസ്റ്റന്റ്, തിയറ്റർ അസിസ്റ്റന്റ് തസ്തികകളിൽ അപേക്ഷ ക്ഷണിച്ചു. 20 നാണ് അവസാന തീയതി.

സംസ്ഥാനത്തെ അർഹരായ എല്ലാ കുടുംബങ്ങൾക്കും റേഷൻ കാർഡ് ലഭ്യമാക്കുകയാണ് സർക്കാരിന്റെ ലക്ഷ്യമെന്ന് ഭക്ഷ്യ പൊതുവിതരണ വകുപ്പ് മന്ത്രി ജി.ആർ. അനിൽ പറഞ്ഞു. കേരളത്തിൽ എല്ലാ കുടുംബങ്ങൾക്കും ഭക്ഷ്യധാന്യങ്ങൾ ഉറപ്പാക്കാൻ പൊതുവിതരണ സംവിധാനം ശക്തമായി മുന്നോട്ട് കൊണ്ടുപോകേണ്ടതുണ്ട്.