ജില്ലാ സാക്ഷരതാമിഷന്‍ മുഖേന നടപ്പാക്കുന്ന വിവിധ പദ്ധതികളുടെ നിലവിലെ അവസ്ഥ അവലോകനം ചെയ്യുന്നതിനും 2026ല്‍ നടപ്പാക്കേണ്ട പദ്ധതികള്‍ക്ക് രൂപം നല്‍കുന്നതിനുമായി ജില്ലാതല അവലോകനയോഗം  ചേരും. ജനുവരി എട്ടിന്  രാവിലെ 10  മുതല്‍ ജില്ലാപഞ്ചായത്ത് ഹാളില്‍ നടക്കുന്ന യോഗത്തില്‍ ന്യൂ ഇന്ത്യ ലിറ്ററസി പ്രോഗ്രാം - ഉല്ലാസ് പദ്ധതി, പട്ടികജാതി നഗറുകളില്‍ നടത്തുന്ന നവചേതന പദ്ധതി, ഇതരസംസ്ഥാന തൊഴിലാളികള്‍ക്കുള്ള 'ചങ്ങാതി' പദ്ധതി, കാഴ്ച പരിമിതര്‍ക്കുള്ള 'ദീപ്തി' ബ്രെയില്‍ സാക്ഷരതാപദ്ധതി, പട്ടികവര്‍ഗ്ഗ ഉന്നതികള്‍ കേന്ദ്രീകരിച്ച് നടത്തുന്ന 'മുന്നേറ്റം' പദ്ധതി തുടങ്ങിയവയുടെ നടത്തിപ്പ് യോഗത്തില്‍ അവലോകനം ചെയ്യും.

കോട്ടയം: ദേശീയ വിരവിമുക്ത ദിനാചരണത്തോനടുബന്ധിച്ചുള്ള ജില്ലാതല പരിപാടി വടവാതൂർ പി.എം. ശ്രീ ജവഹർ നവോദയ വിദ്യാലയത്തിൽ നടന്നു. വിജയപുരം ഗ്രാമപഞ്ചായത്ത് പ്രസിഡന്റ് ഷൈനി വർക്കി ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് ബിജു അമ്പലത്തിങ്കൽ അധ്യക്ഷത വഹിച്ചു. ജില്ലാ കളക്ടർ ചേതൻ കുമാർ മീണ മുഖ്യാതിഥിയായി.

കോട്ടയം: കുഷ്ഠരോഗ നിവാരണ ലക്ഷ്യവുമായി ആരോഗ്യ വകുപ്പിന്റെ നേതൃത്വത്തിൽ സംഘടിപ്പിക്കുന്ന അശ്വമേധം 7.0 ക്യാമ്പയിന്റെ ഏഴാം ഘട്ടം 2026 ജനുവരി ഏഴിന് ആരംഭിക്കും. ജനുവരി 20 വരെ രണ്ടാഴ്ചക്കാലം ഭവന സന്ദർശനം നടക്കും.

ദേശീയ ദുരന്ത നിവാരണ അതോറിറ്റിയുടെ 'യുവ ആപ്ദ മിത്ര' പദ്ധതിയുടെ ഭാഗമായി എന്‍.സി.സി കേഡറ്റുകള്‍ക്കായി സംഘടിപ്പിക്കുന്ന പ്രത്യേക ദുരന്തനിവാരണ പരിശീലന പരിപാടിക്ക് തുടക്കമായി. കോഴിക്കോട് ജി.ടി.സിയില്‍ ആരംഭിച്ച പരിശീലന പരിപാടി ഡെപ്യൂട്ടി കലക്ടര്‍ ഷാമിന്‍ സെബാസ്റ്റ്യന്‍ ഉദ്ഘാടനം ചെയ്തു. കോഴിക്കോട് 30 (കേരള) എന്‍.സി.സി ബറ്റാലിയന്‍ സംഘടിപ്പിക്കുന്ന പത്ത് ദിവസത്തെ വാര്‍ഷിക പരിശീലന ക്യാമ്പിന്റെ ഭാഗമായാണ് പ്രത്യേക പരിശീലനം. 

കോട്ടയം: സംസ്ഥാനത്ത് കെഎസ്ആർടിസിയുടെ ബജറ്റ് ടൂറിസം പദ്ധതി ഡിസംബറിൽ ചരിത്ര നേട്ടം സ്വന്തമാക്കി. ഒരുമാസം കൊണ്ട് 5.51 കോടി രൂപയുടെ വരുമാനമാണ് കോർപറേഷനു ലഭിച്ചത്. 2021-ൽ ബജറ്റ് ടൂറിസം പദ്ധതി ആരംഭിച്ചശേഷമുള്ള ഏറ്റവും ഉയർന്ന മാസവരുമാനമാണിത്. ഇതോടെ 2024 ഡിസംബറിൽ രേഖപ്പെടുത്തിയിരുന്ന നാലര കോടി രൂപയുടെ പ്രതിമാസ റെക്കോർഡും മറികടന്നു.

ആകർഷകമായ ടൂർ പാക്കേജുകളും യാത്രക്കാരുടെ മികച്ച പ്രതികരണവുമാണ് ഈ റെക്കോർഡ് നേട്ടത്തിന് വഴിതെളിച്ചതെന്ന് ബജറ്റ് ടൂറിസം സംസ്ഥാന കോഓർഡിനേറ്റർ ആർ. സുനിൽ കുമാർ പറഞ്ഞു.

സ്ത്രീകള്‍ക്കും പെണ്‍കുട്ടികള്‍ക്കും നേരെയുള്ള അതിക്രമങ്ങള്‍ അവസാനിപ്പിക്കുക എന്ന ലക്ഷ്യത്തോടെ ഐക്യരാഷ്ട്രസഭ ആഹ്വാനം ചെയ്ത ഓറഞ്ച് ദി വേള്‍ഡ് ക്യാമ്പയിന്റെ ഭാഗമായി സര്‍ക്കാര്‍, അര്‍ധസര്‍ക്കാര്‍, പൊതുമേഖല സ്ഥാപനങ്ങളിലെ ജീവനക്കാര്‍ക്കായി ഏകദിന ശില്‍പശാല സംഘടിപ്പിച്ചു. ജില്ലാ വനിതാ-ശിശു വികസന ഓഫീസ്, ഡിസ്ട്രിക്ട് സങ്കല്‍പ് ഹബ് ഫോര്‍ എംപവര്‍മെന്റ് ഓഫ് വുമണ്‍ എന്നിവയുടെ നേതൃത്വത്തില്‍ ജില്ലാ പഞ്ചായത്ത് ഹാളില്‍ നടന്ന ശില്‍പശാല ജില്ലാ പഞ്ചായത്ത് പ്രസിഡന്റ് മില്ലി മോഹന്‍ ഉദ്ഘാടനം ചെയ്തു.

ആശാ പ്രവര്‍ത്തകരും വളണ്ടിയര്‍മാരും ചേര്‍ന്ന് ജില്ലയിലെ എട്ട് ലക്ഷത്തിലധികം വീടുകള്‍ സന്ദര്‍ശിക്കും

ഭിന്നശേഷി സര്‍ഗോത്സവം: എന്‍ട്രികള്‍ ക്ഷണിച്ചു