സുതാര്യവും സമാധാനപരവുമായ തിരഞ്ഞെടുപ്പിന് മാതൃകാ പെരുമാറ്റച്ചട്ടം എല്ലാവരും പാലിക്കണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടർ അനു കുമാരി. കളക്ടറേറ്റ് കോൺഫറസ് ഹാളിൽ ജില്ലയിലെ തിരഞ്ഞെടുപ്പ് ചുമതലയുള്ള കേന്ദ്ര നിരീക്ഷകരുടെയും രാഷ്ട്രീയ പാർട്ടി പ്രതിനിധികളുടെയും  യോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു കളക്ടർ.

നിയമസഭാ പൊതുതിരഞ്ഞെടുപ്പിൽ ജില്ലയിലെ 14 നിയോജക മണ്ഡലങ്ങളിൽ മത്സരിക്കുന്ന സ്ഥാനാർത്ഥികളുടെ വരവ് ചെലവ് കണക്കുകളുടെ ആദ്യ പരിശോധന മാർച്ച് 28, 29, 30, 31 തീയതികളിൽ പി.ഡബ്ലു.ഡി റസ്റ്റ് ഹൗസ് കോൺഫറൻസ് ഹാളിൽ നടക്കുമെന്ന്് ജില്ലാ തിരഞ്ഞെടുപ്പ് ഉദ്യോഗസ്ഥയും ജില്ലാ കളക്ടറുമായ അനു കുമാരി അറിയിച്ചു.

കഴക്കൂട്ടം, വട്ടിയൂർക്കാവ്, തിരുവനന്തപുരം, നേമം, പാറശ്ശാല, കാട്ടാക്കട, കോവളം, നെയ്യാറ്റിൻകര എന്നീ നിയോജക മണ്ഡലങ്ങളുടെ പരിശോധന ഇന്ന്് രാവിലെ 10.30ന് നടക്കും.

തിരൂർ, കോട്ടക്കൽ മണ്ഡലങ്ങളിലെ സ്ഥാനാർത്ഥികളുടെയും ഏജന്റ്മാരുടെയും യോഗം കേന്ദ്ര തെരഞ്ഞെടുപ്പ് നിരീക്ഷകൻ ഷെവാങ് ഗ്യാച്ചോ ബൂട്ടിയയുടെ അധ്യക്ഷതയിൽ തേഞ്ഞിപ്പലം ഗ്രാമപഞ്ചായത്ത് ഹാളിൽ ചേർന്നു. ഇലക്ഷൻ നടത്തിപ്പുമായി ബന്ധപ്പെട്ട നിർദ്ദേശങ്ങൾ അദ്ദേഹം നൽകി. തെരഞ്ഞെടുപ്പിന്റെ പ്രചരണ ഘട്ടങ്ങളിലും വോട്ടിംഗ് ദിവസവും തുടർന്നും രാഷ്ട്രീയ പാർട്ടികൾ ശ്രദ്ധിക്കേണ്ട കാര്യങ്ങൾ യോഗത്തിൽ വിശദീകരിച്ചു.

കേരളത്തിൽ നിന്ന് ഹജ്ജ് വേളയിൽ സേവനത്തിനായി തിരഞ്ഞെടുക്കപ്പെട്ട ഡപ്യൂട്ടേഷനിസ്റ്റുകൾക്കും സ്റ്റേറ്റ് ഹജ്ജ് ഇൻസ്‌പെക്ടർമാർക്കുമായി മാർച്ച് 28,29 (ശനി, ഞായർ) ദിവസങ്ങളിൽ വിപുലമായ പരിശീലനം കരിപ്പൂർ ഹജ്ജ് ഹൗസിൽ നടക്കും.

2026 ഹജ്ജിന് കേരള സംസ്ഥാന ഹജ്ജ് കമ്മിറ്റി മുഖേന 88 സ്‌റ്റേറ്റ് ഹജ്ജ് ഇൻസ്‌പെക്ടർമാരാണ് ഹാജിമാരെ അനുഗമിച്ച് സേവനം ചെയ്യുന്നതിനായി തെരഞ്ഞെടുക്കപ്പെട്ടത്. 67 പുരുഷന്മാരും, 21 സ്ത്രീകളുമാണ് ഇതിലുള്ളത്. 150 പേർക്ക് ഒരാൾ എന്ന തോതിലാണ് ഡ്യൂട്ടി.

നിയമസഭാ തെരഞ്ഞെടുപ്പിന്റെ ഭാഗമായി വരവ് ചെലവ് കണക്കുകള്‍ രേഖപ്പെടുത്തുന്നതുമായി  ബന്ധപ്പെട്ട് ജില്ലയിലെ എല്ലാ സ്ഥാനാര്‍ഥികള്‍ക്കുള്ള പരിശീലന പരിപാടി നാളെ (ശനി) രാവിലെ 10ന് ജില്ലാ പ്ലാനിങ് ഓഫീസ് കോണ്‍ഫറന്‍സ് ഹാളില്‍ നടക്കും. തെരഞ്ഞെടുപ്പ് ചെലവ് നിരീക്ഷണവുമായി ബന്ധപ്പെട്ട്  വരണാധികാരികളുടെയും സ്ഥാനാര്‍ത്ഥികളുടെയും എക്‌സ്‌പെന്‍ഡിച്ചര്‍ ഏജന്റുമാരുടെയും അക്കൗണ്ടിംഗ് ടീം അംഗങ്ങളുടെയും യോഗം എക്‌സ്‌പെന്‍ഡിച്ചര്‍ ഒബ്‌സര്‍വര്‍മാരുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളിലും തേഞ്ഞിപ്പലം പഞ്ചായത്ത് ഹാളിലുമായി നടന്നു.

ഊരകം വില്ലേജില്‍ സ്വകാര്യ വ്യക്തി  പുതുതായി ആരംഭിക്കുന്ന കരിങ്കല്‍ ക്വാറി പദ്ധതിയുമായി ബന്ധപ്പെട്ട് മലിനീകരണ നിയന്ത്രണ ബോര്‍ഡിന്റെ പൊതുതെളിവെടുപ്പ്  മാര്‍ച്ച് 30ന് രാവിലെ 11ന് മലപ്പുറം മുന്‍സിപ്പല്‍ ബസ് സ്റ്റാന്‍ഡ് ഓഡിറ്റോറിയത്തിൽ നടക്കും. ഊരകം വില്ലേജിലെ ബ്ലോക്ക് നമ്പര്‍ 37ല്‍ പ്പെട്ട വിവിധ സര്‍വ്വേ നമ്പറുകളിലായി (307/3, 307/5-7, 307/5, 307/5-4, 307/5-6, 307/5-2, 307/5-3, 256/1-1) 2.1232 ഹെക്ടര്‍ സ്ഥലത്താണ് ഖനന പദ്ധതി. പൊതുജനങ്ങള്‍ക്കുള്ള അഭിപ്രായങ്ങളും നിര്‍ദ്ദേശങ്ങളും തെളിവെടുപ്പില്‍ നേരിട്ട് അറിയിക്കാം.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡീഫേസ്‌മെന്റ് സ്‌ക്വാഡ് പരിശോധന ശക്തമാക്കി. ഇതിന്റെ ഭാഗമായി ഇതുവരെ പൊതുയിടങ്ങളിലും സ്വകാര്യ വ്യക്തികളുടെ സ്ഥലങ്ങളിലും അനധികൃതമായി സ്ഥാപിച്ച 30743 പ്രചാരണ സാമഗ്രികള്‍ നീക്കം ചെയ്തു.

പൊതുജനങ്ങളില്‍ നിന്നും പെരുമാറ്റച്ചട്ട ലംഘനവുമായി ബന്ധപ്പെട്ട് ജില്ലയില്‍ പൊതുജനങ്ങള്‍ക്ക് പരാതി നല്‍കാവുന്ന സി വിജില്‍ ആപ്പുമായ ബന്ധപ്പെട്ട് മാര്‍ച്ച് 27 വരെ ലഭിച്ചത് 8547 പരാതികളാണ്. 8019 പരാതികള്‍ പരിഹരിച്ചു. ഏറ്റവും കൂടുതല്‍ പരാതികള്‍ ലഭിച്ചത് കോട്ടക്കല്‍ മണ്ഡലത്തിലാണ് 1145 എണ്ണം. മങ്കട മണ്ഡലത്തിലാണ് കുറവ് പരാതികള്‍ ലഭിച്ചത്, 249 എണ്ണം.

നിയമസഭാ തെരഞ്ഞെടുപ്പുമായി ബന്ധപ്പെട്ട മാതൃകാ പെരുമാറ്റച്ചട്ട ലംഘനങ്ങളും സാമ്പത്തിക ദുരുപയോഗവും ശ്രദ്ധയില്‍പ്പെട്ടാല്‍ പൊതുജനങ്ങള്‍ക്ക് വേഗത്തില്‍ ഇക്കാര്യം അധികാരികളുടെ മുന്നിലെത്തിക്കാനുള്ള സംവിധാനമാണ് തെരഞ്ഞെടുപ്പ് കമ്മിഷന്റെ സി-വിജില്‍ മൊബൈല്‍ ആപ്പ്.

പെരുമാറ്റച്ചട്ട ലംഘനവുമായി ബന്ധപ്പെട്ട ഫോട്ടോകളും രണ്ട് മിനിറ്റില്‍ കവിയാത്ത വീഡിയോകളും പൊതുജനങ്ങള്‍ക്ക് തത്സമയം പകര്‍ത്തി ഈ ആപ് വഴി അധികൃതര്‍ക്ക് അയക്കാം. ആന്‍ഡ്രോയിഡ്, ഐ.ഒ.എസ് പ്ലാറ്റ്‌ഫോമുകളില്‍ ലഭ്യമായ ഈ ആപ് പ്രവര്‍ത്തിപ്പിക്കാന്‍ വേഗതയേറിയ ഇന്റര്‍നെറ്റ് കണക്ഷനും ജി.പി.എസ് സൗകര്യവുമുള്ള സ്മാര്‍ട്ട് ഫോണുകള്‍ ആവശ്യമാണ്.

സംസ്ഥാനത്ത് തുടരുന്ന ശക്തമായ വേനല്‍ ചൂടിന്റെ സാഹചര്യത്തില്‍ തെരഞ്ഞെടുപ്പ് പ്രവര്‍ത്തനങ്ങളുമായി ബന്ധപ്പെട്ട് ഫീല്‍ഡില്‍ പ്രവര്‍ത്തിക്കുന്ന ജീവനക്കാരും തെരഞ്ഞെടുപ്പു പ്രവര്‍ത്തകരും ആരോഗ്യപരമായ മുന്‍കരുതലുകള്‍ കര്‍ശനമായി പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. ടി.കെ. ജയന്തി അറിയിച്ചു. കടുത്ത ചൂടില്‍ ദീര്‍ഘസമയം ജോലി ചെയ്യുന്നത് സൂര്യാഘാതം, സൂര്യാതപം, ക്ഷീണം, നിര്‍ജ്ജലീകരണം തുടങ്ങിയ ഗുരുതര ആരോഗ്യപ്രശ്നങ്ങള്‍ക്ക് കാരണമാകാം എന്നതിനാല്‍ താഴെ പറയുന്ന നിര്‍ദ്ദേശങ്ങള്‍ നിര്‍ബന്ധമായും പാലിക്കണം.