പകർച്ചവ്യാധി പ്രതിരോധ നിയന്ത്രണ പ്രവർത്തനങ്ങൾ വിലയിരുത്തുന്നതിനായി ജില്ലാതലത്തിൽ ഇന്റർ സെക്ടറൽ യോഗം  കോട്ടയം എൻ.ആർ.എച്ച്.എം ഹാളിൽ ചേർന്നു.  ഡെപ്യൂട്ടി കളക്ടർ സജിത്ത് നാസർ ഉദ്ഘാടനം ചെയ്തു. ജില്ലാ മെഡിക്കൽ ഓഫീസർ (ആരോഗ്യം) ഡോ.എൻ. പ്രിയ അധ്യക്ഷത വഹിച്ചു.  പകർച്ചവ്യാധി പ്രതിരോധവുമായി ബന്ധപ്പെട്ട് വിവിധ വകുപ്പുകളുടെ ഏകോപനം ഉറപ്പുവരുത്താൻ യോഗം തീരുമാനിച്ചു.  പകർച്ചവ്യാധികൾ കൂടുതലായി റിപ്പോർട്ട് ചെയ്യപ്പെട്ട പഞ്ചായത്തുകളിൽ കൂടുതൽ ജാഗ്രത പുലർത്തും.  സ്‌കൂളുകൾ ഉൾപ്പെടെയുള്ള സ്ഥാപനങ്ങൾ വഴി ജാഗ്രതാ നിർദ്ദേശങ്ങൾ നൽകും.

പനങ്കണ്ടി ഗവ.ഹയര്‍ സെക്കന്‍ഡറി സ്‌കൂളില്‍ എച്ച് എസ് ടി ഇംഗീഷ് തസ്തികയില്‍ താത്കാലിക നിയമനം നടത്തുന്നു. ഉദ്യോഗാര്‍ത്ഥികള്‍ ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം ജൂണ്‍ അഞ്ചിന് രാവിലെ 11ന് സ്‌കൂളില്‍ കൂടിക്കാഴ്ച്ചക്ക് എത്തണം. ഫോണ്‍- 9495186493

സാമൂഹിക വനവൽക്കരണ വിഭാഗം കോട്ടയം ഡിവിഷന്റെ ആഭിമുഖ്യത്തിൽ സംഘടിപ്പിക്കുന്ന ലോക പരിസ്ഥിതി ദിനാചരണത്തിന്റെ ജില്ലാതല ഉദ്ഘാടനം നാളെ (ജൂൺ 5 വെള്ളി) രാവിലെ 9.30ന് ഇല്ലിക്കൽ ചിന്മയ വിദ്യാലയത്തിൽ സ്പീക്കർ തിരുവഞ്ചൂർ രാധാകൃഷ്ണൻ നിർവഹിക്കും.അഡ്വ. കെ. ഫ്രാൻസിസ് ജോർജ് എം.പി. അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് മുഖ്യപ്രഭാഷണം നിർവഹിക്കും. കോട്ടയം നഗരസഭ അധ്യക്ഷൻ എം.പി. സന്തോഷ്‌കുമാർ പരിസ്ഥിതി ദിന സന്ദേശം നൽകും.കോട്ടയം ഡിവിഷണൽ ഫോറസ്റ്റ് ഓഫീസർ പ്രഭുൽ അഗർവാൾ, നഗരസഭ സ്ഥിരം സമിതി അധ്യക്ഷരായ എസ്. ഗോപകുമാർ, സനിൽ കാണക്കാലിൽ, ഷീബ പുന്നൻ, കെ.കെ.

കടുത്തുരുത്തി ഗവൺമെന്റ് പോളിടെക്നിക് കോളേജിൽ 2026-27 അധ്യയന വർഷത്തിലെ പ്രവേശനത്തിന് (റെഗുലർ/രണ്ടാം വർഷ ലാറ്ററൽ എൻട്രി) അപേക്ഷിക്കാം.  ലാറ്ററൽ എൻട്രി അപേക്ഷകർക്ക് ജൂൺ ഏഴുവരെയും  റെഗുലർ അപേക്ഷകർക്ക് ജൂൺ 22 വരെയും www.polyadmission.org എന്ന വെബ്‌സൈറ്റ് മുഖേനയോ കടുത്തുരുത്തി ഗവണ്മെന്റ് പോളിടെക്നിക് കോളജിൽ നേരിട്ടോ അപേക്ഷിക്കാം. വിശദവിവരങ്ങൾക്ക് www.polyadmission.org  ഫോൺ: 9495778750

കോട്ടയം താലൂക്ക് വികസനസമിതി യോഗം ജൂൺ ആറിന് (ശനിയാഴ്ച) രാവിലെ 10.30 ന് താലൂക്ക് ഓഫീസ് കോൺഫറൻസ് ഹാളിൽ ചേരും. 

വിദ്യാഭ്യാസ മേഖലയിലേക്ക് ആധുനിക സാങ്കേതിക വിദ്യകളെ മുഴുവന്‍ സമന്വയിപ്പിക്കുന്ന നിലപാടാണ് സര്‍ക്കാരിനുള്ളതെന്ന് കൃഷി വകുപ്പ് മന്ത്രി ടി സിദ്ധീഖ് പറഞ്ഞു. ഇതിന്റെ ഭാഗമായാണ് ഈ വര്‍ഷത്തെ പ്രവേശനോത്സ ഗാനം എ ഐ നിര്‍മിതമായതെന്നും മന്ത്രി പറഞ്ഞു. കല്‍പറ്റ ബ്ലോക്ക്തല സ്‌കൂള്‍ പ്രവേശനോത്സവം റിപ്പണ്‍ ഗവ. ഹൈസ്‌കൂളില്‍ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. ആത്മവിശ്വാസത്തോടെ കളിച്ചു പഠിക്കാന്‍, ചിരിച്ചു കളിക്കാന്‍ അധ്യാപകരും രക്ഷകര്‍ത്താക്കളും അവസരമൊരുക്കണം. സ്കൂളിൽ ബി ആര്‍ സി യുമായി ബന്ധപ്പെട്ട് വിദ്യാര്‍ത്ഥികള്‍ക്കുണ്ടായ ബുദ്ധിമുട്ടുകള്‍ പരിഗണിച്ച് ഫിസിയോ തെറാപിസ്റ്റിനെ ഉടന്‍ നിയമിക്കും.

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ ജൂണിൽ ആരംഭിക്കുന്ന മോണ്ടിസോറി, പ്രീ - പ്രൈമറി, നഴ്സറി ടീച്ചർ ട്രെയിനിംഗ് കോഴ്സുകൾക്ക് വനിതകളിൽനിന്ന് അപേക്ഷ ക്ഷണിച്ചു. ഫോൺ: 7994449314

ഭവന രഹിതരില്ലാത്ത കേരളം കെട്ടിപ്പടുക്കുക എന്ന ലക്ഷ്യത്തോടെ കോട്ടത്തറ ഗ്രാമപഞ്ചായത്തിലെ ലൈഫ് മിഷന്‍ 2020 ലിസ്റ്റില്‍ ഉള്‍പ്പെട്ട അര്‍ഹരായ മുഴുവന്‍ ഗുണഭോക്താക്കളെയും ഉള്‍പ്പെടുത്തി ലൈഫ് കോട്ടത്തറ ഗുണഭോക്ത്യ സംഗമം സംഘടിപ്പിച്ചു. കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് കെ.കെ ഹനീഫ  ഉദ്ഘാടനം ചെയ്തു. കോട്ടത്തറ ഗ്രാമപഞ്ചായത്ത് പ്രസിഡന്റ് സി.സി രജിത അധ്യക്ഷത വഹിച്ചു. ഗുണഭോക്താക്കള്‍ നേരിടുന്ന വിവിധ പ്രശ്നങ്ങള്‍ ചര്‍ച്ചചെയ്യുകയും പരിഹാര മാര്‍ഗ്ഗങ്ങള്‍ നിര്‍ദ്ദേശിക്കുകയും ചെയ്തു. 

ജില്ലയിലെ ബഡ്‌സ് സ്‌കൂളുകളിലും ബി.ആർ.സി. (ബഡ്‌സ് റീഹാബിലിറ്റേഷൻ സെന്റർ) സ്ഥാപനങ്ങളിലുമായി പ്രവേശനോത്സവം ആരംഭിച്ചു. ജൂൺ ഒൻപത് വരെയുള്ള ദിവസങ്ങളിലാണ് ജില്ലയിൽ ബഡ്‌സ് പ്രവേശനോത്സവം നടക്കുന്നത്.
സംസ്ഥാനതല ഉദ്ഘാടനം ജൂൺ ആറിന് മലപ്പുറത്തെ എ.ആർ. നഗർ ഗ്രാമപഞ്ചായത്ത് സ്പെഷ്യൽ സ്‌കൂളിൽ തദ്ദേശ സ്വയംഭരണ വകുപ്പ് മന്ത്രി കെ.എം. ഷാജി ഉദ്ഘാടനം ചെയ്യും.

പ്രവേശനോത്സവത്തിനു മുന്നോടിയായി മേയ് 23 മുതൽ തദ്ദേശ സ്വയംഭരണ സ്ഥാപനങ്ങളും കുടുംബശ്രീ സി.ഡി.എസുകളും ബഡ്‌സ്/ബി.ആർ.സി. ഉദ്യോഗസ്ഥരും കുട്ടികളുടെ വീടുകൾ സന്ദർശിച്ച് മുന്നൊരുക്കങ്ങൾ നടത്തിയിരുന്നു.

നൂല്‍പുഴ രാജീവ് ഗാന്ധി സ്മാരക ആശ്രമം ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥികള്‍ക്ക് ആവശ്യമായ ബെഡ്ഷീറ്റ് വിതരണം ചെയ്യുന്നതിന് താത്പര്യമുള്ള വ്യക്തികള്‍, സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. സീനിയര്‍ സൂപ്രണ്ട്, രാജീവ് ഗാന്ധി സ്മാരക ആശ്രമം ഹയര്‍ സെക്കന്‍ഡറി സ്‌കൂള്‍, നൂല്‍പുഴ പി.ഒ. 673592 കല്ലൂര്‍ എന്ന വിലാസത്തില്‍ ജൂണ്‍ ആറിന് രാവിലെ പത്തിനകം ക്വട്ടേഷന്‍ സമര്‍പ്പിക്കണം.