ഐടിഐ അഡ്മിഷന്‍: വെരിഫിക്കേഷന്‍ നടത്തണം

2025ലെ ഐടിഐ അഡ്മിഷന് അപേക്ഷ സമര്‍പ്പിച്ചവര്‍ ഇന്ന് (ജൂലൈ മൂന്ന്) അസല്‍ സര്‍ട്ടിഫിക്കറ്റുകളുമായി തൊട്ടടുത്ത ഏതെങ്കിലും സര്‍ക്കാര്‍ ഐടിഐയില്‍ നേരിട്ടെത്തി വെരിഫിക്കേഷന്‍ പൂര്‍ത്തിയാക്കണം. അല്ലാത്തവരുടെ അപേക്ഷകള്‍ പരിഗണിക്കില്ലെന്ന് കോഴിക്കോട് ഗവ. ഐടിഐ പ്രിന്‍സിപ്പല്‍ അറിയിച്ചു. ഫോണ്‍: 0495 2377016. 

പ്രോജക്ട് ഫെല്ലോ ഒഴിവ്

എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്നോളജിയുടെ കണ്ണൂര്‍ മേഖലാ കേന്ദ്രത്തില്‍ എസ്.എസ്.എല്‍.സി പാസായവരില്‍നിന്നും ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍, സര്‍ട്ടിഫിക്കറ്റ് കോഴ്സ് ഇന്‍ പൈത്തണ്‍, പ്ലസ് ടു പാസ്സായവരില്‍നിന്നും സി പ്രോഗ്രാമിങ്ങ് ഫോര്‍ എഞ്ചിനീയറിങ്ങ് ആസ്പിരന്റ്സ് കോഴ്സുകളിലേക്ക് അപേക്ഷ ക്ഷണിച്ചു. ക്ലാസ്സുകള്‍ ജൂലൈ മാസം ആരംഭിക്കും. കൂടുതല്‍ വിവരങ്ങള്‍ കണ്ണൂര്‍ ഗവ. ടൗണ്‍ ഹയര്‍സെക്കന്ററി സ്‌കൂളിന് സമീപം പ്രവര്‍ത്തിക്കുന്ന എല്‍.ബി.എസ് മേഖല ഓഫീസില്‍ നിന്നോ www.lbscentre.kerala.gov.in/services/courses വെബ് അഡ്രസിലും ലഭിക്കും. ഫോണ്‍: 0497 2702812, 94476442691

എസ്.ആര്‍.സി കമ്മ്യൂണിറ്റി കോളേജിലെ വിവിധ കോഴ്സുകളിലേക്ക് അപേക്ഷിക്കാനുള്ള തീയതി ജൂലൈ 15 വരെ നീട്ടി. കൂടുതല്‍ വിവരങ്ങള്‍ ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ, തിരുവനന്തപുരം-33 വിലാസത്തിലും www.srccc.in വെബ്സൈറ്റിലും ലഭിക്കും. ഫോണ്‍: 04712325101, 8281114464

ഇന്‍സ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്മെന്റ് കോളേജില്‍ കണ്ണൂര്‍ യൂണിവേഴ്സിറ്റിയുമായി അഫിലിയേറ്റ് ചെയ്ത ബി.എസ്.സി ഹോട്ടല്‍ മാനേജ്മെന്റ് ആന്‍ഡ് കാറ്ററിംഗ് സയന്‍സ് കോഴ്സില്‍ ബാക്കിയുള്ള സീറ്റുകളിലേക്ക് അപേക്ഷിക്കാം. 45 ശതമാനം മാര്‍ക്കോടെ പ്ലസ് ടു പാസായ വിദ്യാര്‍ഥികള്‍ക്കും സേ പരീക്ഷ എഴുതിയവര്‍ക്കും അപേക്ഷിക്കാം. എസ് സി/എസ് ടി, ഒ ബി എച്ച്, ഒ ഇ സി വിദ്യാര്‍ഥികള്‍ക്ക് ഇ ഗ്രാന്റ്സ് ആനുകൂല്യം ലഭിക്കും. വിദ്യാര്‍ഥികള്‍ ആവശ്യമായ രേഖകള്‍ സഹിതം ഉടന്‍ കോളേജില്‍ ഹാജരാകണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 9567463159, 7293554722

കയർ തൊഴിലാളി  ക്ഷേമനിധി ബോർഡിന്റെ  വടക്കൻ പറവൂർ ഓഫീസ് തുറവൂർ ഓഫീസുമായി സംയോജിപ്പിച്ചതിനെ തുടർന്ന് തൃശ്ശൂർ ജില്ലയിലെ കയർ തൊഴിലാളികൾക്കായി എല്ലാ മാസവും മൂന്നാമത്തെ വെള്ളി, ശനി ദിവസങ്ങളിൽ കൊടുങ്ങല്ലൂർ കയർ ഇൻസ്പെക്ടർ ഓഫീസിൽ ക്യാമ്പ് കളക്ഷൻ കേന്ദ്രമായി പ്രവർത്തിക്കും. ഈ ദിവസങ്ങൾ അവധിയാണെങ്കിൽ അടുത്ത പ്രവൃത്തി ദിവസം ക്യാമ്പ് ഉണ്ടായിരിക്കും. വിവിധ ധനസഹായങ്ങൾക്കുള്ള വെൽഫെയർ, പെൻഷൻ അപേക്ഷകളും ക്യാമ്പുകളിൽ നൽകാം. കൂടാതെ https://www.coirworkerswelfare.kerala.gov.in/index.phd എന്നാൽ വെബ്സൈറ്റ് മുഖേനയും ക്ഷേമനിധി വിഹിതം അടയ്ക്കാം.

കണ്ണൂര്‍ തോട്ടട ഗവ. പോളിടെക്നിക് കോളേജില്‍ ഡിപ്ലോമ കോഴ്സുകളിലേക്ക് ജൂലൈ 11ന് സ്പോട്ട് അഡ്മിഷന്‍ നടക്കും. വെബ്സൈറ്റ് വഴി ജൂലൈ 10 വരെ പുതിയ അപേക്ഷകള്‍ സമര്‍പ്പിക്കാം. ഐടിഐ/ കെജിസിഇ വിഭാഗത്തില്‍ റാങ്ക് ലിസ്റ്റില്‍ ഉള്‍പ്പെട്ടവര്‍ അന്നേദിവസം രാവിലെ ഒന്‍പത് മണിക്കും പ്ലസ് ടു, വിഎച്ച്എസ്ഇ വിഭാഗത്തില്‍ റാങ്ക് ലിസ്റ്റില്‍ ഉള്‍പ്പെട്ടവര്‍ രാവിലെ 11 മണിക്കും രക്ഷാകര്‍ത്താവിനൊപ്പം സ്പോട്ട് അഡ്മിഷന് കോളേജില്‍ എത്തണം. വെബ്സൈറ്റ്: www.polyadmission.org, ഫോണ്‍: 9744340666, 9447293837
 

മാവേലിക്കര ഐ.എച്ച്.ആർ.ഡി കോളേജ് ഓഫ് അപ്ലൈഡ് സയൻസിൽ പി.ജി പ്രോഗ്രാമിൽ സീറ്റുകൾ ഒഴിവുണ്ട്. എം.എസ്.സി കമ്പ്യൂട്ടർ സയൻസ്, എം.എസ്.സി ഇലക്ട്രോണിക്സ്, എം.കോം ഫിനാൻസ് എന്നീ കോഴ്‌സുകളിലാണ് ഒഴിവുള്ളത്. താത്പര്യമുള്ളവർ കോളേജ് ഓഫീസുമായി ബന്ധപ്പെടണമെന്ന് പ്രിൻസിപ്പൽ അറിയിച്ചു. ഫോൺ: 85470 05046, 0471 2304494, 9562771381, 9447032077

സ്റ്റേറ്റ് റിസോഴ്‌സ് സെൻ്റർ കേരളയുടെ നേതൃത്വത്തിലുള്ള എസ്.ആർ.സി കമ്മ്യൂണിറ്റി കോളേജ് ജൂലൈ സെഷനിൽ ആരംഭിക്കുന്ന വിവിധ പ്രോഗ്രാമുകളിലേക്ക് അപേക്ഷിക്കുന്നതിനുള്ള തിയതി നീട്ടി. ആറുമാസം ദൈർഘ്യമുള്ള  സർട്ടിഫിക്കറ്റ്, ഒരു വർഷം ദൈർഘ്യമുള്ള ഡിപ്ലോമ, രണ്ട് വർഷം  ദൈർഘ്യമുള്ള അഡ്വാൻസ്‌ഡ് ഡിപ്ലോമ പ്രോഗ്രാമുകൾ തുടങ്ങിയവയിലേക്കാണ് അപേക്ഷ ക്ഷണിച്ചത്.

ജില്ലാ പഞ്ചായത്തിന്റെ ചട്ടുകപ്പാറ വനിതാ വ്യവസായ എസ്റ്റേറ്റില്‍ ഒഴിവുള്ള വ്യവസായ ഷെഡ് വാടകയ്ക്ക് എടുക്കുന്നതിന് വനിതാ സംരംഭകര്‍/വനിതാ സ്വയം സഹായ സംഘങ്ങളില്‍ നിന്നും അപേക്ഷ ക്ഷണിച്ചു. ജൂലൈ 14 വൈകിട്ട് മൂന്ന് മണി വരെ അപേക്ഷിക്കാം. കൂടുതല്‍ വിവരങ്ങള്‍ക്ക് ജില്ലാപഞ്ചായത്ത് ഓഫീസുമായി ബന്ധപ്പെടാം.

തൃശ്ശൂർ ജില്ലയിൽ പൊലീസ് സർവീസ് വകുപ്പിലെ സീനിയർ സിവിൽ പോലീസ് ഓഫീസർ (സ്പെഷ്യൽ റിക്രൂട്ട്മെൻ്റ് ഫോർ എസ്.ടി ഒൺലി- കാറ്റഗറി നമ്പർ 410/2021) തസ്തികയിലേക്കായി 2024  ഏപ്രിൽ മൂന്നിന് പ്രാബല്യത്തിൽ വന്ന 390/2024/ഡി.ഒ.ആർ നമ്പർ റാങ്ക് പട്ടിക നിശ്ചിത കാലാവധി പൂർത്തിയായതിനെ തുടർന്ന് ഏപ്രിൽ രണ്ട്  അർധരാത്രി മുതൽ റദ്ദാക്കിയതായി പി.എസ്.സി ജില്ലാ ഓഫീസർ അറിയിച്ചു.