ചേര്‍ത്തല - മാരാരിക്കുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 33 (അര്‍ത്തുങ്കല്‍ ഗേറ്റ്) ജനുവരി ആറിന് രാവിലെ എട്ട് മണി മുതല്‍ ജനുവരി ഒമ്പതിന് വൈകിട്ട് ആറ് മണി വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നം. 34 (കണിച്ചുകുളങ്ങര) വഴി പോകണം.

സംസ്ഥാന സാമൂഹ്യനീതി വകുപ്പ് സംഘടിപ്പിക്കുന്ന സവിശേഷ - 'കാര്‍ണിവല്‍ ഓഫ് ദി ഡിഫറന്റ്' എന്ന ഭിന്നശേഷി സര്‍ഗ്ഗോത്സവം ജനുവരി 19 മുതല്‍ 21 വരെ തിരുവനന്തപുരത്ത് നടക്കും. 

മേളയുടെ ഭാഗമായി നടക്കുന്ന 'ടാലന്റ്‌ ഫെസ്റ്റ്' മത്സരങ്ങളില്‍ പങ്കെടുക്കാന്‍ അര്‍ഹരായ ഭിന്നശേഷിക്കാരില്‍ നിന്ന് അപേക്ഷകള്‍ ക്ഷണിച്ചു.

ക്ലാസിക്കല്‍ ഡാന്‍സ്, സിനിമാറ്റിക്/ഗ്രൂപ്പ് ഡാന്‍സ്, സ്‌കിറ്റ്/മൈം, ലൈറ്റ് മ്യൂസിക്/ക്ലാസിക്കല്‍ മ്യൂസിക്/ഫിലിം സോങ്ങ്, തിരുവാതിര, മാര്‍ഗംകളി, ഒപ്പന പോലുള്ള ട്രെഡിഷണല്‍ ഡാന്‍സ് ഐറ്റംസ്, സ്‌പെഷ്യല്‍ പെര്‍ഫോര്‍മന്‍സ് എന്നിവയാണ് മത്സര ഇനങ്ങള്‍.

പൊലീസ് വകുപ്പില്‍ പോലീസ് കോണ്‍സ്റ്റബിള്‍ (ട്രെയിനി) കെ.എ.പി  (കാറ്റഗറി നം.740/2024) തസ്തികയ്ക്കായി, ഉദ്യോഗാര്‍ത്ഥികളുടെ ശാരീരിക അളവെടുപ്പും കായികക്ഷമതാ പരീക്ഷയും ജനുവരി 6,7,8,9 (നാല് പ്രവൃത്തി ദിവസങ്ങള്‍) തീയതികളിൽ  രാവിലെ ആറ് മണി മുതല്‍ ചേർത്തല മൈക്കിള്‍സ് കോളേജ് ഗ്രൗണ്ടില്‍  നടത്തപ്പെടും. ഉദ്യോഗാര്‍ത്ഥികള്‍ക്ക് എസ്.എം.എസ് മുഖേനയും ഒ.റ്റി.ആര്‍ പ്രൊഫൈല്‍ വഴിയും അറിയിപ്പ് നല്‍കിയിട്ടുണ്ട്. ഉദ്യോഗാര്‍ഥികള്‍ സ്വന്തം പ്രൊഫൈലില്‍ നിന്നും ഡൗണ്‍ലോഡ് ചെയ്‌തെടുത്ത അഡ്മിഷൻ ടിക്കറ്റ്, സാധുവായ തിരിച്ചറിയല്‍ കാര്‍ഡ്, മെഡിക്കല്‍ സര്‍ട്ടിഫിക്കറ്റ് എന്നിവ സഹിതം നിശ്ചിത സമയത്തുതന്നെ ഹാജരാകേണ്ടതാണ്.

ജനുവരി എട്ട്, ഒമ്പത് തീയതികളിൽ  എല്ലാ അങ്കണവാടികളിലും  യു ഡി ഐ  ഡി കാർഡ് ലഭിക്കാത്ത ഭിന്നശേഷിക്കാരുടെ രജിസ്ട്രേഷൻ നടത്തുമെന്ന് ജില്ലാ കളക്ടർ അറിയിച്ചു.

ജില്ലയിൽ യു ഡി ഐ ഡി  സമ്പൂർണ്ണ രജിസ്ട്രേഷൻ നടത്തുന്നതിനായി  ഓരോ അങ്കണവാടികളിലും സാങ്കേതിക പരിജ്ഞാനമുള്ള കുടുംബശ്രീ പ്രവർത്തകരെ നിയോഗിച്ചിട്ടുണ്ട്. ഈ തീയതികളിൽ ഇതുവരെ യു ഡി ഐ  ഡി  ലഭിക്കാത്ത എല്ലാ ഭിന്നശേഷിക്കാരും നിർബന്ധമായും ബന്ധപ്പെട്ട അങ്കണവാടികളിൽ എത്തിച്ചേരണം.

പതിനേഴ് വർഷങ്ങൾക്ക് ശേഷം ആലപ്പുഴ ആതിഥ്യം വഹിക്കാൻ പോകുന്ന കേരളോത്സവത്തിന്റെ സുഗമമായ നടത്തിപ്പിനും വിജയത്തിനുമായി സംഘാടക സമിതി രൂപീകരിച്ചു.

ആലപ്പുഴ എൻ.ജി.ഒ. യൂണിയൻ ഹാളിൽ നടന്ന യോഗം എച്ച്. സലാം എം.എൽ.എ. ഉദ്ഘാടനം ചെയ്തു. പി.പി. ചിത്തരഞ്ജൻ എം.എ.ൽ.എ. മുഖ്യാതിഥിയായി. ജില്ലാ കോഡിനേറ്റർ ജെയിംസ് സാമുവൽ സംഘാടക സമിതി രൂപീകരണ ഘടന അവതരിപ്പിച്ചു.

സഹകരണ വാരാഘോഷത്തിന്റെ സംസ്ഥാനതല സമാപന സമ്മേളനം മന്ത്രി  ഉദ്ഘാടനം ചെയ്തു

​കുട്ടനാട് ഉൾപ്പെടെയുള്ള സ്ഥലങ്ങളിലെ നെല്ല് സംഭരണം സുഗമമാക്കുന്നതിന് സഹകരണ മേഖല സജീവമായി ഇടപെടൽ നടത്തുമെന്നും ഇത് കർഷകർക്ക് വലിയ ആശ്വാസമാകുമെന്നും തുറമുഖ-സഹകരണ-ദേവസ്വം വകുപ്പ് മന്ത്രി വി.എൻ. വാസവൻ പറഞ്ഞു.

 എഴുപത്തിരണ്ടാമത് അഖിലേന്ത്യാ സഹകരണ വാരാഘോഷത്തിന്റെ സംസ്ഥാനതല സമാപന സമ്മേളനം ആലപ്പുഴ റമദയിൽ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

*സിറ്റിസണ്‍ റെസ്‌പോണ്‍സ് പ്രോഗ്രാം മാവേലിക്കര മണ്ഡലം കര്‍മ്മ സമിതി പരിശീലനത്തിന് തുടക്കമായി

കോട്ടയം: സംസ്ഥാനത്തെ സഹകരണ മേഖല കാലത്തിന്റെ മാറ്റത്തിനൊത്ത് പുത്തൻ സാങ്കേതിക വിദ്യകൾ ഉൾപ്പെടെ പ്രയോജനപ്പെടുത്തി വളരുകയാണെന്ന് സഹകരണം-തുറമുഖം-ദേവസ്വം വകുപ്പ് മന്ത്രി വി.എൻ. വാസവൻ പറഞ്ഞു.  അഖിലേന്ത്യാ സഹകരണ വാരാഘോഷത്തിന്റെ ജില്ലാതല ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

രാജ്യത്തെ സഹകരണമേഖലയിലെ ആകെ നിക്ഷേപത്തിന്റെ 71 ശതമാനവും കേരളത്തിലെ സംഘങ്ങളുടേതാണ്. സഹകരണ മേഖലയുടെ കെട്ടുറപ്പിനെ ബാധിക്കുന്ന നീക്കങ്ങളെ അംഗീകരിക്കാവില്ലെന്നും അദ്ദേഹം പറഞ്ഞു.

അമ്പലപ്പുഴ താലൂക്ക് വികസന സമിതിയുടെ ജനുവരി  മാസത്തിലെ യോഗം  അമ്പലപ്പുഴ താലൂക്ക് ഓഫീസില്‍ ചേര്‍ന്നു.

 കോടതിപ്പാലം നിർമ്മാണവുമായി ബന്ധപ്പെട്ട് ആലപ്പുഴ നഗരത്തിലെ ഗതാഗത വിഷയങ്ങൾ,  അമ്പലപ്പുഴ തെക്കു ഗ്രാമപഞ്ചായത്ത് 13 വാർഡിലെ ആഫ്രിക്കൻ ഒച്ചിന്റെ ശല്യം, വിനോദസഞ്ചാരികൾക്ക് ശുചിമുറി സൗകര്യം , പ്രൈവറ്റ് ബസ് സ്റ്റാൻഡ് റോഡിൽ നീർക്കാക്ക ശല്യം, കുടിവെള്ള വിതരണവുമായി ബന്ധപ്പെട്ട വിഷയങ്ങൾ എന്നിവ യോഗം ചർച്ച ചെയ്തു.

ജലാശയങ്ങളിലെ മത്സ്യസമ്പത്തിൽ വരുന്ന കുറവ് പരിഹരിക്കുക എന്ന ലക്ഷ്യത്തോടെ ഫിഷറീസ് വകുപ്പിന്റെ നേതൃത്വത്തിൽ നടപ്പിലാക്കുന്ന ഓപ്പൺ വാട്ടർ റാഞ്ചിങ് പദ്ധതിയുടെ ഭാഗമായി തൈക്കാട്ടുശ്ശേരി ബ്ലോക്ക് പരിധിയിലെ മണപ്പുറം കടവിൽ മത്സ്യക്കുഞ്ഞുങ്ങളെ നിക്ഷേപിച്ചു. ബ്ലോക്ക് പഞ്ചായത്ത് പ്രസിഡന്റ് വി ആർ രജിത പരിപാടി ഉദ്ഘാടനം ചെയ്തു. നാല് ലക്ഷം കാര ചെമ്മീൻ കുഞ്ഞുങ്ങളെയാണ് കടവിൽ നിക്ഷേപിച്ചത്.