രജിസ്റ്റര്‍ ചെയ്ത ദേശീയ, രാഷ്ട്രീയ സംസ്ഥാന പാര്‍ട്ടികള്‍, രജിസ്റ്റര്‍ ചെയ്യാത്ത പാര്‍ട്ടികള്‍, സ്ഥാനാര്‍ഥികള്‍, വ്യക്തികള്‍ എന്നിവര്‍ ടെലിവിഷന്‍ ചാനലുകളിലോ കേബിള്‍ നെറ്റ് വര്‍ക്കുകളിലോ സിനിമാ ഹാളിലോ തിരഞ്ഞെടുപ്പുമായി ബന്ധപ്പെട്ട പരസ്യം നല്‍കുന്നതിന് തിരഞ്ഞെടുപ്പ് കമ്മീഷനില്‍നിന്ന് മുന്‍കൂറായി അനുമതി വാങ്ങേണ്ടതാണെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ സ്നേഹില്‍ കുമാര്‍ സിംഗ് അറിയിച്ചു. മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിംഗ് കമ്മിറ്റി (എംസിഎംസി) മുമ്പാകെയാണ് അപേക്ഷ നല്‍കേണ്ടത്.

നിയമസഭാ തിരഞ്ഞെടുപ്പുമായി ബന്ധപ്പെട്ട് വി വി പാറ്റുകള്‍, ഇലക്ട്രോണിക് വോട്ടിങ് മെഷീനുകള്‍ എന്നിവ സൂക്ഷിച്ച ചാത്തമംഗലത്തെ വെയര്‍ഹൗസ് ജില്ലാ കലക്ടര്‍ സ്‌നേഹില്‍ കുമാര്‍ സിങ് സന്ദര്‍ശിച്ചു. മെഷീനുകളുടെ പ്രാരംഭഘട്ട പരിശോധന പൂര്‍ത്തിയായ ശേഷമാണ് കലക്ടര്‍ ഗോഡൗണ്‍ സന്ദര്‍ശിച്ച് മെഷീനുകളുടെ ക്രമീകരണവും സുരക്ഷാ സംവിധാനങ്ങളും വിലയിരുത്തിയത്.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡിഫെയ്സ്മെന്റ് സ്‌ക്വാഡ് നടത്തിയ പരിശോധനയില്‍ ചുവരെഴുത്തുകള്‍, ബോര്‍ഡുകള്‍, ബാനറുകള്‍, പോസ്റ്ററുകള്‍, കൊടിതോരണങ്ങള്‍ എന്നിവയുള്‍പ്പടെ 3,319 അനധികൃത പ്രചാരണ സാമഗ്രികള്‍ നീക്കം ചെയ്തു. സ്‌കൂളുകള്‍, കോളേജുകള്‍, സര്‍ക്കാര്‍ സ്ഥാപനങ്ങള്‍, പൊതു ഇടങ്ങള്‍ തുടങ്ങിയവ കേന്ദ്രീകരിച്ചാണ് പ്രധാനമായും പരിശോധന നടന്നത്. പൊതു ഇടങ്ങളില്‍ അനധികൃതമായി സ്ഥാപിച്ച  സ്ഥാനാര്‍ഥികളുടെ പ്രചാരണ സാമഗ്രികകളും നീക്കം ചെയ്തിട്ടുണ്ട്. ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്‌നേഹില്‍ കുമാര്‍ സിങ്ങിന്റെ നിര്‍ദേശപ്രകാരമാണ് നടപടി.

കടുത്ത വേനലില്‍ ജലജന്യ രോഗങ്ങളായ ഷിഗെല്ല ഉള്‍പ്പെടെയുള്ള വയറിളക്ക രോഗങ്ങള്‍, മഞ്ഞപ്പിത്തം എന്നിവ പടരാന്‍ സാധ്യതയുള്ളതിനാല്‍ ജനങ്ങള്‍ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ കെ രാജാറാം അറിയിച്ചു. ഭക്ഷണം പാകം ചെയ്യുന്നവരും പൊതുജനങ്ങളും ശുചിത്വ കാര്യങ്ങളില്‍ ശ്രദ്ധ പുലര്‍ത്തണം. തിളപ്പിച്ചാറിയ വെള്ളം മാത്രം കുടിക്കുകയും വഴിയോരങ്ങളില്‍നിന്ന് ശീതള പാനീയങ്ങള്‍ കഴിക്കുന്നത് ഒഴിവാക്കുകയും വേണം. 

രോഗലക്ഷണങ്ങള്‍

പെരുന്നാള്‍ ആഘോഷത്തോടനുബന്ധിച്ച് വിനോദ സഞ്ചാരികളുടെ തിരക്ക് വര്‍ധിക്കുന്നത് കണക്കിലെടുത്ത് എല്ലാ ബോട്ടുടമകളും സുരക്ഷാ മാര്‍ഗനിര്‍ദേശങ്ങള്‍ പാലിക്കണമെന്ന് സീനിയര്‍ പോര്‍ട്ട് കണ്‍സര്‍വേറ്റര്‍ അറിയിച്ചു. നിര്‍ദേശങ്ങള്‍ പാലിക്കാത്തവര്‍ക്കെതിരെ കര്‍ശന നടപടി സ്വീകരിക്കും. 

മാര്‍ഗനിര്‍ദേശങ്ങള്‍:

നിയസഭ തിരഞ്ഞെടുപ്പ് പെരുമാറ്റച്ചട്ട ലംഘനവുമായി ബന്ധപ്പെട്ട പരാതികള്‍ അറിയിക്കാന്‍ കോഴിക്കോട് കലക്ടറേറ്റില്‍ കണ്‍ട്രോള്‍ റൂം ആരംഭിച്ചു. നമ്പറുകള്‍ -കണ്‍ട്രോള്‍ റൂം: 04952990983, സി വിജില്‍: 0495-2990215, മാതൃകാ പെരുമാറ്റച്ചട്ടം: 04952990315, 04952990982, കാള്‍ സെന്റര്‍: 04952992751.

നിയമസഭ തിരഞ്ഞെടുപ്പില്‍ വോട്ടെടുപ്പിന് ഉപയോഗിക്കുന്ന ഇലക്‌ട്രോണിക് വോട്ടിങ് യന്ത്രങ്ങളുടെയും (ഇ.വി.എം) വിവിപാറ്റിന്റെയും ആദ്യഘട്ട റാന്‍ഡമൈസേഷന്‍ പൂര്‍ത്തിയായി. ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്‌നേഹില്‍ കുമാര്‍ സിങ്ങിന്റെ അധ്യക്ഷതയില്‍ ഇലക്ഷന്‍ ഡെപ്യൂട്ടി കലക്ടര്‍ കെ എസ് സുബിന്‍, രാഷ്ട്രീയ പാര്‍ട്ടി പ്രതിനിധികള്‍, തെരഞ്ഞെടുപ്പ് ഉദ്യോഗസ്ഥര്‍ എന്നിവരുടെ സാന്നിധ്യത്തില്‍ കലക്ടറുടെ ചേംബറിലാണ് റാന്‍ഡമൈസേഷന്‍ നടത്തിയത്. റാന്‍ഡമൈസേഷന്റെ പ്രിന്റ് ഔട്ട് എല്ലാ രാഷ്ട്രീയ പാര്‍ട്ടി പ്രതിനിധികള്‍ക്കും കൈമാറി. 

നിയമസഭാ തിരഞ്ഞെടുപ്പില്‍ രാഷ്ട്രീയ പാര്‍ട്ടികളുടെയും സ്ഥാനാര്‍ഥികളുടെയും ചെലവുകള്‍ നിരീക്ഷിക്കുന്നതിനുള്ള കേന്ദ്ര തിരഞ്ഞെടുപ്പ് കമ്മീഷന്റെ ചെലവ് നിരീക്ഷകര്‍ (എക്‌സ്‌പെന്‍ഡിച്ചര്‍ ഒബ്‌സര്‍വര്‍) കോഴിക്കോട് ജില്ലയിലെത്തി. തിരഞ്ഞെടുപ്പ് ചെലവ് സംബന്ധമായി പൊതുജനങ്ങള്‍ക്ക് ഉള്‍പ്പെടെ നിരീക്ഷകരെ ബന്ധപ്പെടാം. 

ഐആര്‍എസ് ഉദ്യോഗസ്ഥരായ 
കസ്ലു സദാനന്ദ് റാം റാവു, ദീപക് ആനന്ദ്, ഐഎ ആന്റ് എഎസ് ഉദ്യോഗസ്ഥൻ പുഷ്‌കര്‍ കുമാര്‍
എന്നിവരാണ് ജില്ലയിലെത്തിയത്.
കോഴിക്കോട് വെസ്റ്റ് ഹിൽ സർക്കാർ ഗസ്റ്റ് ഹൗസാണ് ക്യാമ്പ് ഓഫീസ്.

മണ്ഡലം, വരണാധികാരി, ഉപവരണാധികാരി ക്രമത്തിൽ 

വടകര: കെ അജീഷ് (സബ് കലക്ടർ/ആർ.ഡി.ഒ,  വടകര), എം വിജേഷ് 
(സീനിയർ സൂപ്രണ്ട്, റവന്യൂ ഡിവിഷണൽ ഓഫീസ് വടകര).

കുറ്റ്യാടി: എ സുരേന്ദ്രൻ (പ്രിൻസിപ്പൽ അഗ്രികൾച്ചറൽ ഓഫീസർ, കോഴിക്കോട്), എൽ കെ സുബൈർ (തഹസിൽദാർ, വടകര)

കൊയിലാണ്ടി: സി വി പ്രകാശൻ
(ഡെപ്യൂട്ടി കളക്ടർ -എൽ ആർ കലക്ടറേറ്റ്), ടി ബി പ്രകാശ് (തഹസിൽദാർ, കൊയിലാണ്ടി)

നാദാപുരം: കെ സി മനോജ്
(ഡിസ്ട്രിക്ട് രജിസ്ട്രാർ ജനറൽ, കോഴിക്കോട്), ബിനീഷ് 
(എൽ.ആർ തഹസിൽദാർ, വടകര)