കേരള സംസ്ഥാന പട്ടികജാതി, പട്ടിക ഗോത്രവർഗ്ഗ കമ്മീഷന്റെ ജില്ലാ പരാതി പരിഹാര അദാലത്ത് ജനുവരി 15, 16 തിയതികളിൽ നടക്കും. തൃശ്ശൂർ കളക്‌ടറേറ്റ് കോൺഫറൻസ് ഹാളിൽ (അനക്‌സ്) വെച്ച് നടത്തുന്ന അദാലത്തിന് കമ്മീഷൻ ചെയർപേഴ്‌സൻ ശേഖരൻ മിനിയോടൻ (ഐ.പി.എസ്) റിട്ട, മെമ്പർമാരായ അഡ്വ. സേതുനാരായണൻ, ടി.കെ. വാസു എന്നിവർ നേതൃത്വം നൽകും. പോലീസ്, റവന്യൂ, കൃഷി, പഞ്ചായത്ത്, പട്ടികജാതി/പട്ടികവർഗ്ഗ വികസനം തുടങ്ങി വിവിധ വകുപ്പുകളിലെ ഉദ്ദ്യോഗസ്ഥർ അദാലത്തിൽ പങ്കെടുക്കും.

ഭിന്നശേഷി സമൂഹത്തിന്റെ ശാക്തീകരണവും സാമൂഹിക ഉൾച്ചേർക്കലും മുഖ്യലക്ഷ്യമായി, 'സവിശേഷ - Carnival of the Different' എന്ന പേരിൽ ഒരുക്കുന്ന ഭിന്നശേഷി സർഗ്ഗോത്സവത്തിൻ്റെ ലോഗോ 

ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ: ആർ ബിന്ദു പ്രകാശനം ചെയ്തു.

തൃശൂരിൽ ഈ മാസം 14 മുതൽ 18 വരെ നടക്കുന്ന സംസ്ഥാന സ്കൂൾ കലോത്സവത്തിൻ്റെ മീഡിയാ കമ്മിറ്റി യോഗം പ്രസ്ക്ലബ്ബിൽ ചേർന്നു. കലോത്സവ വിജയത്തിന് മാധ്യമ സമൂഹത്തിൻ്റെ എല്ലാ പിന്തുണയുമുണ്ടാവണമെന്ന് യോഗം അഭ്യർത്ഥിച്ചു.

 ഓരോ വേദിയിൽ നിന്നുമുള്ള മത്സര ഫലങ്ങൾ സംബന്ധിച്ച വിവരങ്ങൾ അതതു സമയം പ്രസിദ്ധീകരിക്കാൻ ഫലപ്രദമായ രീതിയിൽ മീഡിയാ സെൻ്റർ പ്രവർത്തിക്കും. കലോത്സവ റിപ്പോർട്ടിങ്ങിനെത്തുന്നമാധ്യമ പ്രവർത്തകർക്ക് മീഡിയാ പാസ്, മറ്റനുബന്ധ സൗകര്യങ്ങൾ എന്നിവ ഏർപ്പാടാക്കുന്നതിനു വേണ്ട പ്രവർത്തനങ്ങൾ നടത്തും. 

ദേശീയ ഭക്ഷ്യ ഭദ്രതാ നിയമം 2013 ന്റെ ഭാഗമായി പൊതുവിദ്യാഭ്യാസ വകുപ്പ് വഴി തൃശൂർ ജില്ലയിലെ ഉച്ചഭക്ഷണ പദ്ധതി നിർവഹണ പ്രവർത്തനങ്ങൾ വിലയിരുത്തു ന്നതിനായി സംസ്ഥാന ഭക്ഷ്യ കമ്മീഷൻ അംഗം ഷീല വിജയകുമാറിന്റെ നേതൃത്വത്തിൽ തൃശൂർ വിദ്യാഭ്യാസ ഉപ ഡയറക്ടറുടെ ഓഫീസിൽ അവലോകന യോഗം നടന്നു. ജില്ലാ നൂൺ മീൽ സൂപ്പർവൈസർ പ്രിയ അധ്യക്ഷത വഹിച്ച

യോഗത്തിൽ ജില്ലയിലെ വിവിധ സബ് ജില്ലകളിലെ എ ഇ ഒ മാർ, നൂൺ മീൽ ഓഫീസർമാർ എന്നിവർ യോഗത്തിൽ പങ്കെടുത്ത് പദ്ധതി നിർവഹണത്തിന്റ പ്രവർത്തന റിപ്പോർട്ട് അവതരിപ്പിച്ചു. 

സാംസ്കാരിക രംഗത്ത് കണ്ടുവരുന്ന അന്ധവിശ്വാസങ്ങളും വർഗീയതയും ചെറുക്കാൻ സാംസ്കാരികവകുപ്പ് പദ്ധതികൾ ആവിഷ്കരിക്കണമെന്ന് പ്രശസ്ത ചലച്ചിത്ര സംവിധായകൻ കമൽ അഭിപ്രായപ്പെട്ടു. സിറ്റിസൺ റസ്പോൺസ് പ്രോഗ്രാം ഭവനസന്ദർശന പരിപാടിയുടെ ഭാഗമായി ഭവനസന്ദർശനത്തിനെത്തിയ കർമ്മ സേനാംഗങ്ങളോട് സംസാരിക്കുകയായിരുന്നു അദ്ദേഹം.

  മുസരിസ് പദ്ധതിയിൽ ടൂറിസം ഉൾപ്പടെയുള്ള കാര്യങ്ങളിൽ കൊടുങ്ങല്ലൂരിന് കൂടുതൽ പദ്ധതികൾ നടപ്പാക്കണമെന്ന് അദ്ദേഹം പറഞ്ഞു.

ഭിന്നശേഷി സമൂഹത്തിന്റെ ശാക്തീകരണവും സാമൂഹിക ഉൾച്ചേർക്കലും മുഖ്യലക്ഷ്യമായി, 'സവിശേഷ - കാർണിവൽ ഓഫ് ദി ഡിഫറൻ്റ്' എന്ന പേരിൽ ഒരുക്കുന്ന ഭിന്നശേഷി സർഗ്ഗോത്സവത്തിൻ്റെ ലോഗോ 2026 ജനുവരി മൂന്നിന് ശനിയാഴ്ച തൃശൂരിൽ പ്രകാശനം ചെയ്യും.

ഉച്ചയ്ക്ക് 12.45ന് തൃശൂർ പ്രസ് ക്ലബിൽ നടക്കുന്ന ചടങ്ങിൽ ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ. ബിന്ദു ലോഗോ പ്രകാശനം നിർവഹിക്കും. 

സംസ്ഥാന സർക്കാരിൻ്റെ ജനസമ്പർക്ക പരിപാടിയായ സിറ്റിസൺ റസ്പോൺസ് പ്രോഗ്രാം വികസന, ക്ഷേമ പഠന പരിപാടിയുടെ ഭാഗമായുള്ള കർമ്മ സേനാ ഭവന സന്ദർശനം തൃശൂർ ജില്ലയിൽ തുടങ്ങി. 2030ൽ കേരളം എങ്ങനെയായിരിക്കണമെന്ന പൊതുജനാഭിപ്രായ രൂപീകരണ പരിപാടിയാണിത്. നാട്ടിൽ ഇതുവരെ നടന്ന വികസനങ്ങൾ, ഇനിയും അടിയന്തരമായി നടത്തേണ്ട വികസനങ്ങൾ എന്നിവ ഈ പഠന പരിപാടിയിൽ ചർച്ച ചെയ്യും. 

പ്രത്യേക പരിശീലനം നേടിയ കർമസേനാംഗങ്ങളായിരിക്കും വീടുകളിൽ നേരിട്ടെത്തി പൊതു ജനങ്ങളുടെ അഭിപ്രായം തേടുക. തദ്ദേശീയ പ്രശ്നങ്ങളെക്കുറിച്ച് അഭിപ്രായം പറയാൻ ഓരോ പൗരനും ഈ പരിപാടി അവസരമൊരുക്കും.

മുഖ്യമന്ത്രി പിണറായി വിജയന്‍ വൈകിട്ട് 5.30 ന് സരസ് മേള ഉദ്ഘാടനം ചെയ്യും
       
28 സംസ്ഥാനങ്ങള്‍, ആകെ 250 സ്റ്റാളുകള്‍, മുപ്പതിലധികം ഫുഡ് സ്റ്റാളുകള്‍ അടങ്ങുന്ന മെഗാ ഇന്ത്യന്‍ ഫുഡ്‌കോര്‍ട്ട്, അമ്യൂസ്‌മെന്റ് പാര്‍ക്ക്, ഫ്‌ളവര്‍ ഷോ, ഹാപ്പിനെസ് കോര്‍ണര്‍ എന്നിവ മേളയുടെ ആകര്‍ഷണമാകും

കോട്ടയം: ന്യൂനപക്ഷ യുവജനങ്ങൾക്കായി കാഞ്ഞിരപ്പള്ളിയിൽ പ്രവർത്തിക്കുന്ന  പരിശീലന കേന്ദ്രത്തിൽ സൗജന്യ പി.എസ്.സി. പരിശീലനത്തിന് അപേക്ഷ ക്ഷണിച്ചു. അപേക്ഷകർ 18 വയസ് തികഞ്ഞവരും എസ്.എസ്.എൽസിയോ ഉയർന്ന യോഗ്യതകളോ ഉള്ളവരും ആയിരിക്കണം. ജനുവരി ഒൻപത് വരെ അപേക്ഷ നൽകാം. വ്യക്തിഗതവിവരങ്ങൾ, രണ്ട് പാസ്പോർട്ട് സൈസ് ഫോട്ടോ, യോഗ്യത തെളിയിക്കുന്ന സർട്ടിഫിക്കറ്റ്, ആധാർ കാർഡ് എന്നിവയുടെ പകർപ്പു സഹിതം പ്രിൻസിപ്പൽ, സി.സി.എം.വൈ, നൈനാർ പള്ളി ബിൽഡിംഗ്, കാഞ്ഞിരപ്പള്ളി പി.ഒ. -686507 എന്ന വിലാസത്തിലോ നേരിട്ടോ അപേക്ഷ നൽകണം. ഫോൺ: 9048345123, 9496223724, 9947066889, 04828-202069.