മലമ്പുഴ വനിത ഐ.ടി.ഐയില്‍ പ്രവേശന നടപടികളുടെ ഭാഗമായ ആദ്യ കൗണ്‍സിലിങ് ജൂലൈ 18ന് രാവിലെ 8.30ന് നടക്കും.

കേരള സംസ്ഥാന സഹകരണ ജീവനക്കാരുടെ പെന്‍ഷന്‍ ബോര്‍ഡ് മുഖേന പെന്‍ഷന്‍ വാങ്ങുന്ന പ്രാഥമിക സഹകരണ സംഘം, കേരള ബാങ്ക്, സഹകരണേതര വകുപ്പുകളിലെ സഹകരണ സംഘങ്ങളില്‍ നിന്നും വിരമിച്ച പെന്‍ഷന്‍കാര്‍, കുടുംബ പെന്‍ഷന്‍ വാങ്ങുന്നവര്‍, ആശ്വാസ്-സമാശ്വാസ് പദ്ധതി പ്രകാരം പെന്‍ഷന്‍ വാങ്ങുന്നവര്‍, കയര്‍ സ്‌പെഷ്യല്‍ സ്‌കീം പ്രകാരം പെന്‍ഷന്‍ വാങ്ങുന്നവര്‍ 2026 ജനുവരി മാസത്തിന് മുന്‍പ് പെന്‍ഷന്‍ ലഭിച്ചു തുടങ്ങിയവര്‍ക്ക് അക്ഷയ കേന്ദ്രം മുഖേന 'ജീവന്‍രേഖ' വഴി ബയോമെട്രിക് രീതിയില്‍ സെപ്റ്റംബര്‍ 30 വരെ വാര്‍ഷിക

 വടക്കാഞ്ചേരി ജില്ലാ ആശുപത്രിയിലെ അൾട്രാ സൗണ്ട് സ്കാനിംഗ് വിഭാഗത്തിലേക്ക് കരാർ അടിസ്ഥാനത്തിൽ റേഡിയോളജിസ്റ്റിനെ ആവശ്യമുണ്ട്.  എം.ബി.ബി.എസും എം.ഡിയും (റേഡിയോളജി) അല്ലെങ്കിൽ ഡി.എം.ആർ.ഡിയും യോഗ്യതയുള്ളവർക്ക് അപേക്ഷിക്കാം. അൾട്രാ സൗണ്ട് സ്കാനിംഗ് രംഗത്ത് മുൻപരിചയമുള്ള ഉദ്യോഗാർത്ഥികൾക്ക് മുൻഗണന. ആശുപത്രി വികസന സമിതി നിശ്ചയിക്കുന്ന നിരക്കിലായിരിക്കും വേതനം.

ഇടുക്കി ജില്ലയിലെ വിമുക്തഭടന്മാര്‍ക്കും ആശ്രിതര്‍ക്കും വിവിധ സാമ്പത്തിക സഹായങ്ങള്‍ക്ക് അപേക്ഷ ക്ഷണിച്ചു.
2025-26 വിദ്യാഭ്യാസ വര്‍ഷത്തില്‍ പത്ത്, പന്ത്രണ്ട് ക്ലാസുകളിലെ വാര്‍ഷിക പരീക്ഷയില്‍ 90 ശതമാനമോ അതില്‍ കൂടുതലോ മാര്‍ക്ക് നേടിയ വിമുക്തഭടന്മാരുടെ മക്കള്‍, ഭിന്നശേഷിയുള്ള മക്കള്‍, രണ്ടാംലോക മഹായുദ്ധത്തിലോ, 1965/1971 യുദ്ധത്തിലോ പങ്കെടുത്തവര്‍, വൃദ്ധസദനത്തില്‍ കഴിയുന്ന വിമുക്തഭടന്മാര്‍/വിധവകള്‍, സ്പോര്‍ട്ട്സ് ഇനങ്ങളില്‍ ജില്ലാ/സംസ്ഥാന തലത്തില്‍ സമ്മാനങ്ങള്‍ നേടിയ വിമുക്തഭടന്മാരുടെ മക്കള്‍ എന്നിവര്‍ക്കാണ് സാമ്പത്തിക സഹായം ലഭിക്കുക.

കൊടുവായൂര്‍ സാമൂഹികാരോഗ്യ കേന്ദ്രത്തിലേക്ക് എച്ച് എം സി മുഖേന ദിവസവേതനാടിസ്ഥാനത്തില്‍ താല്‍ക്കാലികമായി ലാബ് ടെക്നീഷ്യനെ നിയമിക്കുന്നു. അപേക്ഷകര്‍ 40 വയസ് കവിയാത്തവരും ഡി എം എല്‍ ടി/ ബി എസ് സി എം എല്‍ ടിയും പാരാമെഡിക്കല്‍ കൗണ്‍സിലിന്റെ രജിസ്ട്രേഷന്‍ ലഭിച്ചവരും ആയിരിക്കണം. ബയോഡേറ്റ, വയസ്, യോഗ്യത തെളിയിക്കുന്ന സര്‍ട്ടിഫിക്കറ്റ് എന്നിവയുടെ അസല്‍ പകര്‍പ്പ് സഹിതം ജൂലൈ 22ന് ഉച്ചയ്ക്ക് രണ്ടിന് ആരോഗ്യ കേന്ദ്രത്തില്‍ എത്തണമെന്ന് സൂപ്രണ്ട് അറിയിച്ചു.

തൃശ്ശൂർ ജില്ലയിൽ ഒഴിവാക്കല്‍ മാനദണ്ഡങ്ങളില്‍ ഉള്‍പ്പെട്ടുവരാത്ത കുടുംബങ്ങളുടെ പൊതുവിഭാഗം റേഷന്‍ കാര്‍ഡുകള്‍ മുന്‍ഗണനാ വിഭാഗത്തിലേക്ക് (പിഎച്ച്എച്ച് - പിങ്ക്) തരം മാറ്റുന്നതിന് അക്ഷയ/ ജനസേവന കേന്ദ്രം മുഖേന ജൂലൈ 20 വരെ ഓണ്‍ലൈനായി അപേക്ഷ സമര്‍പ്പിക്കാം. തരം മാറ്റത്തിനായുള്ള അപേക്ഷകൾ ജൂൺ 27 മുതൽ സ്വീകരിച്ചുവരുന്നുണ്ട്.

 ജൻ ശിക്ഷൺ സൻസ്ഥാൻ തൃശ്ശൂരിന്റെ വാർഷിക സപ്ലിമെന്റ് ജില്ലാ കളക്ടർ ശിഖ സുരേന്ദ്രൻ പ്രകാശനം ചെയ്തു. ജില്ലയിൽ ജൻ ശിക്ഷൺ സൻസ്ഥാൻ നടപ്പിലാക്കിവരുന്ന വിവിധ നൈപുണ്യ വികസന പ്രവർത്തനങ്ങളുടെയും പദ്ധതികളുടെയും ആവിഷ്കാരമാണ് സപ്ലിമെന്റിൽ ഉൾപ്പെടുത്തിയിട്ടുള്ളത്.

ജില്ലാ കളക്ടറുടെ ചേമ്പറിൽ നടന്ന പരിപാടിയിൽ ജൻ ശിക്ഷൺ സൻസ്ഥാൻ ഡയറക്ടർ സുധ സോളമൻ, പ്രോഗ്രാം ഓഫീസർമാരായ ടി.കെ. സഖി, വി.വി. വിന്യ, രേഷ്മ തിലകൻ, എൻ.ആർ. സൂര്യ തുടങ്ങിയവർ പങ്കെടുത്തു.

ജില്ലാതല ബാങ്കേഴ്‌സ് മീറ്റ് ജൂലൈ 20ന് രാവിലെ 10ന് ടോപ്പ് ഇന്‍ ടൗണില്‍ രമേഷ് പിഷാരടി എം എല്‍ എ ഉദ്ഘാടനം ചെയ്യും. ജില്ലാ വ്യവസായ കേന്ദ്രത്തിന്റെ എം.എസ്.എം.ഇ പദ്ധതികളെ പ്രോത്സാപിപ്പിക്കുന്നതിന്റെ ഭാഗമായാണ് പരിപാടി നടത്തുന്നത്. ജില്ലയിലെ സംരംഭകര്‍ക്കായി ബാങ്കിങ് നടപടിക്രമങ്ങള്‍ പരിചയപ്പെടുന്നതിനും ബാങ്ക് ഉദ്യോഗസ്ഥരുമായി നേരിട്ട് സംവദിക്കുന്നതിനും വിവിധ ബാങ്കിങ് സ്‌കീമിനെക്കുറിച്ച് അറിയുന്നതിനും ബാങ്ക് വായ്പ ലഭിക്കുന്നതിനും അവസരം ഉണ്ടായിരിക്കും.

അറിവാണ് വ്യക്തികളെ സ്വതന്ത്രരാക്കുന്നതെന്നും ആ അറിവ് നേടാന്‍ പരമാവധി കഠിനപ്രയത്‌നം ചെയ്യണമെന്നും പട്ടികജാതി പട്ടികവര്‍ഗ പിന്നാക്ക വിഭാഗ വികസന വകുപ്പ് മന്ത്രി കെ.എ. തുളസി. ഇടുക്കി ബ്ലോക്ക് പഞ്ചായത്ത് സംഘടിപ്പിച്ച ഉയരെ - എസ് എസ് എല്‍ സി, പ്ലസ് ടു പരീക്ഷകളില്‍ വിജയിച്ച പട്ടികജാതി, പട്ടികവര്‍ഗ വിദ്യാര്‍ഥികള്‍ക്കുള്ള അവാര്‍ഡ് വിതരണവും അനുമോദന സമ്മേളനവും ഉദ്ഘാടനം ചെയ്യുകയായിരുന്നു മന്ത്രി.