പുതുക്കോട് ഗ്രാമപഞ്ചായത്തിലെ സര്‍വ്വജന എച്ച്.എസ്.എസ് സ്‌കൂളില്‍ പുതിയതായി നിര്‍മ്മിച്ച ശുചിമുറി ബ്ലോക്കുകള്‍  ഗ്രാമപഞ്ചായത്ത് പ്രസിഡന്റ് ഹസീന ടീച്ചര്‍ ഉദ്ഘാടനം ചെയ്തു. പാലക്കാട് ജില്ലാ പഞ്ചായത്ത് 2023-24 വാര്‍ഷിക പദ്ധതിയില്‍ ഉള്‍പ്പെടുത്തി 18 ലക്ഷം രൂപ നിര്‍മാണ ചെലവിലാണ് ശുചിമുറികള്‍ നിര്‍മിച്ചിരിക്കുന്നത്. 228 ചതുരശ്ര അടിയില്‍ ആണ്‍ കുട്ടികള്‍ക്കും, 127 പെണ്‍കുട്ടികള്‍ക്കുമായാണ് ശുചിമുറി നിര്‍മിച്ചിരിക്കുന്നത്.

പേവിഷബാധ പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലെ സ്‌കൂളുകളില്‍ സ്‌പെഷ്യല്‍ അസംബ്ലി സംഘടിപ്പിച്ചു. ജില്ലാ മെഡിക്കല്‍ ഓഫീസ്, ദേശീയാരോഗ്യ ദൗത്യം പാലക്കാടും വിദ്യാഭ്യാസ വകുപ്പും സംയുക്തമായി ബിഗ്ബസാര്‍ ഗവ. ഹയര്‍സെക്കന്‍ഡറി സ്‌കൂളില്‍  സംഘടിപ്പിച്ച പരിപാടിയുടെ ജില്ലാതല ഉദ്ഘാടനം ജില്ലാപഞ്ചായത്ത് വൈസ് പ്രസിഡന്റ് സി.കെ ചാമുണ്ണി നിര്‍വഹിച്ചു.

പാലക്കാട് ജില്ലയില്‍ എക്‌സൈസ് വകുപ്പില്‍ വനിത സിവില്‍ എക്‌സൈസ് ഓഫീസര്‍ (കാറ്റഗറി നമ്പര്‍ 613/2021)  തസ്തികയിലേക്കുള്ള നിയമനത്തിനായി നിലവില്‍ വന്ന 484/2024/ഡി.ഒ.പി നമ്പര്‍ റാങ്ക്പട്ടിക കാലാവധി പൂര്‍ത്തിയായതിനാല്‍ 16.04.2025 പൂര്‍വാഹ്നം പ്രാബല്യത്തില്‍ റദ്ദാക്കിയതായി പി എസ് സി ജില്ലാ ഓഫീസര്‍ അറിയിച്ചു.  

 
കേരള മീഡിയ അക്കാദമിയില്‍ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ ടെലിവിഷന്‍ ജേണലിസത്തില്‍ അധ്യാപക നിയമനം നടത്തുന്നു.  ജേണലിസത്തില്‍ ബിരുദാനന്തര ബിരുദം അല്ലെങ്കില്‍ ഏതെങ്കിലും വിഷയത്തില്‍ ബിരുദാനന്തര ബിരുദവും ജേണലിസത്തില്‍ പി.ജി.ഡിപ്ലോമയുമാണ് യോഗ്യത.  ടെലിവിഷന്‍ വാര്‍ത്താ വിഭാഗത്തില്‍ അഞ്ചുവര്‍ഷത്തെ പ്രവൃത്തിപരിചയമുള്ള 40 വയസുള്ളവര്‍ക്കും  അപേക്ഷിക്കാം. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ പകര്‍പ്പുമായി ജൂലൈ 15 വൈകിട്ട് അഞ്ചിനകം സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി 30 വിലാസത്തില്‍ അപേക്ഷ നല്‍കണം. ഫോണ്‍- 0484-2422275/04842422068.

പല്ലശ്ശന ഗ്രാമപഞ്ചായത്തിന്റെ നേതൃത്വത്തില്‍ 2024- 25 അധ്യയന വര്‍ഷത്തില്‍ ഉന്നതവിജയം നേടിയ വിദ്യാര്‍ഥികളെ അനുമോദിച്ചു. കെ. ബാബു എം.എല്‍.എ അനുമോദന സദസ്സ് ഉദ്ഘാടനം ചെയ്തു. എസ്.എസ്.എല്‍.സി, പ്ലസ് ടു പരീക്ഷയില്‍ ഫുള്‍ എ-പ്ലസ് നേടിയ 57 വിദ്യാര്‍ഥികളെയും ഉന്നത വിജയം നേടിയ മറ്റ് 154 കുട്ടികളെയുമാണ് അനുമോദിച്ചത്.

അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ എച്ച്.എസ്.ടി ഇംഗ്ലീഷ് തസ്തികയില്‍ താല്‍കാലിക അധ്യാപക നിയമനം . അഭിമുഖം ജൂലൈ നാലിന് രാവിലെ 11 മണിക്ക് ഓഫീസില്‍ നടക്കും. പി.എസ്.സി നിഷ്‌കര്‍ഷിക്കുന്ന യോഗ്യതയുള്ളവര്‍ക്ക് പങ്കെടുക്കാം. താല്‍പര്യമുള്ളവര്‍ യോഗ്യത, വയസ്സ്, മുന്‍പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകള്‍, തിരിച്ചറിയല്‍ രേഖ എന്നിവയുമായി സ്‌കൂളില്‍ എത്തണം.

കേരള സംസ്ഥാന ഇലക്ട്രിസിറ്റി ലൈസന്‍സിങ് ബോര്‍ഡ്, വയര്‍മാന്‍ പ്രായോഗിക പരീക്ഷ ജൂലൈ രണ്ട് മുതല്‍ അഞ്ച് വരെ നടക്കും. മലമ്പുഴ ഗവ ഐ.ടി.ഐയില്‍ രാവിലെ ഒന്‍പത് മുതല്‍ നാല് വരെയാണ് പരീക്ഷ.

ശുചിത്വ മിഷനില്‍ ഐ.ഇ.സി അസിസ്റ്റന്റ് കോ-ഓര്‍ഡിനേറ്റര്‍ തസ്തികയിലേക്ക് താത്ക്കാലിക നിയമനം നടത്തുന്നു. ബിരുദം, ജേണലിസത്തില്‍ പി.ജി ഡിപ്ലോമ അല്ലെങ്കില്‍ ബി.എ ജേണലിസം ആന്‍ഡ് മാസ് കമ്മ്യൂണിക്കേഷനാണ് യോഗ്യത. രണ്ട് വര്‍ഷത്തെ പ്രവര്‍ത്തിപരിചയം അഭികാമ്യം. ഉദ്യോഗാര്‍ത്ഥികള്‍ അപേക്ഷയും ബയോഡാറ്റയും ജൂലൈ ഏഴിനകം wnd.sm@kerala.gov.in ല്‍ നല്‍കണം. ഫോണ്‍- 04936 203223