കോട്ടയം: സംസ്ഥാന പരിവർത്തിത ക്രൈസ്തവ ശുപാർശിത വിഭാഗം വികസന കോർപ്പറേഷനിൽ നിന്ന് വായ്പയെടുത്തിട്ടുള്ളവർക്കായി കുടിശിക നിവാരണ യജ്ഞം സംഘടിപ്പിക്കുന്നു. ഒറ്റ തവണയായോ തവണകളായോ ജനുവരി ഒന്നു മുതൽ മാർച്ച് 31 വരെ കുടിശിക അടച്ചു തീർക്കുന്നവർക്ക് പിഴപ്പലിശ, സർവീസ് ചാർജ്, നോട്ടീസ് ചാർജ് എന്നിവ ഒഴിവാക്കി നൽകും. കൂടാതെ 2022 മാർച്ച് 31ന് മുൻപായി വായ്പയെടുത്തിട്ടുള്ളവർക്ക് വ്യവസ്ഥകൾക്ക് വിധേയമായി കുടിശിക പുനഃക്രമീകരിക്കുന്നതിന് നവജീവൻ പദ്ധതി(രണ്ടാം ഘട്ടം)യും നടപ്പിലാക്കും. വിശദവിവരത്തിന് അതത് റീജണൽ/ സബ് ഓഫീസുകളുമായി ബന്ധപ്പെടണം. ഫോൺ: 0481-2564304, 9400309740.
 

കോട്ടയം: സ്റ്റേറ്റ് റിസോഴ്സ് സെന്ററിന്റെ നേതൃത്വത്തിലുള്ള എസ്.ആർ.സി. കമ്മ്യൂണിറ്റി കോളജ് ജനുവരി സെഷനിൽ ആരംഭിക്കുന്ന വിവിധ പ്രോഗ്രാമുകളിലേക്ക് അപേക്ഷിക്കാനുള്ള തീയതി ജനുവരി 15 വരെ നീട്ടി. 17 വയസിനു മുകളിൽ പ്രായമുള്ളവർക്ക് അപേക്ഷിക്കാം. ലിങ്ക് https://app.srccc.in/register . ഫോൺ: 0471-2325101, 8281114464.

കോട്ടയം: പ്രമുഖ സ്വകാര്യ സ്ഥാപനത്തിലെ നൂറിലധികം ഒഴിവുകളിലേക്ക് ജില്ലാ എംപ്ലോയ്മെന്റ് എക്സ്ചേഞ്ചിൽ പ്രവർത്തിക്കുന്ന എംപ്ലോയബിലിറ്റി സെന്ററിൽ വച്ച് അഭിമുഖം നടത്തും. ഉദ്യോഗാർഥികൾ ജനുവരി അഞ്ചിന് രാവിലെ 10ന് കളക്ടറേറ്റിൽ പ്രവർത്തിക്കുന്ന എംപ്ലോയബിലിറ്റി സെന്ററിൽ എത്തി രജിസ്റ്റർ ചെയ്യണം. ഫോൺ: 0481-2563451, 8138908657.
 

കോട്ടയം: ജില്ലാ വനിതാ ശിശുവികസന ഓഫീസിന്റെ പ്രവർത്തനത്തിന് കരാർ അടിസ്ഥാനത്തിൽ എ.സി. വാഹനം നൽകുന്നതിന് താത്പര്യമുള്ള വ്യക്തികൾ/ ഏജൻസികൾ എന്നിവരിൽ നിന്ന് ടെൻഡർ ക്ഷണിച്ചു. ജനുവരി 12 ഉച്ചകഴിഞ്ഞ് 2.30 വരെ ടെൻഡറുകൾ നൽകാം. വിശദവിവരങ്ങൾക്ക് ജില്ലാ വനിതാ ശിശു വികസന ഓഫീസുമായി നേരിട്ടോ 0481 2961272 എന്ന നമ്പറിലോ ബന്ധപ്പെടണം.
 

കോട്ടയം: പാമ്പാടി രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിൽ കമ്പ്യൂട്ടർ സയൻസ് ആൻഡ് എൻജിനീയറിംഗ് വിഭാഗത്തിൽ അസിസ്റ്റന്റ് പ്രൊഫസർമാരുടെ താൽക്കാലിക ഒഴിവുണ്ട്. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. സർട്ടിഫിക്കറ്റുകളുമായി ജനുവരി അഞ്ചിന് രാവിലെ 10ന് കമ്പ്യൂട്ടർസയൻസ് ആൻഡ് എൻജിനീയറിംഗ് വിഭാഗത്തിലെത്തണം. വിശദവിവരങ്ങൾക്ക് www.rit.ac.in , ഫോൺ: 0481-2506153, 0481-2507763.

കോട്ടയം: ജില്ലയിലെ വിദ്യാഭ്യാസ വകുപ്പിൽ എൽ.പി. സ്‌കൂൾ ടീച്ചർ (മലയാളം മാധ്യമം-കാറ്റഗറി നമ്പർ. 516/2019) തസ്തികയിലെ റാങ്ക് പട്ടികയുടെ കാലാവധി പൂർത്തിയായതിനാൽ 2025 മേയ് 30 അർധരാത്രി മുതൽ റദ്ദാക്കിയതായി കേരള പബ്ലിക് സർവീസ് കമ്മീഷൻ കോട്ടയം ജില്ലാ ഓഫീസർ അറിയിച്ചു.

തൃശൂരിൻ്റെ തനിമയും പാരമ്പര്യവും ഉൾക്കൊള്ളുന്ന രീതിയിൽ 64 -ാമത് സംസ്ഥാന സ്കൂൾ കലോത്സവം വിജയകരമായി സംഘടിപ്പിക്കുന്നതിനായി അഡിഷണൽ ജില്ലാ മജിസ്ട്രേറ്റ് ടി. മുരളിയുടെ അധ്യക്ഷതയിൽ ആലോചനാ യോഗം ചേർന്നു. മേയർ ഡോ. നിജി ജസ്റ്റിൻ യോഗത്തിന് നേതൃത്വം നൽകി. വിവിധ ജില്ലകളിൽ നിന്ന് കലോത്സവത്തിനെത്തുന്ന വിദ്യാർത്ഥികൾക്ക് കൗതുകം ഉണർത്തുന്ന രീതിയിൽ ആനകൾ, കുടമാറ്റം, വാദ്യമേളം, വെടിക്കെട്ട് എന്നിവ ഒരുക്കി സ്കൂൾ കലോത്സവം വർണാഭമാക്കി മാറ്റുന്നതിൻ്റെ സാധ്യതകൾ പരിശോധിക്കാൻ യോഗം തീരുമാനിച്ചു. 

തൃശ്ശൂർ ഗവൺമെൻറ് എൻജിനീയറിങ് കോളേജിലെ സ്കൂൾ ഓഫ് ആർക്കിടെക്ചർ ആൻഡ് പ്ലാനിംഗ് വകുപ്പിലെ സ്റ്റുഡിയോകൾക്കുള്ള ഡ്രോയിംഗ് ബോർഡിന്റെ സേവനത്തിനായി ടെണ്ടർ ക്ഷണിച്ചു. ജനുവരി 15ന് ഉച്ചക്ക് രണ്ട് മണിക്ക് മുൻപ് പ്രിൻസിപ്പൽ, ഗവ. എഞ്ചിനീയറിംഗ് കോളേജ്, എഞ്ചിനീയറിംഗ് കോളേജ്.പി.ഒ, തൃശൂർ-680009, കേരളം എന്ന വിലാസത്തിൽ ടെണ്ടർ സമർപ്പിക്കണം. ജനുവരി 16ന് ടെണ്ടർ തുറന്ന് പരിശോധിക്കും. ടെണ്ടർ ഫോമിനും കൂടുതൽ വിവരങ്ങൾക്കുമായി പ്രവൃത്തി സമയങ്ങളിൽ കോളേജ് ഓഫീസുമായി ബന്ധപ്പെടുക. ഫോൺ: 0487 2334144.

ആനന്ദപുരം സാമൂഹികാരോഗ്യകേന്ദ്രത്തിലെ ഈവനിംഗ് ഒപിയിലേക്ക് താൽക്കാലികമായി കരാർ അടിസ്ഥാനത്തിൽ ഒരു മെഡിക്കൽ ഓഫീസറെ നിയമിക്കുന്നു. ജനുവരി 12 തിങ്കളാഴ്ച രാവിലെ 11 മണിക്ക് ആനന്ദപുരം സാമൂഹികാരോഗ്യകേന്ദ്രത്തിൽ വെച്ച് വാക്-ഇൻ ഇൻറർവ്യൂ നടക്കും. എം.ബി.ബി.എസ്. ബിരുദവും ടി.സി.എം.സി രജിസ്ട്രേഷനും ഉള്ളവർക്ക് ബന്ധപ്പെട്ട രേഖകളുടെ അസ്സൽ സഹിതം ഇൻറർവ്യൂവിൽ പങ്കെടുക്കാം.

കൂടുതൽ വിവരങ്ങൾക്ക് ഓഫീസ് പ്രവൃത്തി സമയങ്ങളിൽ 9946619942 എന്ന നമ്പറിൽ ബന്ധപ്പെടുക.