മൊറയൂര്‍-അരിമ്പ്ര പൂക്കോട്ടൂര്‍ റോഡിലെ അരിമ്പ്ര മുതല്‍ മൈലാടി വരെയുള്ള ഭാഗത്ത് പുനരുദ്ധാരണ പ്രവൃത്തികള്‍ ആരംഭിക്കുന്നതിനാല്‍ നാളെ (ബുധന്‍) മുതല്‍ പ്രവൃത്തി തീരുന്നതുവരെ റോഡിലൂടെയുള്ള ഗതാഗതം പൂര്‍ണ്ണമായും നിരോധിച്ചു. വാഹന ഗതാഗതത്തിനായി അനുബന്ധ റോഡുകള്‍ ഉപയോഗിക്കണം.

30 നാമനിര്‍ദേശ പത്രികകള്‍ തള്ളി

നിയമസഭാ തെരഞ്ഞെടുപ്പിന്റെ നാമനിര്‍ദേശ പത്രികകളുടെ സൂക്ഷ്മ പരിശോധന പൂര്‍ത്തിയായതോടെ ജില്ലയിലെ 16 മണ്ഡലങ്ങളിലായി ആകെ 113 സ്ഥാനാര്‍ഥികള്‍ മത്സര രംഗത്ത്. വിവിധ മണ്ഡലങ്ങളിലായി 30 നാമനിര്‍ദേശ പത്രികകള്‍ തള്ളി. നാമനിര്‍ദേശ പത്രികകളിലെ  അപൂര്‍ണ്ണത കാരണം രണ്ടെണ്ണവും 28 ഡമ്മി സ്ഥാനാര്‍ഥികളുടെ പത്രികകളുമാണ് തള്ളിയത്. നാമനിര്‍ദേശ പത്രിക പിന്‍വലിക്കാനുള്ള അവസാന തിയ്യതി മാര്‍ച്ച് 26 ആണ്. ഇതോടെ മത്സരചിത്രം വ്യക്തമാകും.

ഓരോ മണ്ഡലത്തിലെയും സ്ഥാനാര്‍ഥികളുടെ എണ്ണം, ബ്രാക്കറ്റില്‍ തള്ളിയ പത്രികയുടെ എണ്ണം.

നിയമസഭാ തിരഞ്ഞെടുപ്പിന്റെ ഭാഗമായി പ്രിസൈഡിങ് ഓഫീസർമാർക്കും ഫസ്റ്റ് പോളിങ് ഓഫീസർമാർക്കുമുള്ള പരിശീലന പരിപാടികൾക്ക് ജില്ലയിൽ തുടക്കമായി. ആലപ്പുഴ, അമ്പലപ്പുഴ മണ്ഡലങ്ങളുടെ പരിശീലന കേന്ദ്രങ്ങളായ ആലപ്പുഴ എസ് ഡി കോളേജ്, ചേർത്തല മണ്ഡലത്തിൻ്റെ പരിശീലന കേന്ദ്രമായ സെന്റ് മൈക്കിൾസ് കോളേജ്, അരൂർ മണ്ഡലത്തിന്റെ കേന്ദ്രമായ പള്ളിപ്പുറം എൻഎസ്എസ് കോളേജ് എന്നിവിടങ്ങളിൽ ജില്ലാ കളക്ടർ കെ ഇമ്പശേഖർ സന്ദർശനം നടത്തി. പരിശീലന കേന്ദ്രങ്ങളിൽ വോട്ടിങ് യന്ത്രങ്ങളുമായി ബന്ധപ്പെട്ട് ആവശ്യത്തിന് മോക്ക് ഡ്രിൽ സൗകര്യങ്ങൾ ഒരുക്കിയിട്ടുള്ളതായി ജില്ലാ കളക്ടർ അറിയിച്ചു. 

ചേര്‍ത്തല-മാരാരിക്കുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 36 (ആഞ്ഞിലിപ്പാലം ഗേറ്റ്) മാര്‍ച്ച് 24ന് രാത്രി എട്ട് മണി മുതല്‍   25ന് രാവിലെ ആറ് മണി വരെ അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 37 (പതിനൊന്നാം മൈല്‍ ഗേറ്റ്), 35 (വല്ലേ ഗേറ്റ്) എന്നിവ വഴി പോകണം.

കെഎസ്ഇബി ഏച്ചൂർ സെക്ഷന് കീഴിൽ മാർച്ച് 24ന് കാഞ്ഞിരോട് ബസാർ ട്രാൻസ്ഫോർമർ പരിധിയിൽ രാവിലെ എട്ട് മുതൽ 11 വരെയും കാഞ്ഞിരോട് ട്രാൻസ്ഫോർമർ പരിധിയിൽ 10.30 മുതൽ 12.30 വരെയും മുണ്ടേരി എച്ച്എസ് ട്രാൻസ്ഫോർമർ പരിധിയിൽ 12 മുതൽ രണ്ട് മണി വരെയും സബ്സ്റ്റേഷൻ ക്വാർട്ടേഴ്സ് ട്രാൻസ്ഫോർമർ പരിധിയിൽ ഒരു മണി മുതൽ മൂന്ന് മണി വരെയും ഭാഗികമായി വൈദ്യുതി മുടങ്ങും.

കണ്ണൂർ മട്ടന്നൂർ റോഡ് പ്രവൃത്തി നടക്കുന്നതിനാൽ മേലെചൊവ്വ മുതൽ ചാലോട് വരെ മാർച്ച് 24 മുതൽ ഏപ്രിൽ രണ്ട് വരെ രാത്രിയും പകലും ഗതാഗതം ഭാഗികമായി നിരോധിക്കുമെന്ന് കണ്ണൂർ പൊതുമരാമത്ത് വകുപ്പ് നിരത്തുകൾ ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

 
നിയസമഭാ തിരഞ്ഞെടുപ്പിൽ പ്രിസൈഡിംഗ് ഓഫീസർ, ഫസ്റ്റ് പോളിംഗ് ഓഫീസർ ഡ്യൂട്ടി ലഭിച്ചവർക്ക് പോസ്റ്റൽ ബാലറ്റിനുള്ള അപേക്ഷ ഫോറം പൂരിപ്പിച്ച് പോസ്റ്റിംഗ് ഓർഡർ സഹിതം മാർച്ച് 24 മുതൽ 29 വരെ, ഒന്നാംഘട്ട പരിശീലന കേന്ദ്രങ്ങളിൽ സമർപ്പിക്കാം. സെക്കന്റ് പോളിംഗ് ഓഫീസർ, തേർഡ് പോളിംഗ് ഓഫീസർ എന്നിവർക്ക് സൗകര്യപ്പെടുന്ന ഒന്നാംഘട്ട പരിശീലന കേന്ദ്രങ്ങളിൽ ഈ കാലയളവിൽ പോസ്റ്റൽ ബാലറ്റ് അപേക്ഷ സമർപ്പിക്കാം. 

മതിയായ രേഖകളില്ലാതെ കൊണ്ടുപോവുകയായിരുന്ന ആറ് ലക്ഷം രൂപ അഴീക്കോട് മണ്ഡലത്തിലെ പാപ്പിനിശ്ശേരിയിൽ നിന്നും ഫ്ലയിങ് സ്ക്വാഡ് പിടികൂടി. നിയമാനുസൃതമായ അളവിൽ കൂടുതൽ കടത്തിയ ഏഴ് ലിറ്റർ വിദേശമദ്യം തലശ്ശേരി മണ്ഡലത്തിലെ ചമ്പാട് നിന്നും സ്റ്റാറ്റിക് സർവൈലൻസ് ടീം പിടികൂടി എക്സൈസ് വകുപ്പിന് കൈമാറി.