മൂവാറ്റുപുഴ ക്ഷീരവികസന യൂണിറ്റ് കാര്യാലയത്തിൽ വുമൺ ക്യാറ്റിൽ കെയർ വർക്കർ തസ്തികയിലേക്ക് അപേക്ഷ ക്ഷണിച്ചു. എസ്എസ്എൽസി വിദ്യാഭ്യാസ യോഗ്യതയുള്ള 18നും 45 നും ഇടയിൽ പ്രായമുള്ള വനിതകൾക്ക് അപേക്ഷിക്കാം. അപേക്ഷകർ മൂവാറ്റുപുഴ ക്ഷീര വികസന യൂണിറ്റിന്റെ പരിധിയിൽ സ്ഥിരതാമസക്കാരായിരിക്കണം. പ്രവൃത്തിപരിചയം ഉള്ളവർക്ക് മുൻഗണന. പാസ്പോർട്ട് സൈസ് ഫോട്ടോ പതിച്ച അപേക്ഷകൾ അനുബന്ധ രേഖകൾ സഹിതം ജനുവരി 8 ഉച്ചകഴിഞ്ഞ് മൂന്നിന് മുൻപായി ക്ഷീരവികസന ഓഫീസറുടെ പക്കൽ സമർപ്പിക്കേണ്ടതാണ്. കൂടുതൽ വിവരങ്ങൾക്ക് ബ്ലോക്ക് തലത്തിൽ പ്രവർത്തിക്കുന്ന ക്ഷീര വികസന യൂണിറ്റ് കാര്യാലയവുമായി ബന്ധപ്പെടുക.

സ്റ്റേറ്റ് റിസോഴ്സ് സെൻറർ കേരളയുടെ നേതൃത്വത്തിലുള്ള എസ് ആർ സി കമ്മ്യൂണിറ്റി കോളേജ് 2026 ജനുവരി സെഷനിൽ ആരംഭിക്കുന്ന വിവിധ പ്രോഗ്രാമുകളിലേക്ക് അപേക്ഷ ക്ഷണിച്ചു. ആറുമാസം ദൈർഘ്യമുള്ള സർട്ടിഫിക്കറ്റ് കോഴ്സുകൾ, ഒരു വർഷം ദൈർഘ്യമുള്ള ഡിപ്ലോമ കോഴ്സുകൾ, രണ്ടുവർഷം ദൈർഘ്യമുള്ള അഡ്വാൻസ്ഡ് ഡിപ്ലോമ കോഴ്സുകൾ എന്നിവയിലേക്കാണ് അപേക്ഷ ക്ഷണിച്ചത്. 17 വയസ്സിന് മുകളിൽ പ്രായമുള്ള നിശ്ചിത യോഗ്യതയുള്ളവർക്ക് അപേക്ഷിക്കാം. താൽപര്യമുള്ളവർ https://app.srccc.in/register എന്ന ലിങ്കിലൂടെ ജനുവരി 15 നുള്ളിൽ അപേക്ഷ സമർപ്പിക്കേണ്ടതാണ്.കോഴ്സുകളുടെ വിശദാംശങ്ങൾ അറിയാൻ www.srccc.in എന്ന വെബ്സൈറ്റ് സന്ദർശിക്കുക.

ഭക്ഷ്യപൊതുവിതരണ വകുപ്പ് മന്ത്രി ജി.ആർ.അനിൽ പൊതുജനങ്ങളുമായി നേരിട്ടു സംവദിക്കുന്ന പ്രതിമാസ ഫോൺ - ഇൻ പരിപാടി ജനുവരി 3 ഉച്ചയ്ക്ക് 2  മുതൽ 3 വരെ നടത്തും. ഭക്ഷ്യ പൊതുവിതരണ ലീഗൽ മെട്രോളജി ഉപഭോക്തൃകാര്യ വകുപ്പുകളെ സംബന്ധിച്ച പരാതികളും നിർദ്ദേശങ്ങളും മന്ത്രിയെ നേരിട്ട് അറിയിച്ച് പരിഹാരം നേടാം.

സംസ്ഥാന സർക്കാർ തൊഴിൽ വകുപ്പിന് കീഴിൽ കൊല്ലം ചവറയിൽ പ്രവർത്തിക്കുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫ്രാസ്ട്രക്ചർ ആൻഡ് കൺസ്ട്രക്ഷനും, ചവറയിൽ തന്നെ പ്രവർത്തിക്കുന്ന കേന്ദ്ര പൊതുമേഖലാ സ്ഥാപനമായ ഐ ആർ ഇ എൽ (ഇന്ത്യ) ലിമിറ്റഡും  25 വനിതകൾക്കുള്ള സൗജന്യ സ്ത്രീ ശാക്തീകരണ തൊഴിൽ നൈപുണ്യ പരിശീലന പദ്ധതി നടപ്പിലാക്കുവാൻ ധാരണാ പത്രത്തിൽ ഒപ്പു വച്ചു.

* വെള്ളിയാഴ്ച മന്ത്രി വീണാ ജോർജ് ഉദ്ഘാടനം നിർവഹിക്കും

മാസ്റ്റർ ഓഫ് പബ്ലിക് ഹെൽത്ത് കോഴ്‌സിലേക്കുള്ള പ്രവേശനത്തിന് അപേക്ഷ സമർപ്പിച്ച്  www.lbscentre.kerala.gov.in  ൽ പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ ഉൾപ്പെട്ട അപേക്ഷാർത്ഥികൾക്ക് പ്രവേശനത്തിനുള്ള സ്‌പോട്ട് അലോട്ട്‌മെന്റ്  ജനുവരി 3ന് രാവിലെ 10 ന് എൽ.ബി.എസ് സെന്ററിന്റെ ജില്ലാ ഫെസിലിറ്റേഷൻ സെന്ററുകളിൽ നടത്തും.

കൊല്ലം വനിതാ ഐ.ടി.ഐയില്‍ ബേക്കര്‍ കണ്‍ഫെക്ഷണര്‍ ട്രേഡിലേക്ക് ആവശ്യമായ സാധനങ്ങള്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ജനുവരി ഒമ്പത് വൈകിട്ട് മൂന്ന് വരെ സ്വീകരിക്കും. ഫോണ്‍: 0474 2793714.
 

  കരുനാഗപ്പള്ളി ഐ. എച്ച്. ആര്‍. ഡി എഞ്ചിനീയറിംഗ് കോളേജില്‍ ടെക് ഫെസ്റ്റ് 'ആരംഭ് 3.0'   ജനുവരി  നാല്, അഞ്ച് തീയതികളില്‍ നടത്തും.   ഹാക്കത്തോണ്‍, റോബോവാര്‍ തുടങ്ങിയ  ഇനങ്ങളില്‍ മത്സരങ്ങള്‍ സംഘടിപ്പിക്കും.  ഓട്ടോ എക്‌സ്‌പോ, റോബോട്ടിക് എക്‌സിബിഷന്‍ സ്റ്റാളുകള്‍ ഉണ്ടായിരിക്കും.  
 
 
 

  ജില്ലയില്‍   ജനുവരി ഏഴ് മുതല്‍ 20 വരെ കുഷ്ഠരോഗ നിര്‍മാര്‍ജന പരിപാടി അശ്വമേധത്തിന്റെ ഭാഗമായുള്ള രോഗ നിര്‍ണയ ഭവന സന്ദര്‍ശന യജ്ഞം, ദേശീയ വിര വിമുക്ത ദിനം എന്നിവ  ആരംഭിക്കുന്നതിന്റെ മുന്നോടിയായി വിവിധ വകുപ്പുകളുടെ യോഗം കലക്‌ട്രേറ്റില്‍ ചേര്‍ന്നു. പരിശീലനം ലഭിച്ച 2001 വീതം പുരുഷ- സ്ത്രീ വോളന്റിയമാര്‍ വീടുകള്‍ സന്ദര്‍ശിച്ച് പരിശോധനകള്‍ നടത്തും.    

   ചവറ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനും ചവറ ഐ ആര്‍ ഇ എല്‍ (ഇന്ത്യ) ലിമിറ്റഡും  25 വനിതകള്‍ക്കായി സൗജന്യ സ്ത്രീ ശാക്തീകരണ തൊഴില്‍ നൈപുണ്യ പരിശീലനപദ്ധതി നടപ്പാക്കാന്‍ ധാരണാ പത്രത്തില്‍ ഒപ്പുവച്ചു. സര്‍ട്ടിഫിക്കറ്റ് പ്രോഗ്രാം ഇന്‍ ഫുഡ് പ്രൊഡക്ഷന്‍ (കോമീസ് ഷെഫ്)   ആറു മാസം ദൈര്‍ഘ്യമുള്ള സൂപ്പര്‍വൈസറി പരിശീലനമാണ് നല്‍കുന്നത്. പ്ലസ്ടു വിജയിച്ച  വനിതകള്‍ക്കാണ് അവസരം.   ഗുണഭോക്താക്കളെ  ഐ ആര്‍ ഇ എല്‍  ആണ് തിരഞ്ഞെടുക്കുന്നത്.  ഐ ആര്‍ ഇ എല്‍  മൈനിങ്  പ്രദേശങ്ങളിലെ  നിവാസികള്‍ക്ക് മുന്‍ഗണന.