2025 വര്‍ഷത്തെ ഐ.ടി.ഐ പ്രവേശനത്തിനായി https://itiadmissions.kerala.gov.in എന്ന പോര്‍ട്ടല്‍ വഴി അപേക്ഷ സമര്‍പ്പിച്ചതും ഫീസൊടുക്കാത്തതുമായ അപേക്ഷകര്‍ 2025 ജൂണ്‍ 30നകം ഓണ്‍ലൈനായി ഫീസൊടുക്കി സമീപത്തുള്ള സര്‍ക്കാര്‍ ഐ.ടി.ഐകളില്‍ നേരിട്ട് എത്തി  ജൂലൈ മൂന്നിനകം വെരിഫിക്കേഷന്‍ നടപടികള്‍ പൂര്‍ത്തിയാക്കണം. ഓണ്‍ലൈനായി അപേക്ഷ സമര്‍പ്പിക്കേണ്ട അവസാന തീയതി 2025 ജൂണ്‍ 30. വെരിഫിക്കേഷന്‍ നടത്തേണ്ട അവസാന തീയതി 2025 ജൂലൈ മൂന്ന്. അപേക്ഷ ഫീസ് നൂറ് രൂപ.
കൂടുതല്‍ വിവരങ്ങള്‍ക്ക്: 0483 2850238

സംസ്ഥാന സഹകരണ യൂണിയന്റെ നിയന്ത്രണത്തില്‍ നെയ്യാര്‍ ഡാമില്‍ പ്രവര്‍ത്തിക്കുന്ന കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) 2025- 27 എം.ബി.എ ബാച്ചിലേക്ക് എസ്‌.സി, എസ്.ടി,ഒ.ഇ.സി വിഭാഗങ്ങള്‍ക്കായി സംവരണം ചെയ്തിട്ടുള്ളതില്‍ ഒഴിവുള്ള സീറ്റിലേക്ക് സ്‌പോട്ട് അഡ്മിഷന്‍ നടത്തുന്നു.അര്‍ഹരായ വിദ്യാര്‍ത്ഥികള്‍ ജൂണ്‍ 30 തിങ്കളാഴ്ച രാവിലെ 10ന് അസ്സല്‍ രേഖകള്‍ സഹിതം കൂടിക്കാഴ്ചയിൽ പങ്കെടുക്കണം. കൂടുതല്‍ വിവരങ്ങള്‍ക്ക്: 8547618290

മലപ്പുറം ഗവ. കോളേജ് 2025-26 അധ്യയന വര്‍ഷത്തിലെ അഞ്ചാം സെമസ്റ്റര്‍ യു.ജി ക്ലാസുകളിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. താല്പര്യമുള്ള വിദ്യാര്‍ത്ഥികള്‍ ആവശ്യമായ രേഖകള്‍ സഹിതം കോളേജില്‍ അപേക്ഷ സമര്‍പ്പിക്കണം.
ജൂലൈ ഒന്ന് ചൊവ്വാഴ്ച വൈകിട്ട് നാല് വരെ അപേക്ഷ സ്വീകരിക്കും.

ബി.എസ്.സി ഫിസിക്‌സ്- മുസ്ലിം-ഒന്ന്, എസ്‌.സി-ഒന്ന്, ഇ.ഡബ്ല്യു.യു.എസ്-3,
ബി.എ-ഉറുദു, മുസ്ലിം-ഒന്ന്,
ബി.എ എക്കണോമിക്‌സ്- എസ്.ടി-ഒന്ന്, ബി.കോം- എസ്.ടി- ഒന്ന്, എന്നിങ്ങനെയാണ് ഒഴിവുകള്‍.
കൂടുതല്‍ വിവരങ്ങള്‍ക്ക്: 9061734918.

സംസ്ഥാന ഫിഷറീസ് വകുപ്പും കേരള മത്സ്യത്തൊഴിലാളി ക്ഷേമനിധി ബോർഡും സംയുക്തമായി മത്സ്യ തൊഴിലാളികളുടെയും അനുബന്ധ തൊഴിലാളികളുടെയും കുട്ടികൾക്ക് നൽകി വരുന്ന  വിദ്യാഭ്യാസ- കായിക പ്രോത്സാഹന അവാർഡുകൾ വിതരണം ചെയ്തു. 'നക്ഷത്രത്തിളക്കം 2025' എന്ന പേരിൽ പടിഞ്ഞാറേക്കര സീ-സോൺ ഓഡിറ്റോറിയത്തിൽ നടന്ന പരിപാടി ന്യൂനപക്ഷ ക്ഷേമ- കായിക -വഖഫ് വകുപ്പ് മന്ത്രി വി. അബ്ദുറഹിമാൻ ഉദ്ഘാടനം ചെയ്തു. വിദ്യാഭ്യാസത്തെ സംസ്കാരത്തിന്റെ ഭാഗമാക്കി മാറ്റാൻ നമുക്ക് സാധിച്ചു. അതിൽ ആൺകുട്ടികളെക്കാൾ ഉന്നതിയിൽ പെൺകുട്ടികൾ എത്തുന്നതാണ് ഇപ്പോൾ നാം കാണുന്നത്.

പട്ടികവര്‍ഗ്ഗ വികസന വകുപ്പിന് കീഴില്‍ നിലമ്പൂര്‍ വെളിയന്തോട് പ്രവര്‍ത്തിക്കുന്ന ഇന്ദിരാഗാന്ധി മോഡല്‍ റസിഡന്‍ഷ്യല്‍ സ്‌കൂള്‍, പ്രീമെട്രിക് ഹോസ്റ്റലുകള്‍ എന്നിവിടങ്ങളിലെ വിദ്യാര്‍ത്ഥികള്‍ക്ക് കൗണ്‍സിലിംഗ് നല്‍കുന്നതിനും കരിയര്‍ ഗൈഡന്‍സ് നല്‍കുന്നതിനും 2025-26 അധ്യയന വര്‍ഷത്തേക്ക് സ്റ്റുഡന്റ് കൗണ്‍സിലറെ നിയമിക്കുന്നു. വാക്ക്-ഇന്‍-ഇന്റര്‍വ്യൂ നിലമ്പൂര്‍ ഐറ്റിഡിപി ഓഫീസില്‍ വച്ച് ജൂലൈ 5ന് ഉച്ചയ്ക്ക് രണ്ടിന് നടക്കും.

തെരുവുനായ ശല്യം പരിഹരിക്കുന്നതിന്റെ ഭാഗമായി തദ്ദേശ സ്ഥാപനങ്ങൾ, വിവിധ വകുപ്പുകൾ എന്നിവയുടെ പ്രവർത്തനങ്ങൾ ഏകോപിപ്പിച്ച് ജില്ലാ വികസന സമിതി യോഗം. കണ്ണൂർ കോർപ്പറേഷൻ പരിധിയിൽ നിന്ന് കഴിഞ്ഞ ദിവസങ്ങളിലായി എഴുപതോളം തെരുവ്‌നായ്ക്കളെ പിടികൂടി പടിയൂർ എബിസി സെന്ററിലേക്ക് മാറ്റിയതായി യോഗത്തിൽ അറിയിച്ചു. അടുത്ത ഒരാഴ്ച കൂടി കോർപ്പറേഷൻ പരിധിയിൽ പട്ടി പിടുത്തം തുടരും. തെരുവുനായ്ക്കളെ പിടിക്കുന്നവർക്കുള്ള പരിശീലനം പൂർത്തിയായി. ജില്ലയിലെ പ്രത്യേക സാഹചര്യത്തിൽ കോർപ്പറേഷൻ 20 ഷെൽട്ടർ ഹോമുകളാണ് ഉടൻ നിർമ്മിക്കാൻ ഉദ്ദേശിക്കുന്നത്. ഇതിൽ ആറ് എണ്ണത്തിന്റെ പ്രവൃത്തി പൂർത്തിയായി.