സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ നടപ്പിലാക്കുന്ന വായ്പ പദ്ധതികളില്‍ ജാമ്യമായി സ്വീകരിക്കുന്ന വസ്തുവിന്റെ വിലനിര്‍ണയം നടത്തുന്നതിനായി വാല്യേഷന്‍ പാനല്‍ തയ്യാറാക്കുന്നതിന് അപേക്ഷ ക്ഷണിച്ചു. റവന്യൂ സര്‍വീസില്‍ നിന്നും വിരമിച്ച വില്ലേജ് ഓഫീസര്‍, ഡെപ്യൂട്ടി തഹസില്‍ദാര്‍, തഹസില്‍ദാര്‍ എന്നിവര്‍ക്ക് അപേക്ഷിക്കാം. അപേക്ഷകര്‍ ബയോഡാറ്റ, ആധാര്‍ കാര്‍ഡ്, സര്‍വ്വീസ് സര്‍ട്ടിഫിക്കറ്റ് എന്നിവ സഹിതം പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്റെ ചേലക്കരയിലെ കാര്യാലയവുമായി ബന്ധപ്പെടേണ്ടതാണ്. കൂടുതല്‍ വിവരങ്ങള്‍ക്ക് 9400068521 എന്ന നമ്പറില്‍ ബന്ധപ്പെടുക.
 

ഐ.എച്ച്.ആര്‍.ഡിയിലെ വിവിധ കോഴ്‌സുകളിലേക്ക് അപേക്ഷ ക്ഷണിച്ചു. പി.ജി ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, പി.ജി ഡിപ്ലോമ ഇന്‍ സൈബര്‍ ഫോറന്‍സിക് ആന്‍ഡ് സെക്യൂരിറ്റി കോഴ്‌സ്, ഡാറ്റാ എന്‍ട്രി ടെക്‌നിക്‌സ് ആന്‍ഡ് ഓഫീസ് ഓട്ടോമേഷന്‍, സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് എന്നീ കോഴ്‌സുകളിലേക്കാണ് അപേക്ഷ ക്ഷണിച്ചത്.  

വനിതാ ശിശു വികസന വകുപ്പിന് കീഴില്‍ തൃശ്ശൂര്‍ പെരിങ്ങാവില്‍ പ്രവര്‍ത്തിക്കുന്ന ഒല്ലൂക്കര അഡീഷണല്‍, തൃശ്ശൂര്‍ അര്‍ബന്‍-2 ഐ.സി.ഡി.എസ് ഓഫീസിന്റെ ഔദ്യോഗിക ആവശ്യങ്ങള്‍ക്ക് ഉപയോഗിക്കാന്‍ ടാക്‌സി പെര്‍മിറ്റുള്ള വാഹനം ലഭ്യമാക്കുന്നതിന് ടെണ്ടര്‍ ക്ഷണിച്ചു. ജനുവരി മുതല്‍ ഒരു വര്‍ഷത്തേക്ക് വാടകയ്ക്ക് നല്‍കാന്‍ താല്‍പര്യമുള്ള വ്യക്തികള്‍ക്കും സ്ഥാപനങ്ങള്‍ക്കും ടെണ്ടര്‍ സമര്‍പ്പിക്കാം. ജനുവരി 19 ന് വൈകീട്ട് മൂന്ന് വരെ ടെണ്ടര്‍ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 0487 2322800.

ഐ.എച്ച്.ആര്‍.ഡിയുടെ തിരുവനന്തപുരം മുട്ടടയിലുള്ള റീജ്യണല്‍ സെന്ററിന്റെയും ടെക്‌നിക്കല്‍ ഹയര്‍ സെക്കണ്ടറി സ്‌ക്കൂളിന്റെയും ആഭിമുഖ്യത്തില്‍ ജനുവരി മൂന്നിന് (ശനിയാഴ്ച) രാവിലെ പത്തിന് തൊഴില്‍ മേള സംഘടിപ്പിക്കുന്നു. കൂടുതല്‍ വിവരങ്ങള്‍ക്കായി ഫോണ്‍: 0471 2550612, 8547005087, 9400519491.

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ ചേലക്കര ഓഫീസിലേക്ക് ആറ് മാസത്തേക്ക് ഡ്രൈവറോടുകൂടി പെര്‍മിറ്റുള്ള സെഡാന്‍ വിഭാഗത്തില്‍പ്പെട്ട കാര്‍ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. താല്‍പര്യമുള്ള വാഹന ഉടമകള്‍ക്കും അംഗീകൃത സ്ഥാപനങ്ങള്‍ക്കും ക്വട്ടേഷന്‍ സമര്‍പ്പിക്കാം. ക്വട്ടേഷന്‍ സ്വീകരിക്കുന്ന അവസാന തിയതി 2026 ജനുവരി എട്ട്. വിശദ വിവരങ്ങള്‍ക്ക് ചേലക്കര ഗ്രാമപഞ്ചായത്ത് ബസ്സ്റ്റാന്റ് ബില്‍ഡിംഗില്‍ പ്രവര്‍ത്തിക്കുന്ന കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്റെ ഓഫീസുമായി ബന്ധപ്പെടുക. ഫോണ്‍: 04884 251959, 9400068521.
 

മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ കാട വളര്‍ത്തല്‍ എന്ന വിഷയത്തില്‍ സൗജന്യ പരിശീലനം സംഘടിപ്പിക്കുന്നു. 2026 ജനുവരി ആറിന് മലമ്പുഴയിലെ മൃഗസംരക്ഷണ പരിശീലന കേന്ദ്രത്തിലാണ് പരിശീലനം നടക്കുക. പരിശീലനത്തില്‍ പങ്കെടുക്കാന്‍ താത്പര്യമുള്ളവര്‍ ഓഫീസ് പ്രവര്‍ത്തി ദിവസങ്ങളില്‍ രാവിലെ പത്ത് മുതല്‍ വൈകിട്ട് അഞ്ച് വരെയുള്ള സമയത്ത് 0491 2815454 എന്ന നമ്പറില്‍ വിളിച്ച് മുന്‍കൂട്ടി രജിസ്റ്റര്‍ ചെയ്യണം. പരിശീലനത്തിനെത്തുമ്പോള്‍ ആധാര്‍ കാര്‍ഡിന്റെ പകര്‍പ്പ് ഹാജരാക്കണം.

 സമഗ്രശിക്ഷ കേരളം തൃശ്ശൂര്‍ ജില്ലാ പ്രോജക്ട് ഓഫീസില്‍ കമ്പ്യൂട്ടര്‍ പ്രോഗ്രാമര്‍ തസ്തിയില്‍ നിയമനം നടത്തുന്നു. ബി.ടെക്, എം.സി.എ, എം.എസ്.സി, എം.ബി.എ യോഗ്യതകള്‍ അഭികാമ്യം. മുകളില്‍ പറഞ്ഞിരിക്കുന്ന യോഗ്യതകളുടെ അഭാവത്തില്‍ ബി.സി.എ, ബി.എസ്.സി യോഗ്യതയുള്ളവരെയും പരിഗണിക്കും. പ്രായപരിധി 40 വയസ്സ്. ഉദ്യോഗാര്‍ത്ഥികള്‍ ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റ് എന്നിവയുടെ പകര്‍പ്പുകള്‍ സഹിതം ജനുവരി ആറിന് രാവിലെ 9.30 ന് എസ്.എസ്.കെ തൃശ്ശൂര്‍ ജില്ലാ പ്രോജക്ട് ഓഫീസില്‍ നടത്തുന്ന വാക്ക് ഇന്‍ ഇന്റര്‍വ്യൂവില്‍ പങ്കെടുക്കണം. കൂടുതല്‍ വിവരങ്ങള്‍ക്ക് 0487 2323841 എന്ന നമ്പറില്‍ ബന്ധപ്പെടുക.

സംസ്ഥാന ശിശുക്ഷേമ സമിതി സംഘടിപ്പിക്കുന്ന ക്ലിന്റ് സ്മാരക സംസ്ഥാന ബാല ചിത്രരചനാ മത്സരത്തിന്റെ ഭാഗമായുള്ള ജില്ലാതല മത്സരം ജനുവരി പത്തിന് നടക്കും. ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ സംഘടിപ്പിക്കുന്ന മത്സരം തൃശ്ശൂര്‍ ഗവ. മോഡല്‍ ബോയ്സ് ഹയര്‍ സെക്കന്ററി സ്‌ക്കൂളില്‍ രാവിലെ ഒമ്പത് മണി മുതല്‍ ഉച്ചയ്ക്ക് 12 മണി വരെയായിരിക്കും നടക്കുക. രാവിലെ 8.30 മുതല്‍ രജിസ്‌ട്രേഷന്‍ ആരംഭിക്കും.

 ജനുവരി 14 മുതല്‍ 18 വരെ തൃശ്ശൂരില്‍ നടക്കുന്ന സംസ്ഥാന സ്‌കൂള്‍ കലോത്സവത്തിന് മുന്നോടിയായി ഭക്ഷണകമ്മിറ്റി ചെയര്‍മാന്‍ സനീഷ്‌കുമാര്‍ ജോസഫ് എം.എല്‍.എയുടെയും ജില്ലാ കളക്ടര്‍ അര്‍ജുന്‍ പാണ്ഡ്യന്റെയും നേതൃത്വത്തിൽ ഭക്ഷണ കമ്മിറ്റിയുടെ യോഗം ചേര്‍ന്നു. കലോത്സവത്തിന്റെ തലേദിവസമായ ജനുവരി 13 രാത്രി മുതല്‍ കലോത്സവത്തില്‍ പങ്കെടുക്കാനെത്തുന്നവര്‍ക്ക് ഭക്ഷണം നല്‍കി തുടങ്ങാന്‍ യോഗം തീരുമാനിച്ചു.

സ്വന്തമായി വസ്തുവോ വീടോ ഇല്ലാത്ത ഭിന്നശേഷിക്കാര്‍ക്ക് സ്വയംതൊഴില്‍ സഹായമായി 32.75 ലക്ഷം രൂപ അനുവദിച്ചതായി ഉന്നതവിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു അറിയിച്ചു. 131 ഗുണഭോക്താക്കള്‍ക്കായാണ് തുക അനുവദിച്ചിരിക്കുന്നതെന്ന് മന്ത്രി പറഞ്ഞു.