പാമ്പാടി രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്‌നോളജിയിലെ  സിവിൽ എൻജിനീയറിങ് വിഭാഗത്തിലേക്ക് ദിവസ വേതന വ്യവസ്ഥയിൽ താത്കാലികാടിസ്ഥാനത്തിലുള്ള ട്രേഡ്‌സ്മാൻ തസ്തികയിലേക്ക്   അപേക്ഷ ക്ഷണിച്ചു. യോഗ്യതയുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ, ബയോഡേറ്റ, പ്രവൃത്തി പരിചയ സർട്ടിഫിക്കറ്റുകൾ എന്നിവ സഹിതം ജൂലൈ 4 രാവിലെ 11 മണിക്ക് സിവിൽ എൻജിനീയറിങ് വിഭാഗത്തിൽ ഹാജരാകണം. വിശദ വിവരങ്ങൾക്ക് www.rit.ac.in സന്ദർശിക്കുക. ഫോൺ: 0481-2506153,0481-2507763.

 പൊതുവിദ്യാഭ്യാസ വകുപ്പിന് കീഴിലുള്ള സ്റ്റേറ്റ് റിസോഴ്‌സ് സെന്ററിന്റെ നേതൃത്വത്തിൽ പ്രവർത്തിക്കുന്ന എസ്.ആർ.സി കമ്മ്യൂണിറ്റി കോളേജ് ജൂലൈ സെഷനിൽ ആരംഭിക്കുന്ന മെഡിക്കൽ കോഡിംഗ് ഉൾപ്പെട്ട ഡിപ്ലോമ ഇൻ ഹെൽത്ത് ഇൻഫർമേഷൻ മാനേജ്‌മെന്റ് പ്രോഗ്രാമിലേക്ക് അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ ബിരുദം അഥവാ തത്തുല്യ യോഗ്യതയോ ഉള്ളവർക്ക് https://app.srccc.in/register ലിങ്കിലൂടെ അപേക്ഷിക്കാം. അവസാന തീയതി: ജൂലൈ 15. വിശദവിവരങ്ങൾക്ക് www.srccc.in എന്ന വെബ്‌സൈറ്റ് സന്ദർശിക്കുകയോ തിരുവനന്തപുരം നന്ദാവനത്തുള്ള എസ്.ആർ.സി ഓഫീസുമായി ബന്ധപ്പെടുകയോ ചെയ്യുക. ഫോൺ: 0471-2325101, 9142041102,8281114464.

 ഉന്നത വിദ്യാഭ്യാസ വകുപ്പിന് കീഴിലുള്ള അസാപ് കേരളയുടെ എൻറോൾഡ് ഏജന്റ് കോഴ്‌സിന് കോട്ടയം ജില്ലയിൽ അഡ്മിഷൻ ആരംഭിച്ചു. എറണാകുളം കളമശ്ശേരി കിൻഫ്ര പാർക്കിലെ കമ്മ്യൂണിറ്റി സ്‌കിൽ പാർക്കിൽ വെച്ചാണ് ക്ലാസുകൾ നടക്കുന്നത്. BCom അനുയോജ്യമായ കോഴ്‌സാണിത്.  കൂടുതൽ വിവരങ്ങൾക്ക് വിളിക്കുക 7736645206. രജിസ്റ്റർ ചെയ്യുവാൻ https://forms.gle/8yMTxGqBCdnnBYPj7 സന്ദർശിക്കുക.

കേരള സർക്കാരിന്റെ ഉന്നത വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന അസാപ് കേരളയുടെ (Additional Skill Acquisition Programme Kerala) മികച്ച തൊഴിലവസരങ്ങളുള്ള ഡിജിറ്റൽ മാർക്കറ്റിംഗ് പ്രോഗ്രാമിലേക്ക് അപേക്ഷ ക്ഷണിച്ചു. ബി.ടെക് / എം.ബി.എ / പോളിടെക്‌നിക് ഡിപ്ലോമ, ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാം. കമ്പ്യൂട്ടർ സയൻസിലും ഇന്റർനെറ്റിലും അടിസ്ഥാന അറിവുള്ള പന്ത്രണ്ടാം ക്ലാസ് പാസായവർക്കും കോഴ്‌സിന് ചേരാം. അപേക്ഷിക്കാനുള്ള അവസാന തീയതി: 2025 ജൂൺ 30. കൂടുതൽ വിവരങ്ങൾക്കു 7736645206  എന്ന നമ്പറിൽ ബന്ധപ്പെടാവുന്നതാണ്.

സംസ്ഥാന യുവജനക്ഷേമ ബോർഡ് സംഘടിപ്പിക്കുന്ന യുവ സാഹിത്യ ക്യാമ്പിൽ പങ്കെടുക്കാൻ താല്പര്യമുള്ള 18-40 വയസ്സ് പ്രായമുള്ളവർ മലയാളത്തിൽ എഴുതിയതും മുൻപ് പ്രസിദ്ധീകരിച്ചിട്ടില്ലാത്തതുമായ കഥ/കവിതാ രചനകൾ ജൂലൈ 10ന് മുൻപായി  sahithyacamp1@gmail.com എന്ന ഇ-മെയിൽ വഴിയോ കേരള സംസ്ഥാന യുവജന ക്ഷേമ ബോർഡ്, സ്വാമി വിവേകാനന്ദ യൂത്ത് സെന്റർ, ദൂരദർശൻ കേന്ദ്രത്തിന് സമീപം, കുടപ്പനക്കുന്ന് പി.ഒ തിരുവനന്തപുരം-695043 എന്ന വിലാസത്തിലോ അയയ്ക്കുക. കവിത 60 വരിയിലും കഥ 8 ഫൂൾസ്‌കാപ്പ് പേജിലും കവിയരുത്. ഡിടിപി ചെയ്ത രചനകളോടൊപ്പം വയസ്സ് തെളിയിക്കുന്ന സർട്ടിഫിക്കറ്റിന്റെ കോപ്പി, ബയോഡാറ്റ, വാട്‌സ്ആപ്പ് നമ്പർ എന്നിവ നൽകണം.

കോട്ടയം: സംസ്ഥാന യുവജന കമ്മീഷൻ ചെയർമാൻ എം. ഷാജറിന്റെ അധ്യക്ഷതയിൽ ജൂൺ 28ന് രാവിലെ 11 മുതൽ കോട്ടയം കളക്ട്രേറ്റ് തൂലിക കോൺഫറൻസ് ഹാളിൽ വെച്ച് ജില്ലാതല അദാലത്ത് നടത്തും. 18-40 വയസ് പ്രായമുള്ളവർക്ക് പരാതികൾ കമ്മിഷൻ മുമ്പാകെ നൽകാം. വിശദവിവരത്തിന് ഫോൺ: 0471-2308630.

വനിത ശിശു വികസന വകുപ്പിന്റെ കീഴിൽ ബാലനീതി നിയമപ്രകാരം രജിസ്റ്റർ ചെയ്ത് പ്രവർത്തിക്കുന്ന ശിശു സംരക്ഷണ സ്ഥാപനങ്ങളിൽ കഴിയുന്ന കുട്ടികളിൽ എസ്.എസ്.എൽ.സി, പ്ലസ് ടു പരീക്ഷകളിൽ വിജയം കൈവരിച്ച കുട്ടികൾക്ക് അനുമോദനം നൽകുന്ന  'പ്രതിഭാസംഗമം 2025' ശനിയാഴ്ച (ജൂൺ 28) രാവിലെ 11.30ന് മാങ്ങാനം  ക്രൈസ്തവാശ്രമ ഗുരുകുൽ ഹാളിൽ വച്ച്  സഹകരണം-തുറമുഖം-ദേവസ്വം വകുപ്പ് മന്ത്രി വി. എൻ. വാസവൻ  ഉദ്ഘാടനം ചെയ്യും. തിരുവഞ്ചൂർ രാധാകൃഷ്ണൻ എം.എൽ.എ അദ്ധ്യക്ഷത വഹിക്കും. ജില്ല ശിശു സംരക്ഷണ ഓഫീസർ സി. ജെ. ബീന, സംസ്ഥാന ബാലാവകാശ സംരക്ഷണ കമ്മീഷൻ അംഗം അഡ്വ. ജലജ ചന്ദ്രൻ, ശിശുക്ഷേമ സമിതി അധ്യക്ഷൻ ഡോ.

 അതിശക്തമായ മഴയ്ക്ക് സാധ്യതയുളളതിനാൽ കേന്ദ്ര കാലാവസ്ഥ വകുപ്പ് കോട്ടയം ജില്ലയിൽ ശനിയാഴ്ച (ജൂൺ 28 ) ഓറഞ്ച് അലെർട്ട് പ്രഖ്യാപിച്ചതായി ജില്ലാ കളക്ടർ ജോൺ വി. സാമുവൽ അറിയിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ  വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്.

 ഉദാരവത്കരണ നയങ്ങള്‍  പൊതുമേഖല ബാങ്കുകളെ ദുര്‍ബലപ്പെടുത്തുകയും  സ്വകാര്യബാങ്കുകളെ പ്രോത്സാഹിപ്പിക്കുകയും ചെയ്യുകയാണെന്ന് പി.പി. സുനീര്‍ എം.പി. മഹേന്ദ്രപുരി ഓഡിറ്റോറിയത്തില്‍ നടന്ന ജില്ലാതല ബാങ്കിങ് അവലോകന സമിതി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മലപ്പുറം ജില്ലയുടെ സാമൂഹിക-സാമ്പത്തിക വികസനത്തില്‍ ധനകാര്യ സ്ഥാപനങ്ങളുടെ പങ്ക് നിര്‍ണായകമാണെന്ന്   അദ്ദേഹം പറഞ്ഞു. മലപ്പുറം ജില്ലയില്‍  കഴിഞ്ഞ വര്‍ഷം കൂടുതല്‍ ബ്രാഞ്ചുകള്‍ വന്നത്  സ്വകാര്യ മേഖലയിലാണ്.  ഇന്ത്യയിലെ ഒരു സംസ്ഥാനത്ത് നിന്നും കിട്ടാത്ത വരുമാനമാണ് കേരളത്തില്‍ നിന്ന് പൊതുമേഖല ബാങ്കുകള്‍ക്ക് ലഭിക്കുന്നത്.