സര്‍ക്കാര്‍/എയ്ഡഡ് സ്‌കൂളുകളില്‍ ഒന്‍പത്,10 ക്ലാസ്സുകളില്‍ പഠിക്കുന്നവരില്‍ നാഷണല്‍ സ്‌കോളര്‍ഷിപ്പ് പോര്‍ട്ടല്‍ (എന്‍.എസ്.പി) മുഖേന മൈനോരിറ്റി സ്‌കോളര്‍ഷിപ്പിനായി അപേക്ഷിട്ടില്ലാത്ത ന്യൂനപക്ഷ വിദ്യാര്‍ഥികള്‍ക്ക് പി.എം. യശസ്വി- ഒ.ബി.സി./ഇ.ബി.സി പ്രീമെട്രിക് സ്‌കോളര്‍ഷിപ്പിന് ഇ-ഗ്രാന്റ്‌സ് പോര്‍ട്ടല്‍ മുഖേന ജൂലൈ 31 വരെ അപേക്ഷിക്കാം.​ മറ്റ് ന്യൂനപക്ഷ സ്‌കോളര്‍ഷിപ്പുകള്‍ ലഭിച്ചിട്ടില്ലാത്തവരെയാണ് പരിഗണിക്കുന്നത്. ​. വിശദ വിവരങ്ങള്‍ ​www.egrantz.kerala.gov.in എന്ന വെബ് സൈറ്റില്‍. ​ ഫോണ്‍- 0484 2983130.​

ആലത്തൂര്‍ മിനി സിവില്‍ സ്‌റ്റേഷനിലെ പൊതു ശൗചാലയം പണം ഈടാക്കി ഉപയോഗിക്കുന്ന വ്യവസ്ഥയില്‍ നടത്തിക്കൊണ്ടു പോകുന്നതിന് ജൂലൈ 30 ന് രാവിലെ 11 ന് ലേലം ചെയ്യും.താല്‍പര്യമുള്ള വ്യക്തികള്‍ക്കും, കുടുംബശ്രീ യൂണിറ്റുകള്‍ക്കും പങ്കെടുക്കാം. ഒരു വര്‍ഷമാണ് കരാര്‍ കാലാവധി.  കൂടുതല്‍ വിവരങ്ങള്‍ക്ക് ഫോണ്‍: 04922 222324.

ഉള്ളനാട് കമ്മ്യൂണിറ്റി ഹെല്‍ത്ത് സെന്‍റര്‍ പ്രൈമറി പാലിയേറ്റീവ് പ്രവര്‍ത്തനങ്ങള്‍ക്കായി കരാര്‍ അടിസ്ഥാനത്തില്‍ വാഹനം ലഭ്യമാക്കുന്നതിന് ടെണ്ടര്‍ ക്ഷണിച്ചു. ​ ജൂലൈ 24ന് രാവിലെ 11.30 വരെ നല്‍കാം. ഫോണ്‍: 04822 247343.

നാഷണല്‍ എംപ്ലോയ്‌മെന്‍റ സര്‍വീസ് (കേരളം) എംപ്ലോയ്‌മെന്‍റ് എക്‌സ്‌ചേഞ്ചുകള്‍ മുഖേന നടപ്പിലാക്കി വരുന്ന സ്വയം തൊഴില്‍ പദ്ധതികളിലേക്ക് ജില്ലയിലെ എംപ്ലോയ്‌മെന്‍റ് എക്‌സ്‌ചേഞ്ചുകളില്‍ ​ രജിസ്റ്റര്‍ ചെയ്തിട്ടുളളവര്‍ക്ക് അപേക്ഷിക്കാം. കെസ്‌റു-99, മള്‍ട്ടിപര്‍പ്പസ് സര്‍വീസ് സെന്‍റേഴ്സ്/ ജോബ് ക്ലബ് ​ എന്നിവയാണ് പദ്ധതികള്‍.

നെന്മാറ സാമൂഹികാരോഗ്യ കേന്ദ്രത്തിലേക്ക് 2026-27 കാലയളവിലേക്ക് എച്ച്.എം.സി മുഖേന വിവിധ തസ്തികകളില്‍ താല്‍ക്കാലിക നിയമനം നടത്തുന്നു.

എടക്കര ഗ്രാമപഞ്ചായത്തിലെ മുസ്ലിയാരങ്ങാടി ഖബര്‍സ്ഥാന്‍ റോഡ് വെള്ളപ്പൊക്ക ദുരിതാശ്വാസ പദ്ധതിയില്‍ ഉള്‍പ്പെടുത്തി അഞ്ചു ലക്ഷം രൂപ വകയിരുത്തി നവീകരിക്കുന്നതിന്
നിര്‍വഹണാനുമതി നല്‍കിയതായി ജില്ലാ കളക്ടര്‍ അറിയിച്ചു.

ഏലംകുളം കുടുംബാരോഗ്യ കേന്ദ്രത്തില്‍ ഫാര്‍മസിസ്റ്റ്, ഡാറ്റ എന്‍ട്രി ഓപ്പറേറ്റര്‍ എന്നീ തസ്തികകളിലേക്ക് ജൂലൈ 16 ന് നടത്താന്‍ തീരുമാനിച്ചിരുന്ന അഭിമുഖം മാറ്റി. പുതുക്കിയ തീയതി പിന്നീട് അറിയിക്കും.