പ്രവാസി പരാതി പരിഹാര സമിതി യോഗം

ജില്ലാതല പ്രവാസി പരാതി പരിഹാര സമിതി യോഗം ജൂണ്‍ രണ്ടിന് ചേരും. പരാതികള്‍ ജൂണ്‍ ഒന്നിന് രാവിലെ 11.30നകം കോഴിക്കോട് സിവില്‍ സ്റ്റേഷനിലെ ജോയിന്റ് ഡയറക്ടര്‍ കാര്യാലയത്തില്‍ നേരിട്ടോ തപാലായോ ഓണ്‍ലൈനായോ സമര്‍പ്പിക്കണം. ജില്ലാതല പ്രവാസി പരാതി പരിഹാര സമിതിയിലേക്കുള്ള പരാതിയെന്ന് പ്രത്യേകം സൂചിപ്പിക്കണം. വിലാസം: കണ്‍വീനര്‍, ജില്ലാതല പ്രവാസി പരാതി പരിഹാര സമിതി ആന്‍ഡ് ഡെപ്യൂട്ടി ഡയറക്ടര്‍, ജോയിന്റ് ഡയറക്ടര്‍ കാര്യാലയം, തദ്ദേശ സ്വയംഭരണ വകുപ്പ്, സിവില്‍ സ്റ്റേഷന്‍ പി.ഒ, കോഴിക്കോട് -673020. ഇ-മെയില്‍: jdlsgdkzd@gmail.com

അടിമാലി ട്രൈബല്‍ ഡെവലപ്പ്‌മെന്റ് ഓഫീസിന്റെ നിയന്ത്രണത്തില്‍ കാന്തല്ലൂര്‍ ഗ്രാമപഞ്ചായത്തില്‍, കോവില്‍ക്കടവില്‍ പ്രവര്‍ത്തിക്കുന്ന ഒ.പി ക്ലിനിക്കിലേക്ക് മെഡിക്കല്‍ ഓഫീസര്‍ തസ്തികയില്‍ കരാര്‍ അടിസ്ഥാനത്തില്‍ നിയമനം നടത്തുന്നതിനായി പി.എസ്.സി അംഗീകരിച്ച യോഗ്യതയുള്ള ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിച്ചു.

പള്ളിവാസല്‍ വില്ലേജില്‍ ബ്ലോക്ക് 13 ല്‍ റീസര്‍വെ 4/1 ല്‍പ്പെട്ട 28.3854 ഹെക്ടര്‍ സര്‍ക്കാര്‍ ഭൂമിയില്‍ നില്‍ക്കുന്ന കാപ്പിച്ചെടികളില്‍ നിന്നും ഒരു വര്‍ഷത്തെ മേലാദായം ജൂണ്‍ 3ന് രാവിലെ 11 മണിക്ക് ലേലം ചെയ്യും.  പള്ളിവാസല്‍ വില്ലേജ് ഓഫീസിലാണ് ലേലം. കൂടുതല്‍ വിവരങ്ങള്‍ക്ക്: 04865264231 ഇ-മെയില്‍: tlkdvm.ker@nic.in

ഇടുക്കി സോയില്‍ സര്‍വേ അസിസ്റ്റന്റ് ഡയറക്ടര്‍ ഓഫീസിലെ ബൊലേറൊ  വാഹനത്തിന് 4 പുതിയ ടയറുകള്‍ വാങ്ങുന്നതിന് സെന്ററുകളില്‍ നിന്ന് ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ജൂണ്‍ 4 ഉച്ചകഴിഞ്ഞ് 2 വരെ സ്വീകരിക്കുന്നതും അന്നേദിവസം ഉച്ചകഴിഞ്ഞ് 3 ന് തുറന്നു പരിശോധിക്കുന്നതുമായിരിക്കും.
കൂടുതല്‍ വിവരങ്ങള്‍ക്ക് ഫോണ്‍: 04862 228725 ഇമെയില്‍: adssidukki@gmail.com
 

കേരള സ്റ്റേറ്റ് റൂട്രോണിക്‌സ് സര്‍ട്ടിഫിക്കറ്റോടു കൂടി തിരുവനന്തപുരം ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ കോഴ്സിലേക്ക് പ്ലസ് ടു കഴിഞ്ഞവരില്‍ നിന്നും അപേക്ഷ ക്ഷണിച്ചു. ഒരുവര്‍ഷം ദൈര്‍ഘ്യമുള്ള കോഴ്‌സില്‍ ഇന്റ്‌റേണ്‍ഷിപ്പോട് കൂടി റഗുലര്‍, പാര്‍ട്ട് ടൈം ബാച്ചുകളിലേക്കാണ് പ്രവേശനം. വിശദവിവരങ്ങള്‍ക്ക് ഫോണ്‍:799492608

മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുളള ആലപ്പുഴ, കോട്ടയം, ഇടുക്കി, പത്തനംതിട്ട ജില്ലകളിലെ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടെയും കുട്ടികളില്‍ നിന്ന് വിദ്യാഭ്യാസ അവാര്‍ഡിനായുളള അപേക്ഷ ക്ഷണിച്ചു.ഹയര്‍ സെക്കന്‍ഡറി പരീക്ഷയില്‍ ഫുള്‍ എ പ്ലസും യൂണിവേഴ്സിറ്റി തലത്തില്‍ ഒന്ന്, രണ്ട്, മൂന്ന് എന്നീ റാങ്കുകള്‍, കായിക മത്സരങ്ങളില്‍ ദേശീയതലത്തിലും, സംസ്ഥാന തലത്തിലും(ഒന്ന്,രണ്ട്,മൂന്ന് എന്നീ സ്ഥാനങ്ങള്‍) ഗ്രൂപ്പ് അടിസ്ഥാനത്തിലും (ദേശീയ തലത്തില്‍ ഒന്ന്,രണ്ട്,മൂന്ന് എന്നീ സ്ഥാനങ്ങള്‍) വിജയം കരസ്ഥമാക്കിയ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടെയും കുട്

കുന്നത്തുനാട് താലൂക്കിലെ വാഴക്കുളം വില്ലേജിൽ ചെമ്പറക്കി കീൻപടിയിൽ പെയിന്റ് കമ്പനിക്ക് തീപിടിച്ചു. വാഴക്കുളം വില്ലേജ് ഓഫീസിന് എതിർവശത്തുള്ള  'കളർ ഇന്ത്യ' എന്ന പെയിന്റ് കമ്പനിക്കാണ് ഇന്ന് (മേയ് 29) രാത്രി ഏകദേശം 7.45 ഓടെ തീപിടിത്തമുണ്ടായത്.
​പെരുമ്പാവൂർ, പട്ടിമറ്റം, ആലുവ, അങ്കമാലി, ഏലൂർ എന്നീ ഫയർ സ്റ്റേഷനുകളിൽ നിന്നുള്ള ഫയർ യൂണിറ്റുകൾ ഉടനടി സ്ഥലത്തെത്തി  രക്ഷാപ്രവർത്തനം ആരംഭിച്ചു. നിലവിൽ 4 യൂണിറ്റ് ഫയർ എഞ്ചിനുകൾ ഉപയോഗിച്ച് തീ പൂർണ്ണമായും നിയന്ത്രണവിധേയമാക്കിയിട്ടുണ്ടെന്ന് വാഴക്കുളം വില്ലേജ് ഓഫീസർ റിപ്പോർട്ട് ചെയ്തു.

​ഫയലുകളും പൊടിയും നിറഞ്ഞ സർക്കാർ ഓഫീസുകളെക്കുറിച്ചുള്ള പൊതുധാരണകളെ തിരുത്തിക്കുറിക്കുകയാണ് ഫോർട്ട് കൊച്ചിയിലെ കൊച്ചിൻ കോർപ്പറേഷൻ റീജിയണൽ ഓഫീസ്. 

ഏതാനും മാസങ്ങൾക്ക് മുൻപ് വരെ മാലിന്യക്കൂമ്പാരമായിരുന്ന  ഓഫീസ് പരിസരം ഇന്ന് പച്ചപ്പ് നിറഞ്ഞിരിക്കുന്നു. ഹെൽത്ത് ഇൻസ്‌പെക്ടർ എം.എസ്. ഷജിയുടെ ദൃഢനിശ്ചയമാണ്  ഈ മാറ്റത്തിന് പിന്നിൽ. 

​ഫിറ്റ്നസ് സർട്ടിഫിക്കറ്റ് ഇല്ലാത്തതിനെ തുടർന്ന് പ്രതിസന്ധിയിലായ പട്ടികവർഗ്ഗ വികസന വകുപ്പിന്റെ ബോയ്സ് ഹോസ്റ്റലിലെ വിദ്യാർത്ഥികൾക്ക് ജില്ലാ പഞ്ചായത്തിന്റെ ഇടപെടലിൽ താൽക്കാലിക ആശ്വാസം.

​റബ്ബർ പുനർനടീൽ പ്രോത്സാഹിപ്പിക്കുന്നതിനായി കൃഷി വകുപ്പ് ആവിഷ്കരിച്ച 'കേര' (KERA) പദ്ധതിയിലൂടെ കർഷകർക്ക് ഹെക്ടറിന് 75,000 രൂപ വരെ നേരിട്ടുള്ള ധനസഹായം നൽകുന്നു . ആദ്യ വർഷം 55,000 രൂപയും രണ്ടാം വർഷം 20,000 രൂപയും എന്ന ക്രമത്തിൽ ലഭിക്കുന്ന ഈ സഹായം പരമാവധി രണ്ട് ഹെക്ടർ വരെയുള്ള കൃഷിക്കാണ് അനുവദിക്കുന്നത്. 25 സെന്റ് മുതൽ അഞ്ച് ഹെക്ടർ വരെ സ്ഥലത്ത് കൃഷിയുള്ള ചെറുകിട കർഷകർക്കാണ് പദ്ധതിയിൽ മുൻഗണന നൽകുന്നത്.