നിലവിലില്ലാത്ത ചികിത്സാരേഖകള്‍ ആവശ്യപ്പെട്ട് ഇന്‍ഷുറന്‍സ് ആനുകൂല്യം നിഷേധിച്ച സ്റ്റാര്‍ ഹെല്‍ത്ത് ഇന്‍ഷുറന്‍സ് കമ്പനിക്ക് ജില്ലാ ഉപഭോക്തൃ കമ്മീഷന്റെ പിഴ. ചികിത്സാച്ചെലവായ 2,00,848 രൂപയും, നഷ്ടപരിഹാരമായി 20,000 രൂപയും, കോടതിച്ചെലവായി 5,000 രൂപയും ഒരു മാസത്തിനകം പരാതിക്കാരന് നല്‍കാന്‍ കമ്മീഷന്‍ ഉത്തരവിട്ടു. വീഴ്ച വരുത്തിയാല്‍ ഒന്‍പതു ശതമാനം പലിശയും നല്‍കണം.  പത്തപ്പിരിയം സ്വദേശി മുജീബ് റഹ്‌മാന്‍ നല്‍കിയ പരാതിയിലാണ് കെ. മോഹന്‍ദാസ് പ്രസിഡന്റും, പ്രീതി ശിവരാമന്‍, മുഹമ്മദ് ഇസ്മായില്‍ സി.വി. എന്നിവര്‍ അംഗങ്ങളുമായ മലപ്പുറം ജില്ലാ ഉപഭോക്തൃ കമ്മീഷന്റെ വിധി.  

പട്ടാമ്പി ശ്രീ നീലകണ്ഠ ഗവ. സംസ്‌കൃത കോളേജില്‍ സ്‌പോര്‍ട്സ് ക്വാട്ടയില്‍ (പി.ജി സ്‌പോര്‍ട്ട്‌സ് ക്വാട്ട) വിവിധ പി.ജി ഡിപ്പാര്‍ട്ട്‌മെന്റുകളില്‍ സീറ്റ് ഒഴിവുണ്ട്. കാലിക്കറ്റ് യൂണിവേഴ്സിറ്റിയില്‍ രജിസ്റ്റര്‍ ചെയ്ത വിദ്യാര്‍ത്ഥികള്‍ ബന്ധപ്പെട്ട സര്‍ട്ടിഫിക്കറ്റുകളും അവയുടെ പകര്‍പ്പുകളും സഹിതം ജൂലൈ 16 ന് വൈകിട്ട് 4 നകം കോളേജില്‍ അപേക്ഷ നല്‍കേണ്ടതാണ്.

ദേശീയാരോഗ്യ ദൗത്യം മലപ്പുറം വിവിധ തസ്തികകളിലേക്ക് ഓണ്‍ലൈനായി അപേക്ഷ ക്ഷണിച്ചു. ഹോമിയോ മെഡിക്കല്‍ ഓഫീസര്‍, ആയുര്‍വേദ ഡോക്ടര്‍, ഡെന്റല്‍ സര്‍ജന്‍, ഫിസിയോ തെറാപ്പിസ്റ്റ്, എപ്പിഡെമോളജിസ്റ്റ് എന്നീ തസ്തികളിലേക്കാണ് അപേക്ഷ ക്ഷണിച്ചത്. അവസാന തീയതി ജൂലൈ 27 വൈകുന്നേരം അഞ്ചു മണി. വിശദ വിവരങ്ങള്‍ www.arogyakeralam.gov.in എന്ന വെബ്‌സൈറ്റില്‍ ലഭ്യമാണ്. ഫോണ്‍ : 0483 2730313, 9846700711.

കേരള പബ്ലിക് സര്‍വ്വീസ് കമ്മീഷന്‍ നടത്തുന്ന വിവിധ കമ്പനി, കോര്‍പ്പറേഷനുകളില്‍ ഓഫീസ് അറ്റന്റഡ്/ക്ലര്‍ക്ക് തുടങ്ങിയ തസ്തികകളിലേക്കുള്ള ഒ.എം.ആര്‍ പരീക്ഷ (പ്രിലിമിനറി) യുടെ ഒന്നാം ഘട്ടം ജൂലൈ 18 ന് (ശനി) രാവിലെ 10.00 മുതല്‍ 11.35 വരെയും (ബാച്ച് -1) രണ്ടാം ഘട്ടം അന്നേദിവസം ഉച്ചയ്ക്ക് 1.30 മുതല്‍ 3.05 വരെയും (ബാച്ച്- II) വരെയും മലപ്പുറം ജില്ലകയിലെ വിവിധ പരീക്ഷാ കേന്ദ്രങ്ങളില്‍ വെച്ച് നടത്തും. അഡ്മിഷന്‍ ടിക്കറ്റ് ഉദ്യോഗാര്‍ത്ഥികളുടെ പ്രൊഫൈലില്‍ ലഭ്യമാക്കിയിട്ടുണ്ട്.

കേരള ലോകായുക്ത തൃശ്ശൂര്‍, മൂവാറ്റുപുഴ, കോട്ടയം എന്നിവിടങ്ങളില്‍ ക്യാമ്പ് സിറ്റിങ് നടത്തുന്നു. തൃശ്ശൂരില്‍ ജൂലൈ 21 നും 22 നും രാവിലെ 10.30 മുതല്‍ തൃശ്ശൂര്‍ ഗവ. ഗസ്റ്റ്ഹൗസ് കോണ്‍ഫറന്‍സ് ഹാളിലും മൂവാറ്റുപുഴ ജൂലൈ 23 ന് രാവിലെ 10.30 മുതല്‍ മൂവാറ്റുപുഴ വൈ.എം.സി.എ. കോണ്‍ഫറന്‍സ് ഹാളിലും കോട്ടയത്ത് ജൂലൈ 24 ന് രാവിലെ 10.30 മുതല്‍ കോട്ടയം പി.ഡബ്ല്യു.ഡി റെസ്റ്റ് ഹൗസ് മിനി കോണ്‍ഫറന്‍സ് ഹാളിലും സിറ്റിങ് നടത്തും. ലോകായുക്ത ജസ്റ്റിസ് എന്‍. അനില്‍കുമാര്‍, ഉപ ലോകായുക്ത ജസ്റ്റിസ് അശോക് മേനോന്‍ എന്നിവര്‍ പരാതികള്‍ പരിഗണിക്കും.

അന്താരാഷ്ട്ര യുവജന നൈപുണി ദിനാചരണത്തിന്റെ ജില്ലാതല ഉദ്ഘാടനം ജൂലൈ 15 ന് രാവിലെ മലപ്പുറം ജെ എസ് എസ് ഓഫീസില്‍ രാവിലെ 10.30 ന്  ജില്ലാ കലക്ടര്‍ ഡോ. വിനയ് ഗോയല്‍ നിര്‍വ്വഹിക്കും. ജെ എസ് എസ് ചെയര്‍മാന്‍ പി.വി.അബ്ദുള്‍ വഹാബ് എം.പി അദ്ധ്യക്ഷത വഹിക്കും. കേന്ദ്ര നൈപുണി സംരംഭകത്വ മന്ത്രാലയത്തിനു കീഴില്‍ പ്രവൃത്തിക്കുന്ന ജന്‍ ശിക്ഷണ്‍ സന്‍സ്ഥാന്റെ നേതൃത്വത്തില്‍ ജില്ലയില്‍ വിപുലമായ പരിപാടികള്‍ നടത്തും. ഈ വര്‍ഷം ജില്ലയില്‍ 45 കേന്ദ്രങ്ങളിലായി രണ്ടായിരം പേര്‍ക്ക് തൊഴില്‍ പരിശീലനവും ജോലിയും നല്‍കുന്ന പദ്ധതിക്ക് തുടക്കം കുറിച്ചിട്ടുണ്ട്. നൂതനമായ മേഖലകളിലാണ് പരിശീലനം സംഘടിപ്പിക്കുന്നത്.

സാക്ഷരതാ മിഷന്‍ അതോറിറ്റി നടത്തിവരുന്ന അടിസ്ഥാന സാക്ഷരതാ കോഴ്‌സിലെ സോഫ്റ്റ് വെയര്‍ ഏഴാം ബാച്ചിലെ പഠിതാക്കള്‍ക്ക് മികവുത്സവം സംഘടിപ്പിച്ചു. വണ്ടൂര്‍ കുറ്റിയില്‍ ആശ്രയ സ്‌പെഷല്‍ സ്‌കൂള്‍ പരീക്ഷാ കേന്ദ്രത്തില്‍ വണ്ടൂര്‍ ബ്ലോക്ക് പഞ്ചായത്ത് പ്രസിഡന്റ് കെ.കെ അമൃത ജില്ലാതല ഉദ്ഘാടനം നിര്‍വ്വഹിച്ചു. സംസ്ഥാന സാക്ഷരതാ മിഷന്‍ ഡയറക്ടര്‍ ഡോ. എ.പി. അഹമ്മദുള്‍ കബീര്‍ പദ്ധതി വിശദീകരണം നടത്തി. സാക്ഷരത മിഷന്‍ ജില്ലാ കോ. ഓര്‍ഡിനേറ്റര്‍ പി.വി. ശാസ്ത പ്രസാദ് അധ്യക്ഷത വഹിച്ചു. ആശ്രയ ചാരിറ്റബിള്‍ സൊസൈറ്റി സെക്രട്ടറി ഇ.

പകര്‍ച്ചവ്യാധികള്‍ തടയുന്നതിന്റെ ഭാഗമായി മലപ്പുറം ജില്ലാ ഹോമിയോ വകുപ്പ് മുണ്ടുപറമ്പിലെ ജില്ലാ ഹോമിയോ ആശുപത്രിയില്‍ 'പനി ക്ലിനിക്' ആരംഭിച്ചു. ജില്ലാ റാപിഡ് ആക്ഷന്‍ ആന്‍ഡ് എപ്പിഡെമിക് കണ്‍ട്രോള്‍ സെല്‍ (RAECH) യോഗം ചേര്‍ന്നാണ് തീരുമാനം എടുത്തത്. ജില്ലാ ഹോമിയോ മെഡിക്കല്‍ ഓഫീസര്‍ ഡോ. സുമേഷ് പി. യോഗത്തില്‍ അധ്യക്ഷത വഹിച്ചു. ജില്ലയിലെ എല്ലാ ഹോമിയോ ആശുപത്രികളിലും ഡിസ്‌പെന്‍സറികളിലും രോഗങ്ങള്‍ക്കുള്ള മരുന്ന്  ഉണ്ടെന്ന് ഡോ. സുമേഷ് അറിയിച്ചു.സര്‍ട്ടിഫൈഡ് ഹോമിയോ ഡോക്ടര്‍മാരുടെ സേവനം ക്ലിനിക്കില്‍ ലഭ്യമാണ്. യോഗത്തില്‍ ജില്ലാ ഹോമിയോ ആശുപത്രി സൂപ്രണ്ട് ഡോ.

ജില്ലയിലെ വിവിധ ഫാസ്റ്റ് ട്രാക്ട് പോക്‌സോ കോടതികളിലെ സ്‌പെഷ്യൽ പബ്ലിക്ക് പ്രോസിക്യൂട്ടർ തസ്തികയിലേക്ക് നിയമനം നടത്തുന്നതിന് യോഗ്യരായ അഭിഭാഷകരുടെ പാനൽ തയാറാക്കുന്നു. നിശ്ചിത യോഗ്യതയുള്ളവരും ബാർ അസോസിയേഷനിൽ രജിസ്റ്റർ ചെയ്ത് ഏഴ് വർഷത്തിൽ കുറയാത്ത പ്രവൃത്തി പരിചയമുള്ളവരും 60 വയസ് കവിയാത്തവരുമായ അഭിഭാഷകർക്ക് അപേക്ഷിക്കാം. 

  'ജനസാക്ഷ്യം' അദാലത്തില്‍ ലഭിച്ച പരാതികള്‍ വേഗം തീര്‍പ്പാക്കണമെന്നും ജനങ്ങളുടെ പ്രശ്‌നങ്ങള്‍ പരിഹരിക്കുന്നതിന് വിവിധ വകുപ്പുകള്‍ യോജിച്ച് പ്രവര്‍ത്തിക്കണമെന്നും വ്യവസായ വകുപ്പ് മന്ത്രി പി കെ കുഞ്ഞാലിക്കുട്ടി പറഞ്ഞു. ജില്ലാ പഞ്ചായത്തും ജില്ലാ ഭരണകൂടവും പൊതു ജന പരാതി പരിഹാരത്തിനായി നടത്തുന്ന ജന സാക്ഷ്യം അദാലത്ത് ആനക്കയം ബിസ്മി ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.