സിമെറ്റ് ഡയറക്ടറേറ്റിൽ അക്കൗണ്ട്‌സ് ഓഫീസർ തസ്തികയിലേക്ക് സെക്രട്ടേറിയേറ്റ് ധനകാര്യ വകുപ്പിൽ നിന്നും ജോയിന്റ് സെക്രട്ടറിയോ അതിന് മുകളിലോ ഉള്ള തസ്തികയിൽ നിന്നും വിരമിച്ച 58 വയസ്സ് തികയാത്തവരിൽ നിന്നും അപേക്ഷ ക്ഷണിച്ചു. ഒരു വർഷത്തെ കരാർ അടിസ്ഥാനത്തിലാണ് നിയമനം.

സംസ്ഥാന സഹകരണ യൂണിയൻ കേരളയുടെ നിയന്ത്രണത്തിലുള്ള വിവിധ സഹകരണ പരിശീലന കോളേജുകളിൽ 2026-27 വർഷത്തെ ഹയർ ഡിപ്ലോമ ഇൻ കോ-ഓപ്പറേഷൻ ആന്റ് ബിസിനസ് മാനേജ്‌മെന്റ്‌ (എച്ച്.ഡി.സി & ബി.

ലോകകപ്പ് ഫുട്ബോളിന്റെ നെഞ്ചിടിപ്പും ആവേശവും ഏറ്റുവാങ്ങാൻ വയനാട്ടിലെ വനിതകളും ഒരുങ്ങി. കുടുംബശ്രീ ജില്ലാ മിഷന്റെയും സുൽത്താൻ ബത്തേരി നഗരസഭയുടെയും ജില്ലാ ഫുട്ബോൾ അസോസിയേഷന്റെയും നേതൃത്വത്തിൽ ഇന്ന് (ജൂലൈ 15) ബത്തേരി നഗരസഭ ടൗൺ ഹാളിൽ ലോകകപ്പ് ഫുട്ബോൾ മാച്ച് സ്ക്രീനിംഗ് സംഘടിപ്പിക്കും. പൊതു ഇടങ്ങളിൽ സംഘടിപ്പിക്കുന്ന സ്ക്രീനിങ്ങുകൾ വീക്ഷിക്കുന്നതിൽ സ്ത്രീകൾ പൊതുവെ വിമുഖത കാണിക്കുന്ന സാഹചര്യത്തിലാണ് രണ്ടാം സെമിഫൈനൽ, ഫൈനൽ മത്സരങ്ങൾ കായിക പ്രേമികളായ സ്ത്രീകൾക്കായി സംപ്രേക്ഷണം ചെയ്യുന്നത്.

പടിഞ്ഞാറത്തറ ഇലക്ട്രിക്കൽ സെക്ഷൻ പരിധിയിൽ അറ്റകുറ്റ പ്രവർത്തികൾ നടക്കുന്നതിനാൽ മാടത്തുംപാറ, സ്പിൽ വേ, ഡാം ടോപ്പ്, ചാർജിങ് സ്റ്റേഷൻ, തെങ്ങുംമുണ്ട, പാണ്ടംകോഡ്, ചിറ്റലകുന്നു, പടിഞ്ഞാറത്തറ വില്ലേജ് ട്രാൻസ്ഫോർമർ പരിധികളിൽ ഇന്ന് (ജൂലൈ 15) രാവിലെ ഒൻപത് മുതൽ വൈകുന്നേരം 5.30 വരെ വൈദ്യുതി മുടങ്ങും.

വിദ്യാഭ്യാസ സ്ഥാപനങ്ങളിൽ പഴവർഗ പോഷക തോട്ട പദ്ധതിയുമായി സംസ്ഥാന കൃഷി വകുപ്പ്. ഹോർട്ടികൾച്ചർ മിഷനുമായി ചേർന്ന് രാഷ്ട്രീയ കൃഷി വികാസ് യോജന (രഫ്താർ) പദ്ധതിയിൽ ഉൾപ്പെടുത്തിയാണ് കനിപന്തൽ എന്ന പേരിൽ വിദ്യാഭ്യാസ സ്ഥാപനങ്ങളിൽ പുതിയ ആശയം വ്യാപകമാക്കുന്നത്. കതിർ കാർഷിക ക്ലബ്ബ്, ഗ്രീൻ കേഡറ്റ് കോർപസ് എന്നിവയിലൂടെ പദ്ധതിക്ക് വിദ്യാർത്ഥി പങ്കാളിത്തം ഉറപ്പാക്കും. പദ്ധതിയുടെ സംസ്ഥാനതല ഉദ്ഘാടനം ജൂലൈ 17ന് രാവിലെ 10.30ന് കൽപ്പറ്റ എസ്.കെ.എം.ജെ ഹയർ സെക്കൻഡറി സ്കൂളിൽ കൃഷി വകുപ്പ് മന്ത്രി അഡ്വ. ടി സിദ്ദീഖ് നിർവഹിക്കും.

സുൽത്താൻ ബത്തേരി ഗവ സർവജന ഹയർ സെക്കൻഡറി സ്കൂൾ സൗഹൃദ ക്ലബിന്റെ ആഭിമുഖ്യത്തിൽ ഒന്നാം വർഷ ഹയർ സെക്കൻഡറി വിദ്യാർത്ഥികൾക്കായി ആരോഗ്യ-ശുചിത്വ ബോധവത്കരണ ക്ലാസ് സംഘടിപ്പിച്ചു. ഹയർ സെക്കൻഡറി തലത്തിലേക്ക് പ്രവേശിച്ച വിദ്യാർത്ഥികളുടെ ഇൻഡക്ഷൻ പ്രോഗ്രാമിന്റെ ഭാഗമായാണ് പരിപാടി നടത്തിയത്. പുതിയ അധ്യയന വർഷത്തിൽ കുട്ടികളുടെ മാനസിക ഉല്ലാസവും വ്യക്തിത്വ വികാസവും ലക്ഷ്യമിട്ടായിരുന്നു ക്ലാസ്സ്. വിനായക ഹോസ്പിറ്റൽ ഗൈനക്കോളജി വിഭാഗം ഡോ. എം മസൂദ ക്ലാസിന് നേതൃത്വം നൽകി. പ്രിൻസിപ്പൽ പി.എ അബ്ദുൾനാസർ പരിപാടി ഉദ്ഘാടനം ചെയ്തു.

സെൻസസ് ബോധവത്ക്കരണ പ്രവർത്തനങ്ങളുടെ ഭാഗമായി ജില്ലയിലെ വിവിധ സ്കൂളുകളിൽ സംഘടിപ്പിച്ച ക്വിസ് മത്സരത്തിലെ വിജയികൾക്ക് ജില്ലാ കളക്ടർ ഡി. ആർ മേഘശ്രീ സമ്മാനങ്ങൾ വിതരണം ചെയ്തു. മുണ്ടേരി ഗവ. വൊക്കേഷണൽ ഹയർ സെക്കൻഡറി സ്കൂളിലെ വിദ്യാർത്ഥി അൻവേയ്, സുൽത്താൻ ബത്തേരി സർവജന ഹയർ സെക്കൻഡറി സ്കൂളിലെ വിദ്യാർത്ഥി അലൻ ടോം എൽദോസ്, മാനന്തവാടി ഗവ. വൊക്കേഷണൽ ഹയർ സെക്കൻഡറി സ്കൂളിലെ വിദ്യാർത്ഥിനി ആദിലക്ഷ്മി എന്നിവരാണ് മത്സര വിജയികൾ.

വെള്ളമുണ്ട ഇലക്ട്രിക്കൽ സെക്ഷനു കീഴിൽ വെള്ളമുണ്ട ടവർ, പത്താം മൈൽ അമ്പലം, നെഹ്‌ല ക്ലിനിക് കോച്ചുവയൽ ഭാഗങ്ങളിൽ ഇന്ന് (ജൂലൈ 15) രാവിലെ 8.30 മുതൽ 5.30 വരെ വൈദ്യുതി വിതരണം പൂർണമായോ ഭാഗികമായോ തടസ്സപ്പെടും.