കാഞ്ഞങ്ങാട്, തൃക്കരിപ്പൂര്‍ മണ്ഡലങ്ങളുടെ എക്സ്പെന്‍ഡിച്ചര്‍ ഒബ്സര്‍വറായ അജയ് കുമാര്‍ താഡിയ തൃക്കരിപ്പൂര്‍ മണ്ഡലത്തിലെ ഒളവറ, കാലിക്കടവ് എന്നിവിടങ്ങളിലെ സ്റ്റാറ്റിക് സര്‍വ്വയലന്‍സ് ടീം അംഗങ്ങളെ സന്ദര്‍ശിച്ചു. പോലീസ് ഒബ്‌സര്‍വര്‍ അശുതോഷ് കുമാര്‍ മഞ്ചേശ്വരം സ്റ്റാറ്റിക് സര്‍വ്വയലന്‍സ് ടീമിനെയും മഞ്ചേശ്വരം പോലീസ് സ്‌റ്റേഷനും സന്ദര്‍ശിച്ചു.

കേരള നിയമസഭാ തെരഞ്ഞെടുപ്പ് 2026 കാസര്‍കോട് ജില്ലയിലെ വിവിധ നിയോജക മണ്ഡലങ്ങളിലേക്ക് കേന്ദ്ര തെരഞ്ഞെടുപ്പ് കമ്മീഷന്‍ നിയോഗിച്ച വിവിധ നിരീക്ഷകര്‍ ജില്ലാ ഇന്റഫര്‍മേഷന്‍ ഓഫീസില്‍ പ്രവര്‍ത്തിക്കുന്ന മീഡിയ സെന്റര്‍ സന്ദര്‍ശിച്ചു.

ഇലക്ഷന്‍ അതോറിറ്റി ലെറ്റര്‍ (മീഡിയാ പാസ്) സംബന്ധിച്ച അറിയിപ്പ്

നിയമസഭാ തെരഞ്ഞെടുപ്പിന്റെ വോട്ടെടുപ്പ്, വോട്ടെണ്ണല്‍ എന്നിവ റിപ്പോര്‍ട്ട് ചെയ്യുന്ന പിആര്‍ഡി ലിസ്റ്റിലുള്ള മാധ്യമ പ്രവര്‍ത്തകര്‍ക്കു തെരഞ്ഞെടുപ്പ് കമ്മിഷന്‍ നല്‍കുന്ന അതോറിറ്റി ലെറ്ററുകള്‍ അനുവദിക്കുന്നതിനായുള്ള പട്ടികയും ഫോട്ടോകളും ഇതോടൊപ്പം നല്‍കുന്ന മാതൃകയില്‍ 2026 മാര്‍ച്ച് 21ന് വൈകിട്ട് അഞ്ചിനകം ജില്ലാ ഇന്‍ഫര്‍മേഷന്‍ ഓഫീസില്‍ ലഭ്യമാക്കണമെന്ന് അഭ്യര്‍ഥിക്കുന്നു.

ഹോം വോട്ടിങ്ങിനുള്ള അപേക്ഷ സ്വീകരിച്ചു തുടങ്ങി

കേരള സംസ്ഥാന സാങ്കേതിക വിദ്യാഭ്യാസ വകുപ്പിന്റെ കീഴില്‍ പ്രവര്‍ത്തിക്കുന്ന ഗവ:ടെക്നിക്കല്‍ ഹൈസ്‌കൂള്‍ മൊഗ്രാല്‍പുത്തൂരില്‍ എട്ടാം ക്ലാസിലേക്കുള്ള  പ്രവേശനം ആരംഭിച്ചു.
ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി ഏപ്രില്‍ ആറ്. വെബ്സൈറ്റ് -  https://ths.polyadmission.org. ഫോണ്‍ -  9946852459, 9809111318, 9495780483.

ജില്ലയില്‍ ഗവ. എല്‍.പി സ്‌കൂളുകളില്‍ പി.ടി.സി.എം തസ്തികയിലെ ഒഴിവുകളിലേക്ക് തെരെഞ്ഞെടുക്കുന്നതിന് 24 മുതല്‍ 27 വരെ നടത്താന്‍ നിശ്ചയിച്ചിരുന്ന. കൂടിക്കാഴ്ച്ച മാറ്റിവെച്ചു. പുതുക്കിയ തീയതി പിന്നീട് അറിയിക്കും.

പോസ്റ്റല്‍ വോട്ടിന് മാര്‍ച്ച് 21 വരെ അപേക്ഷിക്കാം

സംസ്ഥാന നിയമസഭാ തിരഞ്ഞെടുപ്പ് 2026 ബന്ധപ്പെട്ട് കാസര്‍കോട് ജില്ലയില്‍ വോട്ട് ചെയ്യാന്‍ സാധിക്കാതെ അവശ്യ ചുമതല നിര്‍വഹിക്കുന്ന ഉദ്യോഗസ്ഥര്‍ക്ക് പോസ്റ്റല്‍ വോട്ടിന് അപേക്ഷിക്കാം.  പോസ്റ്റല്‍ വോട്ടുമായി ബന്ധപ്പെട്ട നിര്‍ദ്ദേശങ്ങള്‍ ജില്ലാ കളക്ടറും ജില്ലാ തിരഞ്ഞെടുപ്പ് ഉദ്യോഗസ്ഥനുമായ അര്‍ജുന്‍ പാണ്ഡ്യന്‍ പുറപ്പെടുവിച്ചു. ചീഫ് ഇലക്ടറല്‍ ഓഫീസര്‍ 14 വിഭാഗങ്ങളിലായി ആണ് ആവശ്യ വിഭാഗത്തില്‍പ്പെടുന്ന ഉദ്യോഗസ്ഥരെ വിന്യസിച്ച് വിജ്ഞാപനം പുറപ്പെടുവിച്ചിട്ടുള്ളത്.

ഒന്നാം ഘട്ട റാന്‍ഡമൈസേഷന്‍ പൂര്‍ത്തിയായി

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലാ കളക്ടറേറ്റ് വെയർ ഹൗസിൽ സൂക്ഷിച്ചിരുന്ന ഇലക്ട്രോണിക്ക് വോട്ടിംഗ് മെഷീനുകൾ പരിശീലന ആവശ്യങ്ങൾക്കായി ബന്ധപ്പെട്ട അസിസ്റ്റന്റ് ഇലക്ടറൽ രജിസ്ട്രേഷൻ ഓഫീസർമാർക്ക് കൈമാറി.

ആദ്യഘട്ട പരിശീലനത്തിന്റെ ഭാഗമായി 170 ഇവിഎം മെഷീനുകളാണ് എഇആർഒമാർക്ക് കൈമാറിയത്. ജില്ലയിലെ ആറ് താലൂക്കുകളിലെ എഇആർഒമാർക്കാണ് മെഷീനുകൾ നൽകിയത്.

ഇ.വി.എം നോഡൽ ഓഫീസർ റോയ് സൈമൺ, അസിസ്റ്റന്റ് നോഡൽ ഓഫീസർ പ്രമോദ് ശശിധരൻ, മെറ്റീരിയൽസ് നോഡൽ ഓഫീസർ അനിൽ കുമാർ എന്നിവർ പങ്കെടുത്തു.