ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്സിൽ എം.ബി.എ (ട്രാവൽ & ടൂറിസം) 2026-28 ബാച്ചിലേക്ക് സംവരണ വിഭാഗത്തിൽപ്പെട്ട വിദ്യാർഥികൾക്കുള്ള സീറ്റിൽ ഏതാനും സീറ്റ് ഒഴിവുണ്ട്. ജൂലൈ 20ന് മുമ്പ് അപേക്ഷിക്കണം. സംവരണ വിഭാഗത്തിൽപ്പെട്ട എസ്.സി/ എസ്.ടി വിദ്യാർഥികൾക്ക് സർക്കാർ അനുവദിച്ചിട്ടുള്ള സംവരണവും ആനുകൂല്യങ്ങളും ലഭിക്കും.

തിരുവനന്തപുരം വഴുതക്കാടുള്ള കാഴ്ച പരിമിതർക്കായുള്ള സർക്കാർ വിദ്യാലയത്തിൽ വിവിധ ഒഴിവുകളിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നതിന് ജൂലൈ 18 രാവിലെ 10 മുതൽ അഭിമുഖം നടക്കും. മെയിൽ ഗൈഡ്, അസിസ്റ്റന്റ് ടീച്ചർ എന്നീ തസ്തികയിൽ ഓരോ ഒഴിവുകൾ മാത്രമാണ് ഉള്ളത്. മെയിൽ ഗൈഡിന് എസ്.എസ്.എൽ.സി/ തത്തുല്യം, ഫോർ വീലർ ലൈസെൻസ്, ഹോസ്റ്റലിൽ താമസിച്ച് സേവനമനുഷ്ഠിക്കാൻ സന്നദ്ധരായിരിക്കണം. മുൻപരിചയം അഭികാമ്യം.

ഫിഫ ലോകകപ്പ് 2026-നോടനുബന്ധിച്ച് ശുചിത്വ മിഷൻ  സാമൂഹ്യമാധ്യമങ്ങളിലൂടെ പ്രവചന മത്സരം സംഘടിപ്പിക്കും. ഫുട്‌ബോൾ ആവേശത്തോടൊപ്പം ശുചിത്വ സന്ദേശവും കൂടുതൽ ജനങ്ങളിലേക്ക് എത്തിക്കുക എന്നതാണ് ലക്ഷ്യം.

    സ്വകാര്യ സ്വാശ്രയ ആർക്കിടെക്ചർ കോളേജ് മാനേജ്മെന്റുകളുമായി സർക്കാർ ഏർപ്പെട്ടിട്ടുള്ള കരാറിനു വിധേയമായി  സ്വകാര്യ സ്വാശ്രയ ആർക്കിടെക്ചർ കോളേജുകളിലെ നിശ്ചിത ശതമാനം കമ്മ്യൂണിറ്റി ക്വാട്ട സീറ്റുകളിലേയ്ക്ക് സംസ്ഥാന പ്രവേശന പരീക്ഷാ കമ്മീഷണർ തയ്യാറാക്കി പ്രസിദ്ധീകരിക്കുന്ന റാങ്ക് ലിസ്റ്റിൽ നിന്നും യോഗ്യരായ വിദ്യാർത്ഥികൾക്കായി കേന്ദ്രീകൃത പ്രക്രിയയിലൂടെ അലോട്ട്മെന്റ് നടത്തും.

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് & ട്രെയിനിംഗും സംയുക്തമായി തിരുവനന്തപുരത്തുള്ള ട്രെയിനിംഗ് ഡിവിഷനിൽ ആരംഭിച്ച ഒരു വർഷം ദൈർഘ്യമുള്ള കെജിറ്റിഇ പ്രീപ്രസ് ഓപ്പറേഷൻ, കെജിറ്റിഇ പ്രസ് വർക്ക് 2026-27 കോഴ്സുകളിൽ ഏതാനും സീറ്റുകൾ ഒഴിവുണ്ട്. അപേക്ഷകർ എസ്.എസ്.എൽ.സി അഥവാ തത്തുല്യ യോഗ്യത പാസായിരിക്കണം.

വയോജനങ്ങള്‍ക്കും മാനസികാരോഗ്യത്തിനും ലഹരിമുക്തിക്കുമായി പ്രത്യേക ഒ.പികള്‍

കോഴിക്കോട് സര്‍ക്കാര്‍ ഹോമിയോപ്പതി മെഡിക്കല്‍ കോളേജ് ആശുപത്രിയില്‍ മൂന്ന് സ്‌പെഷ്യാലിറ്റി ഒ.പികള്‍ കൂടി ആരംഭിച്ചു. വയോജനാരോഗ്യം (ജെറിയാട്രിക്), ലഹരി വിമുക്തി (ഡി-അഡിക്ഷന്‍), മാനസികാരോഗ്യ-മാനസിക വെല്ലുവിളികള്‍ നേരിടുന്നവര്‍ക്കുള്ള സൈക്യാട്രി ഒ.പി എന്നിവയാണ് പുതുതായി ആരംഭിച്ചത്. ഇതോടെ സ്‌പെഷ്യലിറ്റി ഒ.പികളുടെ എണ്ണം 12 ആയി.

ജൂലൈ 30, 31, ഓഗസ്റ്റ് ഒന്ന്, രണ്ട് തീയതികളിലായി കോഴിക്കോട് ചാലിപ്പുഴയിലും ഇരുവഞ്ഞിപ്പുഴയിലുമായി നടക്കുന്ന ഏഷ്യയിലെ ഏറ്റവും വലിയ വൈറ്റ് വാട്ടര്‍ കയാക്കിങ് മത്സരവും രാജ്യത്തെ ഏറ്റവും വലിയ സാഹസിക കായിക മേളകളിലൊന്നുമായ മലബാര്‍ റിവര്‍ ഫെസ്റ്റിവലിന്റെ പ്രചാരണാര്‍ഥം വൈവിധ്യമാര്‍ന്ന പ്രീ-ഇവന്റുകള്‍ സംഘടിപ്പിക്കും. വിവിധ പഞ്ചായത്തുകളുടെ നേതൃത്വത്തിലാണ് പ്രീ-ഇവന്റുകള്‍ ഒരുക്കുക. 

താത്ക്കാലിക നിയമനം

എറണാകുളം സർക്കാർ മെഡിക്കൽ കോളേജ് ആശുപത്രിയിലെ കാരുണ്യ പദ്ധതിക്ക് കീഴിൽ ഫാർമസിസ്റ്റ് തസ്തികയിലേക്ക് താൽക്കാലിക അടിസ്ഥാനത്തിൽ നിയമനം നടത്തുന്നു. 
 ഡിപ്ലോമ ഇൻ ഫാർമസി , ബി.ഫാം  അല്ലെങ്കിൽ ഫാം.ഡി  യോഗ്യതയുള്ളവർക്കും കേരള സ്റ്റേറ്റ് ഫാർമസി കൗൺസിൽ രജിസ്ട്രേഷൻ സർട്ടിഫിക്കറ്റ് ഉള്ളവർക്കും അപേക്ഷിക്കാം. 21 മുതൽ 42 വയസ്സ് വരെയുള്ളവർക്കാണ് അവസരം.

ചാക്ക ഗവ ഐ ടി ഐ ഐയിൽ എസ്.എസ്.എൽ.സി, പ്ലസ് ടു മുതൽ യോഗ്യതയുള്ളവർക്ക് തൊഴിലധിഷ്ഠിത പ്ലേസ്‌മെന്റോടുകൂടി വിവിധ കോഴ്‌സുകളിലേക്ക് അഡ്മിഷൻ ആരംഭിച്ചു.

ഇന്റർനാഷണൽ ഡിപ്ലോമ ഇൻ കാർഗോ, ഷിപ്പിംഗ് ആൻഡ് ലോജിസ്റ്റിക്‌സ് മാനേജ്മന്റ്, ഇന്റർനാഷണൽ ഡിപ്ലോമ ഇൻ ഹോസ്പിറ്റൽ ആൻഡ് ഓഫീസ് അഡ്മിനിസ്‌ട്രേഷൻ എന്നീ കോഴ്‌സുകളിലേക്ക് ഇപ്പോൾ അപേക്ഷിക്കാമെന്ന് പ്രിൻസിപ്പാൾ ഇൻ ചാർജ്ജ് അറിയിച്ചു. ഫോൺ : 9074303488

9, 10 ക്ലാസുകളിൽ പഠിക്കുന്ന പട്ടികജാതി വിദ്യാർത്ഥികൾക്ക് പട്ടികജാതി വകുപ്പ് നൽകുന്ന സെൻട്രൽ പ്രീ മെട്രിക് സ്‌കോളർഷിപ്പ് (കമ്പോണന്റ് ഒന്ന്) അപേക്ഷ ക്ഷണിച്ചു. 

കേന്ദ്ര സർക്കാർ മാർഗനിർദ്ദേശ പ്രകാരം കുടുംബ വാർഷിക വരുമാനം 2.5 ലക്ഷം രൂപ വരെയുള്ള ഇ ഗ്രാന്റ്സ് പോർട്ടലിൽ രജിസ്റ്റർ ചെയ്തിട്ടുള്ള സർക്കാർ അല്ലെങ്കിൽ എയ്ഡഡ് അല്ലെങ്കിൽ അംഗീകൃത അൺ എയ്ഡഡ് സ്‌കൂളുകളിൽ പഠിക്കുന്നവർക്ക് അപേക്ഷിക്കാം.