ഇടുക്കി സര്‍ക്കാര്‍ നേഴ്‌സിംഗ് കോളേജിലേക്ക് ഒരു വര്‍ഷ കാലയളവിലേക്ക് നിയമിക്കുന്നതിനായി ബോണ്‍ഡഡ് ലക്ചറര്‍മാരുടെ 12 ഒഴിവിലേക്ക് വാക്ക്-ഇന്‍-ഇന്റര്‍വ്യു നടത്തുന്നു. യോഗ്യത: സര്‍ക്കാര്‍/അംഗീകൃത സ്വാശ്രയ നേഴ്‌സിംഗ് കോളേജില്‍ നിന്നും വിജയകരമായി എം.എസ്.സി. നേഴ്‌സിംഗ് പഠനം പൂര്‍ത്തിയായിരിക്കണം. കരള നേഴ്‌സസ് ആന്റ് മിഡ്‌വൈവ്‌സ് കൗണ്‍സില്‍ രജിസ്‌ട്രേഷന്‍ നിര്‍ബന്ധമായും ഉണ്ടായിരിക്കണം.

അസാപ് കേരളയുടെ കുന്നന്താനം കമ്യൂണിറ്റി സ്‌കില്‍ പാര്‍ക്കില്‍ പ്ലസ്ടു,ഡിഗ്രി യോഗ്യതയുള്ളവര്‍ക്കായി ജൂനിയര്‍ ഡേറ്റ അനലിസ്റ്റ് (ഫിനാന്‍ഷ്യല്‍) കോഴ്സിലേയ്ക്ക് അപേക്ഷ ക്ഷണിച്ചു. 18നും 40നും മദ്ധ്യേ പ്രായമുള്ളവര്‍ക്കാണ് അവസരം. 6 മാസം ദൈര്‍ഘ്യമുള്ള കോഴ്‌സ് വിജയകരമായി പൂര്‍ത്തിയാക്കുന്നവര്‍ക്ക് 100 ശതമാനം പ്ലേസ്മെന്റ് അസിസ്റ്റന്‍സ് ലഭിക്കുന്നതാണ്. അഡ്മിഷന്‍ എടുക്കുന്നതിനുള്ള അവസാന തീയതി മെയ് 31. കൂടുതല്‍ വിവരങ്ങള്‍ക്ക് ഫോണ്‍:9495999688

അസാപ് കേരളയുടെ തിരുവല്ല കുന്നന്താനം കമ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക്ക് വാഹന സര്‍വീസിങ് സൗജന്യ പരിശീലനത്തിന് അപേക്ഷ ക്ഷണിച്ചു. സംസ്ഥാനത്തെ ഒബിസി വിഭാഗത്തില്‍ ഉള്‍പ്പെട്ട 2.5 ലക്ഷത്തില്‍ താഴെ വാര്‍ഷിക വരുമാനമുള്ള പ്ലസ്ടു യോഗ്യതയുള്ളവര്‍ക്കാണ് അവസരം. അപേക്ഷകര്‍ 18നും 40നും മദ്ധ്യേ പ്രായമുള്ളവര്‍ ആയിരിക്കണം. അപേക്ഷ സ്വീകരിക്കുന്ന അവസാന തീയതി മെയ് 31. കൂടുതല്‍ വിവരങ്ങള്‍ക്ക് ഫോണ്‍: 9495999688
 

മൂന്നാര്‍ മോഡല്‍ റസിഡന്‍ഷ്യല്‍ സ്‌കൂളില്‍ ലൈബ്രേറിയന്‍,കമ്പ്യൂട്ടര്‍ ഇന്‍സ്ട്രക്ടര്‍ എന്നീ തസ്തികകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് നിശ്ചയിച്ചിരുന്ന കൂടിക്കാഴ്ച്ച മെയ് 30ന് രാവിലെ 11 മണിക്ക് മൂന്നാര്‍ എം.ആര്‍.എസ് ല്‍ നടക്കും. കൂടുതല്‍ വിവരങ്ങള്‍ക്ക് ഫോണ്‍:6238599660, ഇമെയില്‍:govtmrsmunnar@gmail.com
 

വേനലവധിക്കാലം പരിഗണിച്ച്, നിബന്ധനകള്‍ക്ക് വിധേയമായി ഇടുക്കി, ചെറുതോണി ഡാമുകള്‍ പൊതുജനങ്ങള്‍ക്ക് മെയ് 31 വരെ സന്ദര്‍ശിക്കാന്‍ സര്‍ക്കാര്‍ അനുമതി നല്‍കി. അണക്കെട്ടുകളില്‍ അറ്റകുറ്റപ്പണികളും, കാലവര്‍ഷാരംഭത്തിന് മുമ്പ് അണക്കെട്ടിന്റെ സുരക്ഷയ്ക്ക് അത്യന്താപേക്ഷിതമായ പൂര്‍ത്തീകരിക്കേണ്ട ജോലികളും നടന്നുവരികയാണ്. ജോലികള്‍ക്ക് തടസം ഉണ്ടാകാത്ത തരത്തില്‍ പൊതുജനങ്ങള്‍ക്ക് കാല്‍നടയായി മാത്രമേ സന്ദര്‍ശനം അനുവദിക്കൂ. വേനലവധിക്കാലം പ്രമാണിച്ച് എല്ലാ സുരക്ഷാമാനദണ്ഡങ്ങളും പാലിക്കുന്നുവെന്ന് ഹൈഡല്‍ ടൂറിസം അധികാരികള്‍ കര്‍ശനമായി ഉറപ്പാക്കണമെന്ന വ്യവസ്ഥയ്ക്ക് വിധേയമായി ബഗ്ഗി കാര്‍ ഗതാഗതം ഒഴിവാക്കി.

കേരള മീഡിയ അക്കാദമിയുടെ പോസ്റ്റ് ഗ്രാജുവേറ്റ് ഡിപ്ലോമ കോഴ്സ് (ടെലിവിഷൻ ജേണലിസം, ജേണലിസം & കമ്യൂണിക്കേഷൻ, പി.ആർ & അഡ്വർടൈസിംഗ്) 2026-27 ബാച്ചിന്റെ പ്രവേശന പരീക്ഷ ജൂൺ 1ന് ഓൺലൈനായി നടക്കും. ഓൺലൈൻ  എക്‌സാം പോർട്ടൽ ലിങ്കും, മറ്റു നിർദ്ദേശങ്ങളും അപേക്ഷകർക്ക് ഇ-മെയിലായി അയച്ചിട്ടുണ്ട്. ഇ-മെയിൽ ലഭിക്കാത്തവർ ജൂൺ 30 വൈകിട്ട് 5ന് മുമ്പ് അക്കാദമിയുമായി ബന്ധപ്പെടേണ്ടതാണ്.

വിദ്യാഭ്യാസ വകുപ്പിൽ അധ്യാപക സോഷ്യൽ വർക്കർ നിയമനം നടുത്തുന്നു എന്നുള്ള രീതിയിൽ പൊതുവിദ്യാഭ്യാസ വകുപ്പ് സെക്രട്ടറിയുടെ പേരിലുള്ള വ്യാജ ഉത്തരവ് സഹിതമുള്ള സന്ദേശം സമൂഹ മാധ്യമങ്ങളിൽ പ്രചരിക്കുന്നതായി സർക്കാരിന്റെ ശ്രദ്ധയിൽപ്പെട്ടിട്ടുണ്ട്. പൊതുവിദ്യാഭ്യാസ വകുപ്പ് ഇത്തരത്തിൽ ഒരു ഉത്തരവ് പുറപ്പെടുവിക്കുകയോ പ്രസ്തുത തസ്തികയിലേക്ക് നിയമനം നടത്തുന്നതിനുള്ള ശിപാർശ നൽകുകയോ ചെയ്തിട്ടില്ല.

എക്‌സൈസ് വകുപ്പ് മന്ത്രി എം.

കേരള സർക്കാർ ഹോമിയോപ്പതി വകുപ്പും എറണാകുളം ജില്ലാ പഞ്ചായത്ത് ഹോമിയോ ആശുപത്രിയും സംയുക്തമായി ആയുഷ്മാൻ ഭവ, സദ്ഗമയ പദ്ധതികളുടെ ഭാഗമായി
 സംഘടിപ്പിച്ച "തന്മയി 2026" സമ്മർ ക്യാമ്പ് സമാപിച്ചു.
എറണാകുളം ജില്ലാ പഞ്ചായത്ത് വൈസ് പ്രസിഡന്റ് സിന്റ ജേക്കബ് പരിപാടി ഉദ്ഘാടനം ചെയ്തു. 
കുട്ടികളുടെ അവധിക്കാലം കൂടുതൽ ഫലപ്രദവും സർഗ്ഗാത്മകവുമായി വിനിയോഗിക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിച്ചത്.

​കാലവർഷ മുന്നൊരുക്കങ്ങളുടെ ഭാഗമായി  മലങ്കര ഡാമിലെ ഷട്ടറുകളുടെ അടിയന്തര അറ്റകുറ്റപ്പണികൾ നടക്കുന്നതിനാൽ  ഇന്ന് ( മെയ് 26) മുതൽ മൂന്നാഴ്ചത്തേക്ക് ഡാമിലെ ജലനിരപ്പ് 36.90 മീറ്ററിലേക്ക് താഴ്ത്തുന്നതാണ്.