ഹൈബി ഈഡ൯ എംപിയുടെ ഫണ്ട് ഉപയോഗിച്ച് നടപ്പാക്കുന്ന വിവിധ പദ്ധതികൾ ജില്ലാ കളക്ട൪ എ൯.എസ്.കെ ഉമേഷിന്റെ അധ്യക്ഷതയിൽ ചേ൪ന്ന യോഗത്തിൽ അവലോകനം ചെയ്തു. പതിനേഴാം ലോക്സഭാ കാലാവധിയിലുളള പദ്ധതികളാണ് യോഗം അവലോകനം ചെയ്തത്. പദ്ധതികൾ ഉട൯ പൂ൪ത്തീകരിക്കുന്നതിനുള്ള നടപടി സ്വീകരിക്കാ൯ ജില്ലാ കളക്ട൪ നി൪ദേശം നൽകി. 

വയറിളക്ക ബാധ ഉണ്ടായ കാക്കനാട് ഡി എൽ എഫ് ഫ്ലാറ്റുകളിൽ സ്ഥിതിഗതികൾ നിയന്ത്രണവിധേയം.
വിഷയവുമായി ബന്ധപ്പെട്ട് അഡീഷണൽ ഡയറക്ടർ  (പൊതുജനാരോഗ്യം)ഡോ കെ പി റീത്തയുടെ നേതൃത്വത്തിൽ ജില്ലാ മെഡിക്കൽ ഓഫീസിലെയും കാക്കനാട് കുടുംബാരോഗ്യ കേന്ദ്രത്തിലെയും ഉദ്യോഗസ്ഥരുമായി യോഗം ചേരുകയും സ്ഥിതിഗതികൾ വിലയിരുത്തി. ഇന്ന് 21 ഫ്ലാറ്റികളിൽ നിന്നായി പരിശോധിച്ച വെള്ളത്തിൽ  ക്ലോറിന്റെ അളവ് തൃപ്തികരമാണെന്ന് കണ്ടെത്തിയിട്ടുണ്ട്.

ഇതുവരെ 496 പേര്‍ക്കാണ് രോഗലക്ഷണങ്ങൾ കണ്ടെത്തിയത്.ഒരാൾക്കാണ് പുതുതായി രോഗം ബാധിച്ചത്.

എറണാകുളം ജനറൽ ആശുപത്രിയിൽ വിവിധ പദ്ധതികളുടെ ഉദ്ഘാടനം ഹൈബി ഈഡൻ എം പി നിർവ്വഹിച്ചു. വിവിധ പദ്ധതികൾക്കായി 90 ലക്ഷം രൂപയും കൊച്ചിൻ കോർപ്പറേഷന്റെ 30 ലക്ഷം രൂപയും ഏകീകരിച്ചുകൊണ്ട് ഒന്നേകാൽ കോടി  രൂപയുടെ നവീകരണ, നിർമ്മാണ പരിപാടികളാണ് ഉദ്ഘാടനം ചെയ്യപ്പെട്ടത്.  

വെള്ളക്കെട്ട് പരിഹരിക്കുന്നതിന് അടിയന്തര നടപടി

എറണാകുളം കെ.എസ്.ആര്‍.ടി.സി ബസ് സ്റ്റാന്‍ഡിലെ വെള്ളക്കെട്ടിന് താല്‍ക്കാലിക പരിഹാരം കാണുന്നതിന് അടിയന്തര നടപടി സ്വീകരിക്കുമെന്ന് ഗതാഗത വകുപ്പ് മന്ത്രി കെ.ബി ഗണേഷ് കുമാര്‍ പറഞ്ഞു. നിലവിലെ പ്രശ്‌നങ്ങള്‍ ശാശ്വതമായി പരിഹരിക്കുന്നതിന് ഐ.ഐ.ടി.യിലെ എഞ്ചിനീയര്‍മാരോട് പഠനം നടത്താന്‍ ആവശ്യപ്പെടുമെന്നും പ്രായോഗിക പ്രശ്‌നപരിഹാരത്തിനാണ് ശ്രമമെന്നും മന്ത്രി പറഞ്ഞു. 

        വ്യവസായ വകുപ്പ് വഴി നടപ്പിലാക്കിയ മാർജിൻ മണി കുടിശ്ശിക തീർപ്പാക്കുന്നതിനുള്ള ഒറ്റത്തവണ തീർപ്പാക്കൽ പദ്ധതിയുടെ കാലാവധി സെപ്റ്റംബർ 10 വരെ ദീർഘിപ്പിച്ച് സർക്കാർ ഉത്തരവായിട്ടുണ്ട്.

      വയനാട് വന്യജീവി സങ്കേതത്തിലും മറ്റ് വനപ്രദേശങ്ങളിലും ജൈവവൈവിധ്യത്തിന് ഭീഷണിയായി മാറിയിട്ടുള്ളതും വന്യജീവികൾക്ക് വിനാശകരമായിട്ടുള്ളതുമായ അധിനിവേശ സസ്യമായ മഞ്ഞക്കൊന്ന മുറിച്ചുമാറ്റുന്നതിന് പൊതുമേഖലാ സ്ഥാപനമായ കേരള പേപ്പർ പ്രോഡക്ട്‌സ് ലിമിറ്റഡിന് (കെ.പി.പി.എൽ) അനുവാദം നൽകി ഉത്തരവായി. മഞ്ഞക്കൊന്ന പരീക്ഷണാടിസ്ഥാനത്തിൽ പൾപ്പ് വുഡായി എടുക്കാൻ തയ്യാറാണെന്ന് കെ.പി.പി.എൽ അറിയിച്ചിരുന്നു.

        കേരളസർക്കാർ ടൂറിസം വകുപ്പിന് കീഴിൽ പ്രവർത്തിക്കുന്ന കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിന്റെ (കിറ്റ്സ്) തിരുവനന്തപുരം കേന്ദ്രത്തിൽ     ഗസ്റ്റ് ഫാക്കൽറ്റി ഇൻ ഹോട്ടൽ മാനേജ്‌മെന്റ്/ ഹോസ്പിറ്റാലിറ്റി മാനേജ്മെന്റ്, ഗസ്റ്റ് ഫാക്കൽറ്റി ഇൻ മാർക്കറ്റിംഗ്, ഗസ്റ്റ് ഫാക്കൽറ്റി ഇൻ ടൂറിസം മാനേജ്‌മെന്റ്, ഗസ്റ്റ് ഫാക്കൽറ്റി ഇൻ ഐ.ടി മാനേജ്‌മെന്റ് എന്നീ തസ്തികകളിൽ താത്കാലിക ഒഴിവുകളിലേക്ക് അപേക്ഷ ക്ഷണിച്ചു.

        കേരള മഹിള സമഖ്യ സൊസൈറ്റിയുടെ നിയന്ത്രണത്തിൽ, വനിത ശിശുവികസന വകുപ്പിന്റെ സഹായത്തോടെ, ആലപ്പുഴയിൽ പ്രവർത്തിക്കുന്ന എൻട്രി ഹോം ഫോർ ഗേൾസിൽ കെയർ ടേക്കർ തസ്തികയിലേക്ക് താത്ക്കാലിക നിയമനത്തിന് വാക്ക് ഇൻ ഇന്റർവ്യൂ നടത്തുന്നു.

* രക്തം ശേഖരിക്കുന്നത് മുതൽ നൽകുന്നത് വരെ നിരീക്ഷിക്കാൻ കഴിയുന്ന സംവിധാനം

        കേരള തയ്യൽതൊഴിലാളി ക്ഷേമനിധി തിരുവനന്തപുരം ജില്ലാ ഓഫീസിൽ നിന്നും പെൻഷൻ വാങ്ങി വരുന്ന എല്ലാ പെൻഷൻകാരും ജൂൺ 25 മുതൽ ആഗസ്റ്റ് 24 വരെ നടത്തുന്ന വാർഷിക മസ്റ്ററിങ് അക്ഷയ കേന്ദ്രങ്ങൾ വഴി നടത്തേണ്ടതാണ്. 2023 ഡിസംബർ 31 വരെ റിട്ടയർമെന്റ് തീയതി വരുന്നതും, കഴിഞ്ഞ വർഷത്തെ പൊതു മസ്റ്റിറിങ് കാലയളവിൽ മസ്റ്ററിങ് ചെയ്യാതെ മുൻ മാസങ്ങളിൽ 1 മുതൽ 20 വരെയുള്ള തീയതികളിൽ മസ്റ്ററിങ് ചെയ്തവരും ഇക്കാലയളവിൽ മസ്റ്ററിങ് ചെയ്യേണ്ടതാണ്.