അ൪ധ സ൪ക്കാ൪ സ്ഥാപനത്തിൽ ലാബ് അസിസ്റ്റന്റ് തസ്തികയിൽ മുന്നാക്ക വിഭാഗത്തിലെ സാമ്പത്തികമായി പിന്നാക്കം നിൽക്കുന്നവ൪ (എക്ണോമിക്കലി വീക്ക൪ സെക്ഷ൯), പട്ടികജാതി, ലത്തീ൯ കത്തോലിക്ക൪/ആംഗ്ലോ ഇന്ത്യ൯ എന്നീ വിഭാഗത്തിനായി സംവരണം ചെയ്തിട്ടുള്ള മൂന്ന് താത്കാലിക ഒഴിവുകൾ നിലവിലുണ്ട്. താൽപര്യമുള്ള ഉദ്യോഗാ൪ഥികൾ ജൂലൈ മൂന്നിനകം യോഗ്യത, പ്രവൃത്തി പരിചയം എന്നിവ തെളിയിക്കുന്ന സ൪ട്ടിഫിക്കറ്റ് സഹിതം അടുത്തുള്ള എംപ്ലോയ്മെന്റ് എക്സ് ചേഞ്ചിൽ നേരിട്ട് ഹാജരാകണം. യോഗ്യത-സയ൯സ്/ അഗ്രിക്കൾച്ചറൽ/ഫിഷറീസ് എന്നിവയിലേതെങ്കിലുമുള്ള പ്ലസ് ടു/തത്തുല്യം. ലബോറട്ടറി വ൪ക്കിലുള്ള രണ്ട് വ൪ഷത്തെ പ്രവൃത്തി പരിചയം. പ്രായം 18 മുതൽ 41 വരെ.

വ്യവസായ വാണിജ്യ വകുപ്പില്‍ നിന്ന് വിതരണം ചെയ്ത മാര്‍ജിന്‍ മണി വായ്പയില്‍ കുടിശികയുളളവര്‍ക്ക് ഒറ്റത്തവണയായി കുടിശിക തീര്‍പ്പാക്കാന്‍ അവസരം നല്‍കുന്നു. ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി സെപ്റ്റംബര്‍ 10 വരെയാണ്. മാര്‍ജിന്‍ മണി ലോണിന്റെ കുടിശികയുളള എല്ലാ യൂണിറ്റുകളും ഈ അവസരം പ്രയോജനപ്പെടുത്തണമെന്ന് ജനറല്‍ മാനേജര്‍ ജില്ലാ വ്യവസായ കേന്ദ്രം ഇടുക്കി അറിയിച്ചു.  ഫോൺ: 04862 235207.

കേരള മദ്രസ അധ്യാപക ക്ഷേമനിധി ബോര്‍ഡില്‍ നിന്നും 2023 ഡിസംബര്‍ 31 വരെ പെന്‍ഷന്‍ അനുവദിച്ച ഗുണഭോക്താക്കള്‍ ജൂണ്‍ 25 മുതല്‍ ആഗസ്റ്റ് 24 വരെയുളള കാലയളവിനുളളില്‍ അക്ഷയ കേന്ദ്രങ്ങള്‍ മുഖേന ബയോമെട്രിക് മസ്റ്ററിംഗ് നടത്തേണ്ടതാണ്. ലൈഫ് സര്‍ട്ടിഫിക്കറ്റ് ഹാജരാക്കിയവരും മസ്റ്ററിംഗ് നടത്തണമെന്ന് കേരള മദ്രസ അധ്യാപക ക്ഷേമനിധി ബോര്‍ഡ് ചീഫ് എക്സിക്യൂട്ടീവ് ഓഫീസര്‍ അറിയിച്ചു.  ഫോൺ: 04952966577, 9188230577

ഇടുക്കി മെഡിക്കല്‍ കോളേജിലെ വിവിധ വിഭാഗങ്ങളിലേക്ക് സീനിയര്‍ , ജൂനിയര്‍ റസിഡന്റ്മാരെ  നിയമിക്കുന്നു. ജൂണ്‍  27ന് വാക് ഇന്‍ ഇന്റര്‍വ്യൂ നടക്കും. കരാര്‍ അടിസ്ഥാനത്തിലാണ് നിയമനം .

സീനിയര്‍  റസിഡന്റ് തസ്തികയിലേക്ക് എം.ബി.ബി.എസ്, ബന്ധപ്പെട്ട വിഷയത്തില്‍ ബിരുദാനന്തര ബിരുദം. ഒരുവര്‍ഷത്തെ ഇന്റേണ്‍ഷിപ്പ്, ടി. സി. എം. സി / കെ. എസ്. എം. സി. രജിസ്ട്രേഷന്‍ സര്‍ട്ടിഫിക്കറ്റ് എന്നീ യോഗ്യതയുളളവര്‍ക്ക് പങ്കെടുക്കാം.

ഇടുക്കി വിനോദസഞ്ചാര കേന്ദ്രങ്ങളിലെ  അനധികൃത ആനസവാരി കേന്ദ്രങ്ങളുടെ പ്രവർത്തനം കർശനമായി തടയുമെന്ന്  ജില്ലാ കലക്ടർ ഷീബ ജോർജ്ജ് അറിയിച്ചു. ഇത്തരം കേന്ദ്രങ്ങളിൽ  പരിശോധന നടത്തി കർശന നിയമ നടപടി സ്വീകരിക്കാൻ വനം വകുപ്പ് അധികൃതർക്ക് നിർദേശം നൽകിയിട്ടുണ്ട്.  അടിമാലിയ്ക്ക് സമീപം പ്രവർത്തിച്ചിരുന്ന  "കേരള ഫാം" എന്ന സ്വകാര്യ ആനസവാരി കേന്ദ്രത്തിൽ ആനയുടെ ചവിട്ടേറ്റ് പാപ്പാൻ മരണമടഞ്ഞതിന്റെ പശ്ചാത്തലത്തിലാണ് കലക്ടറുടെ അടിയന്തര നിർദേശം. അനധികൃതമായി പ്രവർത്തിച്ചിരുന്ന  അടിമാലിയിയിലെ കേന്ദ്രം അടച്ചുപൂട്ടിയിട്ടുണ്ട്. ആനയെ

കേരള മത്സ്യത്തൊഴിലാളി ക്ഷേമനിധി ബോർഡിൽ നിന്ന് പെൻഷൻ വാങ്ങുന്ന എല്ലാ ഗുണഭോക്താക്കളും പെൻഷൻ തുടർന്ന് ലഭിക്കുന്നതിന് മസ്റ്ററിങ് ചെയ്യണമെന്ന് മേഖല എക്‌സിക്യൂട്ടീവ് അറിയിച്ചു. 2023 ഡിസംബർ മാസം വരെ പെൻഷൻ ലഭിച്ച എല്ലാ ഗുണഭോക്താക്കളും ഓഗസ്റ്റ് 24 നകം ആധാർ കാർഡുമായി അക്ഷയ കേന്ദ്രങ്ങളിൽ എത്തി പെൻഷൻ മാസ്റ്ററിങ് ഉറപ്പുവരുത്തേണ്ടതാണ്.

അന്താരാഷ്ട്ര ഒളിമ്പിക് ദിനാചരണത്തിന്റെ ഭാഗമായി മലപ്പുറം ജില്ലാ ഭരണകൂടം,  ജില്ലാ സ്പോർട്‌സ് കൗൺസിൽ, ജില്ലാ ഒളിമ്പിക് അസോസിയേഷൻ എന്നിവയുടെ സംയുക്താഭിമുഖ്യത്തിൽ 'ഒളിമ്പിക് റൺ'- കൂട്ടയോട്ടം സംഘടിപ്പിച്ചു. മലപ്പുറം എം.എസ്.പി. സ്‌കൂൾ ഗ്രൗണ്ടിൽ നിന്നാരംഭിച്ച് കോട്ടപ്പടി സ്റ്റേഡിയം വരെയായിരുന്നു കൂട്ടയോട്ടം. മലപ്പുറം മുനിസിപ്പൽ ചെയർമാൻ മുജീബ് കാടേരി ഫ്ലാഗ് ഓഫ് നിർവ്വഹിച്ചു. ചടങ്ങിൽ ജില്ലാ കളക്ടർ വി. ആർ. വിനോദ്,  ജില്ലാ സ്പോർട്സ് കൗൺസിൽ പ്രസിഡൻ്റ് വി. പി. അനിൽകുമാർ എന്നിവർ സംസാരിച്ചു.

കേരള സംസ്ഥാന പട്ടികജാതി പട്ടികഗോത്ര വർഗ്ഗ കമ്മീഷൻ പരാതി പരിഹാര അദാലത്ത് നാളെയും മറ്റന്നാളും (ജൂൺ 25, 26 തീയതികളിൽ) രാവിലെ 10.30 മുതല്‍ വൈകുന്നേരം അഞ്ചു മണി വരെ മലപ്പുറം ജില്ലാ ആസൂത്രണ സമിതി കോണ്‍ഫ്രന്‍സ് ഹാളില്‍ നടക്കും. കമ്മീഷൻ ചെയർപേഴ്‌സൺ ശേഖരൻ മിനിയോടൻ, മെമ്പർമാരായ അഡ്വ സേതു നാരായണൻ, ടി.കെ. വാസു എന്നിവർ അദാലത്തിന് നേതൃത്വം നൽകും. പട്ടികജാതി പട്ടികഗോത്രവർഗ്ഗക്കാരുമായി ബന്ധപ്പെട്ട വിവിധ വിഷയങ്ങളിൽ കമ്മീഷൻ മുമ്പാകെ സമർപ്പിച്ചിട്ടുള്ളതും വിചാരണയിൽ ഇരിക്കുന്നതുമായ കേസുകളിൽ പരാതിക്കാരെയും പരാതി എതിർകക്ഷികളെയും ബന്ധപ്പെട്ട ഉദ്യോഗസ്ഥരെയും നേരിൽ കേട്ട് പരാതികൾ തീർപ്പാക്കും.