ആലത്തൂര്‍ ബസാര്‍ റോഡില്‍ മലമലമൊക്ക് ജംഗ്ഷനില്‍ വാഹനങ്ങള്‍ അപകടം ഇല്ലാതെ സുഗമമായി കടന്നുപോകുന്നതിനായി ജൂലൈ 16 മുതല്‍ നിലവിലെ താല്‍ക്കാലിക ട്രാഫിക് റൗണ്ട് എബൗട്ട് റോഡിന്റെ മധ്യത്തില്‍ പരീക്ഷണാടിസ്ഥാനത്തില്‍ മാറ്റി സ്ഥാപിക്കുന്നതായി ആലത്തൂര്‍ പൊതുമരാമത്ത് നിരത്ത് വിഭാഗം അസി. എഞ്ചിനീയര്‍ അറിയിച്ചു.  സ്ഥിരമായ ട്രാഫിക് റൗണ്ട് എബൗട്ട് സ്ഥാപിക്കുന്നതിന്റെ ഭാഗമായാണ് നടപടി.

പാലക്കാട് ജില്ലയിലെ എയ്ഡഡ് സ്‌കൂള്‍ ജീവനക്കാരുടെ കെ എ എസ് ഇ പി എഫ് ക്രെഡിറ്റ് കാര്‍ഡുകള്‍ പ്രസിദ്ധീകരിച്ചു. ജില്ലയിലെ എല്ലാ എയ്ഡഡ് സ്‌കൂള്‍ പ്രധാനാധ്യാപകരും, ജൂലൈ 31 നകം സ്‌കൂളിലെ എല്ലാ ജീവനക്കാരുടേയും ക്രെഡിറ്റ് കാര്‍ഡുകള്‍ വെരിഫിക്കേഷന്‍ ഗെയിന്‍ പി എഫ് സൈറ്റില്‍ പൂര്‍ത്തിയാക്കണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു.  

പാലക്കാട് സര്‍ക്കാര്‍ പോളിടെക്‌നിക് കോളേജില്‍ ഇലക്ട്രിക്കല്‍ ആന്‍ഡ് ഇലക്‌ട്രോണിക്‌സ് എഞ്ചിനീയറിങ് വിഭാഗത്തിലെ അപ്ലൈഡ് ഇലക്‌ട്രോണിക്‌സ് ലാബിലേക്ക് കണ്‍സ്യൂമബിള്‍സ് വാങ്ങുന്നതിന് ക്വട്ടേഷന്‍ ക്ഷണിച്ചു.  ജൂലൈ 29 ന്  ഉച്ചയ്ക്ക് രണ്ട് വരെ ക്വട്ടേഷന്‍ സ്വീകരിക്കും.ഫോണ്‍: 0491 2572640.

ചിറ്റൂര്‍ ഐ സി ഡി എസ് പ്രൊജക്ടിലേക്ക് ഔദ്യോഗിക ആവശ്യങ്ങള്‍ക്ക് കരാര്‍ അടിസ്ഥാനത്തില്‍ വാഹനം (കാര്‍ - എസി) ലഭ്യമാക്കുന്നതിന് മുദ്രവച്ച ടെന്‍ഡറുകള്‍ ക്ഷണിച്ചു. വാഹനത്തിന് ഏഴ് വര്‍ഷത്തിലധികം കാലപ്പഴക്കം ഉണ്ടായിരിക്കരുത്. ടാക്‌സി പെര്‍മിറ്റ് നിര്‍ബന്ധമാണ്. ടെന്‍ഡര്‍ ഫോമുകള്‍ ജൂലൈ 29 ന് ഉച്ചയ്ക്ക് 12 വരെ സ്വീകരിക്കും. ഫോണ്‍: 04923 273675

ആലത്തൂര്‍ മിനി സിവില്‍ സ്‌റ്റേഷനിലെ പൊതു ശൗചാലയം പണം ഈടാക്കി ഉപയോഗിക്കുന്ന വ്യവസ്ഥയില്‍ നടത്തിക്കൊണ്ടു പോകുന്നതിന് ജൂലൈ 30 ന് രാവിലെ 11 ന് ലേലം ചെയ്യും.താല്‍പര്യമുള്ള വ്യക്തികള്‍ക്കും, കുടുംബശ്രീ യൂണിറ്റുകള്‍ക്കും പങ്കെടുക്കാം. ഒരു വര്‍ഷമാണ് കരാര്‍ കാലാവധി.  കൂടുതല്‍ വിവരങ്ങള്‍ക്ക് ഫോണ്‍: 04922 222324.