പെരുമ്പടപ്പ് ബ്ലോക്ക് പഞ്ചായത്ത് മാറഞ്ചേരിയില്‍ വയോജനങ്ങള്‍ക്കായി നിര്‍മിച്ച 'പകല്‍ വീട്' നാളെ (സെപ്റ്റംബര്‍ ഒമ്പത്) നാടിന് സമര്‍പ്പിക്കുന്നു. പദ്ധതിയുടെ ഉദ്ഘാടനം രാവിലെ 11 ന് ബ്ലോക്ക് പഞ്ചായത്ത് പ്രസിഡന്റ് പി.എം ആറ്റുണ്ണി തങ്ങള്‍ നിര്‍വഹിക്കും. ചടങ്ങില്‍ പകല്‍ വീട് മാറഞ്ചേരി ഗ്രാമപഞ്ചായത്തിന് കൈമാറും. 

അർഹരായ മുഴുവൻ ആളുകൾക്കും ഭൂമിയുടെ ഉടമസ്ഥാവകാശം നൽകുക സർക്കാറിന്റെ പ്രഖ്യാപിത ലക്ഷ്യമാണെന്ന് റവന്യു വകുപ്പ് മന്ത്രി ഇ. ചന്ദ്രശേഖരൻ പറഞ്ഞു. തൃശൂർ ജില്ലയിലെ പട്ടയ വിതരണത്തിന്റെ ഉദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു മന്ത്രി.

ഡോ. എ.പി.ജെ. അബ്ദുള്‍ കലാം ഗവ. ഹയര്‍ സെക്കണ്ടറി സ്‌കൂള്‍; പുതിയ ബഹുനില കെട്ടിടം ബുധനാഴ്ച്ച മുഖ്യമന്ത്രി പിണറായി വിജയന്‍ ഓൺലൈനിൽ ഉദ്ഘാടനം ചെയ്യും

പുളിക്കല്‍ ഗ്രാമ പഞ്ചായത്തിലെ വാര്‍ഷിക പദ്ധതിയുമായി ബന്ധപ്പെട്ട വ്യക്തിഗത ആനുകൂല്യങ്ങള്‍ക്കുള്ള അപേക്ഷാ ഫോറങ്ങള്‍ പഞ്ചായത്ത് ഓഫീസില്‍ നിന്നും ബന്ധപ്പെട വാര്‍ഡ് മെമ്പര്‍മാരില്‍ നിന്നും ലഭിക്കും.  അപേക്ഷ സെപ്തംബര്‍ 11നകം ബന്ധപ്പെട്ടവരെ ഏല്‍പ്പിക്കണമെന്ന് ഗ്രാമപഞ്ചായത്ത് സെക്രട്ടറി അറിയിച്ചു. 
 

ജില്ലയിലെ വിവിധ ഗ്രാമ പഞ്ചായത്തുകളിലെയും നഗരസഭകളിലെയും വിവിധ റോഡുകളുടെ പ്രവര്‍ത്തികള്‍ക്കായി വെള്ളപ്പൊക്ക ദുരിതാശ്വാസ പദ്ധതിയില്‍ ഉള്‍പ്പെടുത്തി ഒരു കോടി പതിനാല് ലക്ഷത്തി അറുപത്തി അയ്യായിരം   രൂപ അനുവദിച്ച് ജില്ലാ കലക്ടര്‍ ഉത്തരവായി. അനുവദിച്ച ഗ്രാമ പഞ്ചായത്ത് / നഗരസഭ, റോഡ്, തുക എന്നിവ താഴെ ചേര്‍ക്കുന്നു. 

മലപ്പുറം സോഷ്യല്‍ ഫോറസ്ട്രി ഡിവിഷന്‍ ഓഫീസ് സമുച്ചയത്തിന്റെ ശിലാസ്ഥാപന കര്‍മ്മം വനം-വന്യജീവി വകുപ്പ് മന്ത്രി അഡ്വ. കെ.രാജു വീഡിയോ കോണ്‍ഫറന്‍സിങ്ങിലൂടെ നിര്‍വ്വഹിക്കും. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ രാവിലെ 11.30ന് നടക്കുന്ന ചടങ്ങില്‍ എംഎല്‍എ പി. ഉബൈദുള്ള അധ്യക്ഷത വഹിക്കും. വനം വകുപ്പ് മേധാവി പി.കെ കേശവന്‍ ഐഎഫ്എസ്, ജില്ലാ കലക്ടര്‍ കെ.ഗോപാലകൃഷ്ണന്‍ എന്നിവര്‍ പങ്കെടുക്കും. 

ജില്ലാ മെഡിക്കല്‍ ഓഫീസില്‍ നിന്നും പ്രാണിജന്യരോഗ നിയന്ത്രണ പ്രവര്‍ത്തനങ്ങള്‍ക്കായി ദിവസ വേതനാടിസ്ഥാനത്തില്‍ താല്‍ക്കാലിക ജീവനക്കാരെ നിയമിക്കുന്നതിന് അപേക്ഷ ക്ഷണിച്ചു.  ബയോഡാറ്റ, വയസ്സ്, ഫോണ്‍ നമ്പര്‍ യോഗ്യത, പ്രാണിജന്യരോഗ നിയന്ത്രണ പ്രവര്‍ത്തനങ്ങളിലെ മുന്‍പരിചയം എന്നിവ തെളിയിക്കുന്നതിനുള്ള സര്‍ട്ടിഫിക്കറ്റ്, സര്‍ക്കാര്‍ അംഗീകൃത തിരിച്ചറിയല്‍ രേഖ എന്നിവയുടെ പകര്‍പ്പുകള്‍ സഹിതം സെപ്തംബര്‍ 14ന് വൈകുന്നേരം അഞ്ചിനകം nvbdcpmpm@gmail.com എന്ന മെയിലിലേക്ക് അയക്കണം. 
 

ബാങ്ക് ലോണ്‍ കുടിശ്ശിക ഈടാക്കുന്നതിനായി കെ.എല്‍ 53 എഫ് 4606 നമ്പര്‍ കാര്‍ സെപ്തംബര്‍ 16ന് രാവിലെ 11ന് പെരിന്തല്‍മണ്ണ താലൂക്ക് ഓഫീസ് കോമ്പൗണ്ടില്‍ ലേലം ചെയ്യും.