================

കോട്ടയം ജില്ലയില്‍ 154  പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ 150 പേര്‍ക്കും സമ്പര്‍ക്കത്തിലൂടെയാണ് വൈറസ് ബാധിച്ചത്. ആകെ 2079 പരിശോധനാ ഫലങ്ങളാണ് പുതിയതായി ലഭിച്ചത്.

കോട്ടയം-16, തിരുവാര്‍പ്പ്-12, ഈരാറ്റുപേട്ട-11  കാണക്കാരി-10, അയര്‍ക്കുന്നം-7, കരൂര്‍, പാമ്പാടി, കുറിച്ചി, മുത്തോലി-6 വീതം, മാടപ്പള്ളി ഏറ്റുമാനൂര്‍- 5 വീതം എന്നിവയാണ് സമ്പര്‍ക്കം മുഖേനയുള്ള രോഗബാധ കൂടുതലായി റിപ്പോര്‍ട്ട് ചെയ്യപ്പെട്ട സ്ഥലങ്ങള്‍.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (സെപ്റ്റംബർ 7) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 20 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 48 പ്രതികളാണുള്ളത്.  ഇവരിൽ  38 പേരെ അറസ്റ്റ് ചെയ്തു. 

 മാസ്ക് ധരിക്കാത്ത 214 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 214 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡിൻ്റെ പശ്ചാത്തലത്തിൽ സംസ്ഥാനത്തെ ആദ്യ അന്തർ സംസ്ഥാന കെ.എസ്.ആർ.ടി. ബോണ്ട് സർവ്വീസിന് പാലക്കാട് - കോയമ്പത്തൂർ റൂട്ടിൽ ഇന്ന് (സെപ്തംബർ 8) തുടക്കമാകും.  പാലക്കാട് കെ.എസ്.ആർ.ടി.സി സ്റ്റാൻ്റിൽ   രാവിലെ 7.45 ന്    നടക്കുന്ന പരിപാടി  കെ.എസ്.ആർ.ടി.സി ഉത്തരമേഖല എക്സിക്യൂട്ടീവ് ഡയറക്ടർ സി.വി.രാജേന്ദ്രൻ ഫ്ലാഗ് ഓഫ് ചെയ്യും.

കോവിഡ് 19 ബാധിതരായി  ജില്ലയില്‍ നിലവില്‍ 646 പേരാണ് ചികിത്സയിലുള്ളത്.  ഇന്ന് (സെപ്റ്റംബർ 07) ജില്ലയില്‍ 118 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 115 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 50035 സാമ്പിളുകള്‍ പരിശോധനയ്ക്കായി അയച്ചതില്‍ 46696 പരിശോധനാ ഫലങ്ങളാണ് ലഭ്യമായത്. ഇന്ന് 199 പരിശോധനാ ഫലങ്ങളാണ് ലഭിച്ചത്. പുതുതായി 343 സാമ്പിളുകൾ അയച്ചു. 5205 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 4504 പേർ രോഗമുക്തി നേടി. ഇനി 2357 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(സെപ്റ്റംബർ 7) 118 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 73 പേർ, വിദേശത്ത് നിന്ന് വന്ന  ഒരാൾ, ഇതര സംസ്ഥാനങ്ങളിൽ നിന്ന് വന്ന 9  പേർ, ഉറവിടം അറിയാത്ത രോഗബാധ ഉണ്ടായ 35 പേർ എന്നിവർ ഉൾപ്പെടും. 71 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കർണാടക-4
പെരുമാട്ടി സ്വദേശികൾ (5,9 പെൺകുട്ടികൾ, 33 സ്ത്രീ)

കൊഴിഞ്ഞാമ്പാറ അത്തിക്കോട് സ്വദേശി (47 പുരുഷൻ)

പട്ടാമ്പി താലൂക്കിലെ തിരുമിറ്റക്കോട്1 വില്ലേജില്‍ 3.52 ഏക്കര്‍ മിച്ചഭൂമി പതിച്ച് നല്‍കുന്നതിന് ഭൂരഹിതരില്‍ നിന്നും അപേക്ഷ ക്ഷണിച്ചു. തിരുമിറ്റക്കോട് 1 വില്ലേജിലേയോ സമീപ വില്ലേജുകളിലേയോ ഭൂരഹിത കര്‍ഷക തൊഴിലാളികള്‍, യാതൊരു ഭൂമിയും വീണ്ടെടുക്കാന്‍ അവകാശമില്ലാത്ത ചെറുകിട ഭൂവുടമകള്‍ എന്നിവര്‍ക്ക് അപേക്ഷിക്കാം. അപേക്ഷകള്‍ സെപ്റ്റംബര്‍ 22ന് വൈകുന്നേരം 5 ന് മുന്‍പ് പട്ടാമ്പി തഹസില്‍ദാര്‍ക്ക് ലഭിച്ചിരിക്കണം. അപേക്ഷാഫോറത്തിന്റെ മാതൃക പട്ടാമ്പി താലൂക്കില്‍ നിന്നും ബന്ധപ്പെട്ട് വില്ലേജോഫീസുകളില്‍ നിന്നും ലഭിക്കും.

കുമരപുരം ഗവ ഹയര്‍സെക്കന്ററി സ്‌കൂളില്‍ ഹയര്‍സെക്കന്ററി വിഭാഗത്തില്‍ 2018-2020 ബാച്ചിലെ വിദ്യാര്‍ത്ഥികളുടെ (പഠിച്ചവരും, ടി.സി വാങ്ങിപ്പോയവരും) കോഷന്‍ ഡിപ്പോസിറ്റ് കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു.