എറണാകുളം: മധ്യമേഖല എറണാകുളം ഡെപ്യൂട്ടി ട്രാൻസ്പോർട്ട് കമ്മീഷ്ണർ ഓഫീസിലെ പാർട്ട് ടൈം സ്വീപ്പർ അഭിമുഖം സെപ്തംബർ 9 ന് രാവിലെ 10ന് നടക്കും. കാക്കനാട് മാവേലിപുരം തിരുവോണം പാർക്കിന് പിറകുവശത്ത് പ്രവർത്തിക്കുന്ന ഓഫീസിൽ വച്ചാണ് അഭിമുഖം നടക്കുക. കൂടുതൽ വിവരങ്ങൾക്ക് ഫോൺ 0484 2423030

എറണാകുളം: ജില്ലാ പഞ്ചായത്ത് സർക്കാർ ആരോഗ്യ സ്ഥാപനങ്ങളിലെ സെക്കണ്ടറി പാലിയേറ്റീവ് കെയർ യൂണിറ്റിലേക്ക് ഓക്സിജൻ കോൺസൻട്രേറ്റർ, ഓട്ടോമേറ്റഡ് വീൽചെയർ ഉൾപ്പടെ ഒരു കോടി 59 ലക്ഷം രൂപയുടെ മെഡിക്കൽ ഉപകരണങ്ങളുടെ വിതരണം ജില്ലാ പഞ്ചായത്ത് പ്രസിഡൻ്റ് ഡോളി കുര്യാക്കോസ് അഡീഷണൽ ജില്ലാ മെഡിക്കൽ ഓഫീസർ ഡോ.ശ്രീദേവിക്ക് കൈമാറി ഉദ്ഘാടനം ചെയ്തു. വൈസ് പ്രസിഡൻ്റ് ബി.എ.അബ്ദുൽ മുത്തലിബ് അധ്യക്ഷത വഹിച്ചു. ഓക്സിജൻ കോൺസൻട്രേറ്റർ പാലിയേറ്റീവ് കെയർ യൂണിറ്റുകളിൽ ദീർഘകാലം ശ്വാസം മുട്ടൽ അനുഭവിക്കുന്ന രോഗികൾക്ക് ഫലപ്രദമായ ചികിത്സ ലഭിക്കുന്നതിന് സഹായകമാണ്.

മഴക്കെടുതിയില്‍ ജില്ലയില്‍ ഏഴ് വീടുകള്‍ ഭാഗികമായും ഒരു വീട് പൂര്‍ണമായും തകര്‍ന്നതുള്‍പ്പടെ നാല് ലക്ഷം രൂപയുടെ നാശനഷ്ടമുണ്ടായി. കൊല്ലം താലൂക്കിലാണ് മഴ കൂടുതല്‍ നാശം വിതച്ചത്.
കൊല്ലം വെസ്റ്റ് വില്ലേജില്‍ ഒരു വീട് പൂര്‍ണ്ണമായി തകര്‍ന്ന് രണ്ടര ലക്ഷം ലക്ഷം രൂപയുടെ നഷ്ടമുണ്ടായി. കരുനാഗപ്പള്ളിയില്‍ ആറു വീടുകള്‍ ഭാഗികമായി തകര്‍ന്നപ്പോള്‍ 1.35 ലക്ഷത്തിന്റെ നഷ്ടം കണക്കാക്കി. പുനലൂരില്‍ ഒരു വീട് ഭാഗികമായി തകര്‍ന്നതില്‍ 15,000 രൂപയുടെ നഷ്ടമാണുണ്ടായത്.
 (പി.ആര്‍.കെ നമ്പര്‍ 2371/2020)

ജില്ലയില്‍ ഇന്നലെ(സെപ്തംബര്‍ 07) ആശ്വാസം പകര്‍ന്ന് രോഗബാധിതര്‍ 71 ആയി കുറഞ്ഞു. കഴിഞ്ഞ ദിവസം 328 ആയിരുന്നു. രോഗബാധിതല്‍ കൂടുതല്‍ ഉണ്ടായിരുന്ന കൊല്ലം കോര്‍പ്പറേഷനില്‍ ഇന്നലെ അഞ്ചുപേര്‍ന്ന് മാത്രമാണ് രോഗബാധ സ്ഥിരീകരിച്ചത്. കരുനാഗപ്പള്ളിയിലാണ് ഏറ്റവും അധികം രോഗികള്‍, 13 പേര്‍. തൃക്കോവില്‍വട്ടം തൊടിയൂര്‍ ഭാഗങ്ങളില്‍ ഏഴു പേര്‍ക്കും ആലപ്പാട്-6, ശാസ്താംകോട്ട-5, മയ്യനാട്-3, പരവൂര്‍, ചിറക്കര, പ•ന, തെ•ല എന്നിവിടങ്ങില്‍ രണ്ടു വീതവും രോഗികള്‍ ഉണ്ട്.

വാടിയിലെ വിന്‍സെന്റിനും  ഭാര്യ ജെസിക്കും ആശ്വാസമായി രണ്ട് സെന്റ് ഭൂമിയും അവിടെ വീട് വയ്ക്കാന്‍ നാലു ലക്ഷം രൂപയുമാണ് പട്ടയത്തിലൂടെ ലഭിച്ചത്. കലക്‌ട്രേറ്റില്‍ നടന്ന ചടങ്ങില്‍ മന്ത്രി ജെ മേഴ്‌സിക്കുട്ടിയമ്മയില്‍ നിന്ന് പട്ടയം ലഭിച്ചപ്പോള്‍ ഇരുവര്‍ക്കും സന്തോഷമായി. പോര്‍ട്ട് ഓഫീസിനായി ഇവര്‍ താമസിക്കുന്ന കടല്‍ത്തീരത്തെ ഷീറ്റിന്റെ മേല്‍ക്കൂരയുള്ള  വീട് വിട്ടു നല്‍കിയിരുന്നു. ഇവരുടെ ആവശ്യപ്രകാരം കല്ലേലുവയല്‍ പുരയിടത്തിലെ ഫിഷറീസ് വകുപ്പിന്റെ സ്ഥലം തന്നെ വീട് വയ്ക്കാന്‍ ലഭിച്ചതില്‍ വിന്‍സെന്റും കുടുംബവും സര്‍ക്കാരിന് നന്ദി അറിയിച്ചു.

കണ്ണടയും മുമ്പ് ജനിച്ച മണ്ണിന്റെ അവകാശികളായി തന്നെ ഈ ഭൂമിയോടു വിട പറയുക, ഇതായിരുന്നു 90 വയസുകാരിയായ നാണി  ഉള്‍പ്പെടെയുള്ള വവ്വാക്കാവിലെ നാല് കുടുംബങ്ങളുടെ ആഗ്രഹം. ഏഴു പതിറ്റാണ്ടോളം നീണ്ട നാല് കുടുംബങ്ങളുടെ ഒരുമിച്ചുള്ള പോരാട്ടത്തിന് അവസാനം കുറിച്ച് പട്ടയം ഏറ്റുവാങ്ങുമ്പോള്‍ സര്‍ക്കാരിനോടുള്ള നന്ദി എങ്ങനെ അറിയിക്കണം എന്നറിയാതെ നിറകണ്ണുകളുമായി അവര്‍ നിന്നു.

അഞ്ച് പതിറ്റാണ്ടുകളുടെ കാത്തിരിപ്പിനൊടുവില്‍ കൊട്ടാരക്കര താലൂക്കിലെ 746 പേര്‍ക്ക്  സ്വന്തമായി ഭൂമിയായി. ചെറുവക്കല്‍ ന്യൂ ലൈഫ് ബൈബ്ലിക്കല്‍ സെമിനാരിയില്‍ നടന്ന ചടങ്ങില്‍   മുല്ലക്കര രത്‌നാകരന്‍ എം എല്‍ എ പട്ടയ വിതരണം നടത്തി. 714 ലാന്‍ഡ് അസൈന്‍മെന്റ് പട്ടയവും  32 ലാന്‍ഡ് ട്രൈബ്യുണല്‍ പട്ടയവുമാണ് നല്‍കിയത്.

പതിറ്റാണ്ടുകള്‍ നീണ്ട  നിയമ പോരാട്ടത്തിനോടുവില്‍ കുഞ്ഞന്‍ സത്യന് സ്വന്തം ഭൂമിയായി. ഇളമാട് പഞ്ചായത്തിലെ വേങ്ങൂര്‍ മലയിലെ 50 സെന്റ് ഭൂമിയാണ് സംസ്ഥാന സര്‍ക്കാരിന്റെ പട്ടയമേളയിലൂടെ കുഞ്ഞന്‍ സത്യന് ലഭിച്ചത്.

*അർഹരെ മുൻഗണനാ പട്ടികയിൽ ഉൾപ്പെടുത്താനുള്ള നീക്കം തെറ്റായി പ്രചരിപ്പിക്കപ്പെട്ടു
ഭക്ഷ്യകിറ്റ് വാങ്ങാത്തവർക്ക് റേഷൻ ലഭിക്കില്ലെന്ന പ്രചാരണം തെറ്റാണെന്ന് ഭക്ഷ്യപൊതുവിതരണ വകുപ്പ് മന്ത്രിയുടെ ഓഫീസ് അറിയിച്ചു. അനർഹരെ ഒഴിവാക്കി അർഹരായവരെ മുൻഗണനാ പട്ടികയിൽ ഉൾപ്പെടുത്താനാവുമോയെന്ന് പരിശോധിക്കാനുള്ള സർക്കാർ നീക്കമാണ് തെറ്റായി പ്രചരിപ്പിക്കപ്പെട്ടത്.