കോവിഡ് - 19 രോഗ വ്യാപനത്തെ തുടർന്ന് പൂർണമായും അടച്ചിട്ടിരുന്ന കളിക്കളങ്ങൾ നിയന്ത്രണങ്ങളോടെ തുറന്നു പ്രവർത്തിക്കാൻ ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കലക്ടർ അനുമതി നൽകി. 
 
നിർദേശങ്ങൾ ചുവടെ

1. മൈതാനങ്ങൾ,  ക്ലബ്ബുകൾ,  സ്റ്റേഡിയങ്ങൾ എന്നിവ കായിക പരിശീലനത്തിനായി മാത്രം ഉപയോഗിക്കാം.

2. മത്സരങ്ങൾ അനുവദിക്കുന്നതല്ല. ശാരീരിക അകലം പാലിച്ചു കൊണ്ടുള്ള പരിശീലനം മാത്രം നടത്താം.

3. മറ്റു കോവിഡ് -19 രോഗപ്രതിരോധ മാനദണ്ഡങ്ങൾ പാലിച്ചു  വേണം മൈതാനം/ ക്ലബ്ബുകളിൽ കായികാർത്ഥികൾ   ഒത്തുചേരേണ്ടത്. 

പാലക്കാട് ജില്ലയിൽ ഇന്ന്(സെപ്റ്റംബർ 4) 42 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 22 പേർ, വിദേശത്ത് നിന്ന് വന്ന ഒരാൾ, ഇതര സംസ്ഥാനങ്ങളിൽ നിന്ന് വന്ന 5 പേർ, ഉറവിടം അറിയാത്ത രോഗബാധ ഉണ്ടായ 14 പേർ എന്നിവർ ഉൾപ്പെടും. 93 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

 യു.എ.ഇ - 1 

കൊപ്പം സ്വദേശി (36 പുരുഷൻ)

 ഉത്തർപ്രദേശ് - 4 

അകത്തേത്തറ സ്വദേശി (34 പുരുഷൻ)

കോവിഡ് 19 ബാധിതരായി  ജില്ലയില്‍ നിലവില്‍ 551 പേരാണ് ചികിത്സയിലുള്ളത്.  ഇന്ന് (സെപ്റ്റംബർ 04) ജില്ലയില്‍ 42 പേര്‍ക്കാണ് രോഗം സ്ഥിരീകരിച്ചത്. ഇന്ന് 61 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 48230 സാമ്പിളുകള്‍ പരിശോധനയ്ക്കായി അയച്ചതില്‍ 44511 പരിശോധനാ ഫലങ്ങളാണ് ലഭ്യമായത്. ഇന്ന് 343 പരിശോധനാ ഫലങ്ങളാണ് ലഭിച്ചത്. പുതുതായി 686 സാമ്പിളുകൾ അയച്ചു. 4825 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 4226 പേർ രോഗമുക്തി നേടി. ഇനി 2744 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (സെപ്റ്റംബർ 4) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 38 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി  130 പ്രതികളാണ് ഉള്ളത്. ഇവരിൽ 71 പേരെ അറസ്റ്റ് ചെയ്തു. 

 മാസ്ക് ധരിക്കാത്ത 201 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 201 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് 
നൽകി വിട്ടയച്ചു. 

ജില്ലയില്‍ സെപ്റ്റംബര്‍ ഏഴിന് നടക്കുന്ന ജില്ലാതല പട്ടയമേളയില്‍ വനാവകാശ നിയമപ്രകാരം അട്ടപ്പാടിയിലെ  554 പട്ടികവര്‍ഗ കുടുംബങ്ങള്‍ക്ക് 976.43 ഏക്കര്‍ ഭൂമിയുടെ കൈവശരേഖ വിതരണം ചെയ്യുമെന്ന് ഒറ്റപ്പാലം  സബ് കലക്ടറും അട്ടപ്പാടി നോഡല്‍ ഓഫീസറുമായ അര്‍ജുന്‍ പാണ്ഡ്യന്‍ അറിയിച്ചു. കൂടാതെ, ഭൂരഹിത പട്ടികവര്‍ഗ കുടുംബങ്ങള്‍ക്ക് ഒരു ഏക്കര്‍ ഭൂമി നല്‍കുന്ന പദ്ധതിയില്‍ കെ.എസ്.ടി (കേരള ഷെഡ്യൂള്‍ഡ് ട്രൈബ്) പ്രകാരമുള്ള 293 കുടുംബങ്ങള്‍ക്ക് 236.33 ഏക്കര്‍ ഭൂമിയുടെ പട്ടയവും വിതരണം ചെയ്യുന്നതാണ്.  

പാലക്കാട് ജില്ലയിൽ ഇന്ന്(സെപ്റ്റംബർ 5) 100 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 56 പേർ, വിദേശത്ത് നിന്ന് വന്ന 6 പേർ, ഇതര സംസ്ഥാനങ്ങളിൽ നിന്ന് വന്ന 7 പേർ, ഉറവിടം അറിയാത്ത രോഗബാധ ഉണ്ടായ 31 പേർ എന്നിവർ ഉൾപ്പെടും. 112പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

സൗദി-1
പിരായിരി സ്വദേശി (56 പുരുഷൻ)

യുഎഇ-1
വണ്ടാഴി സ്വദേശി (39 പുരുഷൻ)

പുതുപ്പരിയാരം- അകത്തേത്തറ ഗ്രാമപഞ്ചായത്തുകളെ ബന്ധിപ്പിക്കുന്ന അരിമണിതോട്‌ -ചെലക്കാട്- കയ്യറ റോഡ് നവീകരണ പ്രവർത്തനങ്ങൾ ആരംഭിച്ചു. നവീകരണോദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ.കെ. ശാന്തകുമാരി നിർവഹിച്ചു. പുതുപ്പരിയാരം ഗ്രാമ പഞ്ചായത്ത് പ്രസിഡണ്ട് പി.എ പ്രസന്നകുമാരി അധ്യക്ഷയായി. 

കോവിഡ് 19 ബാധിതരായി  ജില്ലയില്‍ നിലവില്‍ 539 പേരാണ് ചികിത്സയിലുള്ളത്.  ഇന്ന് (സെപ്റ്റംബർ 05) ജില്ലയില്‍ 100 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 66 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 48947 സാമ്പിളുകള്‍ പരിശോധനയ്ക്കായി അയച്ചതില്‍ 45809 പരിശോധനാ ഫലങ്ങളാണ് ലഭ്യമായത്. ഇന്ന് 1298 പരിശോധനാ ഫലങ്ങളാണ് ലഭിച്ചത്. പുതുതായി 717 സാമ്പിളുകൾ അയച്ചു. 4925 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 4338 പേർ രോഗമുക്തി നേടി. ഇനി 2157 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (സെപ്തംബർ 5) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 28 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി  51 പേരെ അറസ്റ്റ് ചെയ്തു. 

 മാസ്ക് ധരിക്കാത്ത 165 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 165 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.