പാലക്കാട് ജില്ലയിൽ ഇന്ന്(സെപ്റ്റംബർ 6) 162 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 74 പേർ, വിദേശത്ത് നിന്ന് വന്ന 10 പേർ, ഇതര സംസ്ഥാനങ്ങളിൽ നിന്ന് വന്ന 25 പേർ, ഉറവിടം അറിയാത്ത രോഗബാധ ഉണ്ടായ 52 പേർ എന്നിവർ ഉൾപ്പെടും. 95 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

യുഎഇ-3
തൃക്കടീരി സ്വദേശി (27 പുരുഷൻ)

കൊടുവായൂർ സ്വദേശി (16 പെൺകുട്ടി)

പറളി സ്വദേശി (33 പുരുഷൻ)

ജി. ഇ. ഹെല്‍ത്ത് കെയര്‍ ഇന്റ്‌റിറ്റിയൂട്ടുമായി സഹകരിച്ച് എന്‍ . ടി. ടി.എഫ് ബാഗ്ലൂരില്‍ 2020 ഒക്ടോബര്‍ മുതല്‍ ആരംഭിക്കുന്ന ഹെല്‍ത്ത് ടെക്‌നീഷ്യന്‍ കോഴ്‌സുകളിലേയ്ക്ക് അപേക്ഷിക്കാം . കാര്‍ഡിയാക് കെയര്‍ ടെക്‌നീഷ്യന്‍ , ഓപ്പറേഷന്‍ തിയേറ്റര്‍ ടെക്‌നീഷ്യന്‍ ,  എക്‌സറേ ടെക്‌നീഷ്യന്‍ എന്നീ കോഴുസുകളിലേക്കാണ് പ്രവേശനം.  പ്ലസ്ടു ( സയന്‍സ്) യോഗ്യതയുള്ളവര്‍ക്ക് അപേക്ഷിക്കാം . ഒരു വര്‍ഷമാണ്  കോഴ്‌സ് കാലാവധി . കൂടുതല്‍ വിവരങ്ങള്‍ 7795844650 ല്‍ ലഭിക്കും.

മണ്ണാര്‍ക്കാട് താലൂക്ക്, കര്‍ക്കിടാംകുന്ന്, തിരുവാലപ്പറ്റ ക്ഷേത്രത്തില്‍ ട്രസ്റ്റിമാരായി സന്നദ്ധ സേവനം ചെയ്യാന്‍ താല്‍പര്യമുള്ള ഹിന്ദുമത വിശ്വാസികളില്‍ നിന്നും അപേക്ഷ ക്ഷണിച്ചു. സെപ്തംബര്‍ 16 വൈകീട്ട് 5 ന് മുമ്പ് മലബാര്‍ ദേവസ്വം ബോര്‍ഡ് ജില്ലാ അസിസ്റ്റന്റ് കമ്മീഷണര്‍ക്ക് നിശ്ചിത ഫോറത്തിലാണ് അപേക്ഷ സമര്‍പ്പിക്കേണ്ടത്. അപേക്ഷഫോറം ജില്ലാ  അസിസ്റ്റന്റ് കമ്മീഷണറുടെ ഓഫീസിലും പെരിന്തല്‍മണ്ണ ഡിവിഷന്‍ ഇന്‍സ്‌പെക്ടറുടെ ഓഫീസിലും www.malabardevaswom.kerala..gov.in ലും ലഭിക്കും.

കെട്ടിട നിര്‍മ്മാണ തൊഴിലാളി ക്ഷേമനിധി ബോര്‍ഡില്‍ 2019 വര്‍ഷത്തിലെ വാര്‍ഷിക അംഗത്വ പുതുക്കല്‍ നടത്താനുള്ള സമയപരിധി സെപ്തംബര്‍ 30 വരെ നീട്ടി. പുതുക്കാത്തവര്‍ അംഗീകൃത ട്രേഡ് യൂണിയനുകള്‍ മുഖേന പുതുക്കല്‍ അപേക്ഷ സമര്‍പ്പിക്കണമെന്ന് ജില്ലാ എക്‌സിക്യൂട്ടിവ് ഓഫീസര്‍ അറിയിച്ചു.

വിശപ്പ് രഹിത കേരളം പദ്ധതിയുടെ ഭാഗമായി കുടുംബശ്രീയും മേലാര്‍കോട് ഗ്രാമപഞ്ചായത്തും സംയുക്തമായി നടപ്പിലാക്കുന്ന ജനകീയ ഹോട്ടലിന്റെ ഉദ്ഘാടനം കെ. ഡി. പ്രസേനന്‍ എം.എല്‍.എ നിര്‍വഹിച്ചു. ആഘോഷ വേളകളില്‍ ആഹാരപദാര്‍ത്ഥങ്ങള്‍ വലിച്ചെറിയുകയും ചവിട്ടിമെതിക്കുകയും ചെയ്യുന്ന മനോഭാവത്തിന് മാറ്റം വരുത്തേണ്ടതുണ്ട്. ഭക്ഷണം പാഴാക്കിക്കളയാതെ വിതരണം ചെയ്യണമെന്നും പണമില്ലാതെ കയറി വരുന്നവര്‍ക്ക് ഒരു നേരത്തെ ഭക്ഷണം നല്‍കാന്‍ ജനകീയ ഹോട്ടലിലൂടെ സാധിക്കണമെന്നും എം.എല്‍.എ പറഞ്ഞു.

 പാലക്കാട് താലൂക്കിലെ കിണാശ്ശേരി പൂവക്കോട് ശിവ ക്ഷേത്രത്തില്‍ ട്രസ്റ്റി നിയമനം നടത്തുന്നു. താത്പര്യമുള്ളവര്‍  സെപതംബര്‍ 16 ന് വൈകിട്ട് അഞ്ചിനു മുമ്പ് മലബാര്‍ ദേവസ്വം ബോര്‍ഡ,് പാലക്കാട് അസിസ്റ്റന്റ് കമ്മീഷണര്‍ക്ക് അപേക്ഷ സമര്‍പ്പിക്കണം. അപേക്ഷാ ഫോറം പാലക്കാട് അസിസ്റ്റന്റ് കമ്മീഷണറുടെ ഓഫീസില്‍ നിന്നും  മലബാര്‍ ദേവസ്വം ബോര്‍ഡിന്റെ  www.malabardevaswom.kerala.gov.in ലും  ലഭിക്കും.  ഫോണ്‍:  0491 2505777.

ജില്ലയില്‍ കേരള ഷോപ്സ് ആന്‍ഡ് കൊമേഴ്സല്‍ തൊഴിലാളി ക്ഷേമനിധി ബോര്‍ഡില്‍  2020-21 അധ്യയന വര്‍ഷത്തില്‍  പ്ലസ് വണ്‍ മുതല്‍ പോസ്റ്റ് ഗ്രാജുവേറ്റ് കോഴ്സുകള്‍ വരെയും പ്രൊഫഷണല്‍ കോഴ്സുകള്‍ ഉള്‍പ്പെടെയുള്ള വിവിധ കോഴ്സുകളില്‍ ചേര്‍ന്ന് പഠിക്കുന്ന ക്ഷേമനിധി അംഗങ്ങളുടെ മക്കള്‍ക്ക് സ്‌കോളര്‍ഷിപ്പിന് അപേക്ഷിക്കാം. അപേക്ഷയോടൊപ്പം സ്‌കൂളില്‍ നിന്നുള്ള സാക്ഷ്യപത്രം,  അംഗത്വ രജിസ്ട്രേഷന്‍ കാര്‍ഡ്, ബാങ്ക് പാസ്ബുക്ക്,  ആധാര്‍ കാര്‍ഡ്,  മാര്‍ക്ക് ലിസ്റ്റ്,  ഗ്രേഡ് ഷീറ്റ് എന്നിവയുടെ പകര്‍പ്പുകളുമായി സെപ്തംബര്‍ 30 നകം പാലക്കാട് ജില്ലാ ക്ഷേമനിധി ഓഫീസില്‍ ഹാജരാക്കണം. ഫോണ്‍ നമ്പര്‍ 0491-2545121.

2020-22 വര്‍ഷത്തെ ഗവ./ എയ്ഡഡ്,  സ്വാശ്രയം ഡി. എല്‍.എഡ്  കോഴ്സിലേക്ക് അപേക്ഷ ക്ഷണിച്ചു. അപേക്ഷാഫോറം www.educationkerala.gov.in ല്‍  ലഭിക്കും. പൂരിപ്പിച്ച അപേക്ഷ ddepkd.dge@kerala.gov.in ലോ നേരിട്ടോ  പാലക്കാട് വിദ്യാഭ്യാസ ഉപഡയറക്ടറേറ്റില്‍ സമര്‍പ്പിക്കാം. അപേക്ഷകള്‍ സ്വീകരിക്കുന്ന അവസാന തീയതി സെപ്റ്റംബര്‍ 18.  അപേക്ഷയില്‍ പൂര്‍ണമായ മേല്‍വിലാസം, ഫോണ്‍ നമ്പര്‍ എന്നിവ എഴുതണം. കൂടുതല്‍ വിവരങ്ങള്‍ക്ക് -0491-2505469,  9447940047.

പൊതുമരാമത്ത് വകുപ്പ് ദേശീയപാത വിഭാഗം പാലക്കാട്- പെരിന്തല്‍മണ്ണ സംസ്ഥാനപാത 53 ല്‍ കോങ്ങാട്-മംഗലാംകുന്ന് റോഡ് വികസനത്തിന്റെ ഭാഗമായി 01 കി.മി 28/100  29/710  കി.മി കുഴിച്ചെടുത്തതില്‍ ആവശ്യം കഴിഞ്ഞ് ബാക്കി വന്ന മണ്ണ്  സെപ്തംബര്‍ എട്ടിന് രാവിലെ 10.30 ന് പുഞ്ചപ്പാടം ഹോം ഗാലറി ടൈല്‍സ് ഷോപ്പിന് സമീപം  ലേലം ചെയ്യുമെന്ന് അസിസ്റ്റന്റ് എഞ്ചീനീയര്‍ അറിയിച്ചു.  1500 രൂപയാണ് നിരതദ്രവ്യം. ലേലത്തില്‍ പങ്കെടുക്കാന്‍ താത്പര്യമുള്ളവര്‍  മുദ്രവെച്ച ക്വട്ടേഷനുകള്‍ ലേല തീയതിക്ക് തൊട്ടുമുന്‍പുള്ള പ്രവര്‍ത്തി ദിവസം വൈകിട്ട് മൂന്ന് വരെ ആലത്തൂര്‍ അസിസ്റ്റന്റ് എഞ്ചീനീയറുടെ കാര്യാലയത്തില്‍ നല്‍കണം.