ആലത്തൂര്‍ ഗ്രാമപഞ്ചായത്തിനെ സമ്പൂര്‍ണ ശുചിത്വ പഞ്ചായത്തായി പ്രഖ്യാപിച്ചു. മാലിന്യസംസ്‌ക്കരണം, ബയോഗ്യാസ് പ്ലാന്റ് നിര്‍മാണം, പ്ലാസ്റ്റിക് ഷ്രഡ്ഡിംഗ് യൂണിറ്റ് തുടങ്ങി നിരവധി പ്രവര്‍ത്തനങ്ങള്‍ പഞ്ചായത്തില്‍ നടപ്പിലാക്കിയതിന്റെ അടിസ്ഥാനത്തില്‍ കെ.ഡി പ്രസേനന്‍ എം.എല്‍.എയാണ് സമ്പൂര്‍ണ ശുചിത്വ പഞ്ചായത്ത് പ്രഖ്യാപനം നടത്തിയത്. ആലത്തൂര്‍ ഗ്രാമപഞ്ചായത്ത് പ്രസിഡന്റ് എം.എ നാസര്‍ അധ്യക്ഷനായി.

പാലക്കാട് റീജ്യന് കീഴിലുള്ള പാലക്കാട്, തൃശൂര്‍, മലപ്പുറം ജില്ലകളില്‍ ഇന്ന് (ഓഗസ്റ്റ് 28), ഓഗസ്റ്റ് 29, ഓഗസ്റ്റ് 30 തീയതികളില്‍ എല്ലാ സപ്ലൈകോ മിനി ഫെയറുകളും ഓണചന്തകളും (മാവേലി സ്റ്റോറുകള്‍, മാവേലി സൂപ്പര്‍ സ്റ്റോറുകള്‍, സൂപ്പര്‍ മാര്ക്കറ്റുകള്‍, പീപ്പിള്‌സ്. ബസാറുകള്‍) എന്നിവ രാവിലെ ഒമ്പത് മുതല്‍ വൈകീട്ട് അഞ്ച് വരെ തുറന്നു പ്രവര്‍ത്തിക്കുന്നതാണ്. കൂടാതെ ജില്ലാ ഫെയറുകളും ഈ ദിവസങ്ങളില്‍ രാവിലെ 10 മുതല്‍ വൈകീട്ട് ആറ് വരെ പ്രവര്‍ത്തിക്കുന്നുണ്ടെന്നും സപ്ലൈകോ റീജ്യനല്‍ മാനെജര്‍ അറിയിച്ചു

കോഴിക്കോട്-പാലക്കാട് ദേശീയപാത 966 ല്‍ 133/720 ന് ഇടയില്‍ വരുന്ന പലജാതി മരങ്ങളുടെ ലേലം സെപ്തബര്‍ നാലിന് രാവിലെ 10.30 മുതല്‍ മുണ്ടൂര്‍-പൊരിയാനി ബസ് സ്റ്റോപ്പിന് സമീപം നടക്കുമെന്ന് പൊതുമരാമത്ത് വകുപ്പ് ആലത്തൂര്‍ ദേശീയപാത വിഭാഗം അസി.എക്‌സി. എന്‍ജിനീയര്‍ അറിയിച്ചു.

ഓണാഘോഷത്തോടനുബന്ധിച്ചുള്ള എക്‌സൈസ് വകുപ്പ് സ്‌പെഷ്യല്‍ ഡ്രൈവിന്റെ ഭാഗമായി 24 മണിക്കുറും പ്രവര്‍ത്തിക്കുന്ന ജില്ലാതല കണ്‍ട്രോള്‍ റൂമില്‍ അബ്കാരി, മയക്കുമരുന്ന് കുറ്റകൃത്യങ്ങളെ കുറിച്ചുള്ള വിവരങ്ങളും പരാതികളും പൊതുജനങ്ങള്‍ക്ക് വിളിച്ചറിയാക്കാമെന്ന് ഡെപ്യൂട്ടി എക്‌സൈസ് കമ്മീഷണര്‍ അറിയിച്ചു.

ജില്ലാതല കണ്‍ട്രോള്‍ റൂം നമ്പര്‍- 0491-2505897.

താലൂക്ക്തല പരിശോധനാ യൂണിറ്റ്

ഒറ്റപ്പാലം- 9400069616, 9605081488, 9497987156, 8547602090.

മണ്ണാര്‍ക്കാട്- 9400069614, 9495185911, 9497987159, 8547602307

കേരള ബീഡി-ചുരുട്ട് തൊഴിലാളി ക്ഷേമനിധി ബോര്‍ഡിലെ മസ്റ്ററിങ് പൂര്‍ത്തിയായ പെന്‍ഷന്‍കാര്‍ക്ക് ജൂലൈ, ഓഗസ്റ്റ് മാസങ്ങളിലെ പെന്‍ഷന്‍ തുകയായ 2600 രൂപ ഗുണഭോക്താക്കളുടെ ബാങ്ക് അക്കൗണ്ടിലേക്ക് അയച്ചതായി ചെയര്‍മാന്‍ കെ ബാലകൃഷ്ണന്‍ അറിയിച്ചു.

2020-21 വര്‍ഷത്തെ ഓക്‌സിലിയറി നഴ്‌സിംഗ് ആന്‍ഡ് മിഡിവൈഫറി കോഴ്സിലേക്ക് അപേക്ഷിക്കാനുള്ള അവസാന തീയതി സെപ്റ്റംബര്‍ 17 വരെ നീട്ടിയതായി ആരോഗ്യവകുപ്പ് ഡയറക്ടര്‍ അറിയിച്ചു.

2020-21 വര്‍ഷത്തെ ഓക്‌സിലിയറി നഴ്‌സിംഗ് ആന്‍ഡ് മിഡിവൈഫറി കോഴ്സിലേക്ക് അപേക്ഷിക്കാനുള്ള അവസാന തീയതി സെപ്റ്റംബര്‍ 17 വരെ നീട്ടിയതായി ആരോഗ്യവകുപ്പ് ഡയറക്ടര്‍ അറിയിച്ചു.