എളവനത്താഴ - നാമത്ത്പാലം  ഇ.കെ. വിജയൻ എംഎൽഎ ഉദ്ഘാടനം ചെയ്തു.  തൂണേരി ബ്ലോക്ക്‌ പഞ്ചായത്ത്‌ നബാർഡ് സഹായത്തോടെ 2.23 കോടി രൂപ ചെലവഴിച്ചാണ് പാലം നിർമ്മിച്ചത്.   

 പദ്ധതി തുകയുടെ 20% തൂണേരി ബ്ലോക്ക്‌ പഞ്ചായത്തും ചെക്യാട് ,തൂണേരി ഗ്രാമപഞ്ചായത്തുകളും വഹിച്ചു.  തൂണേരി പഞ്ചായത്തിലെ പേരോടിനെയും ചെക്യാട് പഞ്ചായത്തിലെ വേവത്തെയും തമ്മിൽ ബന്ധിപ്പിക്കുന്നതാണ് പാലം.  

കട്ടിപ്പാറ കൃഷി ഭവന് വേണ്ടി ആധുനിക സജ്ജീകരണങ്ങളോടെ നിര്‍മിച്ച പുതിയ കെട്ടിടം  കാരാട്ട് റസാഖ് എം എല്‍ എ ഉല്‍ഘാടനം ചെയ്തു. ഗ്രാമ പഞ്ചായത്ത് പ്രസിസന്റ് ബേബി രവീന്ദ്രന്‍ അധ്യക്ഷത വഹിച്ചു. സുഫലം പദ്ധതിയുടെ ഉല്‍ഘാടനം കോഴിക്കോട് പ്രിന്‍സിപ്പല്‍ കൃഷി ഓഫീസര്‍ ഉമ്മന്‍ തോമസ് നിര്‍വഹിച്ചു.

കട്ടിപ്പാറ ഗ്രാമ പഞ്ചായത്ത് ഗവ. ആയുര്‍വേദ ഡിസ്‌പെന്‍സറിയുടെ പുതിയ കെട്ടിടത്തിന്റെ ഉദ്ഘാടനം കാരാട്ട് റസാഖ് എംഎല്‍എ നിര്‍വഹിച്ചു.

എംഎല്‍എ ഫണ്ടില്‍ നിന്ന് 31.43 ലക്ഷവും കട്ടിപ്പാറ ഗ്രാമപഞ്ചായത്ത് 10.50 ലക്ഷവും ചെലവഴിച്ചാണ് ഹോസ്പിറ്റലിന്റെ പുതിയ കെട്ടിടം പ്രവൃത്തി പൂര്‍ത്തീകരിച്ചത്. 

പെരുമണ്ണ ഗ്രാമപഞ്ചായത്തിൽ ഭരണാനുമതി ലഭിച്ച 10 റോഡുകളുടെ പ്രവൃത്തി ഉദ്ഘാടനം പി.ടി.എ റഹീം എം.എൽ.എ നിർവ്വഹിച്ചു. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി അനുമതി ലഭ്യമാക്കിയ 8 റോഡുകളുടെയും, എം.എൽ.എയുടെ ആസ്തി വികസന ഫണ്ടിൽ നിന്നും, ഗ്രാമപഞ്ചായത്ത് പദ്ധതിയിൽ നിന്നും അനുമതി ലഭ്യമാക്കിയ ഓരോ റോഡുകളുടെയും ഉൾപ്പെടെ 1.22 കോടി രൂപയുടെ പ്രവർത്തികൾക്കാണ് തുടക്കം കുറിച്ചത്. 

ചേമഞ്ചേരി ഗ്രാമപഞ്ചായത്ത് നിർമിച്ച കുട്ടികളുടെ പാർക്ക് 'കളിയോടം' നാടക സംവിധായകൻ മനോജ് നാരായണൻ ഉദ്ഘാടനം ചെയ്തു. കാപ്പാട് ബീച്ചിന് സമീപത്തായി പഞ്ചായത്തിന്റെ കൈവശമുള്ള 45 സെന്റ് സ്ഥലത്താണ് 35 ലക്ഷം രൂപ ചെലവിൽ പാർക്ക് നിർമിച്ചത്. വൈകുന്നേരം മൂന്ന് മണി മുതൽ രാത്രി എട്ട് മണി വരെയാണ് പ്രവർത്തന സമയം.

മനോഹരമായ നടപ്പാതകള്‍, ഊഞ്ഞാലുകള്‍, സീസോ തുടങ്ങിയ കുട്ടികളുടെ കളിയുപകരണങ്ങളും ഇരിപ്പിടങ്ങള്‍, കഫെ, ശുചിമുറി തുടങ്ങിയവയും  ക്രമീകരിച്ചിട്ടുണ്ട്. 

രോഗമുക്തി 278

പുതുതായി വന്ന 610 പേര്‍ ഉള്‍പ്പെടെ ജില്ലയില്‍ 15550 പേര്‍ നിരീക്ഷണത്തില്‍. ഇതുവരെ 94268 പേര്‍ നിരീക്ഷണം പൂര്‍ത്തിയാക്കി.

പുതുതായി വന്ന 206 പേര്‍ ഉള്‍പ്പെടെ 1665 പേരാണ് ആശുപത്രികളില്‍ നിരീക്ഷണത്തിലുള്ളത്. 220 പേര്‍ ഡിസ്ചാര്‍ജ്ജ് ആയി.

3577  സ്രവ സാംപിള്‍ പരിശോധനയ്ക്ക് അയച്ചു. ആകെ 2,18,945 സ്രവ സാംപിളുകള്‍ അയച്ചതില്‍ 2,17,878  എണ്ണത്തിന്റെ ഫലം ലഭിച്ചു. ഇതില്‍ 2,11,138 എണ്ണം നെഗറ്റീവ് ആണ്. പരിശോധനയ്ക്കയച്ച സാംപിളുകളില്‍ 1067 പേരുടെ ഫലം കൂടി ലഭിക്കാന്‍ ബാക്കിയുണ്ട്.

 വടകര ബ്ലോക്കിലെ ഏറാമല ഗ്രാമപഞ്ചായത്തില്‍ ക്ഷീര വികസന വകുപ്പിന്റെ  മില്‍ക്ക് ഷെഡ് വികസന പദ്ധതിയില്‍ നടപ്പാക്കുന്ന ക്ഷീരഗ്രാമം പദ്ധതിയില്‍ ഡയറി യൂണിറ്റ്, കറവയന്ത്രം തുടങ്ങിയവ സജ്ജമാക്കുന്നതടക്കമുള്ള ആവശ്യാധിഷ്ഠിത ധനസഹായത്തിന് അപേക്ഷ ക്ഷണിച്ചു. അപേക്ഷ ഫോമിനും പദ്ധതി സംബന്ധിച്ച വിവരങ്ങള്‍ക്കും വടകര ബ്ലോക്ക് ക്ഷീര വികസന ഓഫീസുമായി ബന്ധപ്പെടാം. അപേക്ഷകള്‍ ലഭിക്കേണ്ട അവസാന തീയ്യതി 2020 സെപ്തംബര്‍ 30.  ഫോണ്‍ : 0495 2371254.