പാലക്കാട് അകത്തേത്തറ വേട്ടയ്ക്കൊരുമകന്‍ ക്ഷേത്രത്തില്‍ മോഷണം നടത്തിയതിന്  തമിഴ്നാട് ഡിണ്ടിഗല്‍ വീരക്കല്‍ കുന്നംപടി വില്ലേജില്‍ അമ്മന്‍കോവില്‍ തെരുവില്‍  രമേശിനെ വിവിധ വകുപ്പ് പ്രകാരം നാലു വര്‍ഷവും ആറുമാസവും കഠിനതടവിന് പാലക്കാട് ജുഡീഷ്യല്‍ ഒന്നാം ക്ലാസ് മജിസ്ട്രേറ്റ് ശിക്ഷിച്ചു.  ഹേമാംബിക നഗര്‍  പോലീസ് അന്വേഷണം നടത്തിയ കേസില്‍ പ്രോസിക്യൂഷനു വേണ്ടി സീനിയര്‍ ഗ്രേഡ് അസിസ്റ്റന്റ് പബ്ലിക് പ്രോസിക്യൂട്ടര്‍ ബി. പ്രേംനാഥ് ഹാജരായി.

സമഗ്ര ശിക്ഷാ കേരളം  ജില്ലയിലെ വിവിധ ബി.ആര്‍.സികളിലെ ഒഴിവുള്ള ട്രെയിനര്‍ തസ്തികയില്‍  ഡെപ്യൂട്ടേഷന്‍ വ്യവസ്ഥയില്‍ നിയമനം നടത്തുന്നു. നിലവില്‍ സര്‍വീസിലുള്ള അധ്യാപകര്‍ക്ക് പങ്കെടുക്കാം. അഭിരുചി പരീക്ഷയും അഭിമുഖവും സെപ്തംബര്‍ 9 ന് രാവിലെ 10 ന് പറളി ബി.ആര്‍.സിയില്‍ നടക്കും. താത്പര്യമുള്ളവര്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളും,  നിയമനാധികാരി  നല്‍കുന്ന എന്‍.ഒ.സിയുമായി  അന്നേദിവസം നേരിട്ട് ഹാജരാകണമെന്ന് എസ്.എസ്.കെ ജില്ലാ പ്രോജക്ട് കോ-ഓഡിനേറ്റര്‍ അറിയിച്ചു. 0491 2505995.
 

 
വാളയാര്‍ സര്‍ക്കാര്‍ തടി ഡിപോയില്‍ സെപ്തംബര്‍ 7 മുതല്‍ തേക്ക് തടികളുടെ ചില്ലറ വില്പ ന  ആരംഭിക്കും. മൂന്നും നാലും ക്ലാസുകളില്‍പ്പെട്ട ് തടികളാണ് വില്പനയ്ക്ക് തയ്യാറാക്കിയിട്ടുള്ളത്. സ്വന്തം ആവശ്യങ്ങള്‍ക്കായി  5 ക്യു.മീറ്റര്‍ വരെ തടി ലഭിക്കും. താത്പര്യമുള്ളവര്‍ 200 രൂപയുടെ  സ്റ്റാമ്പ് പേപ്പര്‍,  കൈവശ സര്‍ട്ടിഫിക്കറ്റ്,  ബില്‍ഡിംഗ് പെര്‍മിറ്റ്,  പ്ലാന്‍,  സ്‌കെച്ച്,  തിരിച്ചറിയല്‍ കാര്‍ഡ്,  പാന്‍ കാര്‍ഡ് എന്നിവയുടെ അസ്സലും പകര്‍പ്പും ഹാജരാക്കണം. കൂടുതല്‍ വിവരങ്ങള്‍ക്ക് വാളയാര്‍ സര്‍ക്കാര്‍ തടി ഡിപ്പോ ഓഫീസുമായി ബന്ധപ്പെടാം. ഫോണ്‍ 0491 2863075.

ജില്ലയില്‍ വിവിധ വകുപ്പുകളില്‍ ഡ്രൈവര്‍ ഗ്രേഡ് 2 (എച്ച്.ഡി.വി) (കാറ്റഗറി നമ്പര്‍ 443/2014) നിയമനത്തിന് 2017 മെയ് 11ന് നിലവില്‍ വന്ന റാങ്ക് പട്ടികയുടെ കാലാവധി 2020 ജൂണ്‍ 19ന് പൂര്‍ത്തിയായതിനാല്‍ റാങ്ക് പട്ടിക പ്രാബല്യത്തിലില്ലാതായതായി പി.എസ്.സി ജില്ലാ ഓഫീസര്‍ അറിയിച്ചു.

മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളല്ലാത്ത സ്‌കാറ്റേര്‍ഡ് വര്‍ക്കേഴ്‌സ്, പാസഞ്ചര്‍ ഗൈഡുകള്‍, ഡ്രൈവിംഗ് സ്‌കൂള്‍ ജീവനക്കാര്‍, ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളികള്‍ എന്നിവര്‍ക്ക് കോവിഡ് ധനസഹായമായി ബോര്‍ഡില്‍ നിന്നും 1000 രൂപ അനുവദിക്കും. motorworker.kmtwwfb.kerala.gov.in പോര്‍ട്ടല്‍ വഴി രജിസ്റ്റര്‍ ചെയ്ത് ധനസഹായത്തിന് അപേക്ഷിക്കാം. എല്ലാ തൊഴിലാളികളും അവസരം പ്രയോജനപ്പെടുത്തപ്പെടണമെന്ന് ചെയര്‍മാന്‍ അഡ്വ.എം.എസ്.സ്‌കറിയ അറിയിച്ചു.

പട്ടാമ്പിയിലെ ജില്ലാ മണ്ണ് പരിശോധനാ ലബോറട്ടറിയിലെ 100 ലിറ്റര്‍ ശേഷിയുള്ള രണ്ട് ഫെര്‍മെന്റര്‍ ഒരു വര്‍ഷത്തേക്ക് മെയിന്റന്‍സ് ചെയ്യുന്നതിന് ക്വട്ടേഷന്‍ ക്ഷണിച്ചു. സെപ്തംബര്‍ ഏഴിന് ഉച്ചയ്ക്ക് ഒന്ന് വരെ ക്വട്ടേഷനുകള്‍ സ്വീകരിക്കും. അന്നേദിവസം ഉച്ചയ്ക്ക് രണ്ടിന് തുറക്കും. 

പട്ടാമ്പിയിലെ ജില്ലാ മണ്ണ് പരിശോധനാ ലബോറട്ടറിയിലെ ബയോ ഫെര്‍ട്ടിലൈസര്‍ ലാബിലേക്ക് 2000 മൂന്ന് ലെയര്‍ പ്ലെയിന്‍ ബോക്‌സ് നല്‍കുന്നതിന് ക്വട്ടേഷന്‍ ക്ഷണിച്ചു. സെപ്തംബര്‍  ഏഴിന് ഉച്ചയ്ക്ക് ഒന്ന് വരെ ക്വട്ടേഷനുകള്‍ സ്വീകരിക്കും. അന്നേദിവസം ഉച്ചയ്ക്ക് രണ്ടിന് തുറക്കും.
 

മങ്കര ഗ്രാമപഞ്ചായത്തിലെ തൊഴില്‍രഹിത വേതനം കൈപ്പറ്റുന്ന ഗുണഭോക്താക്കള്‍ ബാങ്ക് പാസ്സ്ബുക്ക്, വരുമാന  സര്‍ട്ടിഫിക്കറ്റ് എന്നിവ സഹിതം ഇന്ന് (സെപ്റ്റംബര്‍ നാല്) പഞ്ചായത്ത് ഓഫീസില്‍ എത്തണമെന്ന് സെക്രട്ടറി അറിയിച്ചു. ഫോണ്‍: 0491-2872320.