മണ്ണഞ്ചേരി പത്താം വാർഡ്, ഇരുപത്തി രണ്ടാം വാർഡിൽ ഖാദിബോർഡ് ജംഗ്ഷൻറെ കിഴക്കുവശം മുതൽ ആലാഞ്ചേരി വരെയും അവിടെനിന്ന് വടക്കോട്ട് ഫാക്ടറി ജംഗ്ഷൻ വരെയും പടിഞ്ഞാറോട്ട് ഐടിസി ഗുരുമന്ദിരം വരെയും കണ്ടൈൺമെൻറ് സോൺ ആയി പ്രഖ്യാപിച്ച് ജില്ലാകലക്ടർ ഉത്തരവായി.

തണ്ണീർമുക്കം എട്ടാം വാർഡ് പടിഞ്ഞാറ് -പൂത്തറ ഭാഗം, കിഴക്ക് -വെളിയമ്പ്ര റോഡ്, വടക്ക് -ചിറിയിൽ പറമ്പ് ഭാഗം, തെക്ക്- വെളിയമ്പ്ര റോഡ്,
പതിനാലാം വാർഡ്

--

ജില്ലയില്‍ ഇന്നലെ(സെപ്തംബര്‍ 03) തുടര്‍ച്ചയായി മൂന്നാംദിനവും രോഗമുക്തര്‍ രോഗബാധിതരെക്കാള്‍ മുന്നിലെത്തി. 65 പേര്‍ക്ക് രോഗം ബാധിച്ചപ്പോള്‍ 81 പേര്‍ രോഗമുക്തരായി. രോഗബാധിതരില്‍ ഒരു ജയില്‍ അന്തേവാസിയും രണ്ട് ആരോഗ്യപ്രവര്‍ത്തകരും രോഗബാധിതരില്‍ ഉള്‍പ്പെടുന്നു. കൊല്ലം കോര്‍പ്പറേഷന്‍ പരിധിയില്‍ 18 പേര്‍ക്കും കരുനാഗപ്പള്ളിയില്‍ അഞ്ചുപേര്‍ക്കും രോഗം ബാധിച്ചിട്ടുണ്ട്. പെരിനാട്, പേരയം, പത്തനാപുരം, തൊടിയൂര്‍, കൊറ്റങ്കര, കല്ലുവാതുക്കല്‍ എന്നിവിടങ്ങളിലും രോഗബാധിതരുണ്ട്.

ജില്ലാ ആയുര്‍വേദ ആശുപത്രിയില ആരംഭിക്കുന്ന മൃദുലം(ത്വക്ക് രോഗ അലര്‍ജി ക്ലിനിക്ക്), ശാലാക്യ(ഇ എന്‍ ടി) പദ്ധതികളില്‍ ആയുര്‍വേദ ഡോക്ടര്‍മാരെ കരാര്‍ അടിസ്ഥാനത്തില്‍ നിയമിക്കും. വാക്ക് ഇന്‍ ഇന്റര്‍വ്യൂ സെപ്തംബര്‍ ഒന്‍പതിന് രാവിലെ 10 ന് ആശ്രാമം ജില്ലാ ആയുര്‍വേദ ആശുപത്രിയില്‍ നടക്കും. കോവിഡ് മാനദണ്ഡപ്രകാരമുള്ള ഇന്റര്‍വ്യൂ ആയതിനാല്‍ ഉദ്യോഗാര്‍ഥികള്‍ ബയോഡാറ്റ  dahasramam@gmail.comവിലാസത്തില്‍ ഇ-മെയില്‍ ചെയ്യണം. വിശദ വിവരങ്ങള്‍ 0474-2745918 നമ്പരില്‍ ലഭിക്കും.
 (പി.ആര്‍.കെ നമ്പര്‍ 2370/2020)

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളല്ലാത്ത സ്‌കാറ്റേര്‍ഡ് വര്‍ക്കേഴ്‌സ്, ആട്ടോമൊബൈല്‍ തൊഴിലാളികള്‍, പാസഞ്ചര്‍ ഗൈഡുകള്‍, ഡ്രൈവിംഗ് സ്‌കൂള്‍ ജീവനക്കാര്‍ എന്നീ തൊഴിലാളികള്‍ക്ക് കോവിഡ്-19 ധനസഹായമായ 1000 രൂപ ലഭിക്കാന്‍ motorworker.kmtwwfb.kerala.gov.in  വെബ് പോര്‍ട്ടല്‍ ആരംഭിച്ചു. അംഗത്വം രജിസ്റ്റര്‍ ചെയ്ത് ധനസഹായത്തിന് അര്‍ഹത നേടാം. വിശദ വിവരങ്ങള്‍ 0474-2749334, 9188519852 എന്നീ നമ്പരുകളില്‍ ലഭിക്കും.  
(പി.ആര്‍.കെ നമ്പര്‍ 2369/2020)

സൂക്ഷ്മ തൊഴില്‍ സംരംഭ യൂണിറ്റുകള്‍  തുടങ്ങുന്നതിന് ഫിഷറീസ് വകുപ്പിന്റെ ഫിഷര്‍മെന്‍ ഫാമിലി രജിസ്റ്ററില്‍(എഫ് എഫ് ആര്‍) രജിസ്റ്റര്‍ ചെയ്തിട്ടുള്ള മത്സ്യത്തൊഴിലാളി വനിതകള്‍ക്ക് അപേക്ഷിക്കാം. സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വുമണ്‍(സാഫ്) മുഖാന്തിരം തീരമൈത്രിയാണ് പദ്ധതി നടപ്പാക്കുക. രണ്ടു മുതല്‍ അഞ്ചു അംഗങ്ങള്‍ ഉള്‍പ്പെടുന്ന വനിതാ ഗ്രൂപ്പുകള്‍ക്കാണ് സഹായം. ഒരു അംഗത്തിന് പരമാവധി ഒരു ലക്ഷം രൂപവരെയും അഞ്ച് പേരടങ്ങുന്ന ഗ്രൂപ്പിന് അഞ്ച് ലക്ഷം രൂപവരെയും പദ്ധതി പ്രകാരം തിരിച്ചടയ്ക്കാത്ത ഗ്രാന്റായി ലഭിക്കും.

പ്രൊഫഷണല്‍ കോഴ്‌സിന് പ്രവേശനം ലഭിച്ച വിമുക്ത ഭട•ാരുടെ മക്കള്‍ക്ക് കേന്ദ്രീയ സൈനിക ബോര്‍ഡ് വഴി ലഭിക്കുന്ന പ്രാധനമന്ത്രിയുടെ സ്‌കോളര്‍ഷിപ്പിന് അപേക്ഷിക്കാം. www.ksb.gov.in  വെബ്‌സൈറ്റ് ഓണ്‍ലൈനായി സമര്‍പ്പിച്ച് അപേക്ഷയുടെ പ്രിന്റ്, അസല്‍ സര്‍ട്ടിഫിക്കറ്റുകള്‍, സര്‍വീസ് രേഖകള്‍ സഹിതം ഉച്ചയ്ക്ക് ഒരു മണിക്ക് മുമ്പായി സൈനിക ക്ഷേമ ഓഫീസില്‍ നല്‍കണം. അവസാന തീയതി ഡിസംബര്‍ 31. കൂടുതല്‍ വിവരങ്ങള്‍ 0474-2792987 ഫോണില്‍ ലഭിക്കുമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.
(പി.ആര്‍.കെ നമ്പര്‍ 2367/2020)

വനിതാ ശിശുവികസന വകുപ്പിന്റെ നാഷണല്‍  ന്യൂട്രിഷന്‍ മിഷന്‍(സമ്പുഷ്ട കേരളം) പദ്ധതിയില്‍ ബ്ലോക്ക് തലത്തില്‍ കോ-ഓര്‍ഡിനേറ്റര്‍, പ്രൊജക്ട് അസിസ്റ്റന്റ് തസ്തികകളില്‍ നിയമനത്തിന് അപേക്ഷിക്കാം. കരാര്‍ അടിസ്ഥാനത്തില്‍ ഒരു വര്‍ഷത്തേക്കാണ് നിയമനം. വിശദ വിവരങ്ങള്‍ bit.ly/nnmklm2020 0 വെബ്‌സൈറ്റില്‍ കാണാം. അനുബന്ധ രേഖകള്‍ സഹിതം അപേക്ഷ സെപ്തംബര്‍ 15 നകം പ്രോഗ്രാം ഓഫീസര്‍, ജില്ലാതല ഐ സി ഡി എസ് സെല്‍, സിവില്‍ സ്റ്റേഷന്‍, കൊല്ലം-691013 വിലാസത്തില്‍ സമര്‍പ്പിക്കണം. ഫോണ്‍: 0474-2793069.
(പി.ആര്‍.കെ നമ്പര്‍ 2366/2020)

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയുടെ ഭാഗമായി  റോഡ് നവീകരണം സംബന്ധിച്ച അവലോകന യോഗം ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ ഗൂഗിള്‍ മീറ്റ് വഴി ചേര്‍ന്നു.
തദ്ദേശ സ്ഥാപന പരിധിയില്‍ വരുന്ന റോഡുകളിലെ നവീകരണ പ്രവര്‍ത്തനങ്ങളിലെ പുരോഗതി യോഗം വിലയിരുത്തി. സെപ്റ്റംബര്‍-ഒക്‌ടോബര്‍ മാസങ്ങളില്‍ നവീകരണവുമായി ബന്ധപ്പെട്ട നടപടിക്രമങ്ങള്‍ പൂര്‍ത്തിയാക്കാണമെന്ന് നിര്‍വ്വഹണ ഉദ്യോഗസ്ഥര്‍ക്ക് കലക്ടര്‍ നിര്‍ദേശം നല്‍കി.  സമിതിയുടെ അടുത്ത യോഗം സെപ്തംബര്‍ 17 ന് ചേരും.

ഫിഷറീസ് വകുപ്പ് സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍വിമെന്‍(സാഫ്) വഴി മത്സ്യത്തൊഴിലാളി വനിതകളുടെ സാമ്പത്തികവും സാമൂഹികവും സാംസ്‌കാരികവുമായ ഉന്നമനത്തിന് വേണ്ടി ആവിഷ്‌കരിച്ച അഷ്ടമുടി പദ്ധതിയുടെ രണ്ടാംഘട്ടമായ അപ്പാരല്‍ പാര്‍ക്കിന്റെ ഉദ്ഘാടനം സെപ്തംബര്‍ ഏഴിന് മന്ത്രി ജെ മേഴ്‌സിക്കുട്ടിയമ്മ നിര്‍വഹിക്കും.

മറ്റ് അസുഖങ്ങള്‍ ബാധിച്ച് വിവിധ ആശുപത്രികളില്‍ എത്തുന്നവരെ കോവിഡിന്റെ പേരില്‍ മാറ്റി നിര്‍ത്തി സമയത്ത് ചികിത്സ നല്‍കാതിരിക്കുന്നത് ഖേദകരമാണെന്നും ഇത് കര്‍ശനമായും നടപടിയ്ക്ക് വിധേയമാകുമെന്നും ജില്ലാ കലക്ടര്‍ ബി അബ്ദുല്‍ നാസര്‍. ഉന്നത ഉദ്യോഗസ്ഥതല യോഗത്തിലാണ് ഇക്കാര്യം പറഞ്ഞത്.