വാക്‌സിൻ വരുന്നതുവരെ സോഷ്യൽ വാക്‌സിൻ എന്ന തരത്തിൽ ജാഗ്രത തുടരണമെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. ബ്രേക്ക് ദി ചെയിൻ പോലെ സോഷ്യൽ വാക്‌സിനാണ് നാം ഇപ്പോൾ ഫലവത്തായി നടപ്പാക്കേണ്ടത്. അടുത്ത 14 ദിവസം നാം വലിയ ജാഗ്രത പുലർത്തണം. പുതിയ ക്ലസ്റ്ററുകൾ ഉണ്ടാവാനും ശക്തമായ വ്യാപനത്തിനുമുള്ള സാധ്യത മുന്നിൽ കണ്ട് വേണം ജാഗ്രത പുലർത്തേണ്ടത്.

കേരളത്തിൽ 1553 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു.

കോടതിയിലേക്കുള്ള ഡിജിറ്റൽ ജോലികൾക്കും വ്യാവസായിക ട്രിബ്യൂണൽ ഓഫീസിലേക്കുമായി ഹാൻഡ് ഹോൾഡ് സപ്പോർട്ട് എഞ്ചിനീയർ തസ്തികയിലേക്ക് താത്കാലികാടിസ്ഥാനത്തിൽ അപേക്ഷ ക്ഷണിച്ചു. 21നും 30നും ഇടയിൽ പ്രായമുള്ളവർക്ക് അപേക്ഷിക്കാം. ഐടി/കമ്പ്യൂട്ടർ സയൻസിൽ ബിടെക്ക് അല്ലെങ്കിൽ എഞ്ചിനീയറിങ് ഡിപ്ലോമ ആണ് യോഗ്യത. ഓഫീസ് ഓട്ടോമേഷനിലോ ഡിജിറ്റലൈസേഷനിലോ പരിചയമുള്ളവർക്ക് മുൻഗണന. ആറ് മാസത്തേക്കാണ് നിയമനം

രാമവർമ്മ ജില്ലാ ആയുർവേദ ആശുപത്രിയിൽ നിന്ന് ക്വാറന്റൈനിൽ കഴിയുന്നവർക്കായി കോവിഡ് പ്രതിരോധത്തിന് അമൃതം പ്രൊജക്ടിൽ നിന്നും കോവിഡിൽ നിന്ന് മുക്തി നേടിയവർക്ക് പുനർജ്ജനി പ്രൊജക്ടിൽ നിന്നും മരുന്ന് വിതരണം ചെയ്യുന്നു. കൂടുതൽ വിവരങ്ങൾക്ക് 0487 2334599 എന്ന നമ്പറിൽ വിളിക്കണമെന്ന് ചീഫ് മെഡിക്കൽ ഓഫീസർ എം ജി ശ്യാമള അറിയിച്ചു.

പൊതുജനങ്ങളുടെ പരാതികൾ തീർപ്പാക്കുന്നതിന് ജില്ലാ കളക്ടറുടെ നേതൃത്വത്തിൽ സെപ്റ്റംബർ 22ന് ചാവക്കാട് താലൂക്കിൽ ഇ-പരാതി പരിഹാര അദാലത്ത് നടത്തുന്നു. അപേക്ഷകൾ അക്ഷയ കേന്ദ്രം വഴി സെപ്റ്റംബർ 7 മുതൽ 12 വരെ സമർപ്പിക്കാം. ചൊവ്വാഴ്ച ഉച്ചയ്ക്ക് 2 മണിക്കാണ് അദാലത്ത്. കോവിഡ് 19 രോഗവ്യാപന സാഹചര്യത്തിൽ വീഡിയോ കോണ്ഫറൻസിംഗ് മുഖേനയാണ് അദാലത്ത് നടത്തുക. മുഖ്യമന്ത്രിയുടെ ദുരിതാശ്വാസ ഫണ്ട്, എൽ ആർ എം കേസുകൾ, റേഷൻ കാർഡ് സംബന്ധിച്ച പരാതികൾ, നിയമപരമായി ലഭിക്കേണ്ട പരിഹാരങ്ങൾ, 2018-19 പ്രളയവുമായി ബന്ധപ്പെട്ട പരാതികൾ, കോടതിയുടെ പരിഗണനയിൽപ്പെട്ട വിഷയങ്ങൾ എന്നിവ അദാലത്തിൽ സ്വീകരിക്കില്ല.

എറണാകുളം: കോവിഡ് 19 രോഗം വ്യാപിക്കുന്ന സാഹചര്യത്തില്‍ ഇനിയുള്ള കുറച്ചു കാലം കോവിഡിനൊപ്പം ജീവിക്കാന്‍ നാം ശീലിക്കണമെന്ന് കളക്ടര്‍ എസ് സുഹാസ് പറഞ്ഞു. കോവിഡ് പ്രതിരോധ പ്രവര്‍ത്തനങ്ങളിലും കോവിഡാനന്തര കാലത്തും ഫലപ്രദമാവുന്ന ആശയങ്ങള്‍ ചര്‍ച്ച ചെയ്യാന്‍ ടെക്കികളുമായി നടത്തിയ സംവാദത്തിലാണ് കോവിഡ് പ്രതിരോധ പ്രവര്‍ത്തനങ്ങളെ നിത്യ ജീവിതത്തിന്റെ ഭാഗമാക്കണമെന്ന് കളക്ടര്‍ അഭിപ്രായപ്പെട്ടത്. കോവിഡിനൊപ്പം ജീവിക്കുക എന്നാല്‍ രോഗ ബാധിതനാവുക എന്നല്ല മറിച്ച കോവിഡ് പ്രതിരോധം ജീവിതത്തിന്റെ ഭാഗമാക്കുക എന്നാണ് അര്‍ത്ഥമെന്നും കക്ടര്‍ പറഞ്ഞു.