കേരളത്തിലെ  ഐ.എസ്.ഒ.സര്‍ടിഫിക്കേഷന്‍ ലഭിച്ച ആദ്യ ഗവ.ആയുര്‍വേദ ആശുപത്രി

കലക്ടറേറ്റില്‍ 24 മണിക്കൂര്‍ കണ്‍ട്രോള്‍ റൂം

 തുടര്‍ച്ചയായി  അവധി വരുന്നതിനാല്‍ ജില്ലയില്‍ അനധികൃത പ്രവര്‍ത്തനങ്ങള്‍ തടയുന്നതിന് ലാന്‍ഡ് റവന്യൂ ഡെപ്യൂട്ടി കലക്ടറുടെ നേതൃത്വത്തില്‍ വിവിധ സ്‌ക്വാഡുകള്‍ രൂപീകരിച്ചതായി ജില്ലാ കലക്ടര്‍ സാംബശിവ റാവു അറിയിച്ചു. 

അഴിയൂർ ഗ്രാമ പഞ്ചായത്തിലെ 25 ബഡ്സ് സ്കൂൾ കുട്ടികൾക്ക് പഞ്ചായത്ത് സ്പോണസർഷിപ്പിലൂടെ ഓണക്കിറ്റ് നൽകി. പച്ചക്കറി ഉൾപ്പെടെയുള്ള കിറ്റാണ്   നൽകിയത്.  കുട്ടികളുടെ വീടുകളിൽ കിറ്റ് എത്തിച്ചു നൽകുകയാണ് ചെയ്തത്.  

പഞ്ചായത്ത് പ്രസിഡണ്ട് വി.പി. ജയൻ കിറ്റ് വിതരണം ഉദ്ഘാടനം ചെയ്തു. വൈസ് പ്രസിഡണ്ട് ഷീബ അനിൽ, ക്ഷേമകാര്യ സ്റ്റാൻ്റിംഗ് കമ്മറ്റി ചെയർപേഴ്സൺ  സുധ മാളിയക്കൽ, പഞ്ചായത്ത് സെക്രട്ടറി ടി.ഷാഹുൽ ഹമീദ്, കുടുംബശ്രീ ചെയർപേഴ്സൺ ബിന്ദു ജയ്സൺ എന്നിവർ സംസാരിച്ചു.   കഴിഞ്ഞ ബക്രീദ് സമയത്തും പഞ്ചായത്തിൻ്റെ നേതൃത്വത്തിൽ സ്പോൺസർഷിപ്പിലൂടെ ഭക്ഷണക്കിറ്റ് നൽകിയിരുന്നു.

ശിലാസ്ഥാപനം ഇന്ന് (ഞായർ)   മന്ത്രി ടി.പി രാമകൃഷ്ണൻ നിർവഹിക്കും 

കൊയിലാണ്ടി ഗവ. ഐ.ടി.ഐ അന്താരാഷ്ട്ര നിലവാരത്തിലേക്കുയർത്തുന്ന നാല് കോടി രൂപയുടെ വികസന പ്രവർത്തനങ്ങൾക്ക് തുടക്കമാവുന്നു. വികസന പദ്ധതിയുടെ ശിലാസ്ഥാപനം തൊഴിൽ എക്സൈസ് വകുപ്പ് മന്ത്രി ടി.പി രാമകൃഷ്ണൻ ഇന്ന് (ഞായർ) രാവിലെ 9.30ന് നിർവഹിക്കും. സംസ്ഥാന സർക്കാർ കിഫ്ബി ധനസഹായത്തോടെ അന്താരാഷ്ട്ര നിലവാരത്തിലേക്ക് ഉയർത്താനായി കോഴിക്കോട് ജില്ലയിൽ നിന്നും തെരെഞ്ഞെടുത്ത ഏക ഐ.ടി.ഐ കൊയിലാണ്ടിയിലേതാണ്.

മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി നിർമ്മിച്ച  ചേളന്നൂർ ഗ്രാമപഞ്ചായത്ത് പതിനൊന്നാം വാർഡിലെ  ഊട്ടുകുളം-അരീപ്പൊയിൽ  റോഡ്  ഗതാഗത മന്ത്രി എ കെ ശശീന്ദ്രൻ ഉദ്ഘാടനം ചെയ്തു.  10 ലക്ഷം രൂപ ചെലവഴിച്ചാണ് കോൺക്രീറ്റ് റോഡിന്റെ പ്രവൃത്തി പൂർത്തീകരിച്ചത്.

 മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി എലത്തൂർ നിയോജകമണ്ഡലത്തിൽ ഉദ്ഘാടനം ചെയ്യപ്പെടുന്ന ആദ്യത്തെ റോഡാണ് ഇത്. വർഷങ്ങളായി ചെളിക്കുഴിയായി കിടന്ന വഴിയാണ് പുനരുദ്ധാരണം നടത്തിയത്. നൂറുകണക്കിന് ആളുകളുടെ വർഷങ്ങളായുള്ള ബുദ്ധിമുട്ടിന് ഇതോടെ പരിഹാരമായി. 

'

മാലിന്യ സംസ്കരണം, ശുചിത്വ വൽക്കരണം എന്നിവക്ക് പ്രാധാന്യം നൽകുകയാണ് വില്ല്യാപ്പള്ളി ഗ്രാമപഞ്ചായത്ത്. നാട്ടിൽ കുമിഞ്ഞുകൂടുന്ന മാലിന്യത്തിന് പരിഹാരം കാണാൻ പഞ്ചായത്ത് നടപ്പാക്കിയ  'ഗ്രീൻ ക്ലീൻ വില്ല്യാപ്പള്ളി'പദ്ധതിയാണ് പഞ്ചായത്തിനെ ശുചിത്വ പ്രവർത്തനങ്ങളിൽ  ശ്രദ്ധേയമാക്കുന്നത്.

രോഗമുക്തി 131 

ജില്ലയില്‍ ഇന്ന് 152 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു.  വിദേശത്ത് നിന്ന് എത്തിയ 8 പേർക്കും ഇതരസംസ്ഥാനങ്ങളില്‍നിന്ന് എത്തിയവരില്‍ 5 പേർക്കുമാണ് രോഗം സ്ഥിരീകരിച്ചത്. സമ്പര്‍ക്കം വഴി 136 പേർക്ക് രോഗം ബാധിച്ചു. കോഴിക്കോട് കോര്‍പ്പറേഷന്‍ പരിധിയിൽ സമ്പർക്കം മുഖേന 66 പേർക്കും പെരുമണ്ണയിൽ 14 പേർക്കും രോഗം ബാധിച്ചു. മൂന്ന് ആരോഗ്യ പ്രവർത്തകർക്കും രോഗം സ്ഥിരീകരിച്ചിട്ടുണ്ട്. ഇതോടെ ചികിത്സയിലുളള രോഗികളുടെ എണ്ണം 1843 ആയി. 131 പേർ രോഗമുക്തി നേടി.

പുതുതായി വന്ന 623  പേര്‍ ഉള്‍പ്പെടെ  ജില്ലയില്‍ 15151 പേര്‍ നിരീക്ഷണത്തില്‍. ഇതുവരെ 90209 പേര്‍ നിരീക്ഷണം പൂര്‍ത്തിയാക്കി. പുതുതായി വന്ന 277 പേര്‍ ഉള്‍പ്പെടെ 1828 പേരാണ് ആശുപത്രികളില്‍ നിരീക്ഷണത്തിലുള്ളത്. 223 പേര്‍ ഡിസ്ചാര്‍ജ്ജ് ആയി. 4701  സ്രവ സാംപിള്‍ പരിശോധനയ്ക്ക് എടുത്ത് അയച്ചു. ആകെ 1,81,078  സ്രവ സാംപിളുകള്‍  പരിശോധനയ്ക്ക് അയച്ചതില്‍ 1,78,617   എണ്ണത്തിന്റെ പരിശോധനാ ഫലം ലഭിച്ചു. ഇതില്‍ 1,73,615 എണ്ണം നെഗറ്റീവ് ആണ്. പരിശോധനയ്ക്കയച്ച സാമ്പിളുകളില്‍ 2461 പേരുടെ പരിശോധനാ ഫലം കൂടി ലഭിക്കാനുണ്ട്.

കോഴിക്കോട് എഫ്.എല്‍.ടി.സി, മെഡിക്കല്‍ കോളേജ്, എന്‍.ഐ.ടി, ഫറോക്ക്, മണിയൂര്‍ എഫ്.എല്‍.ടി.സികളില്‍ ചികിത്സയിലായിരുന്ന

131 പേര്‍ രോഗമുക്തിനേടി.

കോഴിക്കോട് കോര്‍പ്പറേഷന്‍ -  38

ചോറോട് - 18

വടകര - 14

മടവൂര്‍ - 8

ചേമഞ്ചേരി - 5

ഒളവണ്ണ - 4

കൊടിയത്തൂര്‍ - 3

പുതുപ്പാടി - 3

വില്ല്യാപ്പളളി - 3

മാവൂർ - 2

തിരുവളളൂര്‍ - 2 -

നന്മണ്ട - 2

കൂരാച്ചുണ്ട് - 2

നൊച്ചാട് - 2

മുക്കം - 2

ബാലുശ്ശേരി - 2

കട്ടിപ്പാറ - 2

ചെങ്ങോട്ടുകാവ് - 2

പട്ടിക വർഗ വിഭാഗത്തിലെ 60 കഴിഞ്ഞവർക്ക് സംസ്ഥാന സർക്കാർ ഏർപ്പെടുത്തിയ ഓണക്കോടി വിതരണത്തിന്റെ പനങ്ങാട് പഞ്ചായത്തു തല ഉദ്ഘാടനം വയലിട ആദിവാസി കോളനിയിൽ വൈസ് പ്രസിഡന്റ് പി. ഉസ്മാൻ നിർവഹിച്ചു.  42 സ്ത്രീകൾക്കും 34 പുരുഷന്മാർക്കും ഖാദി വസ്ത്രമാണ് വിതരണം ചെയ്തത്. ഇതിൽ നാല് പേർ ആദിവാസി കോളനിയിലും ബാക്കിയുള്ളവർ പഞ്ചായത്തിന്റെ വിവിധ ഭാഗങ്ങളിൽ താമസിക്കുന്നവരുമാണ്. 

 ഗ്രാമ പഞ്ചായത്തു അംഗം ടി. കെ.ബിജു,അധ്യക്ഷത വഹിച്ചു. വാർഡ് കൺവീനർ പി.പി. തോമസ്, എസ്.ടീ. പ്രമോട്ടർ ശ്രീന എന്നിവർ പങ്കെടുത്തു.