സംസ്ഥാന സര്‍ക്കാരും ആരോഗ്യ വകുപ്പും സമയാസമയങ്ങളില്‍ നിഷ്‌ക്കര്‍ഷിക്കുന്ന  മാര്‍ഗ നിര്‍ദേശങ്ങള്‍ക്കനുസൃതമായി ജില്ലയില്‍ കോവിഡ് 19 രോഗം സ്ഥിരീകരിച്ചവരും എന്നാല്‍ രോഗ ലക്ഷണം പ്രകടിപ്പിക്കാത്തവരുമായ കോവിഡ് രോഗബാധിതരെ അവരവരുടെ വീടുകളില്‍ തന്നെ താമസിപ്പിച്ച്  ചികിത്സ നല്‍കുവാന്‍ ആവശ്യമായ അനുമതി നല്‍കിയും ഇതിനാവശ്യമായ നടപടികള്‍ സ്വീകരിക്കാന്‍ ജില്ലാ മെഡിക്കല്‍ ഓഫീസറെ താഴെപ്പറയുന്ന ഉപാധികള്‍ക്ക് വിധേയമായി ചുമതലപ്പെടുത്തിയും ജില്ലാ കലക്ടര്‍ ഉത്തരവായി.

ജില്ലയിലെ കോവിഡ് 19 പ്രതിരോധ പ്രതികരണ നടപടികളുടെ ഭാഗമായി ഓണക്കാലത്ത് ഉണ്ടാകുന്ന തിരക്ക് നിയന്ത്രിച്ച് കോവിഡ് പ്രോട്ടോകോള്‍ പാലിച്ച് രോഗ വ്യാപനം തടയുന്നതിന് പൊതുജനങ്ങള്‍ ജാഗ്രത പാലിക്കണമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.

ജില്ലാ പഞ്ചായത്തിന്റെ അഞ്ച് വര്‍ഷത്തെ വികസന പ്രവര്‍ത്തനങ്ങള്‍ ഉള്‍പ്പെടുത്തിയ വികസനരേഖ പുറത്തിറക്കി. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍ പ്രസിഡന്റ് സി രാധാമണി വികസന രേഖയുടെ ആദ്യപ്രതി പ്രസ് ക്ലബ് പ്രസിഡന്റ് അജിത് ശ്രീനിവാസിന് കൈമാറി.

ഓണം അവധിക്കാലത്ത് ഉപഭോക്തൃചൂഷണം തടയുന്നതിനായി ലീഗല്‍ മെട്രോളജി വകുപ്പ് ജില്ലയില്‍ ഇന്ന്(ആഗസ്റ്റ് 28) മുതല്‍ പ്രത്യേക കണ്‍ട്രോള്‍ റൂം പ്രവര്‍ത്തനം ആരംഭിക്കും. അളവ് തൂക്ക നിയമങ്ങളുമായി ബന്ധപ്പെട്ട പരാതികള്‍ 8281698028, 8590529011 എന്നീ നമ്പരുകളില്‍ അറിയിക്കാമെന്ന് ഡെപ്യൂട്ടി കണ്‍ട്രോളര്‍ അറിയിച്ചു.
(പി.ആര്‍.കെ നമ്പര്‍ 2333/2020)

ദേശീയപാത 66 ന്റെ വികസനവുമായി ബന്ധപ്പെട്ട് വടക്കുംതല വില്ലേജ് പരിധിയിലെ വസ്തു ഉടമകളുടെ റിക്കാര്‍ഡുകളുടെ പരിശോധന സെപ്തംബര്‍ ഏഴ്, എട്ട് തീയതികളിലും പ•ന വില്ലേജ് ഓഫീസ് പരിധിയിലുള്ളവരുടേത് സെപ്തംബര്‍ ഒന്‍പത്, 11 തീയതികളിലും നടക്കും. നോട്ടീസില്‍ രേഖപ്പെടുത്തിയിട്ടുള്ള സമയത്ത് തന്നെ ബന്ധപ്പെട്ടവര്‍ ഹാജരാകണമെന്ന് സ്‌പെഷ്യല്‍ തഹസീല്‍ദാര്‍ എം ഉഷാകുമാരി അറിയിച്ചു. ഫോണ്‍: 0474-2771727.
(പി.ആര്‍.കെ നമ്പര്‍ 2332/2020)

സഹകരണ സംഘങ്ങള്‍ക്ക് ഉല്‍പ്പാദന സേവന സംരംഭങ്ങള്‍ ആരംഭിക്കുന്നതിന് ധനസഹായം നല്‍കും. പദ്ധതി പ്രകാരം സംരംഭങ്ങള്‍ ആരംഭിക്കുവാന്‍ താത്പര്യമുള്ള സംഘങ്ങള്‍ക്ക് പദ്ധതി തുകയുടെ 80 ശതമാനമോ പരമാവധി 10 ലക്ഷം രൂപയോ ധനസഹായം നല്‍കും. സംഘങ്ങള്‍ മൂന്നു വര്‍ഷമായി പ്രവര്‍ത്തിക്കുന്നതും മുന്‍സാമ്പത്തിക വര്‍ഷം ലാഭകരമായി പ്രവര്‍ത്തിക്കുന്നതുമായിരിക്കണം. ജില്ലാ പഞ്ചായത്ത് പരിധിയിലെ കാര്‍ഷിക ഉത്പന്നങ്ങള്‍ സമാഹരിച്ച് മൂല്യവര്‍ധനവ് നടത്തി വിപണനം നടത്തുന്നതിനോ മറ്റ് ഉത്പാദന സേവന സംരംഭങ്ങള്‍ ആരംഭിക്കുവാന്‍ താത്പര്യമുള്ളതോ ആയ സംരംഭങ്ങള്‍ക്ക് അപേക്ഷിക്കാം.

മുഖ്യമന്ത്രി കേരളത്തിന്റെ സൈനികരെന്ന് വിശേഷിപ്പിച്ച മത്സ്യത്തൊഴിലാളികള്‍ക്ക് ഓണസമ്മാനമായി ഭക്ഷ്യവസ്തുക്കള്‍ അടങ്ങിയ കിറ്റ് നല്‍കി കൊല്ലത്തെ സൈനിക കൂട്ടായ്മ ക്വയിലോണ്‍ മല്ലു സോള്‍ജിയേഴ്‌സ്(ക്യു എം എസ്).
കിറ്റുകളുമായി കലക്‌ട്രേറ്റ് അങ്കണത്തിലെത്തിയ ക്യു എം എസ് വാഹനത്തെ ജില്ലാ കലക്ടര്‍ ബി അബ്ദുല്‍ നാസര്‍ ഫ്‌ളാഗ് ഓഫ് ചെയ്തു.
കാലവര്‍ഷക്കെടുതി രൂക്ഷമായ പ്രദേശങ്ങളിലേക്ക് രക്ഷാപ്രവര്‍ത്തനത്തിന് പോയ വാടി അഴീക്കല്‍, നീണ്ടകര എന്നിവിടങ്ങളിലെ നൂറോളം മത്സ്യത്തൊഴിലാളികള്‍ക്കാണ് സൈനികര്‍ സമ്മാനമെത്തിച്ചത്.

മുഹറം, ഓണം അവധി ആഗസ്റ്റ് 28 മുതല്‍ സെപ്തംബര്‍ രണ്ടുവരെ തുടര്‍ച്ചയായി വരുന്നതിനാല്‍ അനധികൃത വയല്‍ നികത്തല്‍, മണല്‍ ഖനനം, പാറ ഖനനം, കുന്നിടിക്കല്‍, സര്‍ക്കാര്‍ ഭൂമി കൈയ്യേറ്റം, മരം മുറിക്കല്‍, അനധികൃത നിര്‍മാണ പ്രവര്‍ത്തനങ്ങള്‍ എന്നിവ അറിയിക്കുന്നതിന് കലക്‌ട്രേറ്റിലും താലൂക്ക് ഓഫീസുകളിലും രാപകല്‍ പ്രവര്‍ത്തിക്കുന്ന കണ്‍ട്രോള്‍ റൂമുകള്‍ തുറന്നു. ഓഫീസുകളുടെ ഫോണ്‍ നമ്പര്‍ ഇ-മെയില്‍ വിലാസം എന്നിവ ചുവടെ.
കൊല്ലം കലക്‌ട്രേറ്റ് - 0474-2794002 ( deputycollectorkollam@gmail.com),

ഓണക്കാലത്ത് വിലക്കയറ്റം നിയന്ത്രിച്ച് നാടന്‍ പഴവര്‍ഗ്ഗങ്ങളും പച്ചക്കറികളും  ലഭ്യമാക്കാന്‍ കാര്‍ഷിക വികസന കര്‍ഷകക്ഷേമ വകുപ്പ്  ജില്ലയില്‍ പഴം-പച്ചക്കറി വിപണികള്‍ തുറന്നു. കന്റോണ്‍മെന്റ് മൈതാനത്തിന് എതിര്‍വശമുള്ള ജൈവവള വിപണന കേന്ദ്രത്തോട് ചേര്‍ന്ന് ആരംഭിച്ച കേന്ദ്രത്തില്‍ കര്‍ഷകനില്‍ നിന്നും വിളകള്‍ സ്വീകരിച്ച്  ആദ്യവിപണനം നടത്തി എം നൗഷാദ് എം എല്‍ എ  ഉദ്ഘാടനം ചെയ്തു.

പൊതുവിപണിയിലെ വിലക്കയറ്റത്തെ പ്രതിരോധിച്ച് പൊതുവിതരണ സംവിധാനത്തിന്റേയും  സപ്ലൈകോയുടേയും ഗുണഫലങ്ങള്‍ ജനങ്ങള്‍ക്ക് നല്‍കാന്‍ സാധിച്ചെന്ന് ഭക്ഷ്യ സിവില്‍ സപ്ലൈസ് വകുപ്പ് മന്ത്രി പി തിലോത്തമന്‍.