മലപ്പുറം ജില്ലയില്‍ പൊലീസ് ( എം.എസ്.പി) വകുപ്പില്‍ പൊലീസ് കോണ്‍സ്റ്റബിള്‍ തസ്തികയുടെ ( എ.പി.ബി) ( കാറ്റഗറി നമ്പര്‍: 657/17) തെരഞ്ഞെടുപ്പിനായി 2019 ജൂലൈ ഒന്നിന് നിലവില്‍ വന്ന റാങ്ക് പട്ടികയുടെ (റാങ്ക് പട്ടിക നമ്പര്‍-375/19/dom) കാലാവധി റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.
 

ഓണത്തോടനുബന്ധിച്ച് അവധി ദിവസങ്ങള്‍ ഒരുമിച്ച് വരുന്നതിനാല്‍ വൈദ്യുതി ബില്‍ അടക്കുന്നതിനായി സെപ്തംബര്‍ ഒന്നിന് രാവിലെ ഒന്‍പത് മുതല്‍ വൈകീട്ട് മൂന്ന് വരെ വൈദ്യുതി ബോര്‍ഡ് കാഷ് കൗണ്ടറുകള്‍ തുറന്ന് പ്രവര്‍ത്തിക്കുമെന്ന് മഞ്ചേരി ഇലക്ട്രിക്കല്‍ സര്‍ക്കിള്‍ എക്‌സിക്യൂട്ടീവ് എഞ്ചിനീയര്‍ (ഇന്‍ ചാര്‍ജ്) അറിയിച്ചു.

കേരള ബീഡി-ചുരുട്ട് തൊഴിലാളി ക്ഷേമനിധി ബോര്‍ഡിലെ മസ്റ്ററിങ് പൂര്‍ത്തിയായ പെന്‍ഷന്‍കാര്‍ക്ക് ജൂലൈ, ഓഗസ്റ്റ് മാസങ്ങളിലെ പെന്‍ഷന്‍ തുകയായ 2,600 രൂപ ഗുണഭോക്താക്കളുടെ ബാങ്ക് അക്കൗണ്ടിലേക്ക് അയച്ചിട്ടുണ്ടെന്ന് ചെയര്‍മാന്‍ അറിയിച്ചു.
 

                 
       കീഴുപറമ്പ് ഗ്രാമപഞ്ചായത്തില്‍ 2020 ഫെബ്രുവരി മുതല്‍ ജൂലൈ വരെയുള്ള   തൊഴില്‍രഹിത വേതനം കൈപറ്റുന്നവര്‍ കാലയളവിലെ പുതുക്കിയ എംപ്ലോയമെന്റ് രജിസ്‌ട്രേഷന്‍ കാര്‍ഡിന്റെ പകര്‍പ്പ്   സെപ്തംബര്‍ അഞ്ചിനകം ഗ്രാമപഞ്ചായത്ത് ഓഫീസില്‍ നേരിട്ടോ sec...@gmail.com എന്ന ഇ-മെയില്‍ വിലാസത്തിലോ ഹാജരാക്കണം. കഴിഞ്ഞ ഗഡു കൈപറ്റാത്തവര്‍ മെഡിക്കല്‍ സര്‍ട്ടിഫിക്കറ്റ് സമര്‍പ്പിക്കണമെന്ന് സെക്രട്ടറി അറിയിച്ചു. ഫോണ്‍: 0483 2858296.
 

പരിശോധനയ്ക്ക് സ്‌ക്വാഡ് ഇന്ന് ഇറങ്ങും

ജില്ലയില്‍ ഇന്നലെ(ആഗസ്റ്റ് 27) 176 പേര്‍ക്ക് കോവിഡ് സ്ഥിരീകരിച്ചു. ഒരു ദിവസം രേഖപ്പെടുത്തിയ ഉയര്‍ന്ന രോഗ നിരക്കാണിത്. ഇതുവരെ 133 ആയിരുന്നു ഉയര്‍ന്ന നിരക്ക്. നാലു ദിവസം രോഗ നിരക്ക് 133 ല്‍ എത്തിയിരുന്നു. 164 പേര്‍ക്ക് സമ്പര്‍ക്കം വഴി രോഗം സ്ഥിരീകരിച്ചു. നാലുപേര്‍ വിദേശത്ത് നിന്നും എട്ടുപേര്‍ ഇതരസംസ്ഥാനങ്ങളില്‍ നിന്നും എത്തിയതാണ്. 59 പേര്‍  രോഗമുക്തി നേടി.

ഓണവുമായി ബന്ധപ്പെട്ട് സര്‍ക്കാര്‍ നിര്‍ദ്ദേശമനുസരിച്ച്   ഇന്ന്(ആഗസ്റ്റ് 28) മുതല്‍ ആറ് ദിവസത്തേക്ക് നിരീക്ഷണങ്ങളും പരിശോധനകളും ശക്തിപ്പെടുത്തുത്താന്‍ റവന്യൂ ഉദ്യോഗസ്ഥരുടെ നേതൃത്വത്തില്‍ സ്‌പെഷ്യല്‍       സ്‌ക്വാഡ് പ്രവര്‍ത്തനമാരംഭിക്കുമെന്ന് ജില്ലാ കലക്ടര്‍ ബി അബ്ദുല്‍ നാസര്‍. ഗൂഗിള്‍ മീറ്റ് വഴി ചേര്‍ന്ന ജില്ലാ ദുരന്തനിവാരണ അതോറിറ്റിയുടെ അവലോകന യോഗത്തിലാണ് കലക്ടര്‍ ഇത് സംബന്ധിച്ച നിര്‍ദേശങ്ങള്‍ നല്‍കിയത്.