ജില്ലയില്‍ കൊവിഡ് കേസുുകള്‍ വര്‍ദ്ധിച്ചു വരുന്ന സാഹചര്യത്തില്‍ വിവാഹം, മരണാനന്തര ചടങ്ങുകള്‍ തുടങ്ങിയ കാര്യങ്ങളില്‍ കൂടുതല്‍ പോലീസ് നിരീക്ഷണം ഏര്‍പ്പെടുത്തിയാതായി ജില്ലാ കലക്ടര്‍ അറിയിച്ചു. ഇതുപ്രകാരം ചടങ്ങുകളുമായി ബന്ധപ്പെട്ട് ചില നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്.
1)വിവാഹങ്ങള്‍ മുന്‍കൂട്ടി തൊട്ടടുത്ത പോലീസ് സ്റ്റേഷനില്‍ അറിയിക്കേണ്ടതാണ്.
2) മരണവിവരം അതത് തദ്ദേശ സ്വയംഭരണ സ്ഥാപനം / മെമ്പര്‍മാര്‍ മുഖേന തൊട്ടടുത്ത പോലീസ് സ്റ്റേഷനില്‍ അറിയിക്കേണ്ടതാണ്.

പുതുതായി വന്ന 566 പേര്‍ ഉള്‍പ്പെടെ ജില്ലയില്‍ 12156 പേരാണ് നിരീക്ഷണത്തിലുള്ളത്. ജില്ലയില്‍ ഇതുവരെ 71353 പേര്‍ നിരീക്ഷണം പൂര്‍ത്തിയാക്കി. പുതുതായി വന്ന 49 പേര്‍ ഉള്‍പ്പെടെ 460 പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 207 പേര്‍ മെഡിക്കല്‍ കോളേജിലും 101 പേര്‍ കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലുമാണ്. 152 പേര്‍ എന്‍.ഐ.ടി കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററിലും നിരീക്ഷണത്തിലാണ്. 35 പേര്‍ ഇന്ന് ഡിസ്ചാര്‍ജ്ജ് ആയി.

നാലുപേര്‍ക്ക് രോഗമുക്തി

കോഴിക്കോട് ജില്ലയില്‍ ഇന്നലെ (ജൂലൈ 20) 92 പേര്‍ക്ക് കോവിഡ് സ്ഥിരീകരിച്ചു.വിദേശത്ത്നിന്ന് എത്തിയ 30 പേര്‍ക്കും ഇതരസംസ്ഥാനങ്ങളില്‍നിന്ന് എത്തിയ 17 പേര്‍ക്കും കോവിഡ് പോസിറ്റീവായി.സമ്പര്‍ക്കം വഴി 41 പേര്‍ക്ക് രോഗമുണ്ടായി.
ഉറവിടം വ്യക്തമല്ലാത്ത നാലു പോസിറ്റീവ് കേസുകളും റിപ്പോര്‍ട്ട് ചെയ്തിട്ടുണ്ട്. നാലുപേര്‍ രോഗം ഭേദമായി ആശുപത്രി വിട്ടു.

യങ്ങ് ഇന്നൊവേറ്റേഴ്‌സ് പ്രോഗ്രാം

കൊവിഡ് 19 രോഗ വ്യാപനത്തിന്റെ പശ്ചാത്തലത്തില്‍ കര്‍ക്കിടക മാസത്തിലെ ആയുര്‍വേദ ചികിത്സയുടേയും ഔഷധ സസ്യങ്ങളുടേയും പ്രാധാന്യം പൊതുജനങ്ങളിലേക്കെത്തിക്കാന്‍ ജില്ലാ ആയുര്‍വേദ ആശുപത്രിയുടെ നേതൃത്വത്തില്‍ സെമിനാറും ഔഷധസസ്യ പ്രദര്‍ശനവും സംഘടിപ്പിച്ചു. ശരീരബലം നിലനിര്‍ത്തുന്നതിലും രോഗ പ്രതിരോധ ശേഷി വര്‍ധിപ്പിക്കുന്നതിലും കര്‍ക്കിടക ചികിത്സയ്ക്കുള്ള  പ്രാധാന്യത്തെക്കുറിച്ച് അവബോധം സൃഷ്ടിക്കുക എന്ന ലക്ഷ്യത്തോടെയാണ് സെമിനാര്‍ സംഘടിപ്പിച്ചത്. ആശുപത്രി സൂപ്രണ്ട് ഡോ. ടി സുധ സെമിനാര്‍ ഉദ്ഘാടനം ചെയ്തു. കര്‍ക്കിടക കഞ്ഞി വിതരണം ചെയ്തുകൊണ്ടായിരുന്നു ഉദ്ഘാടനം.

തദ്ദേശസ്ഥാപന തലത്തില്‍ ആരംഭിക്കുന്ന ഫസ്റ്റ് ലൈന്‍ കൊവിഡ് ട്രീറ്റ്‌മെന്റ് സെന്ററുകള്‍ ജൂലൈ 21നകം സജ്ജീകരിക്കണമെന്ന് ജില്ലാ കലക്ടര്‍ നിര്‍ദേശം നല്‍കി. ഓരോ ഗ്രാമപഞ്ചായത്തിലും 100 വീതം പേരെയും കോര്‍പറേഷനിലെയും മുനിസിപ്പാലിറ്റികളിലെയും ഓരോ വാര്‍ഡിലും 50 വീതം പേരെയും ചികിത്സിക്കാന്‍ പര്യാപ്തമായ രീതിയിലാണ് സെന്ററുകള്‍ ക്രമീകരിക്കേണ്ടത്.

കോവിഡിലും തളരാതെ കര്‍ഷകര്‍ പരമ്പരാഗത കൃഷിയിറക്കി കര്‍ഷകര്‍. ബളാല്‍ ഭഗവതി ക്ഷേത്രത്തിന്റെയും  മാലോം പട്ടേരുടെയും ഉടമസ്ഥതയിലുള്ള നാല് ഹെക്ടറോളം വരുന്ന ഭൂമിയില്‍ ബാലകൃഷ്ണന്‍ പറമ്പത്ത്, നാരായണന്‍ മാമ്പള്ളം, കുഞ്ഞിരാമന്‍ മുല്ലച്ചേരി, സേതുരാജ് കൂക്കള്‍ എന്നിവരാണ് നെല്‍കൃഷി ഇറക്കിയത്. കോവിഡ് മാനദണ്ഡങ്ങള്‍ പാലിച്ചായിരുന്നു കൃഷി കാലങ്ങളായി ഈ പാടത്ത് കര്‍ഷക കൂട്ടായ്മകളുടെ നേതൃത്വത്തില്‍ കൃഷി ചെയ്തു വരികയാണ്. തരിശായി കിടന്ന ഒരു ഹെക്ടര്‍ സ്ഥലത്ത് ശശിധരന്‍ വാവോലിലും കൃഷി ഇറക്കി. കോവിഡ് മൂലം നെല്‍കൃഷിയോടനുബന്ധിച്ച് വര്‍ഷങ്ങളായി നടത്തിവന്നിരുന്ന നടീല്‍ ഉത്സവം ഇത്തവണ ഉണ്ടായില്ല.

ജില്ലാ കളക്ടറുടെ മഞ്ചേശ്വരം താലൂക്ക് ഓണ്‍ലൈന്‍ പരാതി പരിഹാര അദാലത്ത് ആഗസ്റ്റ് ഒന്നിനും  കാസര്‍കോട് താലൂക്ക് അദാലത്ത് ആഗസ്റ്റ് 14 നും നടക്കും. മഞ്ചേശ്വരം താലൂക്ക്  അദാലത്തിലേക്ക് ജൂലൈ 26 ന്  രാത്രി 12 വരെയും  കാസര്‍കോട്  താലൂക്ക് അദാലത്തിലേക്ക് ആഗ്‌സറ്റ് 10 വരെയും പൊതുജനങ്ങള്‍ക്ക്  പരാതികള്‍ സമര്‍പ്പിക്കാം. കുടിവെള്ളം , വൈദ്യുതി, പെന്‍ഷന്‍, തദ്ദേശ സ്വയംഭരണം ആരോഗ്യ വകുപ്പ് എന്നീ  വിഷയങ്ങളിലുള്ള പരാതികളാണ് അദാലത്തില്‍ പരിഗണിക്കുന്നത്.

കേപ്പിന്റെ കീഴില്‍ ചീമേനിയിലുള്ള തൃക്കരിപ്പൂര്‍  എഞ്ചിനീയറിങ്് കോളേജില്‍ ബി ടെക് എന്‍. ആര്‍. ഐ  സീറ്റില്‍,  സിവില്‍ എഞ്ചിനീയറിങ്, കമ്പ്യൂട്ടര്‍ സയന്‍സ്, ഇലക്ട്രിക്കല്‍ ആന്‍ഡ് ഇലക്ട്രോണിക്, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ ബ്രാഞ്ചുകളിലേക്കുള്ള ഒന്നാം ഘട്ട അലോട്‌മെന്റ് ജൂലൈ 24  ന് നടക്കും. പ്ലസ് ടു  സയന്‍സ് വിഷയങ്ങളില്‍ 45 ശതമാനം മാര്‍ക്കുള്ളവര്‍ക്ക് ഓണ്‍ലൈന്‍ ആയി അപേക്ഷിക്കാം. എന്‍ട്രന്‍സ് യോഗ്യത ആവശ്യമില്ല. താല്പര്യമുള്ളവര്‍ ജൂലൈ  23 ന് വൈകിട്ട്  അഞ്ചിനകം  www.cetkr.ac.in ലൂടെ ഓണ്‍ലൈനായി അപേക്ഷിക്കണം.