വാഴക്കാട് അഞ്ചാം വാര്‍ഡ് പുളിയത്തിങ്ങലിലെ അങ്കണവാടി കെട്ടിടത്തിന്റ പ്രവൃത്തി ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ മണ്ണറോട്ട് ഫാത്തിമ നിര്‍വഹിച്ചു. ബ്ലോക്ക് പഞ്ചായത്തിന്റെ വാര്‍ഷിക പദ്ധതിയിലുള്‍പ്പെടുത്തി 12 ലക്ഷം രൂപ ചെലവിലാണ്  നിര്‍മാണ പ്രവൃത്തികള്‍ നടത്തുന്നത്.

    കോവിഡ് ആശുപത്രികളിലും ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളിലുമായി 715 പേരാണ് ഇപ്പോള്‍ ജില്ലയില്‍ ചികിത്സയിലുള്ളത്.   ജൂലൈ 18 വരെ രോഗം സ്ഥിരീകരിച്ച മലപ്പുറം ജില്ലയില്‍ നിന്നുള്ള  557 പേരും ഇതര ജില്ലകളില്‍ നിന്നുള്ള 13 പേരും  രോഗബാധ സംശയിക്കുന്ന 145 പേരും ഇതില്‍ ഉള്‍പ്പെടും. 

    കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ എട്ട് കേസുകള്‍ കൂടി ഇന്നലെ (ജൂലൈ 19) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി ഒന്‍പത് പേരെ ഇന്നലെ അറസ്റ്റു ചെയ്തു. വിവിധ കേസുകളിലായി രണ്‍് വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,082 ആയി. 6,227 പേരെയാണ് ഇതുവരെ അറസ്റ്റു ചെയ്തത്. 2,650 വാഹനങ്ങളും പിടിച്ചെടുത്തിട്ടുണ്‍്.

    പെരിന്തല്‍മണ്ണ നഗരസഭയിലെ ഒമ്പതാം വാര്‍ഡിലെ    അക്കരക്കാടന്‍ കുന്ന് തോട്ടില്‍  നിര്‍മിച്ച കുളിക്കടവ് നഗരസഭ  ചെയര്‍മാന്‍ എം.മുഹമ്മദ് സലിം ഉദ്ഘാടനം ചെയ്തു. നഗരസഭാ പദ്ധതിയില്‍ ഉള്‍പ്പെടുത്തി  4.95 ലക്ഷം രൂപ ചെലവിലാണ് കുളിക്കടവ് നവീകരിച്ചത്. വര്‍ഷങ്ങളായി  ആശ്രയിക്കുന്ന കുളിക്കടവ് മികച്ച രൂപത്തില്‍  പുനര്‍നിര്‍മിക്കണമെന്ന നാട്ടുകാരുടെ ആവശ്യമാണ്  നഗരസഭ ഏറ്റെടുത്ത് പൂര്‍ത്തിയാക്കിയത്. ചടങ്ങില്‍ വൈസ് ചെയര്‍മാന്‍ നിഷി അനില്‍ രാജ്, കൗണ്‍സിലര്‍മാരായ കാരയില്‍ സുന്ദരന്‍, പി. മനാഫ്, നഗരസഭാ സെക്രട്ടറി അബ്ദുല്‍ സജീം തുടങ്ങിയവര്‍ പങ്കെടുത്തു.
 

    കോവിഡ് സമൂഹവ്യാപന സാധ്യത പരിശോധിക്കുന്നതിനായി ജില്ലയില്‍ നടത്തിയ ആന്റിജന്‍ പരിശോധനയില്‍ പോസിറ്റീവ് റിസല്‍ട്ടുകള്‍ ലഭിക്കുന്നതിനാല്‍ ജനങ്ങള്‍ കൂടുതല്‍ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ജില്ലയില്‍  ഇന്നലെ (ജൂലൈ 18) രോഗം സ്ഥിരീകരിച്ചവരില്‍  സമ്പര്‍ക്കത്തിലൂടെ രോഗം ബാധിച്ച നാല് പേരെയും ഇതര സംസ്ഥാനത്ത് നിന്ന് വന്ന രണ്ട് പേരെയും കണ്ടെത്തിയത് ആന്റിജന്‍ പരിശോധനയിലൂടെയായിരുന്നു. രോഗം സ്ഥിരീകരിച്ചവരില്‍ ആരോഗ്യപ്രവര്‍ത്തകയും, പള്ളിവികാരിയും, സി.സി.സി വളണ്ടിയറും ഉള്‍പ്പെടുന്നുണ്ട്. 

     നിറമരുതൂര്‍ ഗ്രാമപഞ്ചായത്തിലെ മൂന്ന് റോഡുകളുടെ ഉദ്ഘാടനം വി.അബ്ദു റഹ്മാന്‍ എം.എല്‍.എ നിര്‍വഹിച്ചു. പഞ്ചായത്തിലെ കോരംങ്ങത്ത് താചാട്ടു റോഡ്,  കോരംങ്ങത്ത് ഇ.എം.എസ് സ്മാരക  റോഡ്, പ്രവാസി റോഡ് എന്നിവയാണ് എം.എല്‍.എ നാടിന്  സമര്‍പ്പിച്ചത്. ഹാര്‍ബര്‍ എഞ്ചിനീയറിങ് ഫണ്‍ില്‍ നിന്ന് അനുവദിച്ച തുക വിനിയോഗിച്ചാണ് റോഡ് ഗതാഗതയോഗ്യമാക്കി നവീകരിച്ചത്. ഉദഘാടന ചടങ്ങില്‍ പഞ്ചായത്ത് പ്രസിഡന്റ് സുഹറ റസാഖ്,വൈസ് പ്രസിഡന്റ് കെ.വി.സിദ്ധീഖ്,വാര്‍ഡ് മെമ്പര്‍മാരായ കെ.ടി ശശി,ബീന,സുബൈദ ഷാലിമാര്‍, അഫ്‌സത്  മാടംമ്പാട്ട് എന്നിവര്‍ പങ്കെടുത്തു.
 

    കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ എട്ട് കേസുകള്‍ കൂടി ഇന്നലെ (ജൂലൈ 18) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി എട്ട് പേരെ ഇന്നലെ അറസ്റ്റു ചെയ്തു. വിവിധ കേസുകളിലായി രണ്‍് വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,074 ആയി. 6,218 പേരെയാണ് ഇതുവരെ അറസ്റ്റു ചെയ്തത്. 2,648 വാഹനങ്ങളും പിടിച്ചെടുത്തിട്ടുണ്‍്.