പത്തനംതിട്ട ജില്ലയില്‍ ഇന്ന് (21) 40 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് (21) രോഗം സ്ഥിരീകരിച്ചവരില്‍ ഒന്‍പതു പേര്‍ വിദേശ രാജ്യങ്ങളില്‍ നിന്ന് വന്നവരും, 10 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 21 പേര്‍ മറ്റ് സമ്പര്‍ക്കത്തിലൂടെ രോഗം ബാധിച്ചവരുമാണ്.

ജില്ലയില്‍ കണ്ടെയ്ന്‍മെന്റ് സോണുകളും ക്ലസ്റ്ററും നിലനില്‍ക്കുന്ന സാഹചര്യത്തില്‍ സാമൂഹ്യ വ്യാപനം മുന്നില്‍കണ്ട് പ്രതിരോധ പ്രവര്‍ത്തനങ്ങള്‍ നടത്തണമെന്ന് ജില്ലയുടെ ചുമതലയുള്ള വനം-വന്യജീവി വകുപ്പ് മന്ത്രി കെ. രാജു പറഞ്ഞു. പുതിയ സി.എഫ്.എല്‍.ടി.സികള്‍ തുടങ്ങുന്നതുമായി ബന്ധപ്പെട്ട നടപടികള്‍ വിലയിരുത്തുന്നതിനു ചേര്‍ന്ന വീഡിയോ കോണ്‍ഫറന്‍സില്‍ സംസാരിക്കുകയായിരുന്നു മന്ത്രി.

സ്‌കോള്‍ കേരള മുഖേന 2020 മാര്‍ച്ചില്‍  പ്ലസ്ടു പരീക്ഷ എഴുതിയ വിദ്യാര്‍ഥികള്‍ക്ക് തങ്ങളുടെ ജനന തീയതി, മാതാപിതാക്കളുടെ പേര് എന്നിവയില്‍ തിരുത്തല്‍ ആവശ്യമായിട്ടുണ്ടെങ്കില്‍ അവ തെളിയിക്കുന്നതിനുള്ള മതിയായ രേഖകളും ഹയര്‍ സെക്കന്‍ഡറി രജിസ്റ്റര്‍ നമ്പരും സഹിതം ഈ മാസം 24ന് മുമ്പ് scolekerala@gmail.com എന്ന ഇ-മെയില്‍ വിലാസത്തില്‍ അപേക്ഷിക്കണം. ഫോണ്‍: 0471 2342950, 2342271, 2342369.
 

സമ്പര്‍ക്കത്തിലൂടെയുള്ള രോഗബാധ വര്‍ധിച്ചുവരുന്ന  സാഹചര്യത്തില്‍ രോഗനിയന്ത്രണത്തിനായി എല്ലാവരുടെയും സഹകരണം   അനിവാര്യമാണെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എ.എല്‍.ഷീജ അറിയിച്ചു. അടിസ്ഥാന രോഗപ്രതിരോധ മാര്‍ഗങ്ങള്‍ ശ്രദ്ധാപൂര്‍വം  പാലിക്കുന്നവര്‍ക്ക് ഭയപ്പെടേണ്ട കാര്യമില്ല. എന്നാല്‍ സാമൂഹിക അകലം, മാസ്‌കിന്റെ ഉപയോഗം, കൈകഴുകല്‍ എന്നിവയോട് ഉദാസീന സമീപനം  പുലര്‍ത്തുന്നവര്‍ രോഗബാധിതരാകാന്‍ സാധ്യതയുണ്ട്. രോഗനിര്‍ണയത്തിനായി വിവിധ തരത്തിലുള്ള പരിശോധനകള്‍ ജില്ലയില്‍ ഇപ്പോള്‍ നടത്തുന്നുണ്ട്.
ആര്‍.റ്റി.പി.സി.ആര്‍ (റിയല്‍ ടൈം റിവേഴ്‌സ് റിവേഴ്‌സ് ട്രാന്‍സ്‌ക്രിപ്‌റ്റേയ്‌സ്

മാലിന്യ നിര്‍മാര്‍ജനം; അപേക്ഷ ക്ഷണിച്ചു

കോവിഡ്- 19 ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളുടെ മാലിന്യ നിര്‍മാര്‍ജനം നിര്‍വഹിക്കാന്‍ സന്നദ്ധതയുളള ഏജന്‍സികള്‍, വ്യക്തികള്‍ എന്നിവരില്‍ നിന്നും അപേക്ഷ ക്ഷണിച്ചു. ജൈവ- അജൈവ മാലിന്യങ്ങള്‍ ശേഖരിച്ച് തരംതിരിച്ച് ശാസ്ത്രീയമായി സംസ്‌കരിക്കുന്നതിനാവശ്യമായ പരിശീലനവും സുരക്ഷാ ഉപകരണങ്ങളും ദിവസവേതനവും നല്‍കുന്നതാണ്. അപേക്ഷ ജൂലൈ 25 നകം ജില്ലാ ശുചിത്വമിഷന്‍ കോ-ഓര്‍ഡിനേറ്റര്‍ക്ക് നല്‍കണം.  ഫോണ്‍: 0497 2700078, 9995522133. ഇമെയില്‍: sbmkannur@gmail.com.

ഉറുമ്പുകടിയേല്‍ക്കുന്ന മാവിന്‍ ചുവടും  മധുരവും പുളിയും നിറയുന്ന മാമ്പഴക്കാലവും ഇല്ലാത്തൊരു ഓര്‍മ്മ മലയാളിക്കന്യമാണ്... മാമ്പഴക്കാലത്തെ ഹൃദയത്തോട് ചേര്‍ത്തു വച്ചൊരു ബാല്യത്തിലേക്ക് ഒരിക്കലെങ്കിലും ഓടിച്ചെല്ലാത്തവരുണ്ടോ?
മലയാളിയുടെ ഓര്‍മകളില്‍ ഉടനീളം അത്രയേറെ പടര്‍ന്നു പന്തലിച്ച് തണലേകുന്നുണ്ട് മാവുകളും മാന്തോപ്പുകളും.

    പൊന്നാനിയിലെ കോവിഡ് വ്യാപന നിയന്ത്രണങ്ങളുടെ പശ്ചാത്തലത്തില്‍ സ്പീക്കര്‍ പി.ശ്രീരാമകൃഷണന്റെ അധ്യക്ഷതയില്‍  വീഡിയോ കോണ്‍ഫറസ് വഴി യോഗം ചേര്‍ന്നു. താലൂക്കിലെ എല്ലാ പഞ്ചായത്തുകളിലും നഗരസഭയിലും കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ ഒരുക്കാന്‍ യോഗം തീരുമാനിച്ചു. ഇതിനാവശ്യമായ സജ്ജീകരണങ്ങളും ജീവനക്കാരെയും ഉറപ്പു വരുത്തും. കോവിഡ് നിയന്ത്രണങ്ങളുടെ ഭാഗമായി പട്ടാമ്പിയിലേക്കുള്ള എല്ലാ അതിര്‍ത്തികളും അടക്കും. ലോക്ക് ഡൗണ്‍ കാലാവധി 23 ന് തീരുന്നതിനു മുമ്പ് തുടര്‍ നടപടികള്‍ക്കായി ഗൈഡ് ലൈന്‍ തയ്യാറാക്കാന്‍ ജില്ലാ ദുരന്ത നിവാരണ സമിതിക്ക് സ്പീക്കര്‍ നിര്‍ദേശം നല്‍കി. 

35 പേര്‍ രോഗ മുക്തരായി

ഉറവിടമറിയാതെ 13 പേര്‍ക്ക് വൈറസ്ബാധ

രോഗബാധിതരായി ചികിത്സയില്‍ 596 പേര്‍

ഇതുവരെ രോഗബാധ സ്ഥിരീകരിച്ചത് 1,289 പേര്‍ക്ക്

824 പേര്‍ക്ക് കൂടി പ്രത്യേക നിരീക്ഷണം

ആകെ നിരീക്ഷണത്തിലുള്ളത് 39,960 പേര്‍

    മക്കരപ്പറമ്പ ഇലക്ട്രിക്കല്‍ സെക്ഷന്‍  പരിധിയില്‍ വരുന്ന മക്കരപ്പറമ്പ 36  മുതല്‍ കാച്ചിനിക്കാട് മനാര്‍ വരെയുള്ള ഭാഗങ്ങളില്‍  ഇന്ന് (ജൂലൈ 21) രാവിലെ എട്ട്    മുതല്‍ വൈകീട്ട് 5:30  വരെ വൈദ്യുതി  തടസ്സപ്പെടും. കൂട്ടിലങ്ങാടി ഭാഗത്തും ഉച്ചക്ക്  രണ്ട് മുതല്‍  വൈകീട്ട് 5:30 വരെ വൈദ്യുതി തടസ്സപ്പെടും.