കോട്ടക്കല്‍ നഗരസഭയിലെ പതിനാറാം വാര്‍ഡ് പണിക്കര്‍കുണ്ടില്‍  വി.എം.എച്ച് റോഡ് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. എം.എല്‍.എയുടെ പ്രത്യേക വികസന ഫണ്ടില്‍ നിന്നും മൂന്ന് ലക്ഷം രൂപ ഉപയോഗിച്ചാണ്  റോഡ് കോണ്‍ക്രീറ്റ് ചെയ്തത്. കോട്ടക്കല്‍ നഗരസഭ ചെയര്‍മാന്‍ കെ.കെ നാസര്‍  അധ്യക്ഷത വഹിച്ചു. നഗരസഭ വൈസ് ചെയര്‍പേഴ്‌സണ്‍ ബുഷ്റാ ഷബീര്‍, സ്ഥിരം സമിതി ചെയര്‍മാന്‍ സാജിദ് മങ്ങാട്ടില്‍,  ചെയര്‍പേഴ്‌സണ്‍ ടി.വി സുലൈഖാബി, കൗണ്‍സിലര്‍ സുലൈമാന്‍ പാറമ്മല്‍, കെ.എം. ഖലീല്‍, സെമീറുദ്ധീന്‍ ഇരണിയന്‍, കുഞ്ഞിപ്പ പാലപ്പുറ എന്നിവര്‍ പങ്കെടുത്തു.
 

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ ഒമ്പത് കേസുകള്‍ കൂടി ഇന്നലെ (ജൂലൈ 11) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി 14 പേരെ ഇന്നലെ അറസ്റ്റു ചെയ്തു. ഒരു വാഹനവും പിടികൂടി. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,052 ആയി. 6,208 പേരെയാണ് ഇതുവരെ അറസ്റ്റു ചെയ്തത്. 2,646 വാഹനങ്ങളും പിടിച്ചെടുത്തിട്ടുണ്‍്.

കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 15 പേര്‍ കൂടി ഇന്നലെ (ജൂലൈ 11) രോഗമുക്തരായി. രോഗബാധിതരായി 497 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 966 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 1,216 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

ജില്ലയില്‍ 51 പേര്‍ക്ക് കൂടി ഇന്നലെ (ജൂലൈ 11) കോവിഡ് 19 സ്ഥിരീകരിച്ചു. ഇവരില്‍ 27 പേര്‍ക്ക് സമ്പര്‍ക്കത്തിലൂടെയാണ് രോഗബാധ. പൊന്നാനിയില്‍ രോഗ വ്യാപനം തടയുന്നതിന്റെ ഭാഗമായി നടത്തിയ പരിശോധനയിലാണ് ഇതില്‍ 24 പേര്‍ക്കും വൈറസ് ബാധ സ്ഥിരീകരിച്ചത്. രോഗം സ്ഥിരീകരിച്ചവരില്‍ ശേഷിക്കുന്ന അഞ്ച് പേര്‍ ഇതര സംസ്ഥാനങ്ങളില്‍ നിന്നും 19 പേര്‍ വിദേശ രാജ്യങ്ങളില്‍ നിന്ന് എത്തിയവരാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു.

 പ്ലാസ്മ തെറാപ്പിയിലൂടെ കോവിഡ് മുക്തനായ ആള്‍ മഞ്ചേരി മെഡിക്കല്‍ കോളജില്‍ നിന്ന് വീട്ടിലേക്ക് മടങ്ങി. കോവിഡ് ബാധിച്ച് അതീവ ഗുരുതരാവസ്ഥയിലായിരുന്ന അജിത്താണ് പൂര്‍ണ ആരോഗ്യവാനായി ആശുപത്രി വിട്ടത്. കോവിഡ് രോഗവിമുക്തരായ ഷാഹുല്‍ ഹമീദും അബ്ദുല്‍ ലത്തീഫുമാണ് അജിത്തിന് പ്ലാസ്മ നല്‍കിയത്. ഇരുവരും അജിത്തിനെ യാത്രയയക്കാന്‍ ആശുപത്രിയിലെത്തിയിരുന്നു.  തനിക്ക് പുതുജീവന്‍ നല്‍കിയ പ്ലാസ്മ ദാതാക്കള്‍ക്ക് നന്ദി പറഞ്ഞുകൊണ്ടാണ് അജിത്തും കുടുംബാംഗങ്ങളും വീട്ടിലേക്ക് തിരിച്ചത്.

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ ഏഴ് കേസുകള്‍ കൂടി ഇന്നലെ (ജൂലൈ 10) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി മൂന്ന്  പേരെ ഇന്നലെ അറസ്റ്റു ചെയ്തു.  ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,043 ആയി. 6,184 പേരെയാണ് ഇതുവരെ അറസ്റ്റു ചെയ്തത്. 2,645 വാഹനങ്ങളും പിടിച്ചെടുത്തിട്ടുണ്‍്.

കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 18 പേര്‍ കൂടി ഇന്നലെ (ജൂലൈ 10) രോഗമുക്തരായി. രോഗബാധിതരായി 456 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 910 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 1,370 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.