ഇന്ന് (ജൂലൈ 12) പുതുതായി വന്ന 950 പേർ ഉൾപ്പെടെ ജില്ലയിൽ 15,375പേർ നിരീക്ഷണത്തിലുണ്ട്.

18 പേർക്ക് രോഗമുക്തി

കോഴിക്കോട്  ജില്ലയിൽ  ഇന്ന് 4 കോവിഡ് പോസിറ്റീവ്  കൂടി റിപ്പോർട്ട് ചെയ്തതായി  ജില്ലാ  മെഡിക്കൽ ഓഫീസർ ഡോ. ജയശ്രീ വി. അറിയിച്ചു.  18 പേർ രോഗമുക്തി നേടുകയും ചെയ്തു.

കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി ആളുകൾ കൂട്ടംകൂടുന്ന സാഹചര്യം പരമാവധി ഒഴിവാക്കാൻ ജില്ലയിലെ ടർഫ് ഉൾപ്പെടെയുള്ള കളിസ്ഥലങ്ങളിൽ ഇനിയൊരു ഉത്തരവ് ഉണ്ടാകുന്നതുവരെ എല്ലാവിധ കായിക വിനോദങ്ങളിൽ ഏർപ്പെടുന്നതും പ്രദർശനവും നിരോധിച്ച് ജില്ലാ കലക്ടർ ഉത്തരവിറക്കി. ഇവിടെ കായികപരിശീലനങ്ങളോ മത്സരങ്ങളോ  നടത്താൻ പാടില്ല.

സ്പോർട്സ് കൗൺസിൽ മറ്റു സർക്കാർ സംവിധാനങ്ങൾ എന്നിവയുടെ നേതൃത്വത്തിൽ നടത്തുന്ന കായിക പരിശീലന പരിപാടികൾ നടത്തുന്നതിന് കർശന നിയന്ത്രണങ്ങൾ ബന്ധപ്പെട്ടവർ ഏർപ്പെടുത്തേണ്ടതാണ്.  ഒരു തരത്തിലും കോവിഡ് വ്യാപനത്തിന് കാരണമാകില്ല എന്ന് ഉറപ്പുവരുത്തണം.

എന്‍സിസി കേഡറ്റുകളുടെ  'ഏക് ഭാരത് ശ്രേഷ്ഠ് ഭാരത്' ഓണ്‍ലൈന്‍ ക്യാമ്പിന് തുടക്കമായി. ആറ് ദിവസത്തെ ക്യാമ്പ് കോഴിക്കോട് ഗ്രൂപ്പ് കമാന്‍ഡര്‍ ബ്രിഗേഡിയർ എ.വൈ രാജന്‍ ഓണ്‍ലൈനായി ഉദ്ഘാടനം ചെയ്തു. കേരള, ലക്ഷദ്വീപ് ഡയറക്ടറേറ്റ്, രാജസ്ഥാന്‍ ഡയറക്ടറേറ്റ് എന്നിവിടങ്ങളില്‍ നിന്നുള്ള 100 എന്‍സിസി കേഡറ്റുകളാണ് ക്യാമ്പില്‍ പങ്കെടുക്കുന്നത്. കോവിഡ് 19 നിയന്ത്രണങ്ങള്‍ കണക്കിലെടുത്ത് 600 കേഡറ്റുകള്‍ ഉള്‍പ്പെടുന്ന ക്യാമ്പ് ആദ്യമായാണ് ഒരു ഓണ്‍ലൈന്‍ പ്ലാറ്റ്‌ഫോമില്‍ നടത്തുന്നത്.

കുന്ദമംഗലം ഗവ. കോളേജിൽ 5 കോടി  രൂപ ചിലവിൽ നിർമ്മിക്കുന്ന നിലവിലുള്ള അക്കാഡമിക് ബ്ലോക്ക് രണ്ടാം ഘട്ടം നിർമാണ പ്രവർത്തനങ്ങളുടെയും 2 .5 കോടി ചിലവിൽ നിർമിക്കുന്ന ചുറ്റുമതിലിൻ്റെയും  ഉദ്ഘാടനം നാളെ ( ജൂലൈ 14 )രാവിലെ 10.30 ന് ഉന്നത വിദ്യാഭ്യാസ മന്ത്രി കെ ടി ജലീൽ വീഡിയോ കോൺഫറൻസിലൂടെ നിർവ്വഹിക്കും. 15 ലക്ഷം രൂപ ചിലവിൽ കോളേജിനു വേണ്ടി നിർമ്മിച്ച കുടിവെള്ള പദ്ധതിയുടെ ഉദ്ഘാടനം പി ടി  റഹീം എം എൽ എ നിർവ്വഹിക്കും.

കൂത്താളി പഞ്ചായത്തിൽ കുടുംബശ്രീക്ക് ഓഫീസ്  കെട്ടിടം ഒരുങ്ങുന്നു. മന്ത്രി ടി പി രാമകൃഷ്ണന്റെ ആസ്തിവികസന ഫണ്ടിൽ നിന്നും 15 ലക്ഷം ചിലവിലാണ് കെട്ടിട നിർമ്മാണം. കൂത്താളി പഞ്ചായത്തു വളപ്പിൽ നിർമ്മിക്കുന്ന കെട്ടിടത്തിന്റെ പ്രവർത്തങ്ങൾ ആരംഭിച്ചു കഴിഞ്ഞു. 800 ചതുരശ്ര അടിയിൽ നിർമ്മിക്കുന്ന  കുടുംബശ്രീ ഓഫീസ് കെട്ടിടത്തിന്റെ നിർമ്മാണ പ്രവർത്തനം ആഗസ്തിൽ പൂർത്തിയാക്കാനാണ് ഉദ്ദേശിക്കുന്നതെന്നും അതിനുവേണ്ട നടപടികൾ വേഗത്തിലാക്കിയതായും കൂത്താളി പഞ്ചായത്ത് പ്രസിഡന്റ് അസ്സൻകുട്ടി പറഞ്ഞു. നിലവിൽ പഞ്ചായത്തിൻറെ കെട്ടിടത്തിലാണ് കുടുംബശ്രീ ഓഫീസ് പ്രവർത്തിക്കുന്നത്.

ഇന്ന് (ജൂലൈ 11) പുതുതായി വന്ന 742 പേര്‍ ഉള്‍പ്പെടെ ജില്ലയില്‍ 15714 പേര് നിരീക്ഷണത്തിലുണ്ട്്. ജില്ലയില്‍ ഇതുവരെ 61580 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്ന 40 പേര്‍ ഉള്‍പ്പെടെ 257 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 147 പേര്‍ മെഡിക്കല് കോളേജിലും 110 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 55 പേര്‍ ഇന്ന് ഡിസ്ചാര്‍ജ്ജ് ആയി.

നാലു പേർ രോഗമുക്തി നേടി

കോഴിക്കോട്  ജില്ലയിൽ ഇന്ന് 17 കോവിഡ് പോസിറ്റീവ്  കൂടി റിപ്പോർട്ട് ചെയ്തതായി  ജില്ലാ  മെഡിക്കൽ ഓഫീസർ ഡോ. ജയശ്രീ വി. അറിയിച്ചു.
 
ഇന്ന് പോസിറ്റീവ് ആയവർ

1.)    65 വയസ്സുള്ള തൂണേരി സ്വാദേശിനി. ജൂലൈ 8 ന് സ്വകാര്യ ആശുപത്രിയിൽ ഓപ്പറേഷനായി സ്രവം പരിശോധനക്കെടുത്തു.  അന്നുതന്നെ കോഴിക്കോട് മെഡിക്കൽ കോളേജിൽ അഡ്മിറ്റ് ചെയ്തു.  സ്രവം പരിശോധനയ്ക്ക് എടുത്തു. ഫലം പോസിറ്റീവ് ആയതിനെ തുടർന്ന് മെഡിക്കൽ കോളേജിൽ ചികിത്സയിലാണ്.

കോവിഡ് 19 പ്രതിരോധ നടപടികളുടെ ഭാഗമായി ജില്ലയിലെ ബേപ്പൂര്‍, പുതിയാപ്പ, കൊയിലാണ്ടി, ചോമ്പാല എന്നീ നാല് ഫിഷിംഗ് ഹാര്‍ബറുകളിലും ഫിഷ് ലാന്റിംഗ് സെന്ററുകളിലും നിയന്ത്രണം ഏര്‍പ്പെടുത്തി ജില്ലാ കലക്ടര്‍ സാംബശിവ ഉത്തരവിറക്കി.