എറണാകുളം: ജൂൺ മാസത്തിലെ റേഷൻ വിഹിതം ജൂലൈ നാല് വരെ റേഷൻ കടകളിൽ നിന്ന് ലഭിക്കുമെന്ന് ജില്ലാ സപ്ലൈ ഓഫീസർ അറിയിച്ചു.

എറണാകുളം: കോവിഡ് - 19 രോഗപ്രതിരോധ പ്രവർത്തനങ്ങളിൽ ഉറവിട നിർണ്ണയത്തിൽ മുഖ്യപങ്ക് വഹിക്കുന്ന 'ബ്രേക്ക് ദി ചെയിൻ ഡയറി' ലഭ്യമാക്കി ഈസ്റ്റ് മാറാടി ഗവ. വൊക്കേഷണൽ ഹയർ സെക്കൻ്ററി സ്കൂളിലെ  നാഷണൽ സർവീസ് സ്കീം യൂണിറ്റിലെയും മറ്റു ക്ലബുകളിലെയും  വിദ്യാർത്ഥികൾ മാതൃകയാകുന്നു. വിദ്യാർത്ഥികൾ തയ്യാറാക്കിയ ഡയറികൾ
മാറാടി ഗ്രാമപഞ്ചായത്തിലും മൂവാറ്റുപുഴ ടൗണിലും വിതരണം ചെയ്തു.

കോവിഡ്-19 ബാധിതരോടും, കോവിഡ് ബാധിത മേഖലകളിലും വിദേശത്തുനിന്നെത്തിയവരോടും കാണിക്കുന്ന വിവേചനങ്ങള്‍ക്കെതിരെ ജില്ലാ മെഡിക്കല്‍ ഓഫീസിന്റെ (ആരോഗ്യം)  ആഭിമുഖ്യത്തില്‍ വീഡിയോ സ്റ്റോറി മത്സരം സംഘടിപ്പിക്കുന്നു. വീഡിയോ സ്റ്റോറികള്‍ക്ക് രണ്ടു മിനിറ്റില്‍ കൂടുതല്‍ ദൈര്‍ഘ്യം ഉണ്ടാവരുത്. 120 എം.ബി.യില്‍ കൂടരുത്. മൊബൈല്‍ ഫോര്‍മാറ്റിലുള്ളതായിരിക്കണം. ടൈറ്റില്‍ തയ്യാറാക്കിയവരുടെ പേര് എന്നിവ ഉണ്ടായിരിക്കണം.

സപ്ലൈകോ ചെയർമാൻ ആൻ്റ് മാനേജിങ് ഡയറക്ടറായി ഡോ.ബി.അശോക് ചുമതലയേറ്റു. ജലവിഭവ വകുപ്പ് സെക്രട്ടറിയായിരുന്നു. വെറ്ററിനറി സർവ്വകലാശാല വൈസ് ചാൻസലർ, കേന്ദ്ര കൃഷിമന്ത്രിയുടെ പ്രൈവറ്റ് സെക്രട്ടറി, ഊർജ്ജ സെക്രട്ടറി തുടങ്ങി പല പദവികളും വഹിച്ചിട്ടുണ്ട്. 98 ബാച്ച് ഐ എ എസ് ഉദ്യോഗസ്ഥനാണ്.

മസ്‌കറ്റ്, ഖത്തര്‍, ഷാര്‍ജ, ഒമാന്‍, ദുബായ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍, തിരുവനന്തപുരം അന്താരാഷ്ട്ര വിമാനത്താവളങ്ങളില്‍ ഇന്നലെ (ജൂലൈ 6) ജില്ലയിലെത്തിയത് 26 പാലക്കാട് സ്വദേശികള്‍. ഇവരില്‍ 4 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു. 22 പേര്‍ വീടുകളില്‍ നിരീക്ഷണത്തിലാണ്.

എറണാകുളം: കേരള ചിക്കൻ പദ്ധതിയുടെ ഭാഗമായുള്ള കുടുംബശ്രീയുടെ ആദ്യ വിപണന കേന്ദ്രത്തിൻ്റെ ഉദ്ഘാടനം തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീൻ ഓൺലൈനായി നിർവ്വഹിച്ചു. നോർത്ത് പറവൂരാണ് വിപണന കേന്ദ്രം ആരംഭിച്ചിരിക്കുന്നത്. കേരളത്തിലെ ആഭ്യന്തര ഇറച്ചിക്കോഴി വിപണിയിലെ അൻപത് ശതമാനവും സംസ്ഥാനത്ത് തന്നെ ഉത്പാദിപ്പിച്ച് വിതരണം ചെയ്യുക എന്നതാണ് പദ്ധതിയുടെ ലക്ഷ്യം. മൃഗസംരക്ഷണ വകുപ്പിൻ്റെ സഹകരണത്തോടെ കേരളത്തിൽ നടപ്പിലാക്കുന്ന പദ്ധതി 2017 നവംബറിലാണ് ആരംഭിച്ചത്. കുടുംബശ്രീ എക്സിക്യൂട്ടീവ് ഡയറക്ടർ എസ് ഹരികിഷോർ പദ്ധതി വിശദീകരണം നടത്തി.

എറണാകുളം : കോവിഡ് കാലത്ത് കൂടുതൽ മെച്ചപ്പെട്ടതും സുരക്ഷിതവുമായ സേവനമൊരുക്കാൻ സജ്ജമായിരിക്കുകയാണ് ജില്ലയിലെ ഓട്ടോറിക്ഷ തൊഴിലാളികൾ. ഇതിന്റെ ഭാഗമായി മോട്ടോർ വാഹന വകുപ്പ്  നടത്തുന്ന 'ഓട്ടോറിക്ഷ റൈഡ് ആപ്പ്,' 'സൗജന്യ ക്യാഷ് ലെസ്സ് പേയ്‌മെന്റ്' എന്നിവ പരീക്ഷണാർത്ഥം ജില്ലയിൽ ഉപയോഗിക്കും. ഓട്ടോറിക്ഷ സഹകരണ സംഘം രൂപകല്പന ചെയ്ത 'ഔസാ ' റൈഡ് ആപ്പ് ആദ്യ ഘട്ടത്തിൽ ഇതിനായി ഉപയോഗിക്കും. യാത്ര ആസൂത്രണം ചെയ്യുന്നതിനും ബുക്ക്‌ ചെയ്യുന്നതിനും ഉള്ള ക്രമീകരണങ്ങളും നടപ്പാക്കും.

കോവിഡ് 19 ന്റെ പശ്ചാത്തലത്തില്‍ വ്യാപാരസ്ഥാപന ഉടമകളും വ്യാപാരസ്ഥാപനങ്ങളില്‍ എത്തുന്ന ഗുണഭോക്താക്കളും മാര്‍ഗനിര്‍ദ്ദേശങ്ങള്‍ കര്‍ശനമായി പാലിക്കണമെന്ന് ആരോഗ്യം വകുപ്പ് അധികൃതര്‍ അറിയിച്ചു.

നിര്‍ദ്ദേശങ്ങള്‍ ഇപ്രകാരം:

- വ്യാപാരസ്ഥാപനങ്ങളിലും വ്യാപാര സമുച്ചയങ്ങളിലും എത്തുന്നവര്‍ വായും മൂക്കും മറയ്ക്കുന്ന വിധം മാസ്‌ക്കുകള്‍ കൃത്യമായി ധരിക്കുക.

- വ്യാപാര സ്ഥാപനത്തില്‍ പ്രവേശിക്കുന്നതിനു മുന്‍പ് കൈകള്‍ ശുചിയാക്കുക.

- ഒരു മീറ്റര്‍ ശാരീരിക അകലം കൃത്യമായി പാലിക്കുക .

- സ്ഥാപനങ്ങളുടെ വാതിലുകള്‍ തുറന്നിടുക