കേരള ആരോഗ്യ ശാസ്ത്ര സര്‍വ്വകലാശാലയുടെ കീഴില്‍  2020 ആഗസ്റ്റ് മൂന്നു മുതല്‍ ആരംഭിക്കുന്ന ഫോര്‍ത്ത് പ്രൊഫണല്‍ ബി.എസ്.സി നഴ്സിഗ് ആയുര്‍വേദ ഡിഗ്രി സപ്ലിമെന്ററി, ഫോര്‍ത്ത് പ്രൊഫഷണല്‍ ബി.ഫാം ആയുര്‍വേദ ഡിഗ്രി സപ്ലിമെന്ററി  പരീക്ഷകള്‍ക്ക് ജൂലൈ 13 മുതല്‍ 18 വരെ ഓണ്‍ലൈനായി രജിസ്റ്റര്‍ ചെയ്യാം. പേപ്പര്‍ ഒന്നിന് 105 രൂപ ഫൈനോടെ ജൂലൈ 21 വരെയും 315 രൂപ സൂപ്പര്‍ ഫൈനോടെ ജൂലൈ 23 വരെയും  രജിസ്റ്റര്‍ ചെയ്യാം.

വനിതാശിശു വികസന വകുപ്പില്‍ പ്രവര്‍ത്തിക്കുന്ന വനിതാ ശിശു വികസന ഓഫീസറുടെ ഔദ്യോഗിക ആവശ്യങ്ങള്‍ക്കായി ഇലക്ട്രിക് വാഹനങ്ങള്‍ (കാര്‍, ജീപ്പ്) ഉപയോഗിക്കുന്നതിന് മുദ്ര വെച്ച ടെന്‍ഡറുകള്‍ ക്ഷണിച്ചു. വാഹനത്തിന് 1500 കിലോമീറ്ററിന് 30000 രൂപ നിരക്കിലും അധികം വരുന്ന ഓരോ കിലോമീറ്ററിനും സര്‍ക്കാര്‍ നിരക്കിലും വാടക നല്‍കും. ദര്‍ഘാസ് ഫോറം ജൂലൈ 21 ന് രാവിലെ 11 വരെ വിതരണം ചെയ്യും. അതേദിവസം ഉച്ചയ്ക്ക 12 വരെ ദര്‍ഘാസ് സ്വീകരിക്കും.  ഉച്ചയ്ക്ക് രണ്ടിന് ദര്‍ഘാസ് തുറക്കും.

പാലക്കാട് താലൂക്കിലെ ലിംഗപ്പട്ടര്‍മഠം മീനാക്ഷി സുന്ദരേശസ്വാമി ക്ഷേത്രത്തില്‍സന്നദ്ധസേവനത്തിന് ട്രസ്റ്റി നിയമത്തിന്  ഹിന്ദുമത വിശ്വാസികള്‍ക്ക് അപേക്ഷിക്കാം. താത്പര്യമുള്ളവര്‍ ജൂലൈ 20 ന് വൈകീട്ട് അഞ്ചിന് മുന്‍പ് മലബാര്‍ ദേവസ്വം ബോര്‍ഡ് അസിസ്റ്റന്റ് കമ്മീഷര്‍ക്ക് നിശ്ചിത ഫോറത്തില്‍ അപേക്ഷ നല്‍കണം. അപേക്ഷാ ഫോറം മലബാര്‍ ദേവസ്വം ബോര്‍ഡിന്റെ www.malabardevaswom.kerala.gov.in ല്‍ ലഭിക്കും.

കോവിഡ്-19 ബാധിതരോടും, കോവിഡ് ബാധിത മേഖലകളിലും വിദേശത്തുനിന്നെത്തിയവരോടും കാണിക്കുന്ന വിവേചനങ്ങള്‍ക്കെതിരെ ജില്ലാ മെഡിക്കല്‍ ഓഫീസിന്റെ (ആരോഗ്യം)  ആഭിമുഖ്യത്തില്‍ വീഡിയോ സ്റ്റോറി മത്സരം സംഘടിപ്പിക്കുന്നു. വീഡിയോ സ്റ്റോറികള്‍ക്ക് രണ്ടു മിനിറ്റില്‍ കൂടുതല്‍ ദൈര്‍ഘ്യംഉണ്ടാവരുത്. 120 എം.ബി.യില്‍ കൂടരുത്. മൊബൈല്‍ ഫോര്‍മാറ്റിലുള്ളതായിരിക്കണം. ടൈറ്റില്‍ തയ്യാറാക്കിയവരുടെ പേര് എന്നിവ ഉണ്ടായിരിക്കണം.

എറണാകുളം : ഇൻഷുറൻസ് മെഡിക്കൽ സർവീസ് , ഇന്ത്യൻ സിസ്റ്റം ഓഫ് മെഡിസിൻ,  ആയുർവേദ കോളേജ് എന്നീ വകുപ്പുകളിലേക്ക് ഫാർമസിസ്റ്റ് ഗ്രേഡ് 2 ആയുർവേദ എൻസിഎ - വിശ്വകർമ്മ  തസ്തികയുടെ ഇൻറർവ്യൂ 2020 ജൂലൈ എട്ടിന് എറണാകുളം ജില്ലാ പിഎസ് സി ഓഫീസിൽ നടക്കും. കോവിഡ് 19 രോഗവ്യാപനം നിലനിൽക്കുന്നതിനാൽ ഗവൺമെന്റ് അനുശാസിക്കുന്ന സുരക്ഷാ മാനദണ്ഡങ്ങൾ പാലിച്ചു മാത്രമേ അഭിമുഖത്തിൽ  പങ്കെടുക്കാവൂ. അഭിമുഖ മെമ്മോ പ്രൊഫൈലിൽ ലഭ്യമാണ്.   മെമ്മോ ലഭിക്കാത്ത ഉദ്യോഗാർഥികൾ 0484 2314500 എന്ന നമ്പറിൽ ബന്ധപ്പെടുക

എറണാകുളം : കണ്ടെയ്ൻമെൻ്റ്  സോണുകളിലുള്ള  ഡിഎഡ്, ഡിഎൽഡ് പരീക്ഷാകേന്ദ്രങ്ങൾ മാറ്റി . ജൂലൈ 6 മുതൽ 15 വരെ നടത്തുന്ന  പരീക്ഷാ കേന്ദ്രങ്ങളാണ് മാറ്റിയത്

ബിവിഎച്ച്എസ് നായരമ്പലം,
സെൻ്റ് ആൽബർട്ട്സ് എറണാകുളം, സെൻ്റ് മേരീസ് എച്ച് എസ് എറണാകുളം, ഒഎൽസിജിഎച്ച്എസ് പള്ളുരുത്തി
എന്നീ പരീക്ഷാകേന്ദ്രങ്ങൾക്ക് പകരം യഥാക്രമം ഗവ. ഹൈസ്കൂൾ ഞാറക്കൽ, സെൻ്റ്  ആൻ്റണീസ് എച്ച് എസ്  കച്ചേരിപ്പടി , എസ്ഡിപിവൈബി എച്ച് എസ് പുല്ലേപ്പടി എന്നിവയാണ് പുതിയ പരീക്ഷാകേന്ദ്രങ്ങൾ എന്ന് ജില്ലാ വിദ്യാഭ്യാസ ഓഫീസർ അറിയിച്ചു.

എറണാകുളം: ലോക്ക് ഡൗണ്‍ ഇളവുകള്‍ പ്രഖ്യാപിച്ച സാഹചര്യത്തില്‍ അന്തര്‍ ജില്ല പൊതു ഗതാഗതം സര്‍ക്കാര്‍ അനുവദിച്ചിട്ടുണ്ട്. പൊതു ഗതാഗത സംവിധാനമുപയോഗിച്ച് യാത്ര ചെയ്യുമ്പോള്‍ കോവിഡ് 19 പടരാതിരിക്കാനുള്ള നിര്‍ദേശങ്ങള്‍ കര്‍ശനമായി പാലിക്കണമെന്ന് ജില്ല ദുരന്ത നിവാരണ അതോറിറ്റി ചെയര്‍മാന്‍ കൂടിയായ കളക്ടര്‍ ഉത്തരവിട്ടു.
*പൊതു ഗതാഗത സംവിധാനത്തില്‍ പ്രവര്‍ത്തിക്കുന്ന എല്ലാ ഡ്രൈവര്‍മാരും മാസ്ക് നിര്‍ബന്ധമായി ധരിക്കണം
*പൊതു ഗതാഗത സംവിധാനത്തിലെ കണ്ടക്ടര്‍മാര്‍ മാസ്ക്, ഫെയിസ് ഷീള്‍ഡ്, ഗ്ലൗസ് എന്നിവ നിര്‍ബന്ധമായി ധരിക്കണം.
*വാഹനങ്ങള്‍ എല്ലാ ദിവസവും അണുവിമുക്തമാക്കണം