•       ജില്ലയിൽ ഇന്ന്   10 പേർക്ക്  രോഗം സ്ഥിരീകരിച്ചു.

ജില്ലയില്‍ ജൂലൈ അവസാനവാരത്തോടെയും ഓഗസ്റ്റ്  ആദ്യവാരത്തോടെയും 24 മണിക്കൂറില്‍ 20 മുതല്‍ 30 സെന്റീമീറ്റര്‍ മഴ ലഭിക്കാന്‍ സാധ്യതയുണ്ടെന്ന് ജില്ലാ കലക്ടര്‍ ഡി. ബാലമുരളി കലക്ടറേറ്റ് കോണ്‍ഫറന്‍സ് ഹാളില്‍ നടന്ന സൂം മീറ്റിംഗില്‍ അറിയിച്ചു. കോവിഡ് 19 ന്റെ പശ്ചാത്തലത്തില്‍ മഴ മുന്നില്‍ കണ്ട്  വേണ്ട നടപടികളെടുക്കേണ്ടതുണ്ടെന്ന് ജില്ലാ കലക്ടര്‍ യോഗത്തില്‍ അറിയിച്ചു. അതോടൊപ്പം എം.ജി.എന്‍.ആര്‍.ഇ.ജി.എസ് ആക്ഷന്‍ പ്ലാനിലുള്‍പ്പെടുത്തി വിവിധ തദ്ദേശസ്വയംഭരണ സ്ഥാപനങ്ങള്‍ അതത് പരിധിയിലെ തോടുകളുടെ പണി പൂര്‍ത്തിയാക്കിയിട്ടുണ്ട്.

എറണാകുളം : എറണാകുളം മാർക്കറ്റിലെ വ്യാപാരികൾക്ക് കോവിഡ് സ്ഥിരീകരിച്ച സാഹചര്യത്തിൽ സെന്റ്. ഫ്രാൻസിസ്  കത്തീഡ്രൽ മുതൽ പ്രസ്സ് ക്ലബ്‌ റോഡ് വരെയുള്ള എറണാകുളം മാർക്കറ്റിന്റെ ഭാഗങ്ങൾ അടക്കാൻ കളക്ടർ എസ്. സുഹാസിന്റെ  അധ്യക്ഷതയിൽ ചേർന്ന യോഗത്തിൽ തീരുമാനമായി.

മുൻപ് രോഗം സ്ഥിരീകരിച്ച ഇലക്ട്രിക്കൽ സ്ഥാപനത്തിലെ ജോലിക്കാരന്റെ സഹപ്രവർത്തകർക്കാണ് ഇന്ന് രോഗം സ്ഥിരീകരിച്ചത്. രോഗം സ്ഥിരീകരിച്ചവരുടെ പ്രാഥമിക സമ്പർക്കത്തിലുള്ള ആളുകളെ ആരോഗ്യ വകുപ്പ് നിരീക്ഷണത്തിൽ ആക്കിയിട്ടുണ്ട്. അവർ ജോലി ചെയ്തിരുന്ന വ്യാപാര സ്ഥാപനങ്ങൾ ആരോഗ്യ വകുപ്പിന്റെ നിർദേശത്തെ തുടർന്ന് അടച്ചു.

 ഓണ്‍ലൈന്‍ പഠന സൗകര്യമില്ലാത്ത വിദ്യാര്‍ഥികള്‍ക്കുള്ള ടെലിവിഷന്‍ വിതരണതിന്റെ  മൂന്നാം ഘട്ടത്തില്‍ ജില്ലാ വ്യവസായ വകുപ്പ് 47 ടെലിവിഷന്‍ സെറ്റുകള്‍ വിതരണം ചെയ്തു. ഇതോടെ വ്യവസായവകുപ്പ് 274 ടെലിവിഷനുകളാണ് ജില്ലയില്‍ വിതരണം ചെയ്തത്. ജില്ലാ വ്യവസായ കേന്ദ്രം ജനറല്‍ മാനേജര്‍ ജി. രാജമോഹന്‍,  ജില്ലാ വിദ്യാഭ്യാസ ഉപഡയറക്ടര്‍ കെ. കൃഷ്ണന്  ടി.വി കൈമാറി. 

പാലക്കാട് ലാന്റ് അക്വിസിഷന്‍ (ജനറല്‍)-1 സ്‌പെഷല്‍ തഹസില്‍ദാരുടെ കാര്യാലയത്തിലേയ്ക്ക് ഏഴ് സീറ്റുള്ള വാഹനം മാസവാടകാടിസ്ഥാനത്തില്‍ ് എടുക്കുന്നതിന് ദര്‍ഘാസ് ക്ഷണിച്ചു. താത്പര്യമുള്ള വ്യക്തികള്‍ ജൂലൈ 15 ന് മുന്‍പ് പാലക്കാട് എല്‍.എ(ജനറല്‍)-1 സ്പെഷല്‍ തഹസില്‍ദാരുടെ കാര്യാലയവുമായി ബന്ധപ്പെടണമെന്ന്  സ്‌പെഷല്‍ തഹസില്‍ദാര്‍ അറിയിച്ചു. ഫോണ്‍: 0491-2505002

എറണാകുളം: കോവിഡ് പ്രതിസന്ധികൾക്കിടയിലും എസ്.എസ്.എൽ.സി പരീക്ഷയിൽ മികച്ച വിജയം നേടി ജില്ലയിലെ വിദ്യാർത്ഥികൾ. 99.32 ശതമാനം വിജയം നേടി ജില്ല സംസ്ഥാനത്ത് നാലാമത് സ്ഥാനം നേടി. പത്തനം തിട്ട ( 99.71), ആലപ്പുഴ (99.57), കോട്ടയം (99.38) ജില്ലകൾക്കാണ് വിജയ ശതമാനത്തിൽ ഒന്നും രണ്ടും മൂന്നും സ്ഥാനങ്ങൾ. എറണാകുളം ജില്ലയിൽ പരീക്ഷ യെഴുതിയ 31440 വിദ്യാർത്ഥികളിൽ 31,226 വിദ്യാർത്ഥികൾ ഉയർന്ന വിദ്യാഭ്യാസത്തിന് അർഹത നേടി.

കൊച്ചി: എറണാകുളം ഗവ:ലോ കോളേജില്‍ നിയമ വിഷയത്തില്‍ രണ്ട് ഗസ്റ്റ് അദ്ധ്യാപക ഒഴിവുണ്ട്. യു.ജി.സി മാനദണ്ഡമനുസരിച്ച് നിശ്ചിത യോഗ്യതയുളള ഉദ്യോഗാര്‍ഥികള്‍ക്ക് അപേക്ഷിക്കാം. ഉദ്യോഗാര്‍ഥികള്‍ നിയമനത്തിന് പരിഗണിക്കുന്നതിന് വിശദമായ ബയോഡാറ്റയും, ആധാര്‍ കാര്‍ഡ്, വിദ്യാഭ്യാസ യോഗ്യത, പ്രവൃത്തി പരിചയം, വയസ് എന്നിവ തെളിയിക്കുന്ന സര്‍ട്ടിഫിക്കറ്റുകളും അവയറുടെ ഓരോ പകര്‍പ്പും സഹിതം ജൂലൈ ഏഴിന് രാവിലെ 11-ന് പ്രിന്‍സിപ്പാള്‍ മുമ്പാകെ ഇന്റര്‍വ്യൂവിന് ഹാജരാകണം.