പനമരം ഗ്രാമപഞ്ചായത്തിലെ പരക്കുനി കോളനി ജില്ലാ കലക്ടര്‍ ഡോ.അദീല അബ്ദുളള സന്ദര്‍ശിച്ചു. കോളനിയിലെ അടിസ്ഥാന സൗകര്യങ്ങളും താമസക്കാരുടെ സുരക്ഷ ക്രമീകരണങ്ങളും വിലയിരുത്തതിന്റെ ഭാഗമായാണ് സന്ദര്‍ശനം. കോവിഡ് പശ്ചാത്തലത്തില്‍ ഇവരുടെ സുരക്ഷയുമായി ബന്ധപ്പെട്ട് സ്വീകരിക്കേണ്ട മുന്‍കരുതലുകളെക്കുറിച്ച് ഉദ്യോഗസ്ഥര്‍ക്ക് നിര്‍ദേശങ്ങള്‍ നല്‍കി.

  സ്‌കൂള്‍ ഉച്ചഭക്ഷണ പദ്ധതിയില്‍  ഉള്‍പ്പെട്ട കുട്ടികള്‍ക്കുള്ള  പൊതു വിദ്യാഭ്യാസ വകുപ്പിന്റെ ഭക്ഷ്യ കിറ്റ് വിതരണം ജില്ലയില്‍ തുടങ്ങി. ജില്ലയിലെ 85,772 വിദ്യാര്‍ത്ഥികള്‍ക്കാണ് സപ്ലൈകോ വഴി കിറ്റുകള്‍ വിതരണം ചെയ്യുന്നത്. 

കോവിഡുമായി ബന്ധപ്പെട്ട് ജില്ലയില്‍ ഇന്ന് (11.07.20) പുതുതായി നിരീക്ഷണത്തിലായത് 268 പേര്‍. 275 പേര്‍ നിരീക്ഷണ കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 3578 പേര്‍.

ജില്ലയില്‍ നിന്ന് ഇതുവരെ പരിശോധനയ്ക്കയച്ച 3892 സാമ്പിളുകളില്‍ 3259 പേരുടെ ഫലം ലഭിച്ചു. ഇതില്‍ 3173 നെഗറ്റീവും 86 പോസിറ്റീവുമാണ്. 628 സാമ്പിളുകളുടെ ഫലം ലഭിക്കാനുണ്ട്. ഇതുകൂടാതെ സാമൂഹ്യ വ്യാപനം  പരിശോധിക്കുന്നതിന്റെ ഭാഗമായി ജില്ലയില്‍ നിന്ന് ആകെ 6436 സാമ്പിളുകള്‍ പരിശോധനയ്ക്കയച്ചതില്‍ ഫലം ലഭിച്ച 5366 ല്‍ 5300 നെഗറ്റീവും 66 പോസിറ്റീവുമാണ്. 

വയനാട് ജില്ലയില്‍ ഇന്ന് (11.07.20) 11 പേര്‍ക്കു കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍ രേണുക അറിയിച്ചു. മൂന്ന് പേര്‍ വിദേശത്ത് നിന്നും ഏഴ് പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. ഒരാള്‍ ആരോഗ്യ പ്രവര്‍ത്തകനാണ്.

രോഗം സ്ഥിരീകരിച്ചവര്‍:

*

നിലവില്‍ വിദേശത്ത് നിന്നു വരുന്നവരെ ജില്ലാ ഭരണകൂടത്തിന്റെ നേതൃത്വത്തിലാണ് ക്വാറന്റീന്‍ ചെയ്ത് വരുന്നത്. എന്നാല്‍ ഇത്തരത്തില്‍ ക്വാറന്റീന്‍ ചെയ്യുന്നതിന് പ്രായോഗിക ബുദ്ധിമുട്ടുകള്‍ നേരിടുന്നതിനാല്‍, ഇനിമുതല്‍ വിദേശത്ത് നിന്ന് വരുന്നവര്‍ക്ക് അതത് തദ്ദേശ സ്വയംഭരണ സ്ഥാപനങ്ങള്‍ സൗകര്യം ഒരുക്കി നല്‍കണം. 

ജില്ലയിലെ എല്ലാ വ്യാപാര സ്ഥാപനങ്ങളിലും സന്ദര്‍ശകരുടെ പേര് വിവരം അടങ്ങുന്ന രജിസ്റ്റര്‍ സൂക്ഷിക്കേണ്ടതാണ്.  ഇത്തരത്തില്‍ രജിസ്റ്റര്‍ സൂക്ഷിക്കാത്ത സ്ഥാപനങ്ങള്‍ക്കെതിരെ കര്‍ശന നടപടികള്‍ സ്വീകരിക്കുന്നതാണ്. അതത് തഹസില്‍ദാരുടെ നേതൃത്വത്തില്‍ താലുക്കുകളിലെ കടകള്‍ പരിശോധിക്കുന്നതിന് സ്‌പെഷ്യല്‍ സ്‌ക്വാഡുകളെ നിയമിക്കും.