കെട്ടിട നിര്‍മ്മാണത്തൊഴിലാളി ക്ഷേമനിധി ബോര്‍ഡില്‍ രണ്ടിലധികം തവണ അംശാദായം കുടിശ്ശിക വരുത്തി അംഗത്വം നഷ്ടപ്പെട്ടവര്‍ക്ക് കുടിശ്ശിക ഒടുക്കി അംഗത്വം പുന:സ്ഥാപിക്കാനുളള തീയതി ആഗസ്റ്റ് 31 വരെ നീട്ടി. അംഗത്വം നഷ്ടപ്പെട്ട അംഗതൊഴിലാളികള്‍ അംഗത്വം പുന:സ്ഥാപിക്കുന്നതിന് ജില്ലാ ഓഫീസുമായി ബന്ധപ്പെട്ട് ഉത്തരവ് കൈപ്പറ്റണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ : 0491-2546873.

ജില്ലയിലെ ഗ്രാമപഞ്ചായത്തുകളില്‍ നടപ്പാക്കുന്ന ജലജീവന്‍മിഷന്‍ പദ്ധതിയുടെ നിര്‍വ്വഹണം-ഏകോപനം സംബന്ധിച്ച അവതരണം പാലക്കാട് കലക്ടറേറ്റ് കോണ്‍ഫറന്‍സ് ഹാളില്‍ ജൂലൈആറിന് രാവിലെ 10.30 ന് ജലവിഭവവകുപ്പ് മന്ത്രി കെ.കൃഷ്ണന്‍കുട്ടിയുടെ സാന്നിദ്ധ്യത്തില്‍ നടക്കുമെന്ന് സൂപ്രണ്ടിംഗ് എഞ്ചിനീയര്‍ അറിയിച്ചു.

കോവിഡ് 19 രോഗവ്യാപനം തടയുന്നതിനുള്ള ർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  9) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 15 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 125 പ്രതികൾക്കെതിരെ കേസ് രജിസ്റ്റർ ചെയ്തിട്ടുള്ളത്. 30 പേരെ അറസ്റ്റ് ചെയ്തു. 5 വാഹനങ്ങളും  പിടിച്ചെടുത്തു. സർക്കാർ നിർദ്ദേശങ്ങൾ പാലിക്കാതെ സമരങ്ങളും പ്രക്ഷോഭങ്ങളും നടത്തിയതിനാണ് നൂറിലധികം പേർക്കെതിരെ കേസ് രജിസ്റ്റർ ചെയ്തിട്ടുള്ളത്.  

 *മാസ്ക് ധരിക്കാത്ത 258 പേർക്കെതിരെ കേസ്* 

 ജില്ലയിലെ വില്ലേജ് ഓഫീസ്  സേവനങ്ങൾ ഇനിമുതൽ  ഓൺലൈനിലും ലഭ്യമാകുമെന്ന് ജില്ലാ കലക്ടർ അറിയിച്ചു. വില്ലേജ് ഓഫീസുകളിൽ സന്ദർശകർ ക്രമാതീതമായി കൂടുന്ന സാഹചര്യത്തിലാണ് പരമാവധി സേവനങ്ങൾ  ഓൺലൈനാക്കുന്നത്.  വില്ലേജ് ഓഫീസിൽ നിന്നുളള സർട്ടിഫിക്കറ്റുകൾക്കുള്ള അപേക്ഷ അക്ഷയകേന്ദ്രത്തിൽ സമർപ്പിക്കാവുന്നതാണ്. വില്ലേജ് ഓഫീസർ അംഗീകരിച്ച്  തിരിച്ചയക്കുന്നതിനനുസരിച്ച് അപേക്ഷകന് എസ്.എം.എസ്. ലഭിക്കും. തുടർന്ന് അക്ഷയ കേന്ദ്രങ്ങളിൽ നിന്ന് പ്രിന്റ് എടുക്കാം. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 224 പേരാണ് ചികിത്സയിലുള്ളത്.  ഇന്ന് (ജൂലായ് 9) ജില്ലയില്‍ 50 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 37 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 24269 സാമ്പിളുകള്‍ പരിശോധനയ്ക്കായി അയച്ചതില്‍ 21414 പരിശോധനാ ഫലങ്ങളാണ് ലഭ്യമായത്. ഇന്ന് 489 പരിശോധനാ ഫലങ്ങളാണ് ലഭിച്ചത്. പുതുതായി 481 സാമ്പിളുകളും അയച്ചു. 722 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 496 പേർ രോഗമുക്തി നേടി. ഇനി 2855 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

*17 അതിഥി തൊഴിലാളികൾക്കും രോഗബാധ*

പാലക്കാട് ജില്ലയിൽ ഇന്ന്(ജൂലൈ ഒൻപത്) 11കാരിക്ക് ഉൾപ്പെടെ 50 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. രോഗം സ്ഥിരീകരിച്ചവരിൽ 17 പേർ അതിഥി തൊഴിലാളികളാണ്. കൂടാതെ രണ്ടു പേർ ഇടുക്കി ജില്ലയിലാണ് ചികിത്സയിലുള്ളത്.  ജില്ലയിൽ 17 പേർക്ക് രോഗമുക്തിയുള്ളതായും  അധികൃതർ അറിയിച്ചിട്ടുണ്ട്.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

*സൗദി-9*
കുമരം പുത്തൂർ സ്വദേശി (26 പുരുഷൻ)

 യാക്കര സ്വദേശി (50 പുരുഷൻ)

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  8) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 14 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 13 പേരെ അറസ്റ്റ് ചെയ്തു. നാലു വാഹനങ്ങളും  പിടിച്ചെടുത്തു.  

 *മാസ്ക് ധരിക്കാത്ത 206 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 206 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കള്ളാടിപ്പറ്റ ഗവ.എൽ.പി സ്കൂളിൽ പുതിയ കെട്ടിടത്തിന്റെ നിർമ്മാണം ആരംഭിച്ചു.  മുഹമ്മദ് മുഹ്സിൻ എം.എൽ.എയുടെ ആസ്തി വികസന ഫണ്ടിൽ നിന്നും 99 ലക്ഷം രൂപ അനുവദിച്ചാണ് കെട്ടിടം പണിയുന്നത്. ആറ് ക്ലാസ് മുറികളും ഓഡിറ്റോറിയവും ഉൾപ്പെടെ മൂന്ന് നിലകളിലായാണ് പുതിയ കെട്ടിടം പണിയുക. കെട്ടിടത്തിന്റെ ശിലാസ്ഥാപനം മുഹമ്മദ് മുഹ്സിൻ എം.എൽ.എ  നിർവഹിച്ചു. ഓങ്ങല്ലൂർ പഞ്ചായത്ത് പ്രസിഡന്റ് ജിഷാർ പറമ്പിൽ അദ്ധ്യക്ഷനായി.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 193 പേരാണ് ചികിത്സയിലുള്ളത്.  ഇന്ന് (ജൂലായ് 8) ജില്ലയില്‍ 25 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 35 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 23788 സാമ്പിളുകള്‍ പരിശോധനയ്ക്കായി അയച്ചതില്‍ 20925 പരിശോധനാ ഫലങ്ങളാണ് ലഭ്യമായത്. ഇന്ന് 552 പരിശോധനാ ഫലങ്ങളാണ് ലഭിച്ചത്. പുതുതായി 831 സാമ്പിളുകളും അയച്ചു. 675 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 479 പേർ രോഗമുക്തി നേടി. ഇനി 2863 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.