എറണാകുളം: ജില്ലയില്‍ ഓട്ടോറിക്ഷ യാത്രക്കാരില്‍ നിന്നും കൂടുതല്‍ ചാര്‍ജ്ജ് ഈടാക്കുന്നുവെന്ന പരാതി വ്യാപകമായതിനെ  തുടര്‍ന്ന് എറണാകുളം ആര്‍.ടി.ഒയുടെ പരിധിയില്‍ വരുന്ന ഓട്ടോറിക്ഷകളില്‍ ജൂലൈ ഒന്നു മുതല്‍ ഓട്ടോ ഫെയര്‍ ചാര്‍ട്ട് പ്രദര്‍ശിപ്പിക്കണമെന്നും മീറ്റര്‍ പ്രവര്‍ത്തിക്കണമെന്നും ആര്‍.ടി.ഒ നിര്‍ദേശം നല്‍കി. ഈ നിര്‍ദേശങ്ങള്‍ കൃത്യമായി പാലിക്കാത്തവര്‍ക്കെതിരെ കര്‍ശന നടപടി സ്വീകരിക്കും. ഓട്ടോഫെയര്‍ ചാര്‍ട്ടിന്റെ കോപ്പി മോട്ടോര്‍ വാഹന വകുപ്പിന്റെ വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാന്‍ സാധിക്കും

എറണാകുളം: സ്മാർട്ട് ഫോണോ കമ്പ്യൂട്ടറോ ഇല്ലാത്തതിനാൽ ഓൺലൈൻ ക്ലാസുകളിൽ പങ്കെടുക്കാൻ കഴിയുന്നില്ലെന്ന സ്നേഹയുടെ പരാതിക്ക് ദിവസങ്ങൾക്കുള്ളിൽ പരിഹാരം കാണുകയായിരുന്നു കളക്ടർ എസ്.സുഹാസ്. സ്നേഹക്കും സഹോദരങ്ങൾക്കും പഠിക്കാനായി ലാപ്ടോപാണ് ജില്ലാ കളക്ടർ നൽകിയത്. സഫലം പരാതി പരിഹാര അദാലത്തിലൂടെ പരാതി അറിയിച്ച സ്നേഹക്ക് , പരിഹാരം കാണാം എന്ന മറുപടിയാണ് ആദ്യം നൽകിയത്. 

•       ജില്ലയിൽ ഇന്ന് 14 പേർക്ക് കൂടി കോവിഡ് സ്ഥിരീകരിച്ചു.

എറണാകുളം: മൂലമ്പിള്ളി - പിഴല പാലം മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. കോവിഡ് പശ്ചാത്തലത്തിൽ ഓൺലൈനിൽ ഓഗ്‌മെന്റഡ് റിയാലിറ്റി സംവിധാനത്തിലൂടെയാണ്  ഉദ്ഘാടനചടങ്ങ്  സംഘടിപ്പിച്ചത്. തദ്ദേശ സ്വയംഭരണ വകുപ്പ് മന്ത്രി എ. സി മൊയ്തീൻ അദ്ധ്യക്ഷത വഹിച്ച ചടങ്ങിൽ ഹൈബി ഈഡൻ എം.പി, എസ്. ശർമ എം.എൽ.എ, ജില്ലാ കളക്ടർ എസ്. സുഹാസ്, കടമക്കുടി ഗ്രാമപഞ്ചായത്ത് പ്രസിഡന്റ് ശാലിനി ബാബു എന്നിവർ പ്രസംഗിച്ചു. മുഖ്യമന്ത്രിയുടെയും ജില്ലാ കളക്ടറുടെയും എസ്. ശർമ എം.എൽ.എയുടെയും ഫെയ്സ്ബുക്ക് പേജുകളിൽ ചടങ്ങിന്റെ തത്സമയ സംപ്രേക്ഷണം ഉണ്ടായിരുന്നു.

•       ജില്ലയിൽ ഇന്ന് 3 പേർക്ക് കൂടി കോവിഡ് സ്ഥിരീകരിച്ചു.

•       ജൂൺ 5 ന് ജിബൂട്ടി-കൊച്ചി വിമാനത്തിലെത്തിയ 49 വയസുള്ള തമ്മനം സ്വദേശി, ജൂൺ 11 ന് കുവൈറ്റ്-കൊച്ചി വിമാനത്തിലെത്തിയ 22 വയസുള്ള എളമക്കര സ്വദേശി എന്നിവർക്കും ജൂൺ 18 ന് കോവിഡ് സ്ഥിരീകരിച്ച പോലീസ് ഉദ്യോഗസ്ഥനുമായി സമ്പർക്കത്തിൽ വന്ന 38 വയസുള്ള വെങ്ങോല സ്വദേശിയായ പോലീസ് ഉദ്യോഗസ്ഥനും രോഗം സ്ഥിരീകരിച്ചു.

•       ജൂൺ 8 ന് രോഗം സ്ഥിരീകരിച്ച 35 വയസുള്ള എടത്തല  സ്വദേശിനി ഇന്ന് രോഗമുക്തി നേടി.

•       ജില്ലയിൽ ഇന്ന് 11 പേർക്ക് കൂടി കോവിഡ് സ്ഥിരീകരിച്ചു.

എറണാകുളം: പള്ളുരുത്തി ബ്ലോക്ക് പഞ്ചായത്തിൻ്റെ ആഭിമുഖ്യത്തിൽ കുമ്പളങ്ങി, ചെല്ലാനം പഞ്ചായത്തുകളിലെ പൊക്കാളി കർഷകരുടെ യോഗം ചേർന്നു. ബ്ലോക്ക് പഞ്ചായത്ത് പ്രസിഡൻ്റ് പി.എസ് ജോർജ് യോഗം ഉദ്ഘാടനം ചെയ്തു. മുഖ്യമന്ത്രി പിണറായി വിജയൻ പ്രഖ്യാപിച്ച സുഭിക്ഷ കേരളം പദ്ധതിയിൽപ്പെടുത്തി ഈ മേഖലയിലെ ലക്ഷ്യങ്ങളും പ്രശ്നങ്ങളും ചർച്ച ചെയ്തു. പാടശേഖര സമിതികൾ അവർ നേരിടുന്ന പ്രശ്നങ്ങൾ യോഗത്തിൽ ഉന്നയിച്ചു. ഇപ്പോഴത്തെ സാഹചര്യത്തിൽ ഭക്ഷ്യ ഉത്പാദനം  വർധിപ്പിക്കേണ്ടതിൻ്റെ ആവശ്യകത കർഷകരെ ഓർമ്മിപ്പിച്ചു.

എറണാകുളം: വിമാന സര്‍വീസുകള്‍ വര്‍ധിച്ച സാഹചര്യത്തില്‍ നെടുമ്പാശ്ശേരി വിമാനത്താവളത്തില്‍ കൂടുതല്‍ ഡബിള്‍ ചേംബര്‍ ടാക്‌സികള്‍ സജ്ജമാക്കണമെന്ന് മന്ത്രി വി.എസ് സുനില്‍കുമാര്‍ നിര്‍ദേശം നല്‍കി. കോവിഡ് പ്രതിരോധ പ്രവര്‍ത്തനങ്ങള്‍ വിലയിരുത്താന്‍ ചേര്‍ന്ന ജില്ല തല അവലോകന യോഗത്തിലാണ് മന്ത്രി നിര്‍ദേശം നല്‍കിയത്. 

വിതരണോദ്ഘാടനം മന്ത്രി നിർവഹിക്കും

എറണാകുളം: ബാംബൂ കോർപ്പറേഷൻ നിർമ്മിക്കുന്ന
 പരിസ്ഥിതി സൗഹൃദ ഉത്പന്നങ്ങളായ
ബാംബൂ കോമ്പോസിറ്റ് നീം ടൈൽ, ബാംബൂ ഓട്ടോമാറ്റിക് ഹാൻഡ് സാനിറ്റൈസർ ഡിസ്പെൻസർ എന്നിവയുടെ വിപണനോദ്ഘാടനം  വ്യവസായ വകുപ്പ് മന്ത്രി  ഇ.പി. ജയരാജൻ ജൂൺ 22ന് വൈകിട്ട് 4 മണിക്ക് ആലുവ ഗസ്റ്റ് ഹൗസിൽ നിർവഹിക്കും. അൻവർ സാദത്ത് എം.എൽ.എ അധ്യക്ഷത വ ഹിക്കും.

എറണാകുളം: പ്രകൃതി ദുരന്തങ്ങളുടെ അടിയന്തര സാഹചര്യങ്ങളെ നേരിടാൻ ജില്ല പൂർണ്ണ സജ്ജമായി. ഓരോ പ്രദേശത്തെയും ദുരന്ത സാഹചര്യങ്ങളുടെ മാതൃക സൃഷ്ടിച്ച് തയാറെടുപ്പുകൾ അവലോകനം ചെയ്യുന്ന മോക് ഡ്രില്ലുകൾ ജില്ലയിൽ പൂർത്തിയായി. താലൂക്ക് അടിസ്ഥാനത്തിലായിരുന്നു മോക്ഡ്രില്ലുകൾ സംഘടിപ്പിച്ചത്. ഏഴ് താലൂക്കുകളിലും ഇൻസിഡൻറ് റെസ്പോൺസ് സിസ്റ്റത്തിൻ്റെ പ്രവർത്തനങ്ങളും സജീവമായി.