എറണാകുളം: കോവിഡ് പശ്ചാത്തലത്തിൽ ആരംഭിച്ച ഓൺലൈൻ ക്ലാസുകൾ ഫസ്റ്റ് ബെൽ മുഴുവൻ വിദ്യാർത്ഥികളിലേക്കും എത്തിച്ച് എറണാകുളം ജില്ല. ജില്ലയിലെ മുഴുവൻ സ്കൂൾ വിദ്യാർത്ഥികളും പല മാധ്യമങ്ങളിലൂടെ ക്ലാസുകളിൽ പങ്കെടുക്കുന്നതായി ജില്ലാ വിദ്യാഭ്യാസ വകുപ്പ് അറിയിച്ചു. ഓരോ വിദ്യാലയങ്ങളിലെയും പ്രധാന അധ്യാപകരുടെ വിശകലന റിപ്പോർട്ടിൽ പഠനോപാധികളില്ല എന്ന പരാതി കഴിഞ്ഞ രണ്ടാഴ്ചയായി പൂജ്യത്തിലാണ്.

കേരള സംസ്ഥാന കളിമണ്‍പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍ കളിമണ്‍ഉല്പന്ന നിര്‍മ്മാണം കുലത്തൊഴിലായി സ്ഥീകരിച്ചിട്ടുള്ള സമുദായത്തില്‍ ഉള്‍പ്പെട്ട വ്യക്തികള്‍ക്ക് നിലവിലെ സംരംഭങ്ങളുടെ ആധുനികവല്‍ക്കരണത്തിനും നൂതന സംരംഭങ്ങള്‍ ആരംഭിക്കുന്നതിനും വായ്പ നല്‍കുന്നു. വായ്പ തുക പരമാവധി 2 ലക്ഷം രൂപയും പലിശ നിരക്ക് 6%വും തിരിച്ചടവ് കാലാവധി 60 മാസവും ആയിരിക്കും. ജാമ്യ വ്യവസ്ഥകള്‍ ബാധകമാണ്.

മഴക്കാലം ആരംഭിച്ചതിനാൽ പനി, ചുമ, ജലദോഷം തുടങ്ങിയ രോഗലക്ഷണങ്ങൾ കൂടുതലായി കണ്ടുവരുന്നുണ്ട്. കോ വിഡ് പകർച്ച വ്യാധി കൂടുതലായി പടർന്നു പിടിച്ച സാഹചര്യത്തിൽ കോവിഡ് പകർച്ചവ്യാധിയോട് സമാനമായ രോഗലക്ഷണങ്ങൾ ഉള്ളവർ നിർബന്ധമായും വീടുകളിൽ തന്നെ കഴിയേണ്ടതാണ്.അത്തരക്കാർ വീടുകളിൽ നിന്നും പുറത്തിറങ്ങി മറ്റുള്ളവരുമായി സമ്പർക്കം പുലർത്തുകയോ  ആശുപത്രികളിൽ നേരിട്ട് ചികിത്സ തേടുകയോ ചെയ്യുന്നത് രോഗവ്യാപനത്തിന്റെ വേഗതയും എണ്ണവും കൂടുന്നതിന് ഇടയാക്കുകയും സമൂഹ വ്യാപനത്തിന് കാരണമാവുകയും ചെയ്യുന്നതാണ്.ആയതിനാൽ മേൽ പറഞ്ഞ രോഗലക്ഷണങ്ങൾ ഉള്ളവർ പ്രദേശത്തെ

എറണാകുളം: മറ്റൊരാളുടെ സഹായമില്ലാതെ ശരീരോഷ്മാവ് അളക്കുന്നതിനും സ്പര്‍ശനമില്ലാതെ കൈകൾ അണുവിമുക്തമാക്കുന്നതിനും സന്ദര്‍ശകരുടെ എണ്ണം അറിയുന്നതിനുമുള്ള സംവിധാനം സിവില്‍സ്റ്റേഷനില്‍ സ്ഥാപിച്ചു. പനമ്പിള്ളി നഗറില്‍ പ്രവര്‍ത്തിക്കുന്ന വോൾട്ടക് ഇന്‍ഡസ്ട്രീസാണ് ഉപകരണം നിര്‍മ്മിച്ചത്. ഉപകരണത്തിന് മുന്നിലെത്തി  കൈ നീട്ടിയാല്‍ ശരീരോഷ്മാവ് അളക്കുകയും സ്‌ക്രീനില്‍ പ്രദര്‍ശിപ്പിക്കുകയും ചെയ്യും.

പട്ടികജാതി വികസനവകുപ്പിന്റെ കീഴില്‍ ആലുവ, കീഴ്മാട് പ്രവര്‍ത്തിക്കുന്ന ഗവ. മോഡല്‍ റസിഡന്‍ഷ്യല്‍ സ്‌കൂളില്‍ അഞ്ച് മുതല്‍ എട്ട് വരെയുള്ള ക്ലാസുകളില്‍ നിലവിലുള്ള ഒഴിവുകളിലേക്ക് അപേക്ഷ ക്ഷണിച്ചു. ആണ്‍കുട്ടികൾക്ക് മാത്രമാണ് പ്രവേശനം.

എറണാകുളം: പ്രളയമുന്നൊരുക്ക പ്രവർത്തനങ്ങളുടെ ഭാഗമായി, വാഴക്കുളം ഗ്രാമപഞ്ചായത്ത്  തയ്യാറാക്കിയ 'നമ്മൾ നമുക്കായ്' കൈപ്പുസ്തകം ജില്ലാ കളക്ടർ എസ്. സുഹാസ് പ്രകാശനം ചെയ്തു. 2018, 2019 വർഷങ്ങളിലെ പ്രളയത്തിന്റെ അനുഭവത്തിൽ നിന്നാണ് പെരിയാറിന്റെ  തീരത്തുള്ള  വാഴക്കുളം പഞ്ചായത്ത് ദുരന്ത സമയത്ത്  സഹായകരമാവുന്ന നിർദ്ദേശങ്ങളും വിവരങ്ങളും ഉൾക്കൊള്ളിച്ച കൈപ്പുസ്തകം തയ്യാറാക്കിയത്.

അബുദാബി, ഷാര്‍ജ,  ദുബായ്,  കുവൈറ്റ്,  റിയാദ് എന്നിവിടങ്ങളില്‍ നിന്നും നെടുമ്പാശ്ശേരി,കരിപ്പൂര്‍, തിരുവനന്തപുരം  അന്താരാഷ്ട്ര വിമാനത്താവളങ്ങളില്‍  ഇന്നലെ (ജൂലൈ 7) ജില്ലയിലെത്തിയത് 24 പാലക്കാട് സ്വദേശികള്‍. ഇവരില്‍ 7 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍  പ്രവേശിച്ചു. 17 പേര്‍ വീടുകളില്‍ നിരീക്ഷണത്തിലാണ്.

അബുദാബി, ഷാര്‍ജ, ദുബായ്, കുവൈറ്റ് എന്നിവിടങ്ങളില്‍ നിന്നും കൊച്ചി അന്താരാഷ്ട്ര വിമാനത്താവളത്തില്‍ എത്തിയ 21 പേരില്‍ 6 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു. 15  പേര്‍ വീടുകളില്‍ നിരീക്ഷണത്തിലാണ്.

കോവിഡ്-19 പ്രതിരോധ പ്രവര്‍ത്തനങ്ങളുമായി ബന്ധപ്പെട്ട് പട്ടികജാതി-പട്ടികവര്‍ഗ്ഗ-പിന്നാക്കക്ഷേമ-നിയമ-സാംസ്‌കാരിക-പാര്‍ലമെന്ററി കാര്യ വകുപ്പ് മന്ത്രി എ.കെ ബാലന്റെ അധ്യക്ഷതയില്‍ ഇന്ന്(ജൂലൈ 9) രാവിലെ 10 ന് കലക്ടറേറ്റില്‍ അവലോകന യോഗം ചേരുമെന്ന് ജില്ലാ കലക്ടര്‍ ഡി.ബാലമുരളി അറിയിച്ചു.