ജില്ലയില്‍ ലീഗല്‍ മെട്രോളജി വകുപ്പ് മെയ്, ജൂണ്‍ മാസങ്ങളില്‍ നടത്തിയ പരിശോധനയില്‍ 167 വ്യാപാര സ്ഥാപനങ്ങള്‍ക്കെതിരെ കേസ് രജിസ്റ്റര്‍ ചെയ്തു. പിഴയിനത്തില്‍ ഏഴര ലക്ഷം രൂപ ഈടാക്കി. മെഡിക്കല്‍ ഷോപ്പുകള്‍, പഴം, പച്ചക്കറി, പലചരക്കു കടകള്‍, സൂപ്പര്‍ മാര്‍ക്കറ്റുകള്‍, ബേക്കറികള്‍ എന്നിവിടങ്ങളിലായിരുന്നു പരിശോധന. 

പായ്ക്കറ്റു സാധനങ്ങളുടെ നിയമാനുസൃതമല്ലാത്ത വില്‍പ്പനയ്ക്കും അമിത വില ഈടാക്കിയതിനും മുദ്ര ചെയ്യാത്ത അളവുതൂക്ക ഉപകരണങ്ങള്‍  ഉപയോഗിച്ചതിനുമാണ് കേസെടുത്തത്. 

കോട്ടയം ജില്ലക്കാരായ 17 പേര്‍ക്കു കൂടി കോവിഡ്  സ്ഥിരീകരിച്ചു. ഇതില്‍ എട്ടു പേര്‍ വിദേശത്തുനിന്നും അഞ്ചു പേര്‍ മറ്റു സംസ്ഥാനങ്ങളില്‍നിന്നും വന്നവരാണ്. ജില്ലയിലെ രണ്ട് ആരോഗ്യ പ്രവര്‍ത്തകരും രോഗബാധിതരില്‍ ഉള്‍പ്പെടുന്നു.

നേരത്തെ രോഗം സ്ഥിരീകരിച്ചവരുടെ ഭാര്യമാരായ രണ്ടു പേര്‍ക്ക് സമ്പര്‍ക്കത്തിലൂടെ രോഗം ബാധിച്ചു.  11 പേര്‍ക്ക് കോവിഡ് ലക്ഷണങ്ങളുണ്ടായിരുന്നു.

കോട്ടയം ജില്ലയില്‍ പുതിയതായി ആറു പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ രണ്ടു പേര്‍ വിദേശത്തുനിന്നും നാലു പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. രണ്ടു പേര്‍ക്ക് രോഗലക്ഷണങ്ങള്‍ ഉണ്ടായിരുന്നു. 

ജില്ലയിലെ വിവിധ സ്‌കൂളുകളില്‍ ഒന്ന് മുതല്‍ 10 വരെ ക്ലാസുകളില്‍ പഠിക്കുന്ന  പട്ടിക വര്‍ഗ വിഭാഗം വിദ്യാര്‍ഥികള്‍ക്ക് ലംപ്‌സം ഗ്രാന്റും ജൂണ്‍ മുതല്‍ ഒക്ടോബര്‍ വരെയുള്ള പ്രതിമാസ സ്റ്റെപന്റും നല്‍കുന്നതിന് നടപടികള്‍ ആരംഭിച്ചു. 

വിദ്യാര്‍ഥികളുടെ വിശദമായ വിവരങ്ങള്‍, സ്‌കൂള്‍ മേധാവിയുടെ ബാങ്ക് പാസ്ബുക്കിന്റെ പകര്‍പ്പ് എന്നിവ ജൂലൈ 30 നകം            സ്‌കൂള്‍ അധികൃതര്‍ ലഭ്യമാക്കണമെന്ന് ഐ.ടി.ഡി. പി. പ്രോജക്ട് ഓഫീസര്‍ അറിയിച്ചു. ഫോണ്‍ : 04828 20 2751

കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്റെ പെന്‍ഷന്‍ അനുവദിക്കപ്പെട്ട തൊഴിലാളികള്‍ അക്ഷയ കേന്ദ്രങ്ങളില്‍ ബയോമെട്രിക് മസ്റ്ററിംഗ് ചെയ്ത് രസീത് കൈപ്പറ്റണമെന്ന് ജില്ലാ               എക്‌സിക്യൂട്ടീവ്  ഓഫീസര്‍ അറിയിച്ചു. ഇതിനായി ഫീസ് അടയ്‌ക്കേണ്ടതില്ല. ഫോണ്‍: 0481 2585510

കോട്ടയം വയസ്‌കരക്കുന്നിലെ വിദ്യാഭ്യാസ വകുപ്പ് ഓഫീസിനു സമീപം നില്‍ക്കുന്ന  അപകടാവസ്ഥയിലുള്ള വാകമരം ജൂലൈ 17നു രാവിലെ 11ന്  ലേലം ചെയ്യും. പങ്കെടുക്കാന്‍ താത്പര്യമുള്ളവര്‍ 500 രൂപയുടെ നിരത ദ്രവ്യം ലേലദിവസം രാവിലെ 11 നകം കോട്ടയം വിദ്യാഭ്യാസ ഉപഡയറക്ടറുടെ പേരില്‍ ഡിമാന്റ് ഡ്രാഫ്റ്റ് അല്ലെങ്കില്‍ പണമായി ആയി ലഭ്യമാക്കണം. കൂടുതല്‍ വിവരങ്ങള്‍ ഓഫീസില്‍ ലഭിക്കും.

കോവിഡ്-19 പ്രതിരോധ പ്രവര്‍ത്തനങ്ങളുമായി ബന്ധപ്പെട്ട് പട്ടികജാതി-പട്ടികവര്‍ഗ്ഗ-പിന്നാക്കക്ഷേമ-നിയമ-സാംസ്‌കാരിക-പാര്‍ലമെന്ററി കാര്യ വകുപ്പ് മന്ത്രി എ.കെ ബാലന്റെ അധ്യക്ഷതയില്‍ ഇന്ന്(ജൂലൈ 9) രാവിലെ 10 ന് കലക്ടറേറ്റില്‍ അവലോകന യോഗം ചേരുമെന്ന് ജില്ലാ കലക്ടര്‍ ഡി.ബാലമുരളി അറിയിച്ചു. 

പാലക്കാട് സോഷ്യല്‍ ഫോറസ്ട്രി ഡിവിഷന്‍ പരിധിയില്‍ പാലക്കാട് സോഷ്യല്‍ ഫോറസ്ട്രി റെയിഞ്ചിനു കീഴില്‍ വള്ളിക്കോട് ജില്ലാ പെര്‍മനന്റ് നഴ്സറിയിലെ കുളത്തിന് ചുറ്റും ചുറ്റുമതില്‍ നിര്‍മിക്കുന്നതിന്  ഷോര്‍ട്ട് ടെന്‍ഡര്‍ ക്ഷണിച്ചു. ജൂലൈ 17 ന് ഉച്ചയ്ക്ക് 12 വരെടെന്‍ഡര്‍ ഫോറം വിതരണം ചെയ്യും. അന്നേദിവസം വൈകിട്ട് മൂന്നു വരെ ടെന്‍ഡര്‍സ്വീകരിക്കും. 3.30 ന് ടെന്‍ഡര്‍ തുറക്കും. ഫോണ്‍-0491 2555521, 8547603749, 8547603755, 8547603760.

അകത്തേത്തറ  കൃഷിഭവനില്‍ വേരുപിടിച്ച കുരുമുളക് തൈകള്‍ ഒന്നിന് ഏട്ട് രൂപ നിരക്കില്‍ വിതരണം ചെയ്യുന്നു.  താത്പര്യമുള്ളവര്‍ കൃഷിഭവനുമായി ബന്ധപ്പെടണമെന്ന് കൃഷി ഓഫീസര്‍ അറിയിച്ചു, ഫോണ്‍: 0491-2555632

മലമ്പുഴ മണ്ഡലത്തില്‍ കിഫ്ബിയിലുള്‍പ്പെടുത്തി  മയിലാടിപ്പുഴയ്ക്ക് കുറുകെ നിര്‍മ്മിക്കുന്ന മലമ്പുഴ റിങ് റോഡ് പാലം നിര്‍മ്മിക്കുന്നതിന് അംഗീകൃത കരാറുകാരില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ സമര്‍പ്പിക്കേണ്ട അവസാന തിയതി ജൂലൈ 21 വൈകിട്ട് മൂന്ന് വരെ.  ജൂലൈ 24 ന് രാവിലെ 11ന് ടെന്‍ഡര്‍ തുറക്കും.