ജില്ലയിലെ വിവിധ പ്രദേശങ്ങളില്‍ തുടങ്ങിയ ദുരിതാശ്വാസ ക്യാമ്പുകളില്‍ 281 പേരെ മാറ്റിതാമസിപ്പിച്ചു. 116 കുടുംബങ്ങളിലെ  112 പുരുഷ•ാരും 144 സ്ത്രീകളും  25 കുട്ടികളുമാണ് ക്യാമ്പിലുള്ളത്. ആറ് ക്യാമ്പുകളില്‍ നാലെണ്ണം കൊല്ലം താലൂക്കിലും രണ്ടെണ്ണം കരുനാഗപ്പള്ളിയിലുമാണ്.
ഇരവിപുരത്ത് ആരംഭിച്ച സെന്റ് ജോണ്‍സ് എച്ച് എസ് എസില്‍ 31 കുടുംബങ്ങളിലെ 37 പുരുഷ•ാരും 42 സ്ത്രീകളും 14 കുട്ടികളും അടക്കം 93 പേരുണ്ട്.

ജില്ലയില്‍ ഇന്നലെ(ആഗസ്റ്റ് 10) കനത്ത മഴയില്‍ 20 വീടുകള്‍ ഭാഗികമായും ഒരെണ്ണം പൂര്‍ണമായും തകര്‍ന്നു. രണ്ട് കിണറുകള്‍ക്കും നാശമുണ്ടായതില്‍ ആകെ 7.9 ലക്ഷത്തിന്റെ നഷ്ടം കണക്കാക്കി. കൊട്ടാരക്കര താലൂക്കില്‍  ഇന്നലെ മാത്രം ഏഴ് വീടുകളാണ് ഭാഗികമായും ഒരെണ്ണം പൂര്‍ണമായും തകര്‍ന്നത്. ഇവിടെ ഒരു കിണറിനും നാശമുണ്ട്. 5.3 ലക്ഷത്തിന്റെ നാശനഷ്ടം കണക്കാക്കി.

ജില്ലാ ആസൂത്രണ സമിതി യോഗം ഇന്ന്(ആഗസ്റ്റ് 11) ഉച്ചകഴിഞ്ഞ് മൂന്നിന് ഗൂഗിള്‍ മീറ്റ് വഴി ജില്ലാ പഞ്ചായത്ത് ഐ ടി ഹാളില്‍ ചേരും.
(പി.ആര്‍.കെ നമ്പര്‍ 2143/2020)

പട്ടികജാതി വികസന വകുപ്പ് തിരുവനന്തപുരം പ്രസ് ക്ലബുമായി സഹകരിച്ച് പട്ടികജാതി പട്ടികവര്‍ഗ വിഭാഗക്കാര്‍ക്കായി നടത്തുന്ന ഒരു വര്‍ഷത്തെ സൗജന്യ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ ജേര്‍ണലിസം കോഴ്സിലേക്ക് ആഗസ്റ്റ് 20 വരെ അപേക്ഷിക്കാം. യോഗ്യത അംഗീകൃത സര്‍വകലാശാല ബിരുദം. അവസാന വര്‍ഷ ഫലം കാത്തിരിക്കുന്നവര്‍ക്കും അപേക്ഷിക്കാം. ബിരുദ പരീക്ഷ മാര്‍ക്കിന്റെയും ഇന്റര്‍വ്യൂവില്‍ ലഭിക്കുന്ന മാര്‍ക്കിന്റെയും അടിസ്ഥാനത്തില്‍ 30 വിദ്യാര്‍ഥികള്‍ക്കാണ് പ്രവേശനം. പ്രായപരിധി 28 വയസ്. www.icsets.org  യില്‍ അപേക്ഷിക്കാം.

സംസ്ഥാനത്തെ  ഒ ബി സി  വിഭാഗത്തില്‍ ഉള്‍പ്പെട്ട കളിമണ്‍പാത്ര നിര്‍മാണ തൊഴിലാളികള്‍ക്ക് പിന്നാക്ക വിഭാഗ വികസന വകുപ്പ് നല്‍കുന്ന ധനസഹായത്തിന് അപേക്ഷിക്കാം. വാര്‍ഷിക വരുമാനം ഒരു ലക്ഷം രൂപയില്‍ അധികരിക്കരുത്. അപേക്ഷ അനുബന്ധരേഖകള്‍ സഹിതം സെപ്തംബര്‍ 10 നകം മേഖലാ ഡെപ്യൂട്ടി ഡയറക്ടര്‍, പിന്നാക്ക വിഭാഗ വികസന വകുപ്പ്, സിവില്‍ സ്റ്റേഷന്‍, കാക്കനാട്, എറണാകുളം വിലാസത്തില്‍ നല്‍കണം.  അപേക്ഷാഫോമും വിശദ വിവരങ്ങളും www.bcdd.kerala.gov.in  വെബ്‌സൈറ്റില്‍ ലഭിക്കും.  ഫോണ്‍ 0484-2429130.
(പി.ആര്‍.കെ നമ്പര്‍ 2140/2020)

ലഹരി വിരുദ്ധ പ്രവര്‍ത്തനങ്ങള്‍ക്ക് ശക്തി പകരാന്‍ കേന്ദ്ര സാമൂഹ്യ നീതി മന്ത്രാലയം ആരംഭിക്കുന്ന നാശമുക്ത് ഭാരത് ക്യാമ്പയിനിന്റെ ജില്ലാതല ആലോചനാ യോഗം ചേര്‍ന്നു. കൊല്ലം ജില്ലയുള്‍പ്പടെ സംസ്ഥാനത്തെ ആറ് ജില്ലകളിലാണ് ഇത് നടപ്പിലാക്കുന്നത്.

ആരോഗ്യ വകുപ്പിന്റെ പട്ടികജാതി പട്ടികവര്‍ഗക്കാര്‍ക്കുള്ള ആശ്രാമത്തെ നഴ്‌സിംഗ് സ്‌കൂളില്‍ ഒക്‌ടോബറില്‍ ആരംഭിക്കുന്ന ജനറല്‍ നഴ്‌സിംഗ് ആന്റ് മിഡ് വൈഫെറി കോഴ്‌സിലേക്ക് അപേക്ഷിക്കാം.

ഇരവിപേരൂര്‍ ഗ്രാമപഞ്ചായത്തിലെ വാര്‍ഡ് ഒന്ന്, 11, 13, 17, കുറ്റൂര്‍ ഗ്രാമപഞ്ചായത്തിലെ വാര്‍ഡ് എട്ട്, കുറ്റൂര്‍ ഗ്രാമപഞ്ചായത്തിലെ വാര്‍ഡ് ഒന്‍പതില്‍ ഉള്‍പ്പെട്ട തൈമറവുംകര പ്രദേശം, കടമ്പനാട് ഗ്രാമപഞ്ചായത്തിലെ വാര്‍ഡ് 10, പ്രമാടം ഗ്രാമപഞ്ചായത്തിലെ വാര്‍ഡ് 11 എന്നീ സ്ഥലങ്ങളില്‍ ഓഗസ്റ്റ് 10 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.

പമ്പാ ഡാമിന്റെ ആറു ഷട്ടറുകളും വൈകീട്ട് 6.30 ന് അടച്ചതായി ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ കളക്ടറുമായ പി.ബി. നൂഹ് അറിയിച്ചു. പമ്പ ഡാമിലെ ജലനിരപ്പ് 981.77 മീറ്ററില്‍ എത്തിയതിനാലും ഡാമിന്റെ വൃഷ്ടിപ്രദേശത്ത് മഴ കുറവായതിനാലുമാണ് രണ്ട് അടി തുറന്നു വച്ചിരുന്ന ഷട്ടറുകള്‍ അടച്ചത്.