ആലപ്പുഴ:കോവിഡ് മഹാമാരി അതി ജീവനത്തിൽ കേരള ഖാദി ഗ്രാമവ്യവസായ ബോർഡും കൈകോർക്കുന്നു. വൈറസിനെ പ്രതിരോധിക്കുന്നതിനായി കേരള ഖാദി ഗ്രാമവ്യവസായ ബോർഡ് ഖാദി മാസ്‌ക്ക് വിപണിയിലിറക്കി. അണുവിമുക്തമാക്കിയ പരുത്തി തുണി കൊണ്ടുള്ള മാസ്‌ക്കുകളുടെ ഗുണമേന്മ ഇതിനോടകം അംഗീകരിക്കപ്പെട്ടുകഴിഞ്ഞു. ഖാദി മാസ്‌ക്ക്  പ്രകൃതിദത്തവും സംശുദ്ധവും കഴുകി ഇസ്തിരി ഇട്ട് ഉപയോഗിക്കാവുന്നതുമാണ്. ആലപ്പുഴയിലെ ഖാദി ഗ്രാമ സൗഭാഗ്യയിലും , ചേർത്തലയിലെ ഖാദി ഗ്രാമ സൗഭാഗ്യയിലും ഖാദി സൗഭാഗ്യയുടെ കായംകുളം , വെൺമണി , ചാരുംമൂട് എന്നീ വിൽപന ശാലകളിലും ലഭിക്കും.ഫോൺ 0477 2252341 .

പാലക്കാട് ജില്ലാ ആശുപത്രിയുടെ കിഫ്ബി വഴിയുള്ള നവീകരണ പ്രവർത്തനങ്ങൾക്ക് 127.15 കോടി രൂപയുടെ  ഭരണാനുമതി ലഭിച്ചതായി ജില്ലാ പഞ്ചായത്ത് പ്രസിഡൻ്റ് അഡ്വ.കെ.ശാന്തകുമാരി അറിയിച്ചു.  ആറുനില കെട്ടിടമാകും ജില്ലാ ആശുപത്രിയിൽ സജ്ജമാക്കുക. നിലവിലുള്ള സംവിധാനത്തിൻ്റെ പരിമിതികൾ മറികടക്കുന്ന രീതിയിൽ ഒ.പി. ട്രാൻസ്ഫോമേഷൻ, ഐ.പി. സംവിധാനങ്ങൾ, ട്രോമാകെയർ, ഐ.സി.യു, ഓപ്പറേഷൻ തിയേറ്റർ എന്നിവ പുതിയ സംവിധാനത്തിലൂടെ  കുറ്റമറ്റതാക്കും. 

കോവിഡ് 19 ൻ്റെ പശ്ചാത്തലത്തിൽ ജാഗ്രത കണക്കിലെടുത്ത്  എസ്.എസ്.എൽ.സി യൊ മറ്റേതെങ്കിലും  പരീക്ഷയിലൊ  വിജയികളായവരെ അനുമോദിക്കുന്ന പരിപാടികൾ  ബന്ധപ്പെട്ടവർ ഒഴിവാക്കണമെന്ന്  ജില്ലാ കളക്ടർ ഡി. ബാലമുരളി  അറിയിച്ചു. സമ്പർക്ക രോഗവ്യപനം തടയുക  ലക്ഷ്യമിട്ടാണ് ജില്ലാ കലക്ടറുടെ നിർദ്ദേശം.

 കർഷകരുടെ വരുമാനം വർദ്ധിപ്പിക്കുന്ന വിധമുള്ള ശാസ്ത്രീയ കൃഷി രീതികൾ അനിവാര്യമെന്ന് ജലവിഭവ വകുപ്പ് മന്ത്രി കെ. കൃഷ്ണൻകുട്ടി പറഞ്ഞു. വീട്ടിലെ കൃഷിയിൽ പോലും  ശാസ്ത്രീയത കൊണ്ടുവരാൻ കഴിയണമെന്നും മന്ത്രി പറഞ്ഞു.
പെരുവെമ്പ് ഗ്രാമപഞ്ചായത്തിലെ കറുകമണി ലിഫ്റ്റ് ഇറിഗേഷൻ പ്രവർത്തനോദ്‌ഘാടനം നിർവ്വഹിച്ചു സംസാരിക്കുകയായിരുന്നു മന്ത്രി. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  4) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 16 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 25 പേരെ അറസ്റ്റ് ചെയ്തു. ഒരു വാഹനം പിടിച്ചെടുത്തു.  സാമൂഹിക അകലം പാലിക്കാത്തതിന് 12 കേസുകൾ രജിസ്റ്റർ ചെയ്തിട്ടുണ്ട്.

 *മാസ്ക് ധരിക്കാത്ത 209 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 209 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം  പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 176 പേരാണ് ചികിത്സയിലുള്ളത്.  ഇന്ന് (ജൂലായ് 04) ജില്ലയില്‍ 29 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 25 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 21327 സാമ്പിളുകള്‍ പരിശോധനയ്ക്കായി അയച്ചതില്‍ 18963 പരിശോധനാ ഫലങ്ങളാണ് ലഭ്യമായത്. ഇന്ന് 344 പരിശോധനാ ഫലങ്ങളാണ് ലഭിച്ചത്. പുതുതായി 623 സാമ്പിളുകളും അയച്ചു. 587 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 409 പേർ രോഗമുക്തി നേടി. ഇനി 2364 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

 ഓൺലൈൻ പഠന സൗകര്യങ്ങൾ സംബന്ധിച്ച്   വിദ്യാർത്ഥികൾക്ക് പറഞ്ഞു കൊടുക്കാൻ അറിയാത്ത രക്ഷിതാക്കളുടെ  കുട്ടികളെ സഹായിക്കാൻ പ്രദേശത്തെ വിരമിച്ച അധ്യാപകരുടെയും സാമൂഹിക പ്രവർത്തകരുടെയും സേവനം  സ്‌കൂളുകൾ ലഭ്യമാക്കാൻ ശ്രമിക്കണമെന്ന് ജലവിഭവ വകുപ്പ് മന്ത്രി കെ. കൃഷ്ണൻകുട്ടി പറഞ്ഞു.

പാലക്കാട് ജില്ലയിൽ ഇന്ന്(ജൂലൈ നാല്) 13കാരിക്കും ഒരു തമിഴ് നാട് സ്വദേശിക്കുമുൾപ്പെടെ ഉൾപ്പെടെ 29 പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ജില്ലയിൽ ഇന്ന് 44 പേർക്ക് രോഗമുക്തിയുള്ളതായും  അധികൃതർ അറിയിച്ചു.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

*യുഎഇ-11*
അകത്തേത്തറ സ്വദേശി(49 പുരുഷൻ)

എലിമ്പിലാശ്ശേരി സ്വദേശി (29 പുരുഷൻ)

കാരാകുറുശ്ശി സ്വദേശി (35 പുരുഷൻ)

പുതുനഗരം സ്വദേശി (25 പുരുഷൻ)

നല്ലേപ്പിള്ളി സ്വദേശി (27 സ്ത്രീ)

കോവിഡ് 19 ൻ്റെ പശ്ചാത്തലത്തില്‍   വളര്‍ത്തുമൃഗങ്ങള്‍ക്കും ആനകൾക്കും ഖരാഹാരം നല്‍കുന്ന പദ്ധതിയുടെ ജില്ലാതല ഉദ്ഘാടനം ജലവിഭവ വകുപ്പ് മന്ത്രി കെ. കൃഷ്ണൻകുട്ടി ശ്രീകൃഷ്ണപുരം വിജയ് എന്ന ആനയ്ക്ക് ശർക്കരയും പഴവും നൽകി  നിർവ്വഹിച്ചു. ഗവ. മൃഗാശുപത്രിയില്‍   നടന്ന പരിപാടിയിൽ ഷാഫി പറമ്പില്‍ എം.എല്‍.എ അധ്യക്ഷനായി

വനം -വന്യജീവി വകുപ്പ് പാലക്കാട്  മെഡിക്കല്‍ കോളെജ് പരിസരത്ത് സംഘടിപ്പിച്ച വനമഹോത്സ വത്തിന്റെ ജില്ലാതല ഉദ്ഘാടനം
 പട്ടികജാതി-പട്ടികവർഗ്ഗ - പിന്നാക്കക്ഷേമ-നിയമ- സംസ്ക്കാരിക- പാർലമെന്ററികാര്യ വകുപ്പ് മന്ത്രി എ.കെ ബാലൻ ഞാവൽ തൈ നട്ട് നിർവ്വഹിച്ചു. 
 ജില്ലാ കളക്ടർ ഡി. ബാലമുരളി, പാലക്കാട് ഡി.എഫ്.ഒ നരേന്ദ്രനാഥ് വേളൂരി, സി.സി.എഫ് പി.പി.പ്രമോദ്,  ജില്ലാ പോലീസ് മേധാവി ജി.ശിവ വിക്രം, ഡി.എം.ഒ കെ.പി.റീത്ത എന്നിവരും  തൈകൾ നട്ട് പങ്കാളികളായി. മെഡിക്കൽ കോളേജിൽ ഞാവൽ, മാവ്, പ്ലാവ് തുടങ്ങിയ വിവിധ  ഫലവൃക്ഷതൈകൾക്ക് മുൻഗണന നൽകിയാണ് തൈകൾ വെച്ചത്.