കാസര്‍കോട് നിന്ന് ഇതരസംസ്ഥാനങ്ങളിലേക്ക് സര്‍വ്വീസ് നടത്തുന്ന  പഴം, പച്ചക്കറി വാഹനങ്ങള്‍ക്ക് പാസ് നിര്‍ബന്ധമാക്കി. വാഹനത്തിലെ ഡ്രൈവറിനും ക്ലീനറിനുമാണ് പാസ് അനുവദിക്കുക. സര്‍ക്കാര്‍ അംഗീകൃത ആരോഗ്യ കേന്ദ്രത്തില്‍  നിന്ന് ലഭിക്കുന്ന നോണ്‍ കോവിഡ് സര്‍ട്ടിഫിക്കറ്റുള്ളവര്‍ക്ക് മാത്രമേ പാസ് അനുവദിക്കു. ഏഴ് ദിവസമാണ് പാസിന്റെ കാലാവധി. ശേഷം വീണ്ടും പരിശോധന നടത്തി നോണ്‍ കോവിഡ് സര്‍ട്ടിഫിക്കറ്റുമായി പാസിന് അപേക്ഷിക്കണം. പാസിനായി രാവിലെ 10 മുതല്‍ വൈകിട്ട് അഞ്ചുവരെ 04994 255004 എന്ന നമ്പറില്‍ ബന്ധപ്പെടാം.

 ഐ.എച്ച്.ആര്‍.ഡി.യുടെ നിയന്ത്രണത്തിലുള്ള ടെക്‌നിക്കല്‍ ഹയര്‍ സെക്കന്ററി സ്‌കൂളുകളില്‍ പ്ലസ് വണ്‍ പ്രവേശനത്തിന് അപേക്ഷ ക്ഷണിച്ചു. ihrd.kerala.gov.in/thss എന്ന വെബ്‌സൈറ്റിലൂടെയോ താല്‍പര്യമുള്ള സ്‌കൂളുകളില്‍ നേരിട്ടോ അപേക്ഷിക്കാം. അവസാന തീയതി ജൂലൈ 24. വിശദവിവരങ്ങള്‍ക്ക് email: ihrd.itd@gmail.com

 യു.എ.ഇ ആസ്ഥാനമായി പ്രവര്‍ത്തിക്കുന്ന  ജില്ലയിലെ ആശ്രയ ചാരിറ്റബിള്‍ ട്രസ്റ്റ് മുഖ്യമന്ത്രിയുടെ ദുരിതാശ്വാസനിധിയിലേക്ക് ഒരു ലക്ഷം രൂപ സംഭാവന നല്കി.ട്രസ്റ്റ് പ്രസിഡണ്ട് വി.  കുമാരന്‍ മാണിമൂല,  ജോയിന്റ്  സെക്രട്ടറി കണ്ണന്‍ കരുവാക്കോട്  യു.എ.ഇ മാനേജിങ് കമ്മിറ്റി അംഗം ജനാര്‍ദ്ദനന്‍ പുല്ലൂര്‍, ഓഫീസ് ഇന്‍ ചാര്‍ജ് വി. ജനാര്‍ദ്ദനന്‍ നായര്‍ പൊയിനാച്ചി എന്നിവര്‍ കളക്ടറേറ്റില്‍ എത്തി ജില്ലാ കളക്ടര്‍ ഡി. സജിത് ബാബുവിന് തുക കൈമാറി. ഇതിനുമുന്‍പ് പ്രളയ കാലത്തും നിപ്പാ പ്രതിരോധ പ്രവര്‍ത്തനങ്ങള്‍ക്കും മുഖ്യമന്ത്രിയുടെ ദുരിതാശ്വാസനിധിയിലേക്ക് ആശ്രയ സംഭാവനകള്‍ നല്‍കിയിട്ടുണ്ട്. 

നായന്മാര്‍ മൂല ആലംപാടി ഗവണ്‍മെന്റ് ഹയര്‍സെക്കന്ററി സ്‌കൂളില്‍ ഹയര്‍ സെക്കന്ററി വിഭാഗത്തില്‍ ഇക്കണോമിക്‌സ് (സീനിയര്‍), ഇംഗ്ലീഷ് (ജൂനിയര്‍), മലയാളം (ജൂനിയര്‍), വിഷയങ്ങളില്‍ അധ്യാപക ഒഴിവുണ്ട്.  കൂടിക്കാഴ്ച ജൂലൈ 15 ന് രാവിലെ 11 ന് സ്‌കൂളില്‍ നടക്കും.  കൂടുതല്‍ വിവരങ്ങള്‍ക്ക്  04994 255750, 9846116783.

കാസര്‍കോട് ജനറല്‍ ആശുപത്രിയിലെ ടോക്കണ്‍ സംവിധാനം ഡിജിറ്റലായിട്ട് ഒരു മാസക്കാലം പിന്നിടുന്നു. ഓരോ ഒ.പി വിഭാഗത്തിലും ദിവസേന നല്‍കുന്ന 40 ടോക്കണുകളില്‍ 15 എണ്ണമാണ് തുടക്കത്തില്‍ ജി.എച്ച് ക്യൂ ആപ്പിലൂടെ ലഭ്യമാക്കിയത്. ഒരോ ദിവസേത്തേക്കും ആവശ്യമായ ടോക്കണുകള്‍ ആപ്പിലൂടെ രാവിലെ അഞ്ച് മുതല്‍ ലഭ്യമാകും. ഗൂഗിള്‍ അക്കൗണ്ടുള്ള ആര്‍ക്കും എളുപ്പത്തില്‍ കൈകാര്യം ചെയ്യാവുന്ന രീതിയില്‍ കാസര്‍കോട് എല്‍.ബി.എസ് കോളേജിലെ മിടുക്കന്‍മാരാണ് ആപ്പ് ഡിസൈന്‍ ചെയ്തത്. സൗജന്യമായി രൂപകല്‍പ്പന ചെയ്ത ആപ്പിന്റെ പ്രവര്‍ത്തനം ഒരു മാസക്കാലം പിന്നിടുമ്പോള്‍  കോവിഡ് കാലത്തെ ഒരു മികച്ച മാതൃകയാണ്.

കിഫ്ബി ധനസഹായത്തോടെ നിര്‍മ്മിക്കുന്ന ഉദുമ മണ്ഡലത്തിലെ അഞ്ച് വിദ്യാലയങ്ങളുടെ പശ്ചാത്തല സൗകര്യ വികസന നിമ്മാണോദ്ഘാടനം പള്ളിക്കര ജി എം യു പി സ്‌കൂളില്‍ നടന്നു. മുഖ്യമന്ത്രി പിണറായി വിജയന്‍ വിഡിയോ കോണ്‍ഫറന്‍സിലൂടെയാണ് ഉദ്ഘാടനം ചെയ്തത്. കെ. കുഞ്ഞിരാമന്‍ എം എല്‍ എ  മുഖ്യാതിഥിയായിരുന്നു.  ജില്ലാ പഞ്ചായത്ത് സ്റ്റാന്റിങ് കമ്മിറ്റി ചെയര്‍മാന്‍ ഷാനവാസ് പാദൂര്‍ അധ്യക്ഷനായി. പള്ളിക്കര ഗ്രാമപഞ്ചായത്ത് പ്രസിഡണ്ട് പി. ഇന്ദിര ,വൈസ്.പ്രസിഡന്റ് ലത്തീഫ് പൂച്ചക്കാട്  ബേക്കല്‍, എ.ഇ .ഓ കെ.ശ്രീധരന്‍, ബ്ലോക്ക് മെമ്പര്‍ അസൂറാബി റാഷിദ് ,ഗ്രാമപഞ്ചായത്തംഗം കെ.ടി.

പത്തനംതിട്ട ജില്ലയില്‍ കോവിഡ് 19 വ്യാപനം തടയുന്നതുമായി ബന്ധപ്പെട്ട് പത്തനംതിട്ട നഗരസഭയിലെ എല്ലാ വാര്‍ഡുകളും തിരുവല്ല നഗരസഭയിലെ 28, 33 വാര്‍ഡുകളും കുളനട ഗ്രാമപഞ്ചായത്തിലെ 14-ാം വാര്‍ഡും റാന്നി ഗ്രാമപഞ്ചായത്തിലെ ഒന്ന്, രണ്ട് എന്നീ വാര്‍ഡുകളും സംസ്ഥാന ദുരന്തനിവാരണ അതോറിറ്റി കണ്ടെയ്ന്‍മെന്റ് സോണായി  പ്രഖ്യാപിച്ചു.
 

മത്സ്യത്തൊഴിലാളി സമൂഹത്തിന്റെ ഭാവി വികസനം വിദ്യാഭ്യാസ രംഗത്തെ വളർച്ചയിലൂടെ മാത്രമേ സാധ്യമാകുമെന്ന് മുഖ്യമന്ത്രി പിണറായി വിജയൻ പറഞ്ഞു. 56 തീരദേശ സ്‌കൂളുകൾക്ക് പുതിയ കെട്ടിടം നിർമ്മിക്കുന്നതിന്റെ ശിലാസ്ഥാപനം വീഡിയോ കോൺഫറൻസ് വഴി നിർവഹിച്ച് സംസാരിക്കുകയായിരുന്നു അദ്ദേഹം.

കോഴഞ്ചേരി താലൂക്ക് സപ്ലൈ ഓഫിസിലെ ഔദ്യോഗിക വാഹനമായ KL-01 E-8788 നമ്പര്‍ ജീപ്പ് നിലവിലുള്ള അവസ്ഥയില്‍ കോഴഞ്ചേരി താലൂക്ക് സപ്ലൈ ഓഫീസില്‍ ജൂലൈ 22ന് രാവിലെ 11ന് ക്വാട്ടേഷന്‍/ ലേല വ്യവസ്ഥയില്‍ വില്‍പ്പന നടത്തും. ലേലത്തില്‍ പങ്കെടുക്കുവാന്‍ താല്പര്യമുള്ള വ്യക്തികള്‍ക്ക്/ സ്ഥാപനങ്ങള്‍ക്ക് പ്രവര്‍ത്തി ദിവസങ്ങളില്‍ കോഴഞ്ചേരി താലൂക്ക് സപ്ലൈ ഓഫീസറുടെ അനുമതിയോടുകൂടി വാഹനം പരിശോധിക്കാം.