കൊടിയത്തൂരില്‍ കുടുംബശ്രീ പ്രവര്‍ത്തനങ്ങള്‍ക്കായി നിര്‍മ്മിച്ച എഡിഎസ് ഹാള്‍ ഗ്രാമ പഞ്ചായത്ത് വൈസ് പ്രസിഡന്റ് സ്വപ്ന വിശ്വനാഥ് 

ഉദ്ഘാടനം ചെയ്തു.  കുടുംബശ്രീ യോഗങ്ങള്‍ക്കും ഗ്രാമസഭകള്‍ ചേരുന്നതിനും മറ്റുമായാണ് പഞ്ചായത്തിന്റെ നേതൃത്വത്തില്‍ ഹാള്‍ നിര്‍മ്മിച്ചത്.  കൊടിയത്തൂര്‍ ഗോതമ്പ് റോഡില്‍ ആയുര്‍വ്വേദ ആശുപത്രിക്ക് മുകളിലാണ് എഡിഎസ് ഹാള്‍ സ്ഥിതി ചെയ്യുന്നത്. പഞ്ചായത്തിന്റെ പ്ലാന്‍ ഫണ്ടില്‍ നിന്നുമുള്ള 7.5 ലക്ഷം രൂപ വിനിയോഗിച്ചാണ് നിര്‍മാണം പൂര്‍ത്തിയാക്കിയത്.

ഇന്ന് പുതുതായി വന്ന 788 പേര്‍ ഉള്‍പ്പെടെ ജില്ലയില്‍ 17,545 പേര്‍ നിരീക്ഷണത്തിലുണ്ട്്.  ജില്ലയില്‍ ഇതുവരെ 57,401 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്നവരില്‍ 60 പേര്‍ ഉള്‍പ്പെടെ 263 പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 151 പേര്‍ മെഡിക്കല്‍ കോളേജിലും 112 പേര്‍ കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 51 പേര്‍ ഇന്ന് ഡിസ്ചാര്‍ജ്ജ് ആയി.

കോഴിക്കോട് ജില്ലയില്‍ ഇന്ന് (ജൂലൈ 08) 15കോവിഡ് പോസിറ്റീവ്  കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ ഡോ.ജയശ്രീ വി. അറിയിച്ചു.  ഏഴു പേര്‍ രോഗമുക്തരാവുകയും ചെയ്തു.

1.    ഓമശ്ശരി സ്വദേശി (52)-ജൂലൈ 1ന് രാത്രി സൗദിയില്‍ നിന്നും കോഴിക്കോട് വിമാനത്താവളത്തിലെത്തി.  റാപ്പിഡ് ടെസ്റ്റ്  പോസിറ്റീവായതിനെ തുടര്‍ന്ന് വിമാനത്താവളത്തില്‍ സ്രവം പരിശോധനക്കെടുത്തു.  തുടര്‍ന്ന് കുന്ദമംഗലം കൊറോണ കെയര്‍ സെന്ററില്‍ നിരീക്ഷണത്തിലായിരുന്നു. പരിശോധനഫലം പോസിറ്റീവ് ആയതിനെ തുടര്‍ന്ന് ചികിത്സയ്ക്കായി കോഴിക്കോട് എഫ്.എല്‍.ടി.സി യിലേയ്ക്ക് മാറ്റി.

ജില്ലാ ആസൂത്രണ സമിതി യോഗം ജൂലൈ 13 ന് രാവിലെ 11 മണിക്ക് ഡിപിസി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേരും.

കോഴിക്കോട് ഗവ. എഞ്ചിനീയറിങ് കോളേജിലെ സിവില്‍ എഞ്ചിനീയറിംഗ് ഡിപ്പാര്‍ട്ട്മെന്റിലെ മെറ്റീരിയല്‍ ടെസ്റ്റിംഗ് ലാബ് ഉപകരണങ്ങളും ഫര്‍ണീച്ചറുകളും സിവില്‍ ബ്ലോക്കിലേക്ക് മാറ്റുന്നതിന് ക്വട്ടേഷന്‍ ക്ഷണിച്ചു.  അവസാന തീയതി ജൂലൈ 27 ന് രണ്ട്  മണി. ഫോണ്‍ : 0495 2383220, 2383210. വെബ്സൈറ്റ് : www.geckkd.ac.in.

കോഴിക്കോട് ജില്ലയിലെ പൊതു വിദ്യാഭ്യാസ വകുപ്പില്‍ ഫുള്‍ ടൈം ജൂനിയര്‍ ലാംഗ്വേജ് ടീച്ചര്‍ (അറബിക്) എല്‍പിഎസ് എന്‍സിഎ - എസ്‌സി (കാറ്റഗറി നം 173/2018) , എന്‍സിഎ - ഇ/ടി/ബി (കാറ്റഗറി നം 176/2018), എന്‍സിഎ - എല്‍  സി/എ ഐ (കാറ്റഗറി നം 179/2018) തസ്തികകളിലേക്ക് നിലവില്‍ വന്ന എന്‍സിഎ റാങ്ക് പട്ടികകളിലെ മുഴുവന്‍ ഉദ്യോഗാര്‍ത്ഥികളെയും നിയമന ശിപാര്‍ശ ചെയ്തു കഴിഞ്ഞതിനാല്‍ റാങ്ക് പട്ടികകള്‍ റദ്ദാക്കിയതായി ജില്ലാ പിഎസ്‌സി ഓഫീസര്‍ അറിയിച്ചു.  

കോവിഡ് 19 രോഗവ്യാപനം അതിരൂക്ഷമായി തുടരുന്ന പശ്ചാത്തലത്തില്‍ കര്‍ക്കിടക വാവ് പോലെയുളള വിശേഷ ദിവസങ്ങളിലെ ബലിതര്‍പ്പണ ച്ചടങ്ങുകള്‍ക്ക് മലബാര്‍ദേവസ്വം ബോര്‍ഡിന് കീഴിലെ ക്ഷേത്രങ്ങളില്‍ സമ്പൂര്‍ണ്ണ വിലക്കേര്‍പ്പെടുത്തിയതായി ദേവസ്വം ബോര്‍ഡ് കമ്മീഷണര്‍ അറിയിച്ചു.  ആയിരക്കണക്കിന് ഭക്തജനങ്ങള്‍ കൂട്ടമായി എത്തുന്നതു മൂലം കോവിഡ് മാനദണ്ഡങ്ങള്‍ പാലിക്കാന്‍ കഴിയാതിരിക്കുകയും സമൂഹവ്യാപനത്തിന് കാരണമാകുകയും ചെയ്‌തേക്കാമെന്നതിനാലാണ് തീരുമാനം.

സ്മാര്‍ട്ട് ചാലഞ്ച് പദ്ധതിയിലൂടെ പ്രവര്‍ത്തനക്ഷമമാക്കിയ സ്മാര്‍ട്ട് ഫോണുകള്‍ രക്ഷിതാക്കള്‍ക്ക്  കൈമാറി. പൊതുജനങ്ങളില്‍ നിന്ന് ശേഖരിച്ച ഫോണുകള്‍, ടാബ്ലറ്റുകള്‍ എന്നിവ സൗജന്യമായി റിപ്പയര്‍ ചെയ്ത് വിദ്യഭ്യാസ വകുപ്പു വഴി വിദ്യാര്‍ത്ഥികള്‍ക്ക് കൈമാറുന്നതാണ് പദ്ധതി. ജില്ലാ കലക്ടര്‍ സാംബശിവ റാവുവും എഡിഎം റോഷ്‌നി നാരായണനും ചേര്‍ന്ന് 20 ഫോണുകളാണ് കലക്ട്രേറ്റ് പരിസരത്ത് വെച്ച് കൈമാറിയത്. 

നാല് സ്‌കൂളുകളില്‍ 2.85 കോടിയുടെ നിര്‍മാണ പ്രവൃത്തി ഉദ്ഘാടനം ഇന്ന്   (ജൂലൈ 9) 

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ജില്ലയിലെ നാല് സ്‌കൂളുകള്‍ മുഖംമിനുക്കി പുതിയ രൂപത്തില്‍ കുട്ടികളെ സ്വീകരിക്കാനൊരുങ്ങുകയാണ്. കൊയിലാണ്ടി നിയോജക മണ്ഡലത്തിലെ തീരദേശത്തുള്ള നാല് സ്‌കൂളുകളാണ് അന്താരാഷ്ട്ര നിലവാരത്തിലേക്ക് ഉയരുന്നത്.

കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 11 പേര്‍ കൂടി ഇന്നലെ (ജൂലൈ എട്ട്) രോഗമുക്തരായി. രോഗബാധിതരായി 389 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 807 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 1,034 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.